Morgunblaðið - 28.04.2003, Blaðsíða 8
ÍÞRÓTTIR
8 B MÁNUDAGUR 28. APRÍL 2003 MORGUNBLAÐIÐ
„ÉG man bara ekki hvenær við töp-
uðum leik síðast,“ sagði Petrún Bj.
Jónsdóttir, þjálfari og leikmaður
Þróttar N., eftir bikarúrslitaleikinn.
„Það gæti hafa verið gegn KA í
fyrra en það er þá eini leikurinn á
fjórum árum held ég. Mér fannst
okkur vanta hungur í sigur í þessum
leik líkt og í leiknum gegn KA. Við
erum orðnar svo samdauna þessu og
það verður alltaf erfiðara að rífa sig
af stað í leikina. Það hefur verið óst-
uð á okkur, æfingum hefur fækkað
og við höfum ekki lagt neinn kraft í
að klára þetta mót. HK átti sigurinn
skilinn í þessum leik, þær léku mjög
vel, en við huggum okkur við að eiga
lykilleikmenn í liðinu og að hafa alið
þá vel upp,“ sagði Petrún og vísaði
til þess að þær Jóhanna B. Jóhann-
esdóttir fyrirliði og Dagbjört Víg-
lundsdóttir þjálfari eru Norðfirð-
ingar og fyrrum leikmenn Þróttar.
Eftir leikinn gegn KA í úrslitum
Íslandsmótsins ýjaðir þú að því að þú
værir að fara að breyta til. Var þetta
síðasti leikurinn þinn með Þrótti N.?
„Ég er ekki hætt en það er ekki
víst að ég muni spila eða þjálfa hjá
Þrótti Nes. næsta vetur. Þetta var
væntanlega síðasti leikur minn með
liðinu, í bili að minnsta kosti,“ sagði
Petrún og harðneitaði að gefa nokk-
uð fleira upp um fyrirætlanir sínar.
Síðasti leikur
Petrúnar með Þrótti?
„ÞESSI sigur okkar í dag kom mjög og
skemmtilega á óvart,“ sagði Jóhanna B. Jó-
hannesdóttir, fyrirliði HK. „Það skemmir
ekki fyrir að hafa lagt Þrótt að velli sem
hefur verið ósigrandi í mörg ár. Við stóðum
allar vel saman í dag, við lékum allan leik-
inn á sex leikmönnum enda vitleysa að vera
að skipta inn á þegar vel gengur. Við velt-
um því ekkert fyrir okkur hvernig þær
myndu spila þennan leik. Við Dagbjört hitt-
umst í morgun, skrifuðum niður stöðurnar
og hvernig við ætluðum að leika þennan
leik en spáðum ekkert í það hvernig þær
myndu stilla upp,“ sagði Jóhanna.
Morgunblaðið/Árni Torfason
Jóhanna B. Jóhannesdóttir, fyrirliði HK, með bikarinn.
Komum
skemmti-
lega á óvart
Það var gríðarmikil barátta meðalliðsmanna HK allt frá byrjun
leiks, leikmenn töluðu mikið saman á
vellinum og hvöttu
hver annan áfram. Á
sama tíma var líkt og
Íslandsmeistararnir
teldu það formsatriði
að vinna leikinn. Það vantaði allan
baráttuhug og hungur í leik þeirra.
HK vann fyrstu hrinu 25:20 og Pet-
rún Bj. Jónsdóttir, þjálfari Þróttar,
reyndi að berja dug í leikmenn sína
en hjá HK var stemningin fyrst og
fremst sú að hafa gaman af leiknum
og leggja sig allar fram. Ræða Pet-
rúnar dugði fyrir Þróttara í annarri
hrinu en hún vannst með minnsta
mun, 23:25. Hafi einhverjir talið að
þar með væru meistararnir komnir á
beinu brautina var það misskilning-
ur því HK rúllaði þriðju hrinunni
upp, 25:14, við það var líkt og þær
fengju loks vissu um að sigur í þess-
um leik væri mögulegur og innbyrtu
þær sigur, 25:20, og bikarmeistara-
titilinn með virkilega góðum leik í
fjórðu hrinu.
Sætasti titillinn á ferlinum
„Þetta er sætasti titill sem ég hef
unnið á ferlinum,“ sagði Dagbjört
Víglundsdóttir, þjálfari og leikmaður
HK, og fyrrum leikmaður Þróttar
Nes. „Það er ekki aðeins vegna þess
að Þróttur er mitt gamla félag held-
ur líka vegna þess að þær hafa verið
einráðar í öllum mótum í fjögur ár.
