Morgunblaðið - 22.04.2003, Blaðsíða 10

FRÉTTIR
10 ÞRIÐJUDAGUR 22. APRÍL 2003 MORGUNBLAÐIÐ
Á BILINU 57–58% hjóna fengju
meiri skattalækkun ef 17,5 millj-
örðum væri varið til þess að hækka
skattleysismörk um 21.000 kr. á
mánuði en ef skatthlutfall væri
lækkað um 4% að óbreyttum per-
sónuafslætti. Sömu sögu er að
segja um 79–80% einstaklinga.
Skurðpunkturinn hjá hjónum er við
5,2 milljónir í árstekjur og hjá ein-
staklingum við 2,7 milljónir í árs-
tekjur. Lækkun skatthlutfalls hefði
aftur á móti í för með sér mun
meiri skattalækkun í krónum talið
hjá þeim tekjuhæstu en hjá öðrum
tekjuhópum.
Þetta er meðal þess sem kemur
fram í fréttatilkynningu sem Sam-
fylkingin hefur sent fjölmiðlum
vegna umræðu um áhrif tillagna
Sjálfstæðisflokks og Samfylkingar í
skattamálum.
Í framhaldi af þeirri umræðu
óskaði Ingibjörg Sólrún Gísladóttir
eftir því við ríkisskattstjóra að
skoðað yrði hvernig mismunandi
leiðir til skattalækkunar kæmu út
ef stærðargráða breytinganna væri
sambærileg, þ.e. ekki væru bornar
saman hækkun skattleysismarka
sem kosta myndi níu milljarða, eins
og Samfylkingin hefur lagt til, og
lækkun skatthlutfallsins um 4%,
eins og sjálfstæðismenn hafa lagt
til, sem kosta myndi 17 milljarða
króna.
Í bréfi til ríkisskattsjóra gerir
Ingibjörg Sólrún athugasemd við
það að fjármálaráðherra hafi fengið
afrit af öllum útreikningum sem
gerðir eru fyrir Samfylkinguna í
skattamálum, bæði þeim sem gerð-
ir voru til undirbúnings stefnumót-
unar á hennar vegum og eins þeim
sem gerðir voru til þess að meta
hvernig hefði mátt útfæra 17 millj-
arða skattalækkun Sjálfstæðis-
flokksins með mismunandi hætti.
„Hlýt ég að vekja athygli á þeim
aðstöðumun sem í því felst að for-
maður Sjálfstæðisflokksins, í krafti
stöðu sinnar sem forsætisráðherra,
getur látið embætti ríkisskattstjóra
vinna fyrir sig útreikninga án þess
að þeir berist stjórnarandstöðunni í
hendur en trúnaðarmenn Samfylk-
ingarinnar mega búa við það að all-
ir útreikningar sem þeir óska eftir
fari sjálfkrafa í hendurnar á vara-
formanni Sjálfstæðisflokksins
vegna stöðu hans sem fjármálaráð-
herra,“ segir m.a. í bréfi Ingibjarg-
ar til ríkisskattstjóra.
Mætti hækka skattleys-
ismörk um 21 þús. kr.
Ingibjörg Sólrún
gagnrýnir ríkis-
skattstjóra
LÖGREGLAN í Reykjavík hafði í
gærmorgun afskipti af konu um tví-
tugt sem hafði klifrað upp í bygg-
ingarkrana, sem er staðsettur í Að-
alstræti. Konan hafði klifrað efst
upp í kranann þegar lögregla,
sjúkrabíll og slökkvilið komu á
staðinn um klukkan sex í gærmorg-
un.
Konan var farin að fikra sig niður
á ný en ákveðið var að stöðva hana
og bíða eftir körfubíl frá slökkvilið-
inu, sem flutti hana niður. Sam-
kvæmt upplýsingum lögreglu slapp
konan ómeidd frá uppátæki sínu.
Klifraði
upp í krana
UMBOÐSMAÐUR Alþingis og
Stofnun stjórnsýslufræða og stjórn-
mála munu í lok mánaðarins standa
fyrir námskeiði
þar sem farið
verður yfir rétt-
arreglur og máls-
meðferð innan
stjórnsýslunnar.
Námskeiðið er
haldið í samvinnu
við Endurmennt-
un Háskóla Ís-
lands en umsjón
með því hefur Ró-
bert R. Spanó, lektor við lagadeild
HÍ og aðstoðarmaður umboðsmanns
Alþingis.
