Morgunblaðið - 22.04.2003, Blaðsíða 6
FRÉTTIR
6 ÞRIÐJUDAGUR 22. APRÍL 2003 MORGUNBLAÐIÐ
Hlíðasmári 1-3 – TIL LEIGU
Stórglæsilegt verslunar- og skrifstofuhúsnæði á besta stað í Smár-
anum í Kópavogi. Um er að ræða allt að 8.000 fm. Hvort hús um
sig ca 4.000 fm. Möguleiki á að skipta í minni einingar. Næg bíla-
stæði. Frábært útsýni. Sérlega vönduð og fullbúin sameign.
Allar nánari upplýsingar gefur Andres Pétur eða Ellert Bragi á
skrifstofu.
VERIÐ er að ljúka gerð viðbragðs-
áætlunar hjá Flugfélaginu Atlanta en
hún felst í því að skrifa handbækur
um neyðarviðbrögð félagsins ef kæmi
til flugslyss. Undirbúningur hófst í
fyrrasumar og hefur hann einkum
hvílt á herðum Einars Óskarssonar,
flugöryggisfulltrúa félagsins. „Við er-
um um þessar mundir að ljúka nám-
skeiðum fyrir alla starfsmenn félags-
ins og þá eiga þeir að vita hvað gera
skal ef vél frá okkur ferst en við von-
um auðvitað að þessa kunnáttu þurfi
ekkert okkar að nota,“ segir Einar í
samtali við Morgunblaðið.
Breska fyrirtækið Blake Associat-
es, sem sérhæfir sig í neyðarstjórnun
og hvers konar ráðgjöf á því sviði,
hefur annast undirbúning og nám-
skeiðahald með Einari. Chris
Statham stjórnar verkinu og var síð-
asti hluti þess fólginn í námskeiðum
fyrir stöðvarstjóra Atlanta sem
starfa víðs vegar um heiminn. Þá
hafa þeir einnig séð um námskeið fyr-
ir dótturfyrirtækið í Evrópu, Air Atl-
anta Europe. „Í megindráttum felst
áætlun sem þessi í því að eiga hand-
bækur um hvernig hver og einn
starfsmaður á að bregðast við þegar
neyðartilvik koma upp og æfa við-
brögðin á námskeiðum,“ segir Chris
Statham.
Neyðarmiðstöð í Mosfellsbæ
„Starfið er þannig skipulagt að
útbúið hefur verið herbergi með
ákveðnum búnaði hér í fyrirtækinu
sem verði neyðarmiðstöð þaðan sem
öllum neyðarviðbrögðum er stjórnað
og fylgst með framvindu mála hvar í
heiminum sem atburður kann að
verða. Þangað koma ákveðnir starfs-
menn þegar slík tilvik koma upp og
aðrir fá ekki aðgang.“ Einar segir að
þetta atriði sé mjög mikilvægt því frá
neyðarmiðstöðinni sé öllum við-
brögðum stjórnað enda geti það skipt
sköpum fyrir áframhaldandi starf-
semi fyrirtækisins að brugðist sé rétt
við í neyðartilvikum. Bendir hann
einnig á að lykilmenn í neyðarmið-
stöðinni séu ekki úr hópi fram-
kvæmdastjórnar fyrirtækisins því
þeir eigi fullt í fangi með að stjórna
annarri starfsemi fyrirtækisins
áfram við slíkar aðstæður. Skipulögð
hafa verið þrjú teymi sem geta tekið
að sér stjórn neyðarmiðstöðvarinnar
og síðan segir Chris menn kallaða úr
leyfum eftir því sem þörf krefði sem
yfirleitt væri strax því manna yrði
miðstöðina allan sólarhringinn fyrstu
dagana eftir að slys verður.
Í næsta herbergi við neyðarmið-
stöðina er aðsetur þeirra sem senda
út upplýsingar um það sem gerst hef-
ur til fjölskyldna, yfirvalda og fjöl-
miðla og sagði Chris Statham mik-
ilvægt að allar upplýsingar sem hægt
væri að miðla strax færu fljótt út.
Hann sagði stjórnendur neyðarmið-
stöðvarinnar ákveða hvað hægt væri
að upplýsa en upplýsingamiðstöðin
sæi síðan um að koma fréttum áfram.
