Morgunblaðið - 25.04.2003, Blaðsíða 16

LANDIÐ
16 FÖSTUDAGUR 25. APRÍL 2003 MORGUNBLAÐIÐ
Í TENGSLUM við aðalfund Kaup-
félags Skagfirðinga afhenti Stefán
Guðmundsson, formaður stjórnar
Menningarsjóðs kaupfélagsins, við-
urkenninguna Skagfirskt framtak
2003. Að þessu sinni hlaut hana
Hólaskóli, Háskólinn á Hólum og
Skúli Skúlason, skólameistari, sem
veitti viðtöku, auk viðurkenningar-
skjals, listaverki úr silfri sem smíðað
er af Jens Guðjónssyni.
Viðurkenningin Skagfirskt fram-
tak er árlega veitt af Menningarsjóði
kaupfélagsins einstaklingum, fyrir-
tækjum eða stofnunum, sem sýnt
hafa frumkvæði og áræði í verkefn-
um til eflingar atvinnu- og menning-
arlífi í Skagafirði.
Á aðalfundinum áttu rétt til fund-
arsetu fimmtíu fulltrúar auk deild-
arstjóra og stjórnar félagsins.
Þórólfur Gíslason kaupfélagsstjóri
greindi frá rekstri félagsins á liðnu
ári og í máli hans kom fram að
rekstraraðstæður félagsins hefðu
verið nokkuð góðar á liðnu ári, en
gengissveiflur hefðu verið miklar og
sterk staða krónunnar síðari hluta
árs hefðu haft veruleg áhrif á af-
komu útflutningsgreina. Á hinn bóg-
inn var verðbólga lág, og lækkandi,
sem hafði eitt og sér góð áhrif á
reksturinn.
Langtímasýn nauðsynleg
Þá ræddi Þórólfur um þátt kaup-
félagsins í uppbyggingu atvinnulífs
og þjónustu í héraði og drap á þátt
félagsins í eflingu Hólaskóla og
möguleikum þess að þar rísi öflugur
háskóli. Í framhaldi af þessu ræddi
kaupfélagsstjóri fiskveiðistjórnunar-
kerfið og framleiðslustýringu í land-
búnaði og þær umræður sem fram
hafa farið um þessi mál að undan-
förnu og sagði: „Við höfum keypt
framleiðsluheimildir í mjólkurfram-
leiðslu og fiskveiðirétt. Það er ekki
viðunandi að refsa okkur fyrir að
hafa byggt á þeim grunni sem
stjórnvöld og Alþingi hafa sett. Ef
innleiða á hér óöryggi og óvissu um
stjórnun í sjávarútvegi og landbún-
aði, verður engin fjárfesting og eng-
in þróun, aðeins stöðnun og upp-
lausn. Langtímagrundvöllur um
stjórnkerfi, hvort sem það er til
lands eða sjávar, er forsenda
framþróunar og framfara.“
Að lokinni ræðu kaupfélagsstjóra
tóku margir til máls og fóru fram ít-
arlegar umræður um ýmis mál þau
sem hæst ber. Þá flutti Skúli Skúla-
son, skólameistari á Hólum, erindi
um starfsemi skólans og þá framtíð-
arsýn sem við blasti.
Að venju komu margar tillögur til
afgreiðslu á fundinum bæði frá
stjórn og einstökum félagsmönnum,
en að fundi loknum þágu fundar-
menn boð um skoðun á hinni nýend-
urbyggðu kjötafurðastöð félagsins
og þágu léttar veitingar.
Í stjórn Kaupfélags Skagfirðinga
sitja nú Stefán Guðmundsson,
stjórnarformaður, Árni Sigurðsson,
Bjarni P. Maronsson, Ásta B.
Pálmadóttir, Pétur Pétursson,
Rögnvaldur Ólafsson og Örn Þórar-
insson.
Viðurkenning Menningarsjóðs Kaupfélags Skagfirðinga
„Skagfirskt fram-
tak“ veitt Hólaskóla
Morgunblaðið/Björn Björnsson
Stefán Guðmundsson, stjórnarformaður KS (lengst til vinstri), veitti Skúla
Skúlasyni, og eiginkonu hans, Sólrúnu Harðardóttur, viðurkenninguna.