Það er alveg frábært að vinna þær
núna þegar bikar og titill er í húfi.
Við erum fyrst og fremst í þessu til
að hafa gaman af. Við æfum ekki
mikið og höfum nánast bara verið að
spila. Það er engin pressa á okkur og
við höfum bara gaman af þessu. Við
höfum verið þjálfaralausar og þó að
ég sé titluð þjálfari hef ég eiginlega
ekki mætt á neina æfingu eftir ára-
mótin og það á við um marga leik-
menn í okkar liði. Við höfum mætt í
leiki og á eina og eina æfingu á svona
tveggja vikna fresti.“
Þessi staðreynd, hvað segir hún
okkur um stöðu kvennablaksins?
„Það segir okkur fyrst og fremst
það að standardinn í blaki á Íslandi
er mjög lágur, því miður. Það eru fá-
ir sem spila og lítil endurnýjun í
greininni. Ég var til dæmis hætt að
spila en kom til baka bara til að vera
með þetta ár. Engu að síður er þetta
stór dagur í sögu HK og ánægjulegt
að eiga þátt í að vinna fyrsta stóra
titilinn í blaki til félagsins,“ sagði
Dagbjört Víglundsdóttir.
Stjarnan skilar fullu húsi
Stjarnan skilar fullu húsi í blaki
karla en liðið mætti HK í úrslitaleik
bikarkeppninni, en leikurinn var
jafnframt lokaleikur blaktímabilsins.
Stjarnan hafði áður unnið deildar-
meistaratitilinn, Íslandsmeistara-
bikarinn og vantaði aðeins bikarinn
til að skila fullu húsi úr mótum vetr-
arins – það tókst með sigri, 3:1.
Leikgleði og einbeiting skein af
liði Stjörnunnar frá fyrstu hrinu til
hinnar síðustu. Vignir Hlöðversson,
fyrirliði Stjörnunnar, fór fyrir sínu
liði og var að öðrum ólöstuðum besti
leikmaður liðsins. Stjarnan vann
fyrstu hrinuna, 18:25, en HK-ingar
sýndu mikinn baráttuhug í annarri
hrinu og tókst að sigra, 25:23. Þá
sögðu leikmenn Stjörnunnar hingað
og ekki lengra, bættu leik sinn jafnt
og þétt, unnu sigur í tveimur næstu
hrinum, 20:25 og 27:25, og fögnuðu
að vonum vel þegar leiknum lauk.
Alltaf vonbrigði að tapa
Ólafur Þ. Viggósson, fyrirliði HK,
var ekki sáttur við niðurstöðu leiks-
ins gegn Stjörnunni þó að Stjarnan
hefði fyrirfram verið talið sigur-
stranglegra liðið. „Það eru alltaf von-
brigði að tapa. Það eru orðin nokkuð
mörg ár síðan við vorum með í topp-
baráttunni og Stjarnan hefur verið
með langjafnasta liðið í deildinni í
vetur. Þeir eru með mjög jafnt lið,
sex mjög góða leikmenn, það sem
hefur háð bæði okkur og ÍS er að
þetta hefur verið alltof mikið rokk-
andi. Það er of mikið bil á milli topp-
leikja og botnleikja hjá okkur.“
Það er greinilega mikil stemning í
HK-liðinu, jafnvel þó að það séu
þarna leikmenn sem falla í öldunga-
flokk?
„Já, já, það er það. Það eru hérna
10 einstaklingar sem er mjög illa við
að tapa og það kemur upp barátta og
stemning. Við erum fjórir sem erum
komnir yfir þrítugt en hinir eru und-
ir því og ég vil meina að þó að við
séum orðnir þetta gamlir þá eigum
við fullt erindi í liðið og deildina,“
sagði Ólafur Viggósson, fyrirliði HK.
Morgunblaðið/Árni Torfason
Petrún Bj. Jónsdóttir, þjálfari Þróttar frá Neskaupstað, mundi ekki hvenær lið sitt tapaði síðast.
HK-konur úr Kópavogi komu sannarlega á óvart á laugardag þegar
þær mættu Íslandsmeisturunum úr Þrótti Neskaupstað í úrslitum
bikarkeppni Blaksambands Íslands í þremur hrinum gegn einni,
25:20, 23:25, 25:14, 25:20. Þróttarkonur hafa verið ósigrandi í fjög-
ur ár og er liðið Íslands- og deildarmeistari síðustu fjögurra ára og
hafði hampað bikarnum síðustu þrjú ár þar til á laugardag er HK
lagði Þróttara að velli. