Morgunblaðið - 25.04.2003, Blaðsíða 30

UMRÆÐAN
30 FÖSTUDAGUR 25. APRÍL 2003 MORGUNBLAÐIÐ
AÐ undanförnu hefur legið mjög á
mörgum að vita hverjir eigi Frétta-
blaðið. Málflutningur margra sjálf-
stæðismanna hefur hreinlega staðið
og fallið með því hvort Jón Ásgeir
Jóhannesson sé meðal eigenda þar.
Davíð Oddsson og Hannes Hólm-
steinn Gissurarson hafa meðal ann-
arra byggt rökstuðning sinn á þeirri
forsendu að Jón Ásgeir sé þar hlut-
hafi og því sé hægt að álykta sem svo
að Fréttablaðið byggi sinn frétta-
flutning á persónulegum skoðunum
Jóns Ásgeirs. Þar með gefa þeir sér
að fjölmiðlafólki sé yfirleitt sama um
starfsheiður sinn, í það minnsta hjá
einkareknum fjölmiðlum, og skrifi
fréttaefni eftir skoðunum stærsta
hluthafa þess fjölmiðils sem það
vinnur hjá.
Hverjir eiga flokkana?
Davíð og Hannes hafa beint og
óbeint sagt að virtur blaðamaður
sem hefur upplýst mörg þjóðþrifa-
mál, þar á meðal Árnamálið og
Landssímamálið, sé óvandaður
leigupenni sem taki þátt í samsæri
gegn Sjálfstæðisflokknum og Davíð
Oddssyni. En ef blaðamaður er sjálf-
krafa leigupenni af því ekki er vitað
hverjir eiga blaðið sem hann skrifar í
þá hljótum við að spyrja hvort
stjórnmálamenn eru þá ekki
strengjabrúður þeirra fyrirtækja og
efnamanna sem styrkja þá í skjóli
nafnleyndar og lokaðs bókhalds
stjórnmálaflokkanna.
Hvernig má þá vera að þessir
sömu menn telji það ekki skipta al-
menning nokkru máli að bókhald
stjórnmálaflokka sé opið og aðgengi-
legt öllum? Skiptir eignarsamsetn-
ing í einkafyrirtækjum sem sagt
meira máli fyrir almenning í landinu
en sjóðsmyndum stjórnmálaflokka?
Með sömu rökum og Hannes Hólm-
steinn, Davíð Oddsson o.fl. hafa not-
að, þá er stjórnmálaflokkum ekki
treystandi þar sem við vitum ekki
hverjir gefa fé í þá. Af hverju eru
sjálfstæðismenn ekki samkvæmir
sjálfum sér og berjast fyrir opnun
bókhalds stjórnmálaflokka?
Við þetta má bæta að fjölmiðlar
hafa ákveðnar hlutleysis- og hlut-
lægnisskyldur sem stjórnmálaflokk-
ar hafa ekki, og þ.a.l. er það líklegra
að stjórnmálaflokkar gæti hags-
muna þeirra sem veita þeim fjár-
magn til reksturs, en fjölmiðlar.
Hannes lýsti kannski rökhugsun
sinni best þegar hann tilkynnti öllum
hver kjarni málsins væri. Jú, kjarni
málsins var sá að Davíð er gull af
manni.
Tvískinnungur
sjálfstæðismanna
Annað athyglisvert dæmi er til um
tvískinnung sjálfstæðismanna. Þeg-
ar Kjartan Gunnarsson fram-
kvæmdastjóri Sjálfstæðisflokksins
tapaði meiðyrðamáli gegn Sigurði G.
