Morgunblaðið - 23.04.2003, Blaðsíða 5

MORGUNBLAÐIÐ MIÐVIKUDAGUR 23. APRÍL 2003 B 5
bílar
Ingvar
Helgason
Verið velkomin í nýja og fullkomna smurstöð, nánari upplýsingar í síma 525 8000 Sævarhöfði 2, 110 Reykjavík
Ingvar Helgason hefur opnað fullkomna smurstöð í húsakynnum sínum að Sævarhöfða.
Þú getur rennt við hjá okkur og fengið alla almenna smurþjónustu fyrir Nissan, Subaru,
Saab, GM, Opel og Isuzu án þess að panta tíma. Móttaka smurstöðvar er í afgreiðslu
Bílheima í norðurenda hússins.
Nýsmurstöð
Núgetur þú látið smyrja bílinn hjá Ingvari Helgasyni
SAMRÁS ehf. á Seltjarnarnesi hefur hannað og
framleitt tölvukubba fyrir dísilvélar í jeppa um
árabil. Fyrirtækið er núna að þróa nýja kynslóð
af kubbum sem væntanlega koma á markað á
næstu vikum. „Við erum að þróa nýja gerð
kubba í Toyota og Nissan sem mæla mun fleiri
atriði en aðrir kubbar. Hingað til hafa kubbar
eingöngu mælt snúningshraðann og gefið inn
olíu eftir honum. Það kemur stökk í snúnings-
hraðann og kubbarnir gefa aflaukningu í skref-
um en ekki línulega eins og nýju kubbarnir.
Þar með geta gömlu kubbarnir tekið völdin af
ökumanni. Bílar hafa t.d. tilhneigingu þess
vegna til að fara að spóla sem er ekki eftirsókn-
arvert þegar ekið er í snjó,“ segir Guðlaugur
Jónasson, framkvæmdastjóri Samrásar.
Hann segir að nýju kubbarnir gefi aukið afl
jafnt og þétt án þess að ökumaður upplifi það
sem „stökk“ í olíugjöf. Aflaukningin ræðst af
olíugjöf, túrbínuþrýstingi og fleiri atriðum.
Eldri kubbar Samrásar hafa einnig verið þannig
gerðir að þeir eru með rofa og hægt að slökkva á
þeim. Nýju kubbarnir verða sumir einnig með
rofum. Ein útgáfa af nýju kubbunum mun einn-
ig geta stjórnað inngjöf fyrir gas, sem bætir
brunann og lækkar hitann á vélinni.
„Eyðslan eykst alltaf með meira afli og orð-
rómur um að eyðslan minnki með tölvukubbum
stenst ekki. En með nýju kubbunum eykst
eyðslan ekki nema ökumaðurinn vilji ná fram
meira afli og það er meðal annars háð stöðu olíu-
gjafar og túrbínuþrýstingi.“ Guðlaugur segir að
nýja gerðin verði á samkeppnishæfu verði. Eldri
kubbarnir gerðu gömlu 2,8 lítra dísilvélina í
Nissan Patrol aflmeiri en nýja 3ja lítra dísilvélin
er. Samrás hannaði einnig TruSpeed-tölvu-
kubbinn sem leiðréttir hraðamæla og markaðs-
setti hann m.a. í Bandaríkjunum þar sem hann
hefur selst mjög vel. Samrás tók þátt í SEMA-
sýningunni í Las Vegas árið 2000. Þar voru 650
nýjar vörur kynntar og allar kepptu þær um tit-
ilinn besta nýjungin. Samrás hreppti annað sæt-
ið með TruSpeed-kubbinn.
Ný kynslóð tölvukubba frá Samrás
Morgunblaðið/Árni Sæberg
Samrás hefur prófað nýju kubbana fyrir Nissan Patrol.
Morgunblaðið/Árni Sæberg
Guðlaugur með nýja kubbinn.
