Morgunblaðið - 28.04.2003, Qupperneq 12

VIÐSKIPTI/ATHAFNALÍF
12 MÁNUDAGUR 28. APRÍL 2003 MORGUNBLAÐIÐ
stjórnendur fyrirtækja og stofnana, sem bera ábyrgð á vernd
upplýsinga og að móta og innleiða stjórnkerfi upplýsingaöryggis,
starfsfólk sem gegnir lykilhlutverki í að innleiða stjórnkerfi
upplýsingaöryggis og vinna samkvæmt því,
tæknifólk sem kemur að tæknilegri útfærslu stjórnkerfisins,
ráðgjafa á sviði upplýsingaöryggis.
Markmið námskeiðsins er að þátttakendur geti gert grein fyrir
áherslum og uppbyggingu staðlanna ÍST ISO/IEC 17799 og
ÍST BS 7799-2 og þekki hvernig þeim er beitt við stjórnun
upplýsingaöryggis og mótun öryggisstefnu í fyrirtækjum og stofnunum.
Skráning og nánari upplýsingar á vef Staðlaráðs,
www.stadlar.is eða í síma 520 7150
Örugg meðferð upplýsinga
Stjórnun upplýsingaöryggis
samkvæmt ISO 17799
Námskeið 7. og 8. maí fyrir
ÍSLENSKA hugbúnaðarfyrirtækið
Median hf., gerði í lok síðasta árs
samning við breska flugfélagið Brit-
ish Midland. Um er að ræða samning
um sölu á Tpos-hugbúnaði til að taka
á móti greiðslum vegna síma- og net-
sölu flugfélagsins. Núna um páskana
var kerfinu hleypt af stokkunum og
eru nú kortafærslur frá viðskiptavin-
um flugfélagsins farnar að streyma í
gegnum kerfi Median.
Þessi samningur er mjög mikil-
vægur fyrir Median og opnar mögu-
leika á enn frekara samstarfi fyrir-
tækjanna. British Midland er
gríðarlega stórt fyrirtæki á íslenskan
mælikvarða en velta félagsins var á
síðasta ári rúmir 104 milljarðar ís-
lenskra króna.
Tpos kerfið sem British Midland
hefur nú tekið í notkun er aðeins hluti
af enn stærra kerfi sem Median hefur
verið að kynna fyrir evrópskum flug-
félögum síðustu misseri, en það kerfi
heitir Tpos-Trac. Flugleiðir hafa ver-
ið með Tpos-Trac í notkun um nokk-
urt skeið, en kerfið var hannað í nánu
samstarfi við Flugleiðir.
Mikill sparnaður
fyrir flugfélög
Haukur Gíslason, sölu- og mark-
aðsstjóri Median, segir að með Tpos-
Trac spari flugfélög sér mikla fjár-
muni á hverju ári, með hagræðingu á
umsýslu og úrvinnslu á korta-
færslum. „Meðhöndlun kortafærslna
í flugfélagaheiminum er ótrúlega
flókið fyrirbæri,“ segir hann.
Ástæðan er sú, að sögn Hauks, að í
flestum tilfellum gefa flugfélögin
ferðaskrifstofum og umboðsmönnum
víða um heim tækifæri á að bóka sæti
í þeirra vélar, en um leið og sætið er
greitt með korti verður viðkomandi
flugfélag „eigandi“ kortafærslunnar.
„Þetta gerir að verkum að IATA,
Alþjóðasamband áætlunarflugfélaga,
er með gríðarlegt net af færslusöfn-
unarfyrirtækjum úti um allan heim
sem safnar saman kortafærslum fyr-
ir flugfélög. Kortafærslan þarf því að
skila sér frá sölustaðnum alla leið til
flugfélagsins, með tilheyrandi upp-
gjörum og þóknanagreiðslum milli
margra ólíkra aðila. Þetta gerir Tpos-
Trac, með áður óþekktri skilvirkni.
Flugfélögin fá einnig með Tpos-Trac
aðgang að nákvæmari upplýsingum
um fjárstreymi fyrirtækisins á hverj-
um tíma, sem er lífsnauðsynlegt
hverju flugfélagi. Sérstaklega nú
þegar erfiðleikar í rekstri steðja að
fyrirtækjunum,“ segir Haukur.
Einn af kostum kerfisins er líka sá,
segir Haukur, að þegar búið er að
safna saman og fylgja eftir korta-
færslunum í þessu flókna umhverfi
þá skráir Tpos-Trac öll uppgjör, allar
greiðslur, þóknanir, bakfærslur,
o.s.frv. beint inn í fjárhagsbókhald
flugfélagsins. „Því er augljóst að flug-
félög, sem taka upp þetta kerfi, eiga
að geta lækkað kostnað verulega,“
segir Haukur.
Áhugi í Evrópu
Hingað til hefur aðaláhuginn kom-
ið frá evrópskum flugfélögum en
Median hefur einnig fengið jákvæð
viðbrögð frá alþjóðlegum hótelkeðj-
um, ferju- og skemmtisiglingafyrir-
tækjum auk þess sem alþjóðlegar
verslanakeðjur sjá Tpos-Trac sem
ákjósanlegan kost til að draga úr
kostnaði við móttöku og meðhöndlun
kredit- og debetkorta.
„Við þróun og gerð Tpos-Trac höf-
um við notið þeirra forréttinda að
vinna með Icelandair, litlu alþjóðlegu
flugfélagi, sem hefur við að glíma
sama flækjustigið og stóru erlendu
flugfélögin. Smæð fyrirtækisins hef-
ur verið mikill kostur í þessari vinnu,
því fyrir vikið er auðveldara að
bregðast við öllum þeim vandamálum
sem sannanlega koma upp við gerð
svona yfirgripsmikils kerfis,“ segir
Haukur.
Í notkun hjá 1.200 fyrirtækjum
Median hf. var stofnað árið 1993 og
fagnaði 10 ára afmæli í febrúar síð-
astliðnum. Það er í eigu Baugs, Euro-
pay Íslands, Flugleiða, Íslandsbanka,
Opinna kerfa, Skýrr, Sparisjóðs
Reykjavíkur og nágrennis, Visa Ís-
land – Greiðslumiðlunar, Sparisjóða-
bankans, Búnaðarbanka Íslands,
Landsbankans – Fjárfestingar hf.
auk starfsmanna.
Vörulína fyrirtækisins ber heitið
Tpos, en 1.200 innlend og erlend fyr-
irtæki nota hana. Þeirra á meðal eru
Europay í Noregi, Visa í Noregi, Oslo
taxi, sænska verslanakeðjan El-Gig-
anten, Natwest UK (Royal Bank of
Scotland), British Midland, Icelanda-
ir, Flugfélag Íslands, Europay Ís-
land, Visa Ísland auk fjölda íslenskra
verslana, fyrirtækja og vefverslana.
Tpos skiptist í þrjár vörur; Tpos-
Direct Sales sem er heimildakerfi
fyrir stór og meðalstór verslanafyr-
iræki, Tpos-Trac, sem sniðið hefur
verið að þörfum flugfélaga, og Tpos-
xps, sem er ætlað stórum bönkum og
kreditkortafyrirtækjum, en Reikni-
stofa bankanna notar til dæmis xps-
kerfi frá Median við söfnun og úr-
vinnslu á öllum kredit- og debet-
kortafærslum á Íslandi.
Median hf. gerir samning við flugfélagið British Midland
Einstakt kerfi í heiminum
BRETAR vita ekki mikiðum Ísland, segir al-mannatengill Iceland Express í Bretlandi.
Brett Gregory-Peake er handviss
um að margt sé hægt að gera til að
kynna landið, þjóðina og afurðirnar
fyrir Bretum.
Hann er mikill áhugamaður um
Ísland og almannatengslafyrirtæki
hans, Frank and Earnest Comm-
unications, hefur starfað fyrir
nokkur íslensk fyrirtæki. Sjálfur
starfaði hann um tíma fyrir Flug-
leiðir.
Þegar blaðamaður hitti Gregory-
Peake yfir kaffibolla í miðbæ
Reykjavíkur á dögunum var hann í
stuttu stoppi í tengslum við fegurð-
arsamkeppnina Ungfrú Ísland.is
sem styrkt var af Iceland Express.
Í ferðinni ræddi Peake við sendi-
herra Bretlands um tækifæri fyrir
íslenskar afurðir á breskum smá-
sölumarkaði, hitti forsvarsmenn
hjá Iceland Express auk þess að
funda með kjötframleiðanda um út-
flutning á íslensku lambakjöti.
Stórstjörnur kynna landið
Gregory-Peake er ekki sáttur við
það hvernig Ísland er kynnt í Bret-
landi og segir mikið skorta upp á
þekkingu samlanda hans á Íslandi.
„Það þekkja allir Björk og þykjast
vita að á Íslandi sé kalt. En það er
ekki einu sinni svo kalt hérna.
Mér finnst Flugleiðir ekki hafa
staðið sig nógu vel í að kynna land-
ið fyrir Bretum. Bretar vita ekki
nógu mikið um Ísland og því vilj-
um við breyta.“ Hann segir það þó
almennt álit í Bretlandi að Ísland
sé ákaflega svalt land að sækja
heim. En hvaðan ætli Bretar – sem
að öðru leyti virðast ekki fróðir um
Ísland – fái þá hugmynd að landið
sé svalt og „inn“?
