Morgunblaðið - 23.04.2003, Blaðsíða 9
MORGUNBLAÐIÐ MIÐVIKUDAGUR 23. APRÍL 2003 B 9
bílar
E
INSTÖKUM kafla í sögu
Ferrari-liðsins lauk í Imola-
brautinni á Ítalíu í fyrradag
er Michael Schumacher ók
F2002-bílnum til öruggs sigurs á eig-
in sorgarstundu. Var þetta lokamót
keppnisfáksins sigursæla sem vann
14 af 17 mótum Formúlu-1 í fyrra og
segir liðsstjórinn, Jean Todt, sigur í
lokamóti bílsins, sem hefði reynst
framar villtustu vonum, ekki geta
hafa verið betri kveðjustund.
Hyggst Ferrari tefla 2003-bílnum
fram í Spánarkappakstrinum 4. maí
nk.
Michael og Ralf Schumacher af-
réðu að axla faglega ábyrgð og þung-
bærar persónulegar byrðar með því
að keppa en báðum var boðið af hálfu
liða sinna að keppa ekki vegna móð-
urmissisins að morgni keppnisdags.
Framkoma þeirra einkenndist af
mikilli reisn og unnu þeir aðdáun
keppinauta sinna. Michael hóf
keppni fremstur en vék fyrir sókn
yngri bróður síns á fyrstu metrunum
og gaf honum fyrstu beygjuna eftir.
Fylgdi honum síðan sem skuggi í 16
hringi og tók síðan við forystunni og
hélt henni alla leið í mark.
Það þurfti ekki að segja það hverj-
um 65. sigur heimsmeistarans yrði
tileinkaður.
Hann segist hafa gert það sem
móðir sín hefði viljað með því að
keppa og aka til sigurs í San Marínó-
kappakstrinum, aðeins nokkrum
klukkustundum eftir að hún lést á
spítala í Köln í Þýskalandi. „Móðir
mín naut þess að dvelja við körtu-
brautina í Kerpen er við vorum yngri
og horfa á okkur keppa. Foreldrar
okkar studdu okkur alla tíð. Þau
gerðu okkur kleift að gera það sem
við fáumst við í dag. Og hún hefði
viljað að við kepptum í dag, það er ég
viss um,“ hefur talskona Michaels,
Sabine Kehm, eftir heimsmeistaran-
um sem hvarf til Þýskalands strax
eftir verðlaunaafhendinguna til að
vera með fjölskyldu og ættingjum.
Var þetta fyrsti sigur Schumach-
ers og Ferrari á árinu en liðinu farn-
aðist illa í þremur fyrstu mótum árs-
ins vegna herfræðilegra mistaka og
akstursmistaka. Vettvangurinn var
Enzo e Dino Ferrari-brautin, sem
kennd er við upphafsmann Ferrari,
Enzo, og son hans. Staðfesti Todt að
arftaki 2002-bílsins, F2003-GA-bíll-
inn, tæki við í næsta móti en þátt-
töku hans í mótum hefur verið frest-
að vegna bilana við bílprófanir.
„Það er stefnan,“ sagði Todt. „Að
vinna á ný í Imola, frammi fyrir
stuðningsmönnum okkar og öllu
starfsfólki er unaðsleg tilfinnning,“
bætti hann við.
Todt sat fyrir svörum blaðamanna
í stað Schumachers að keppni lok-
inni því heimsmeistarinn var undan-
þeginn því vegna móðurmissisins.
„Því hefur verið haldið fram að við
værum í kreppu. Þeirri gagnrýni
höfum við svarað með verkum okk-
ar, sagði Todt. Úrslit kappaksturs-
ins eru kraftbirtingarform styrk-
leika Ferrari innan vallar sem utan.“
San Marínó-kappaksturinn var
ekki eins tíðindasamur og fyrstu
mótin þrjú en staðfestir að Ferrari-
liðið hefur fyrst og fremst reynst
óheppið í fyrstu þremur mótunum.
Var 2002-bíllinn eiginlega í nokkrum
sérflokki í Imola. En gamli McLar-
en-bíllinn og ný og betrumbætt út-
gáfa af 2003-bíl Williams hafa þó sótt
verulega á hann. Bílar toppliðanna
þriggja reyndust og afar endingar-
traustir að þessu sinni og hefðu
fyrstu sex sætin orðið þeirra hefði
Juan Pablo Montoya hjá Williams
ekki þurft að stoppa aukalega vegna
bilunar í bensínáfyllingarbúnaði.