Sauðárkrókur
UNDIRRITAÐUR hefur verið
samningur milli Knattspyrnufélags
Rangæinga og Kaupáss hf. fyrir
hönd 11–11-verslana. Í honum felst
m.a. að 11–11-verslanir styrkja
knattspyrnufélagið með fjár-
framlagi á hverju ári í þrjú ár til
búningakaupa auk þess að bera
kostnað af gerð auglýsingaskiltis á
íþróttavöll og gerð auglýsingar á
bak æfingabúninga félagsins. Bún-
ingarnir verða teknir í notkun í
sumar.
Samkvæmt upplýsingum frá Þor-
bergi Albertssyni, stjórnarmanni í
Knattspyrnufélagi Rangæinga, hef-
ur starfsemi þess aukist ár frá ári
allt frá stofnun þess 1997 og eru
knattspyrnuiðkendur á aldrinum 6
til 16 ára nú á annað hundrað. Fé-
lagið hefur frá fyrstu tíð tekið þátt í
Íslandsmótum bæði utan- og innan-
húss með góðum árangri auk þess
að hafa annast framkvæmd móta á
vegum Knattspyrnusambands Ís-
lands og HSK, ýmist á Hellu eða
Hvolsvelli.
Knattspyrnufélagið hefur ekki
áður gert samning sem þennan en
fjármögnun starfseminnar hefur
falist í sjálfboðavinnu foreldra fé-
lagsmanna sem sveitarfélög í Rang-
árvallasýslu hafa greitt fyrir. Einn-
ig hafa fyrirtæki á svæðinu styrkt
félagið eftir mætti og iðkendur
greitt æfingagjöld.
Styður Knattspyrnu-
félag Rangæinga
Hella
Morgunblaðið/Anna Ólafsdóttir
Verslunarstjórarnir Drífa Nikulásdóttir og Sólveig Ottósdóttir ásamt
Björgvini Guðmundssyni, varaformanni KFR, við undirritun samnings milli
Knattspyrnufélags Rangæinga og 11–11-verslana. Fyrir aftan þau standa
Björgvin Daníelsson, stjórnarmaður í KFR, Viktor Steingrímsson, einn af
stofnendum félagsins, og Þorbergur Albertsson, stjórnarmaður í KFR.
Á DÖGUNUM opnaði Reinhard
Reynisson, bæjarstjóri á Húsavík,
nýja heimasíðu sveitarfélagsins að
viðstöddu fjölmenni. Á síðunni er að
finna helstu upplýsingar um upp-
byggingu stjórnkerfis sveitarfé-
lagsins ásamt samþykktum, reglu-
gerðum, gjaldskrám og öðru sem að
starfsemi sveitarfélagsins lýtur.
Fundargerðir birtast á henni jafn-
óðum ásamt tilkynningum og frétt-
um af starfsemi sveitarfélagsins. Þá
eru upplýsingar um kjörna fulltrúa
í bæjarstjórn og nefndum og einnig
um starfsmenn sveitarfélagsins.
Allt er þetta hugsað til að auðvelda
aðgengi íbúa og annarra að þeim
aðilum sem þeir þurfa að eiga sam-
skipti við að sögn Reinhards.
Á síðunni er einnig að finna ýms-
ar almennar upplýsingar um sveit-
arfélagið, s.s. atvinnulíf, mannlíf,
sögu og tengsl Húsavíkur við vina-
bæi erlendis. Af Gónhóli má síðan
gá til veðurs, skoða götukort og ým-
islegt fleira sem til þess er fallið að
auka mönnum skilning á umhverfi
sveitarfélagsins. Að sögn Rein-
hards er markmiðið að síðan verði
lifandi vettvangur stjórnsýslunnar
og íbúa til samskipta en uppbygg-
ing hennar er þannig að auðvelt er
að þróa hana og bæta eftir því sem
efni og ástæður eru til.
Síðan sem hefur veffangið
www.husavik.is er unnin af Arn-
grími Arnarsyni hjá fyrirtækinu
Örk – vefgerð ehf. á Húsavík í sam-
starfi við upplýsingafulltrúa og
aðra starfsmenn bæjarins. Vefur-
inn er byggður á Outcome vefstjór-
anum en uppfærsla og þróun hans
verður að mestu í höndum starfs-
manna stjórnsýsluhúss. Samstarfs-
fyrirtæki Arkar – vefgerðar ehf.,
Vefur-samskiptalausnir ehf., hefur
þróað Outcome vefstjórann sem
mun vera eitt af útbreiddari vef-
kerfum á landinu að sögn Arn-
gríms.