Róbert Spanó segir að námskeiðið
sé fyrst og fremst ætlað ólöglærðu
starfsfólki stjórnsýslunnar en þar
verði farið í gegnum reglur stjórn-
sýslulaganna frá 1993 og aðrar þær
reglur stjórnsýsluréttarins sem gera
kröfur til málsmeðferðar í stjórn-
sýslunni. „Það er grundvallaratriði
að starfsmenn stjórnsýslunnar séu
sér meðvitandi um þessar reglur en
ætlunin er að veita þeim innsýn í
þetta sem til þess hafa áhuga og telja
það nauðsynlegt fyrir sitt starf,“
segir Róbert.
Fræðsla um hinar almennu
leikreglur aukin
Róbert segir að umboðsmaður Al-
þingis, Tryggvi Gunnarsson, hafi í
gegnum tíðina lagt á það mikla
áherslu að fræðsla um hinar al-
mennu leikreglur stjórnsýslunnar sé
aukin og að ólöglærðir starfsmenn
hafi vald á þeim reglum sem þeir
þurfa að fylgja í sínum störfum. „Ég
held að það sé mjög mikilvægt að hið
opinbera nýti sér svona námskeið til
þess að uppfræða fólk sitt vegna
þess að öll starfsemi hins opinbera er
lögbundin, hún þarf að fara fram í
samræmi við lög og má ekki brjóta í
bága við lög. Það er nauðsynlegt að
starfsmenn sem koma að slíkum
málum, hvort sem er að undirbún-
ingi eða ákvarðanatöku, séu sér
mjög meðvitandi um þær kröfur sem
þessi lög gera,“ segir Róbert. Nám-
skeiðið verður haldið dagana 28. til
30. apríl og nánari upplýsingar er
hægt að nálgast á vefslóðinni
www.endurmenntun.hi.is/stjorn-
sysla.
Boðið upp á
námskeið í stjórn-
sýslulögum
Róbert R.
Spanó
SAMFYLKINGIN mun standa fyrir
tónleikum á Hótel Borg annað kvöld,
miðvikudagskvöld, undir yfirskrift-
inni: Bráðum kemur betri tíð. Meðal
þeirra sem fram koma eru Stuð-
menn, Bubbi Morthens, Botnleðja
og Tómas R. Einarsson. Í fréttatil-
kynningu segir að með tónleikunum
vilji tólistarmennirnir vekja athygli
á því sem betur megi fara í íslensku
tónlistarlífi, m.a. því að virðisauka-
skattur á geisladiskum verði lækk-
aður. Hótel Borg verður öllum opin á
meðan húsrúm leyfir og aðgangur er
ókeypis.
Vortónleikar
Samfylking-
arinnar
♦ ♦ ♦
TÚLKANIR menntamálaráðuneyt-
isins og Þorfinns Ómarssonar, fyrr-
verandi forstöðumanns Kvikmynda-
sjóðs Íslands, á nýjum lögum um
Kvikmyndamiðstöð Íslands virðast
stangast algerlega á. Starfsskil for-
stöðumanns eru nú til athugunar hjá
Ríkisendurskoðun að beiðni mennta-
málaráðuneytisins, þ.m.t. 22 milljóna
króna úthlutun Þorfinns til kvik-
myndar Hrafns Gunnlaugssonar eft-
ir smásögu Davíðs Oddssonar.
Tómas Ingi Olrich menntamála-
ráðherra segir að Þorfinnur hafi
fengið fyrirmæli frá menntamála-
ráðuneytinu, þar sem honum hafi
verið bent á að ekki væru fyrir hendi
lagaleg skilyrði til úthlutunar fjár úr
sjóðnum. „Þorfinni var tilkynnt að
honum væri ekki heimilt að veita
styrki úr sjóðnum. Hann fékk fyr-
irmælin og staðfesti móttöku þeirra
en fór ekki að þeim,“ segir mennta-
málaráðherra.
Óttast ekki athugun
Ríkisendurskoðunar
Þorfinnur segist ekki óttast skoð-
un Ríkisendurskoðunar á störfum
sínum síðustu vikurnar sem hann
gegndi starfi framkvæmdastjóra
Kvikmyndasjóðs og fyrir liggi að
hann hafi ekki farið út fyrir valdsvið
sitt sem skýrt sé kveðið á um í nýjum
lögum um Kvikmyndamiðstöð Ís-
lands. Þorfinnur segist hins vegar
hafa gert sér vonir um að geta yf-
irgefið Kvikmyndasjóð í sátt og friði
úr því sem komið var og það sé ekki
að hans ósk að þetta mál sé nú komið
í hámæli í fjölmiðlum.
Menntamálaráðherra segir að eðli
málsins samkvæmt muni hvorki
hann né aðrir í menntamálaráðu-
neytinu ræða málið opinberlega fyrr
en skýrsla Ríkisendurskoðunar ligg-
ur fyrir.
