Morgunblaðið - 22.04.2003, Blaðsíða 33
ÍÞRÓTTIR
MORGUNBLAÐIÐ ÞRIÐJUDAGUR 22. APRÍL 2003 33
Eiður Smári var í byrjunarliðiChelsea á nýjan leik og hann
þakkaði traustið með því að opna
markareikning Lundúnarliðsins
þegar hann nýtti sér mistök í vörn
Everton og skoraði 10. mark sitt í
úrvalsdeildinni á leiktíðinni.
„Sigurinn var geysilega mikil-
vægur þar sem við töpuðum dýr-
mætum stigum á móti Aston Villa.
Við stefnum leynt og ljóst að
meistaradeildarsæti en þrátt fyrir
að við séum í þriðja sætinu í dag er
mikið verk óunnið,“ sagði Hass-
elbaink, eftir leikinn. Chelsea hef-
ur 63 stig í þriðja sæti, Newcastle
62 og Liverpool 61 en tvö þessara
liða komast í Meistaradeildina að
ári. Newcastle varð að gera sér
jafntefli að góðu á móti Aston Villa
á St.James Park, 1:1
Liverpool komst í hann krappan
á heimavelli gegn Charlton en tvö
mörk á síðustu 5 mínútum leiksins
tryggðu Liverpool sigurinn. Sami
Hyypia að jafnaði leikinn og á
lokamínútunni skoraði Steven
Gerrard. „Þetta var ekki góð
frammistaða af okkar hálfu en við
náðum að knýja fram sigur undir
lokin og þar með eigum við enn
möguleika á að ná sæti í meist-
aradeildinni sem er okkar mark-
mið,“ sagði Gerard Houllier, stjóri
Liverpool.
Góðir sigrar toppliðanna
Í baráttunni um meistaratitilinn
hafði United betur á móti Black-
burn á Old Trafford, 3:1, og Arsen-
al vann Middlesbrough, 2:0.
„Ég var ánægður með úrslitin en
heldur óhress með að við skyldum
ekki skora fleiri mörk. Við misnot-
uðum mörg upplögð færi auk þess
sem markvörður þeirra var vel á
verði,“ sagði Alex Ferguson, stjóri
United, eftir sigur sinna manna á
Blackburn en United hefur þriggja
stiga forskot á Arsenal en hefur
leikið einum leik fleira. Paul Schol-
es skoraði tvö marka United eftir
að Ruud Van Nistelrooy hafði
skorað fyrsta markið. Spænski
markvörðurinn Ricardo leysti Fab-
ien Barthez af hólmi í hálfleik en
Frakkinn varð fyrir minniháttar
meiðslum. Ricardo var ekki lengi
að láta að sér kveða. Hann braut á
Andy Cole innan teigs en tókst að
bjarga sé fyrir horn með því að
verja vítaspyrnu Davids Dunn.
„Það átti að reka markvörðinn útaf
og ég er handviss um að okkar
markvörður hefði fengið að fjúka
útaf fyrir sams konar brot,“ sagði
Graeme Souness, stjóri Blackburn.
Frakkarnir Sylvain Wiltord og
Thierry Henry tryggðu meisturum
Arsenal sigurinn á Middlesbrough
með mörkum í síðari hálfleik.
„Þetta verður barátta allt til loka
og ég held að bæði við og Man-
chester United líti þannig á að liðin
þurfi að vinna þá leiki sem þau eiga
eftir,“ sagði Arsene Wenger,
knattspyrnustjóri Arsenal.
Guðni Bergsson lék að vanda í
vörn Bolton sem nældi sér í dýr-
mætt stig gegn Blackburn.
