Morgunblaðið - 25.04.2003, Blaðsíða 20

LISTIR
20 FÖSTUDAGUR 25. APRÍL 2003 MORGUNBLAÐIÐ









       
  !" 
 ##$%  &  &
#'#(   &  #'#)  **# #++,!  **# #+-!

&.
&        !  ///
&       

0
&   1
23
4%%     ,,5,,' & 
 
   2  6   5+   %   2    &
2 &7 3  #(  
 #,'    & 
    
8 %   5##2 ,,5
9  & 
 
   %   &  
&   
3  &!#,5,5!&   !    :   
 
 



SEX í sveit er algerlega hefð-
bundinn framhjáhaldsfarsi þar
sem næstum allir hafa eitthvað að
fela og smám saman verða aðferð-
irnar til að fela það enn pínlegri en
það sem upphaflega átti að halda
leyndu. Úr verður fyndin flækja
sem leysist í raun ekki, lausnin
minnir meira á vopnahlé en frið-
arsáttmála.
Sýning Hólmvíkinga verður að
teljast í höfuðatriðum vel heppnuð.
Sviðssetning Skúla er prýðilega
af hendi leyst og umgjörð er til
fyrirmyndar í dálítið erfiðum að-
stæðum braggans. Oft náðist
ágætur örvæntingarfullur hraði í
framvinduna, sem er nauðsynlegt
til að farsið komist á flug.
Leikhópurinn er blanda af karl-
kyns reynsluboltum og kvenkyns
nýgræðingum og má kalla það
djarflega teflt að velja svo tækni-
lega krefjandi verk sem jómfrúr-
verkefni stúlknanna. En það geng-
ur upp, allar standast þær
raunina, kannski var þeim ekki
sagt að þetta ætti ekki að vera
hægt. Mest þótti mér koma til
frammistöðu Einars Indriðasonar í
hlutverki Ragnars og Kristínar
Sigurrósar Einarsdóttur, sem
hinnar ofurnorðlensku Sólveigar.
Helsti gallinn var sá að nokkrir
leikaranna voru of langt frá því að
hafa textann sinn fyllilega á valdi
sínu. Þó gera megi ráð fyrir að það
standi til bóta þegar frumsýning-
arstress og frekari þjálfun er að
baki þá er það auðvitað alls ekki
ásættanlegt að treysta jafn mikið á
hvíslarann og hér var gert. En í
þeim atriðum þar sem þetta var í
lagi sást vel hversu skemmtileg
sýning Sex í sveit hjá Leikfélagi
Hólmavíkur hefur burði til að
vera.
Að vanda
til viðhaldsins
LEIKLIST
Leikfélag Hólmavíkur
Höfundur: Marc Camoletti, þýðandi: Gísli
Rúnar Jónsson, leikstjóri: Skúli Gauta-
son, leikmynd: Hafþór Þórhallsson.
Í Bragganum á Hólmavík fimmtudag-
inn17. apríl 2003.
SEX Í SVEIT
Þorgeir Tryggvason
ÍSLENSKA óperan leggur land und-
ir fót um helgina og sýnir „Tvær óp-
erur á einu kvöldi“ í Laugarborg í
Eyjafjarðarsveit laugardaginn 26.
apríl kl. 20.00 og Miðgarði í Skagafirði
sunnudaginn 27. apríl kl. 17.00.
„Tvær óperur á einu kvöldi“ eru út-
drættir úr óperunum Madama Butt-
erfly eftir Puccini og Ítölsku stúlk-
unni í Alsír eftir Rossini. Flytjendur
eru fimm fastráðnir söngvarar Ís-
lensku óperunnar; þau Hulda Björk
Garðarsdóttir sópran, Sesselja Krist-
jánsdóttir mezzósópran, Davíð Ólafs-
son bassi, Jóhann Friðgeir Valdi-
marsson tenór og Ólafur Kjartan
Sigurðarson baritón, og píanóleikar-
inn Clive Pollard, sem segja má að
gegni hlutverki heillar hljómsveitar.