Benti hann einnig á að fyrir flug-
félagið væri mikilvægt að t.d. allir
fjölmiðlar fengju sömu upplýsingar,
ekki væri hægt að sinna hverjum og
einum sérstaklega eða veita viðtöl
nema t.d. á sameiginlegum fundum
með fjölmiðlum. Má í þessu sambandi
nefna að tilbúin er sérstök vefsíða
Atlanta að ljúka við
gerð neyðaráætlunar
Morgunblaðið/Árni Sæberg
Chris Statham og Einar Óskarsson fara yfir gögn vegna áætlunarinnar.
ÞEGAR sólin hækkar á lofti og
náttúran lifnar af vetrardvalanum
kætast menn og málleysingjar og
bregða gjarnan á leik í vorblíðunni.
Þeir félagar Adam og Kátur eru
engin undantekning frá því, en
fréttaritari rakst á þá í Kjósinni á
dögunum, þar sem þeir léku „knatt-
spyrnu“ af mikilli innlifun. Kátur er
mikill áhugahundur um knattleiki
og veit fátt skemmtilegra en gelta
og „trýna“ (sbr. skalla) fótbolta.
Sýnir hann oft góð tilþrif við þessa
iðju sína. Aðspurður kvaðst Adam
halda með Manchester United.
Morgunblaðið/Finnur
Hunda-
kúnstir með
knöttinn
Tálknafirði. Morgunblaðið.
VEGAGERÐIN hefur til skoðunar
tillögur að nýjum veglínum fyrir
botni Hrútafjarðar um Staðarskála
og Brúarskála.
Einkum eru tveir
kostir inni í mynd-
inni, annars vegar
að breikka einbreiða
brú á Síká og
byggja nýja brú yfir
Hrútafjarðará og
hins vegar að færa
vegarstæðið niður
fyrir Staðarskála og
yfir fjarðarbotninn
með einni nýrri brú
og upp á Djúpveg,
skammt fyrir sunn-
an Selá. Ein hug-
myndanna er að
leggja þjóðveginn
upp á Holtavörðu-
heiði yfir núverandi athafnasvæði
Brúarskála og fjarlægja mannvirk-
in þar, en þess má geta að eigendur
þessara veitingaskála sameinuðust
nýlega í eitt rekstrarfélag, Stað-
arskála ehf.
Vegagerðin hefur látið gera sam-
anburðarskýrslu um þessar veg-
línur og hefur hún verið til skoð-
unar hjá sveitarfélögunum á svæð-
inu, Húnaþingi vestra og Bæjar-
hreppi í Strandasýslu, og eigendum
veitingaskálanna. Báðar veglínurn-
ar eru í samræmi við gildandi
skipulag Húnaþings vestra.
Kostnaður 200–300 milljónir
Að sögn Einars Gíslasonar, deild-
arstjóra Vegagerðarinnar á Sauð-
árkróki, hefur ekki verið tekin
ákvörðun um veglínu en unnið verð-
ur að nánari útfærslu á leiðinni fyr-
ir neðan Staðar-
skála. Telur
Vegagerðin ekki
ástæðu til að setja
framkvæmdina í
mat á umhverfis-
áhrifum, að sögn
Einars.
Kostnaður er í
skýrslunni metinn
frá rúmum 200
milljónum til tæpra
300 milljóna króna.
Ódýrust er svonefnd
Hrútatunguleið, þ.e.
eftir núverandi vegi
og með breikkun
Síkárbrúar og brú-
arsmíði á Hrúta-
fjarðará. Vegtæknilega séð telur
Vegagerðin þá leið sísta. Mesti
kostnaðurinn, 292 milljónir, er við
eina af fjórum útfærslum á leiðum
yfir Hrútafjarðarbotn. Þar af
myndi brúarsmíði á Hrútafjarðará
og Ormsá kosta 140 milljónir og ný-
bygging vega um 120 milljónir.
Þessi leið er að mati Vegagerð-
arinnar best, vegtæknilega séð.