Eiður kom
Chelsea á
bragðið
EIÐUR Smári Guðjohnsen skoraði fyrsta mark Chelsea þegar liðið
vann öruggan sigur á Everton, 4:1, í ensku úrvalsdeildinni í knatt-
spyrnu í gær og með sigrinum skaust Chelsea upp fyrir Newcastle í
þriðja sæti deildarinnar. Toppliðin, Manchester United og Arsenal,
áttu bæði frí í gær en bæði unnu góða sigra á laugardaginn og fram
undan er harður slagur þessara risa um enska meistaratitilinn.
Reuters
John Terry tekur hér utan um Eið Smára Guðjohnsen og fagnar
honum eftir að Eiður Smári hafði komið Chelsea yfir á móti
Everton á Stamford Bridge í gær.
KEFLAVÍK og ÍBV tryggðu sér
sæti í 8 liða úrslitum deildarbik-
arkeppni KSÍ um páskahelgina.
Keflvíkingar höfðu betur á móti Ís-
landsmeisturum KR og ÍBV vann
stórsigur á FH-ingum.
Eskfirðingurinn Stefán Gíslason
skoraði eina mark leiksins í 1:0
sigri Keflavíkur á KR. Stefán, sem
lék með KR sumarið 1998, skoraði
markið á 27. mínútu og Keflvík-
ingar komust með sigrinum á topp
A-riðilsins og eiga sæti víst í 8 liða
úrslitunum en KR-ingar þurfa að
stóla á að ÍA og Þór tapi stigum til
að eygja möguleika á komast
áfram. Sigurvin Ólafsson, KR, fékk
að líta rauða spjaldið stundarfjórð-
ungi fyrir leikslok og þegar
skammt var til leiksloka fékk Zoran
Daníel Ljubicic, Keflavík, reisu-
passann.
ÍBV bustaði FH, 7:0, þar sem FH-
ingar tefldu fram ungum og
óreyndum leikmönnum, flestum úr
2. flokki, á meðan Eyjamann voru
með nokkuð sterkt lið og sterkara
en þjálfarar liðanna höfðu gert
samkomulag um tefla fram fyrir
leikinn. Félögunum var synjað um
frestun á leiknum hjá KSÍ en ein-
hver misskilningur virðist hafa ver-
ið í boðun leikmanna hjá ÍBV því
Eyjamenn mættu vel mannaðir til
leiks en FH-ingar með 2. flokks
leikmenn eins og áður segir og voru
forráðamenn Hafnarfjarðarliðsins
ekki sáttir við framkomu Eyja-
manna.
„Þetta eru óheilindi af hálfu
þjálfara ÍBV. Þetta var ekki sem
um var samið,“ sagði Ólafur Jó-
hannesson, þjálfari FH, við Morg-
unblaðið. „Það varð einhver mis-
skilningur varðandi boðun og því
þurfti ég að kalla á menn úr aðallið-
inu sem ég hafði áður gefið frí,“
sagði Magnús Gylfason, þjálfari
ÍBV.
Mörk Eyjamanna skoruðu Stein-
grímur Jóhannesson, Unnar Hólm
Ólafsson og Einar Hlöðver Sigurðs-
son tvö mörk hver og Bjarni Geir
Viðarsson skoraði eitt.
Keflavík og ÍBV
í 8 liða úrslit
RÓBERT Gunnarsson hefur fram-
lengt samning sinn við danska úr-
valsdeildarliðið Århus GF, en með
liðinu leikur einnig Þorvarður
Tjörvi Ólafsson.
PATREKUR Jóhannesson skoraði
6 mörk og var markahæstur í liði
Essen sem gerði jafntefli við Ham-
burg, 26:26, í þýsku 1. deildinni í
handknattleik um helgina. Guðjón
Valur Sigurðsson skoraði 3 mörk.
RÓBERT Julian Duranona skor-
aði 6 mörk fyrir Wetzlar og Róbert
Sighvatsson 4 þegar liðið vann góð-
an útisigur á Eisenach, 33:29.
ÓLAFUR Stefánsson skoraði 4
mörk fyrir Magdeburg og Sigfús
Sigurðsson 1 í sigri liðsins á Gumm-
ersbach á útivelli, 34:31.