Höfundur útdráttanna er Ingólfur
Níels Árnason, sem jafnframt er leik-
stjóri. Hönnuðir búninga eru þau
Anna Björg Björnsdóttir og Mo-
hammed Zahawi, leikmyndina hann-
ar Geir Óttarr Geirsson og Jóhann
Bjarni Pálmason hannar lýsingu.
Þetta er fyrsta óperuuppfærslan sem
allir fimm fastráðnir söngvarar Óp-
erunnar taka þátt í saman.
Sýningin í Laugarborg er haldin í
samstarfi við Tónvinafélag Laugar-
borgar. Forsala aðgöngumiða er í
Pennanum Bókvali á Akureyri og
Blómabúðinni Ílex á Dalvík 16.–25.
apríl. Einnig eru seldir miðar við inn-
ganginn.
Sýningin í Miðgarði er liður í Sælu-
viku Skagfirðinga og er haldin í sam-
vinnu við Tónlistarfélag Skagafjarð-
ar. Þar er forsala aðgöngumiða í
Skagfirðingabúð föstudaginn 25. apríl
kl. 15–19.
Í tengslum við heimsókn Íslensku
óperunnar í Eyjafjarðarsveit 26. apríl
nk., sem undirbúin var af sveitarfé-
laginu og Óperunni í sameiningu, hafa
Íslenska óperan og Eyjafjarðarsveit
lýst yfir eindregnum vilja sínum til að
halda áfram samstarfinu og festa það
jafnframt með gerð samstarfssamn-
ings. Stefnt er að því að samningurinn
verði tilbúinn til undirritunar í byrjun
október 2003, í tengslum við kynn-
ingu Íslensku óperunnar á Brúðkaupi
Fígarós í Laugarborg.
Samningurinn mun fela í sér heim-
sóknir Íslensku óperunnar í Eyja-
fjarðarsveit til að kynna starfsemi
sína og/eða til að setja á svið óperu-
sýningar eftir því sem því verður við
komið hverju sinni. Stefnt verði að því
að allar nýjar uppfærslur Óperunnar
verði kynntar í tali og tónum í Tónlist-
arhúsinu Laugarborg, auk þess sem
Óperan kynni þar aðra óperutónlist
eftir atvikum. Kynningin verður að
öllu leyti í höndum Íslensku óperunn-
ar.
Eyjafjarðarsveit mun sinna um-
sýslu fyrir Óperuna á Eyjafjarðar-
svæðinu í tengslum við heimsóknir
Óperunnar, skipuleggja hópferðir á
sýningar í Óperunni og sinna al-
mennu kynningarstarfi fyrir Íslensku
óperuna á svæðinu.
Viljayfirlýsinguna undirrita þeir
Bjarni Daníelsson óperustjóri og
Bjarni Kristjánsson sveitarstjóri.
Morgunblaðið/Jón Svavarsson
Sesselja Kristjánsdóttir og Ólafur Kjartan Sigurðarson í Ítölsku stúlkunni
frá Alsír eftir Rossini sem er annar hluti sýningarinnar Óperutvenna.
Íslenska óperan
á Norðurlandi
BÓKAÞING 2003 verður haldið í
Iðnó í dag undir kjörorðinu „sækj-
um fram“. Þingið hefst kl. 13.30
með því
Aðalsteinn Ásberg Sigurðsson,
formaður Rithöfundasambands Ís-
lands, setur þingið. Þingforsetar
eru Sigríður Harðardóttir og Hlín
Agnarsdóttir, sem jafnframt stýrir
pallborðsumræðum.
Dagskrá þingsins er að öðru
leyti þannig að kl. 13.35 hefjast
umræður undir titlinum Ölmusa
eða menningarstefna. Staða bóka-
útgáfu um þessar mundir. Þorberg-
ur Þórsson hagfræðingur hefur
framsögu en síðan verða umræður
á pallborði með þátttöku Þorbergs