„Í kringum árin 1999 og 2000
var mikil umræða um menningar-
og næturlíf í Reykjavík í breskum
fjölmiðlum. Ég held að það hafi
hjálpað mikil til við að vekja at-
hygli á landinu hversu margar
stórstjörnur hafa sótt það heim.
Damon Albarn hefur verið mikið
hérna og svo kom Kevin Costner
til að veiða. Björk hefur auðvitað
alltaf haft mikil áhrif. Athygli stór-
stjarnanna vekur athygli annarra á
landinu,“ segir Gregory-Peake.
Hann telur að margir Bretar
setji það fyrir sig að Ísland sé
langt í burtu og telji að landið sé
dýrt. „Fólk áttar sig ekki á því að
Ísland er bara tvo og hálfan
klukkutíma í burtu. Nú þegar það
er orðið ódýrara að fljúga til Ís-
lands þá hefur fólk meira fé til að
eyða á Íslandi og við getum komið
þeim skilaboðum til fólks að Ísland
sé í raun ekki svo langt í burtu.“
Sjálfur segist Gregory-Peake
heillaður af landi og þjóð og jafnvel
hafa hug á að flytjast hingað til
lands. „Ísland er ekki það fyrsta
sem fólki dettur í hug þegar það
ætlar í frí. Hér eru ekki strendur
og ekki mikil sól. Fólk kemur hing-
að vegna upplifunarinnar.“
Gregory-Peake starfaði um tíma
fyrir Flugleiðir og er því ekki
ókunnur íslenskum flugmarkaði.
Hann telur að tilkoma Iceland Ex-
press opni ekki einungis leiðir til
að fjölga breskum ferðamönnum
hér á landi heldur virki áhrifin líka
í hina áttina. „Ódýrari flugferðir
opna leið að breska markaðnum og
öðrum stórum mörkuðum sem áður
voru lokaðir. Þetta er ekki bara
tækifæri fyrir ferðaiðnaðinn heldur
fyrir íslensk fyrirtæki. Það er mik-
ilvægt að þau nýti sér það að geta
ferðast ódýrara en áður.“
Heltekin af hreinleika
Að sögn Gregory-Peake ríður nú
mikil heilsubylgja yfir Bretland.
Hana telur hann hægt að nýta til
að kynna íslenskar vörur. „Bret-
land er heltekið af hreinleika þegar
kemur að matvælum, ekki síst
kjöti. Við höfum fengið alls konar
sjúkdóma í okkar kjöt. Íslenskt
lambakjöt er eins ferskt og hreint
og völ er á í heiminum. Ég held að
það geti virkað á breska neyt-
endur. Það eru fjölmörg tækifæri á
breskum markaði fyrir íslenskar
vörur,“ segir Gregory-Peake. Í Ís-
landsför sinni á dögunum átti hann
meðal annars fund með íslenskum
kjötframleiðanda um mögulegan
útflutning á íslensku lambakjöti til
Bretlands. Hann segir þó ekkert
komið á hreint í þeim efnum en
þeir kaupmenn sem hann hafi rætt
við ytra séu jákvæðir.
Hið alíslenska skyr er önnur Ís-
landsafurð sem Gregory-Peake tel-
ur að geti átt upp á pallborðið hjá
löndum sínum. „Ísland á vöru sem
er fitusnauð. Í Bretlandi og um all-
an heim er sífellt verið að kalla eft-
ir matvælum sem eru fitusnauð.
Þarna held ég að liggi miklir
möguleikar. Bretar vilja hreinar
náttúruafurðir og þær er að finna
hér á Íslandi,“ segir Gregory-
Peake.
Svalt en
ekki svo kalt
Ísland er „svalt“ og bæði íslenskt lambakjöt og skyr
myndi sóma sér vel á borðum breskra neytenda. Þetta
segir Brett Gregory-Peake, sem sér um kynningarmál
fyrir Iceland Express í Bretlandi. Hann sagði Eyrúnu
Magnúsdóttur að heimsóknum stórstjarna – og auðvit-
að Björk – væri helst að þakka fyrir svala ímynd Ís-
lands í Bretlandi.
eyrun@mbl.is
Morgunblaðið/Golli
Margir Bretar gapa af undrun þegar þeir heyra að það taki einungis tvo og
hálfan tíma að fljúga frá Lundúnum til Keflavíkur, segir Brett Gregory-
Peake, almannatengill Iceland Express í Bretlandi.