JÓHANN B. Guðmundsson og
Helgi Sigurðsson skoruðu mörk Lyn
sem tapaði 3:2 á útivelli gegn Bodö/
Glimt í norsku úrvalsdeildinni í
knattspyrnu í gær. Jóhann kom Lyn
yfir í fyrri hálfleik en heimamenn
skoruðu næstu þrjú mörk leiksins
áður en Helgi skoraði fyrir Lyn.
TRYGGVI Guðmundsson skoraði
eitt mark fyrir Stabæk sem vann
Odd/Grenland á heimavelli, 4:1.
Tryggvi misnotaði vítaspyrnu og
átti þátt í einu marka liðsins.
ÓLAFUR Stígsson og Bjarni Þor-
steinsson voru bakverðir í vörn
Molde sem lagði Lilleström að velli í
Molde, 4:0, en staðan í hálfleik var
3:0. Indriði Sigurðsson og Gylfi Ein-
arsson voru í liði Lilleström.
HARALDUR Ingólfsson skoraði í
sigurleik Raufoss, 2:1, úr vítaspyrnu
í norsku 1. d. gegn Fredrikstad,
GUÐNI Bergsson stóð vaktina vel
í vörn Bolton sem vann sigur á West
Ham, 1:0, á laugardaginn.
JÓHANNES Karl Guðjónsson
varð að yfirgefa völlinn eftir 14 mín-
útur í leik Aston Villa og Chelsea á
Villa Park þar sem heimamenn fóru
með sigur af hólmi, 2:0. Jóhannes
varð fyrir meiðslum en hann kom
engu að síður töluvert við sögu í
leiknum en aukaspyrna hans á 11.
mínútu varð að marki þegar Svíinn
Markus Allbäck kom Villa í 1:0. Eið-
ur Smári Guðjohnsen lék síðustu 25
mínúturnar fyrir Chelsea. Jóhannes
gat ekki leikið með Villa á móti New-
castle vegna meiðslanna sem hann
hlaut í leiknum við Chelsea.
LÁRUS Orri Sigurðsson lék allan
leikinn fyrir WBA í sigurleik liðsins á
móti Sunderland. WBA féll í 1. deild-
ina þar sem Bolton bar sigurorð af
West Ham. Lárus lék einnig allan
leikinn í gær þegar WBA tapaði fyrir
Tottenham, 3:2.
BRYNJAR Björn Gunnarsson
skoraði fyrra mark Stoke með skalla
þegar liðið sigraði Wimbledon á
laugardaginn, 2:1. Brynjar lék allan
leikinn, Bjarni Guðjónsson síðustu
20 mínúturnar en Pétur Marteins-
son kom ekkert við sögu í leiknum.
Brynjar var eini Íslendingurinn sem
lék með Stoke í gær í 1:0 sigrinum á
móti Coventry.
HEIÐAR Helguson skoraði mark
Watford sem tapaði fyrir Bradford,
2:1. Dalvíkingurinn jafnaði metin
fyrir Watford undir lok fyrri hálf-
leiks en það dugði skammt því Brad-
ford skoraði sigurmarkið rétt í þann
mund sem leikmenn Watford voru
rétt hættir að fagna marki Heiðars.
Heiðar var hins vegar ekki í leik-
mannahópi Watford í leiknum á móti
Derby í gær.
ÍVAR Ingimarsson lék allan leik-
inn fyrir Brighton sem gerði 1:1
jafntefli við Sheffield Wednesday.
ÞÓRÐUR Guðjónsson var í leik-
mannahóp Bochum sem lagði Stutt-
gart að velli 3:1 í þýsku knattspyrn-
unni á sunnudag. Þórður kom ekki
við sögu í leiknum.
HELGI KOLVIÐSSON var í byrj-
unarliði Kärnten sem sigraði Sturm
Graz, 3:1, í austurrísku 1. deildinni.
Helga var skipt útaf stundarfjórð-
ungi fyrir leikslok. Kärnten er í 8.
sæti af tíu liðum.
FÓLK
ÍSLENSKA landsliðið í handknatt-
leik skipað leikmönnum 20 ára og
yngri missti naumlega af sæti í úr-
slitakeppni HM sem fram fer í
Brasilíu í sumar. Íslendingar og
Úkraínumenn urðu efstir og jafnir í
7. riðli undankeppninnar sem leik-
inn var í Búlgaríu um páskahelgina
en þar sem markamunur Úkraínu-
manna var betri sem nam 7 mörk-
um komust þeir áfram. Íslendingar
og Úkraínumenn unnu bæði Búlg-
aríu og Moldavíu og léku því hrein-
an úrslitaleik um efsta sætið. Í æsi-
spennandi leik var jafntefli
niðurstaðan, 30:30, sem dugði Úkr-
aínumönnum til að komast áfram.
Einar Hólmgeirsson og Ólafur
Víðir Ólafsson voru markahæstir í
leiknum með 6 mörk hver, Hörður
Fannar Sigþórsson skoraði 5 og
þeir Ásgeir Örn Hallgrímsson og
Arnór Atlason skoruðu 4 hver.
Einar valinn bestur
Einar Hólmgeirsson, stórskyttan
efnilega úr ÍR, var í mótslok út-
nefndur besti leikmaður keppninnar
en í leikjunum þremur skoraði hann
19 mörk.
Íslenska kvennaliðið, skipað leik-
mönnum undir 20 ára, lék í und-
ankeppni HM í Serbíu og hafnaði
þar í neðsta sæti. Íslensku stúlk-
urnar töpuðu öllum þremur leikj-
unum, 30:19 fyrir Dönum, 31:16 fyr-
ir Júgóslövum, og 27:22 fyrir
Frökkum.
Misstu naumlega
af HM í Brasilíu
BIKARMEISTARAR HK í handknattleik hafa orðið fyrir mikilli
blóðtöku því stórskyttan Jaliesky Garcia leikur ekki fleiri leiki
með Kópavogsliðinu, að minnsta kosti ekki næstu árin. Kúbumað-
urinn gekk um helgina frá tveggja ára samningi við þýska hand-
knattleiksliðið Göppingen og gengur í raðir þess í sumar en Kiel
og Hamburg sýndu einnig áhuga á að fá þessa 28 ára gömlu
skyttu til liðs við sig.
Garcia fékk íslenskt ríkisfang í vetur og lék sinn fyrsta lands-
leik fyrir Íslands hönd þegar Þjóðverjar höfðu betur á móti Ís-
lendingum í Berlín í liðnum mánuði. Hann telst því ekki útlend-
ingur í þýsku deildinni. Garcia verður sárt saknað úr liði HK enda
hefur hann verið besti leikmaður liðsins þau þrjú ár sem hann
hefur leikið með liðinu.
Göppingen er í tólfta sæti í þýsku 1. deildarkeppninni.
Garcia samdi
við Göppingen
ATLI Hilmarsson, sem gerði KA að
Íslandsmeisturum á síðustu leiktíð,
hættir þjálfun þýska 2. deildar liðs-
ins Friesenheim í sumar. Atli ákvað
að segja upp starfi sínu fyrir
skömmu en hann samdi við þýska
liðið til tveggja ára síðastliðið sumar.
Gengi liðsins í vetur hefur verið und-
ir væntingum en þegar þremur um-
ferðum er ólokið í 2. deild syðri, þar
sem Friesenheim leikur, er ljóst að
liðið á ekki möguleika á að vinna sér
sæti í Bundesligunni. Friesenheim
er í þriðja sæti riðilsins en undir
stjórn Atla stefndi liðið á sæti í deild
þeirra bestu.
Atli hættir hjá
Friesenheim