Morgunblaðið/Hafþór Hreiðarsson
Á myndinni eru Reinhard Reynisson bæjarstjóri (l.t.v.), Guðrún Kristín Jó-
hannsdóttir og Arngrímur Arnarson að skoða nýju heimasíðuna.
Ný heimasíða Húsa-
víkurkaupstaðar
Húsavík
Morgunblaðið/Steinunn Ásmundsdóttir
MENNINGARRÁÐ Austurlands og
safnafólk á Austurlandi hefur hafið
þróunarvinnu í safnamálum fyrir
Austurland. Að þessari þróunar-
vinnu koma öll söfn, setur, stofur og
sýningar á svæðinu.
Á Austurlandi eru mörg söfn og
setur og fjölbreytileiki þeirra mikill.
Söfnin eru um 25 talsins. Fyrir u.þ.b.
20 árum var Austurland í farar-
broddi í uppbyggingu og samstarfi í
safnamálum, þegar Safnastofnun
Austurlands var sett á fót. Fjórðung-
urinn býr enn að þessu brautryðj-
endastarfi og nú er ætlunin að Menn-
ingarráð Austurlands blási nýju lífi í
þessa vinnu með því að kalla fólk
saman til markvissrar þróunarvinnu.
Menningarráðið telur að margir
möguleikar safna séu lítt eða ekki
nýttir og má þar nefna safnakennslu
og aðkomu safnafólks að akadem-
ískri samræðu á háskólastigi.
Í sumar verður farið í sameigin-
legt markaðsátak á vegum safnanna,
Markaðsstofu Austurlands og Menn-
ingarráðs Austurlands.
Í sveitarfélaginu Hornafirði var
nýlega ákveðið að ókeypis verði inn á
þau söfn sem það rekur og er slíkt
líklega einsdæmi í landinu.
Mikil gróska í
safnamálum á
Austurlandi
Egilsstaðir
FYRIRTÆKIÐ Intrum á Íslandi og
Lögheimtan hafa opnað starfsstöð á
Egilsstöðum. Hjá Intrum á Íslandi
starfa nú 80 starfsmenn og starfs-
stöðvar eru einnig í Reykjavík og á
Akureyri.
Auk innheimtuþjónustu verður
boðið upp á alla almenna lögfræði-
þjónustu. Starfsmenn Intrum og
Lögheimtunnar á Egilsstöðum eru
Haraldur Örn Ólafsson hdl., Bjarni
G. Björgvinsson hdl., Helgi Teitur
Helgason hdl., Susan Ellendersen
þjónustufulltrúi, Grétar Eggertsson
ráðgjafi og Óli Rúnar Jónsson og
Hildigunnur Guðfinnsdóttir mark-
aðsfulltrúar.
Stutt er síðan kynnt var að Lög-
heimtan tæki yfir Lögfræðiþjónustu
Austurlands, sem starfrækt hefur
verið um árabil á Egilsstöðum. Þetta
er ekki eina dæmið um breyttan
rekstur lögfræðistofa á Egilsstöðum,
því að Lögmenn Austurlandi og
Fasteigna- og skipasala Austur-
lands, sem rekið var af sama aðila,
hefur nú verið tekið inn í rekstur
Regula lögmannsstofu, sem opnaði
3. mars sl. Undir hatti Regula eru
einnig Hraun lögmannsstofa á Höfn
og Lögmannsstofa Berglindar á
Húsavík.
Morgunblaðið/Steinunn Ásmundsdóttir
Intrum á Íslandi og Lögheimtan hafa opnað nýja starfsstöð á Egilsstöðum.
F.v. Haraldur Örn Ólafsson, Bjarni G. Björgvinsson, Susan Ellendersen,
Sigurður Arnar Jónsson, framkvæmdastjóri Intrum á Íslandi, og Óli Rúnar
Jónsson. Myndin er tekin í veislu sem haldin var í tilefni opnunarinnar.
Yfirtökur á lög-
fræðistofum eystra
Egilsstaðir