Guðjónssyni árið 2000 þá fannst
þeim afar einkennilegt að Sigurður
þyrfti ekki að sanna mál sitt. Um
þetta sagði Björn Bjarnason:
„Með öðrum orðum er það svo
samkvæmt dómi meirihluta hæsta-
réttar (2:1), að beri menn eitthvað á
einhvern, sem gegnir áberandi stöðu
innan Sjálfstæðisflokksins, þurfa
þeir ekki að sanna, að þeir hafi rétt
fyrir sér, ef það er þeim óhæfilega
erfitt. Minnir þetta á það, sem
George Orwell sagði: Öll dýr eru
jöfn. En sum dýr eru jafnari en önn-
ur.“
Það er ljóst að þeir félagar eru
með allra jöfnustu dýrunum á bæn-
um, kannski í heiminum. Þeir þurfa
ekki að sanna ærumeiðingar sínar
gagnvart Reyni Traustasyni, Jóni
Ásgeiri, Jóni Ólafssyni né neinum
öðrum sem þeir hafa beint eða óbeint
sakað opinberlega um óheiðarleika.
Er nema von að Gunnar Smári
Egilsson, ritstjóri Fréttablaðsins,
spyrji hvort það vanti alla sóma-
kennd í þessa menn?
Stolið frá
höfundi
rökleysunnar
Eftir Hinrik Má
Ásgeirsson
„Með sömu
rökum og
Hannes
Hólmsteinn,
Davíð Odds-
son o.fl. hafa notað, þá
er stjórnmálaflokkum
ekki treystandi þar sem
við vitum ekki hverjir
gefa fé í þá.“
Höfundur er tölvunarfræðinemi.
STJÓRNARSETA Framsóknar-
flokksins síðustliðin átta ár er ár-
angursrík fyrir alla þjóðina.
Ísland er orðið land tækifæra og
framfarir eru miklu meiri en spáð
var um.
Framsóknarflokkurinn hefur
látið verkin tala og staðið við sín
loforð. Þeir sem treysta Fram-
sóknarflokknum vita hvernig hann
er gerður.
Á síðustu árum hefur efnahags-
líf þjóðarinnar sem og athafnalíf
verið öflugt og fjölbreytilegt. Þeg-
ar Framsóknarflokkurinn kom til
valda 1995 voru árin á undan tíma-
bil stöðnunar og mikils atvinnu-
leysis. Í dag stenst íslenska þjóðin
samburð við það sem best þykir
meðal annarra þjóða.
Stöðugleikinn hefur verið varð-
veittur og var hagvöxtur árið 1999
var 3,6%, árið 2000 var hann 5,5%
og árið 2001 var hann 3,0%. Á ár-
unum 1995 til 1999 var hagvöxtur
á meðaltali tæp 4%.
Kaupmáttur ráðstöfunartekna
fjölskyldunnar hefur aukist um
þriðjung. Það segir hversu vel hef-
ur verið staðið að efnahagsstjórn
landsins. Kaupmáttur hefur vaxið í
átta ár í röð og slíkt þekkist ekki á
lýðveldistíma. Skynsamleg efna-
hagsstjórn hefur fært þjóðinni
þetta.
Sagt er um okkur Íslendinga að
þó að við séum fá, þá hugsum við
eins og milljónaþjóð. Krafturinn
og seiglan er mikil í hverju okkar,
við stöndum vörð um það sem er
næst okkur. Við vitum úr hverju
við erum gerð og stígum alltaf
skrefið lengra. Þess vegna stönd-
um við í þessum sporum í dag.
Framsóknarflokkurinn hefur allt
frá stofnun staðið að umbótum og
velferð. Hann hefur verið frá upp-
hafi á miðju stjórnmála ólíkt öðr-
um flokkum sem þeysast um og
vita ekki hvar leiðarendi er, eða á
hvaða grunni þeir byggja. Þess
vegna vil ég Framsóknarflokkinn,
því ég treysti honum best fyrir því
sem hann lofar. Efnahagsstjórn
landsins er dæmi um hverjir eiga
að vera við völd.
Höfum það hugfast 10. maí X-B.
Framsókn er
best treystandi
Eftir Tómas
Meyer
Höfundur er formaður Félags ungra
framsóknarmanna í Hafnarfirði.
„Kaup-
máttur ráð-
stöfunar-
tekna
fjölskyld-
unnar hefur aukist um
þriðjung. Það segir
hversu vel hefur verið
staðið að efnahags-
stjórn landsins.“