Tómas Ingi segir fyrirmæli ráðu-
neytisins til Þorfinns hafa verið
byggð á 7. grein laganna um Kvik-
myndamiðstöð Íslands en þar sé
kveðið á um að forstöðumaður Kvik-
myndamiðstöðvar Íslands taki end-
anlega ákvörðun um veitingu fjár-
stuðnings úr sjóði til undirbúnings,
framleiðslu og dreifingar íslenskra
kvikmynda. Síðan fylgi grein sem
segi hvaða forsendur þurfi að vera til
staðar til þess að forstöðumaður geti
tekið slíka ákvörðun. Í henni sé m.a.
tekið fram að í reglugerð, sem
menntamálaráðherra setji að feng-
inni umsögn Kvikmyndaráðs, skuli
kveðið á um skilyrði fyrir framlögum
úr sjóðnum, með styrkjum, lánum
eða veitingu tímabundinna vilyrða
fyrir stuðningi. Jafnframt skuli sett
ákvæði m.a. um undirbúning úthlut-
unar og greiðslur úr sjóðnum. Að
mati ráðuneytisins hafi forsendur
fyrir úthlutun Þorfinns ekki verið
fyrir hendi.
Í reynd ekki ný úthlutun
Aðspurður segir Þorfinnur að
menntamálaráðuneytið hafi látið í
ljós þá skoðun að það vildi ekki nýjar
úthlutanir á því breytingaskeiði sem
stæði yfir hjá Kvikmyndasjóði í upp-
hafi ársins. „Ég leit ekki á þetta sem
nýja úthlutun enda hafði umsókn
Hrafns fengið þróunarstyrk og
myndin var búin að vera á „stutt-
lista“ hjá okkur og hafði komið til
álita við endurúthlutun síðasta sum-
ar. Það frestuðust verkefni þannig
að það var til næg fjárveiting frá
fyrra ári.“
Þorfinnur segist hafa leitað eftir
lögfræðiáliti og það hafi verið mjög
skýrt og afdráttarlaust að honum
væri úthlutunin heimil. „Ég bar álit-
ið svo raunar undir annan hæstarétt-
arlögmann til öryggis og hann var al-
veg sama sinnis. Í lögunum er skýrt
kveðið á um það að forstöðumaður
Kvikmyndamiðstöðvarinnar taki
endanlega ákvörðun um veitingu fjár
úr Kvikmyndasjóði.“
Þorfinnur segist alls ekki hafa
misnotað það vald sem hann hafði
enda hafi ekki verið svo að hann hafi
tæmt sjóði stofnunarinnar. „Ég tók
bara ákvörðun um mál sem lá á að af-
greiða og leit á það sem mína emb-
ættisskyldu að gera það.“
Þorfinnur segir 22 milljóna króna
úthlutun til kvikmyndar Hrafns hafa
byggst á faglegum grunni. „Í fyrra,
þegar mynd Hrafns fékk ekki styrk,
var eins og menn sumir túlkuðu það
á þann veg að myndin gæti aldrei
fengið styrk og jafnvel að ég væri
sérstaklega mikið á móti myndinni.
Þetta er fjarri sanni. Þó að mynd
Hrafns hafi ekki fengið styrk í jan-
úar í fyrra var hún nálægt því og var
á „stuttlista“ hjá okkur. Síðan
breyttust forsendur þegar Hrafn
ákvað að gera myndina á einfaldari
og mun ódýrari hátt þannig að
kostnaðurinn var aðeins þriðjungur
af því sem upphaflega var gert ráð
fyrir. Þá leit umsóknin auðvitað allt
öðruvísi út og styrkurinn sem hann
fékk nú úr sjóðnum var því aðeins
þriðjungur af því sem hann bað upp-
haflega um.“
Ríkisendurskoðun
skoðar starfsskil
forstöðumanns
SKRÁNINGARFRESTUR í
Davis-lesblindugreiningu og
-námskeið sem haldin verða í
maí rennur út miðvikudags-
kvöldið 23. apríl, að því er
fram kemur á heimasíðunni
lesblind.com.
Axel Guðmundsson les-
blindufræðingur kennir á
námskeiðinu en einnig munu
nokkrir erlendir Davis-leið-
beinendur verða með honum
og bjóða Íslendingum upp á
greiningu og leiðréttingu í
framhaldinu. Leiðrétting hjá
erlendum leiðbeinendum er
hugsuð sem bráðabirgða
lausn til að sinna mestu þörf-
inni þar til búið er að mennta
íslenska Davis-leiðbeinendur.
Áhugasömum er bent á að
skrá sig á heimasíðunni les-
blind.com.
Skráning í
Davis-les-
blindu-
greiningu