Mismunandi herfræði beitt
Athyglisvert var að bæði Ferrari
og Williams gengu til keppni með
sömu herfræðinni, þ.e. stoppa þrisv-
ar til dekkjaskipta og eldsneytis-
áfyllingar. Stuttar að- og fráreinar
bílskúrasvæðanna gera það kleift, en
tveggja stoppa keppnisáætlun
McLaren gekk einnig afar vel upp og
færði Kimi Räikkönen úr 6. sæti á
rásmarki í annað sætið á endamarki
og David Coulthard úr 12. sæti í það
fimmta.
Endurbætur sem Williams-liðið
gerði á keppnisbílnum fyrir Imola-
mótið eru greinilega í rétta átt. Og
McLaren gat ekki staðið sig betur í
kappakstri sem liðið gat ekki unnið.
Vel útfærð keppnisáætlun bætti fyr-
ir gagnsleysi dekkjanna sem liðið
valdi að nota í tímatökum og keppni.
Öflug frammistaða Räikkönens ger-
ir að verkum að hann er áfram efstur
í stigakeppninni um heimsmeistara-
titil ökuþóra, með 32 stig gegn 19
stigum Coulthards og 18 stigum
Schumachers.
Alonso undirstrikar ágæti sitt
Renault-liðið beitti einnig tveggja
stoppa herfræði með snilld og færði
yngsta ökuþórnum, Fernando
Alonso, enn einu sinni gott stigasæti.
Er hann í fjórða sæti í stigakeppni
ökuþóra, aðeins einu stigi á eftir
Schumacher. BAR-liðið var þakklátt
fyrir stigið eina sem Jenson Button
vann eftir að kviknaði í keppnisbíl
Jacques Villeneuve rétt eftir fyrsta
þjónustustopp hans. Vonbrigði voru
hins vegar mikil í herbúðum Jagúar
er liðið fór tómhent heim eftir góða
frammistöðu Marks Webber í tíma-
tökum. Drapst á bíl Antonio Pizzonia
á rásmarki og Webber komst hægt
af stað vegna ótilgreindra vanda-
mála í bílnum. Sótti Webber síðan
hart en brotið drifskaft batt enda á
þátttöku hans. Með sigri Michaels
Schumacher og ágætu þriðja sæti
Rubens Barrichello styrkti Ferrari
stöðu sína í keppninni um heims-
meistaratitil bílsmiða, hlaut 16 stig
gegn 12 stigum McLaren sem hefur
áfram væna forystu eða 51 stig gegn
31.
Schumacher
kveður sigurfák
sorgbitinn
Reuters
Michael Schumacher á leið til sigurs á Imola-brautinni.
Michael Schumacher með sorgar-
borða við verðlaunaafhendinguna.
agas@mbl.is
Michael Schumacher ók F2002-bílnum til öruggs sigurs
á eigin sorgarstundu en móðir hans lést að morgni
keppnisdags eftir að hafa legið í dauðadái í viku af
völdum falls á heimili sínu.
Bílskúrs og Iðnaðarhurðir
Bílskúrs- og iðnaðarhurðir í
öllum stærðum og gerðum.
Fjölbreytt litaúrval.
Stuttur afgreiðslufrestur
Gluggasmiðjan hf
Viðarhöfða 3
Sími 577-5050
Bílastæðahús/Bílskýli
Nú verða naglarnir ekkert vandamál.
Með gegndreypiefninu okkar
gerum við gólfin sterkari en stál.
Skoðaðu heimasíðuna okkar adall.is
eða hafðu samband í síma 562 0770
Íslenskur aðall ehf.
Rauðagerði 64 • sími 553 1244 • 128 Reykjavík
P.O. BOX 8804 • FAX 568 1299
Umboðsaðili fyrir TRANSPO INC. USA, sem framleiðir DIODUR
og spennustilla í flestar gerðir alternatora
LAGERVARA
Seljum einnig ALTERNATORA og STARTARA
GOTT VERÐ
G.T. ÓSKARSSON
Vörubílavarahlutir
Vesturvör 23, 200 Kópavogi
sími 554 6000.
Vagnhöfða 6 - 110 Reykjavík
Sími 577 6090 - Fax 577 6095
Eigum til vatnskassa/bensíntanka
og miðstöðvar, ásamt aukamiðstöðvum
ætluðum bifreiðum/bátum og vinnuvélum.
Einnig intercoolera í vörubíla og vinnuvélar.