Stytting hringvegarins er óveru-
leg með þessum framkvæmdum en
hins vegar gæti leiðin milli Norður-
lands og Vestfjarða styst um tæpa
sex kílómetra ef Hrútafjarðarbotns-
leið yrði valin. Segir í skýrslunni að
samskipti íbúa Húnaþings vestra og
Bæjarhrepps hafi aukist undanfarin
ár og vegstyttingin muni skipta
töluverðu máli til að auka þau sam-
skipti enn frekar. Þá eru nýir vegir
og afsetning einbreiðrar Síkárbrúar
talin draga úr slysahættu en á ár-
unum 1996–2001 urðu 23 umferð-
arslys á þessum hluta hringveg-
arins um Hrútafjörð, þar af eitt
banaslys við Hrútafjarðará og tíu
slys við Síkárbrú.
Nýr veitingaskáli byggður?
Kristinn Guðmundsson, fram-
kvæmdastjóri Staðarskála ehf., seg-
ir að hugmyndir Vegagerðarinnar
séu til skoðunar hjá fyrirtækinu og
í samráði við sveitarfélögin. Ekki sé
tímabært að taka afstöðu til þeirra
að svo stöddu.
Kristinn segir að verði sú leið
farin að færa hringveginn niður fyr-
ir Staðarskála og yfir Hrútafjarð-
arbotn komi það til alvarlegrar
skoðunar að reisa nýjan veitinga-
skála við ný vegamót hringvegar og
Djúpvegar handan fjarðarins. Nú-
verandi veitingaskálar á Stað og í
Brú yrðu því aflagðir ef til þessa
kæmi.
Hugmynd um
breyttan veg í
Hrútafirði
Ein hugmyndin gerir ráð fyrir að
Brúarskáli verði fjarlægður
$ &
' (
$
2
!*
TVEIR vélsleðamenn sem leitað var
að á laugardag fundust heilir á húfi í
skála við Álftavatn á laugardags-
kvöld. Mennirnir höfðu ekki skilað
sér úr dagsferð í Álftavatn og Hrafn-
tinnusker sem þeir héldu í deginum
áður. Leitin að mönnunum hófst um
hádegisbil á laugardag og tóku um 50
björgunarsveitarmenn þátt í leitinni.
Þyrla Landhelgisgæslunnar, TF-
SIF, var kölluð út en áhöfn hennar
fann mennina þar sem þeir höfðust
við í skálanum. Vélsleðar mannanna
höfðu bilað en þeir voru sjálfir heilir
heilsu. Mennirnir voru fluttir til
byggða á snjóbíl aðfaranótt sunnu-
dagsins en sleðarnir voru skildir eftir
við Álftavatn þar sem færi var erfitt
og snjókrapi yfir öllu.
Vélsleðamenn
fundust
heilir á húfi
MJÓLKURFÉLAG Reykjavíkur,
MR, hefur ekki tekið afstöðu til þess
hvort gengið verður að tilboði kjúk-
lingabúsins Móa um greiðslu 30%
skulda sem falla undir nauðsamning.
Stjórnarformaður MR segir að
eftir sé að greiða atkvæði um nauða-
samninga og þá komi í ljós hvort
þeiri verði samþykktir eða ekki og
hvort MR afskrifi 70% af skuldum
Móa við félagið. „Það hefur ekki ver-
ið tekin endanleg afstaða hjá MR um
samþykki eða synjun á nauðasamn-
ingnum sjálfum þegar hann verður
tekinn fyrir en það verður ekki gert
fyrr en um mánaðamótin maí–júní,“
segir Hörður Harðarson, stjórnar-
formaður MR.
Hörður segir það ekki launungar-
mál að erfið staða hjá kjötframleið-
endum komi við afkomu félagsins.
Hjá MR séu menn stöðugt vakandi
yfir greiðslustöðu viðskiptavina
sinna enda sé fóðursala hjá MR að
stærstum hluta til mjólkurframleið-
enda og kjötframleiðenda, fyrst og
fremst í svína og alikjötsframleiðslu.
Hann segir félagið þó sterkt og með
þokkalega eiginfjárstöðu. „Málið nú
snýst um að vinna sig út úr þessu og
koma hlutunum í þann farveg að það
sé viðunandi rekstrargrundvöllur
fyrir kjötframleiðsluna og þá um leið
fyrir þau fyrirtæki sem þjónusta
kjötframleiðendur. Þetta hangir
auðvitað allt saman.“
MR fylgist með skuld-
um framleiðenda