Þórssonar, Aðalsteins Ásbergs Sig-
urðssonar, Þorgeirs Ólafssonar,
deildarstjóra í menntamálaráðu-
neytinu, Halldórs Guðmundssonar,
útgefanda Eddu, og Þórólfs M.
Matthíassonar hagfræðings.
Meðal spurninga sem reifaðar
verða eru: Er íslensk bókaútgáfa
ómagi á ríkinu eða tekjulind? Eiga
bókaforlög að keppa við opinbera
aðila? Á ríkið að styrkja bókaút-
gáfu?
Pétur Gunnarsson rithöfundur
hefur síðan framsögu kl. 14.45 um
efnið Stríð og friður á jólamarkaði.
Hvers á bókin að gjalda? Hugleið-
ing um hringavitleysuna á íslensk-
um bókamarkaði. Á pallborði verða
Pétur Gunnarsson, Halldór Birg-
isson, lögmaður Félags íslenskra
bókaútgefenda, Gunnar Dungal,
framkvæmdastjóri Pennans/
Eymundssonar, Guðmundur Sig-
urðsson, forstöðumaður samkeppn-
issviðs Samkeppnisstofnunar, og
Sigríður Gröndal frá Hagkaupum.
Spurt verður hvort verðstríð fyr-
ir jól sé óumflýjanlegt? Er það
bölvun eða blessun? Á að selja
bækur í stórmörkuðum? Er hægt
að snúa þróuninni við? Sigurður G.
Valgeirsson bókmenntafræðingur
reifar síðan í framsögu efnið Sókn-
arfæri erlendis. Hvernig nýtist fé
til útflutnings á bókmenntum best?
Þurfum við bókmenntamiðstöð?
Ásamt Sigurði á pallborði verða
Pétur Már Ólafsson útgefandi hjá
Eddu, Jóhann Páll Valdimarsson,
útgefandi hjá JPV, Ólafur Haukur
Símonarson rithöfundur og Grétar
Már Sigurðsson, skrifstofustjóri
viðskiptaskrifstofu utanríkisráðu-
neytisins.
Þeir munu ræða spurningarnar
hvernig nýtist fé til útflutnings á
bókmenntum best og hvort leysa
eigi Bókmenntakynningarsjóð upp?
Klukkan 16.30 ræða fulltrúar
stjórnmálaflokkanna stefnu sína
varðandi lækkun virðisauka á bæk-
ur og stuðning við íslenskar bók-
menntir og bókaútgáfu.
Sigurður Svavarsson, formaður
Félags íslenskra bókaútgefenda,
mun síðan slíta þinginu um kl.
17.30. Allir eru velkomnir meðan
húsrúm leyfir.
Bókaþing 2003 í Iðnó í viku bókarinnar
Hvers á bókin að gjalda?
Aðalsteinn
Ásberg Sigurðsson
Pétur
Gunnarsson
Ólafur Haukur
Símonarson
JÓNA Þorvaldsdóttir sýnir ljósmyndir á Mokka. Á
sýningunni eru átta svarthvítar ljósmyndir frá ár-
unum 2001–2002. Þetta er fyrsta einkasýning Jónu
á Íslandi.
Viðfangsefnið í þessari verkaröð er einskonar
draumkenndur raunveruleiki en myndirnar eru
flestar teknar á Kodak innrauðar filmur. Jóna vinn-
ur myndirnar allar í höndum, framköllun og stækk-
un. Myndirnar eru teknar í Slóveníu, Bandaríkj-
unum, Portúgal og á Kúbu á árunum 2000 til 2002.
Jóna lærði ljósmyndun í Póllandi og Slóveníu á
árunum 1997 til 2001. Hún hefur tekið þátt í sam-
sýningu og samkeppni í Póllandi á vegum „Warsaw
Voice“ og vann þar til fyrstu verðlauna. Hún tók
einnig þátt í samsýningu Fókus-félaga „Ljóðið í
Fókus“ á Vetrarhátíð Reykjavíkurborgar í mars
2003.
Sýningin á Mokka stendur yfir til 23. maí.
Ljósmynda-
sýning á Mokka