Túrbína
Túrbína hefur reynst mörgum vélum mjög
vel, sérstaklega dísilvélum. Túrbínan blæs meira
lofti inn í vélina sem gefur möguleika á meiri
eldsneytisbrennslu og öflugri sprengingu í
brunahólfi. Sé á hinn bóginn sett túrbína á vél
sem ekki er gerð fyrir túrbínu sýnir reynslan að
þá borgar sig að setja millikæli með henni sem
lækkar brunahitann og eykur endingu vél-
arinnar.
Millikælir
Millikælir hefur nánast eingöngu kosti í för
með sér fyrir
jeppa en þeir
eru einungis
nothæfir þegar
túrbína er til
staðar við vél-
ina. Túrbínan
hitar loftið,
jafnvel yfir
100° C þegar
hún þjappar
því saman á
leið sinni inn á vélina. Með því að kæla það í
millikælinum áður en það fer inn á vélina er unnt
að koma 12-20% meira lofti inn og auka þar
með aflið enn meira en ef einungis væri túrbína.
Bónusinn er að kælt loft fer betur með vélina en
heitt.
Tölvukubbar
Núorðið eru margar vélar tölvustýrðar. Hlut-
verk tölvustýringarinnar er að ná hámarksnýt-
ingu og hámarksafli og á sama tíma uppfylla
stranga mengunarstaðla. Við fyrstu sýn mætti
ætla að viðbótartölvukubbur sé einföld leið að
því marki að auka afl vélarinnar. Það er þó ekki
svo því jafnhliða þeirri breytingu er nauðsynlegt
að gera fleira og er aukið loftflæði dæmi um það.
Margir tölvukubbar sem auka afl standast
ekki mengunarstaðla. Algengt er að bílarnir eyði
meira eldsneyti (í fáum tilfelllum minna), auk
þess sem hætta er á að ending vélarinnar
minnki. Aðrir tölvukubbar eru til þess gerðir að
leiðrétta tölvustýrð eldsneytiskerfi eftir að vél-
unum hefur verið breytt, til dæmis með milli-
kæli, pústflækjum, sverara pústi eða túrbínu. Í
þeim tilvikum er aðeins verið að leiðrétta elds-
neytistölvuna miðað við breyttar forsendur og
er oft hægt að ná góðum árangri vegna þess að
hann byggist á réttri eldsneytisblöndu á réttum
tíma á öllum snúnings- og álagssviðum.
Pústflækjur
Pústflækjur eða flækjur er ódýr og góð leið til
að auka afl vélarinnar lítillega, sérstaklega
bensínvéla.
Flækjur eru uppbyggðar með þeim hætti að
þegar pústið streymir frá einum strokki inn í
safnarann, þar sem pústið safnast saman í eitt
rör eftir að það kemur út úr brunahólfinu,
dregur það pústið úr næsta strokki með sér
(Jector-áhrif). Við það minnkar mótstaða frá
hverjum strokki og pústið flæðir betur úr
brunahólfinu sem hefur í för með sér betri
bruna. Flækjur geta aukið afl bensínvélar um
u.þ.b. 10%. Við það minnkar eyðsla í flestum til-
fellum. Ókostur flækna er venjulega meiri há-
vaði.
Opið pústkerfi
Oft er talað um opið púst sem einn af mögu-
leikum þess að ná meira afli út úr vélinni. Sú að-
gerð er ein-
föld. Sett er
sverara púst-
rör og jafnvel
opnir hljóð-
kútar til að
minnka loft-
mótstöðu í
pústkerfinu.
Þar með eykst pústflæðið frá brunahólfunum
og við það batnar bruninn. Þetta hentar bæði
bensín- og dísilvélum.
Fyrir túrbínuvélar hefur þetta þau áhrif að
túrbínan fer að blása við lægri snúning vélar.
Þetta hentar jeppum einkar vel vegna þess að
aflið eykst við lægri snúning.
Oft er erfitt að setja sverara púst undir bílinn
og leggja það þannig að það rekist hvergi í botn
hans. Þetta er þó ekki vandamál á bílum þar
sem yfirbyggingunni hefur verið lyft.
JEPPAHORNIÐ
Meira afl
Pústflækja er einföld leið til að
auka afl.
Millikælir eykur afköst
túrbínuvéla.
Úr Jeppabók Arctic Trucks.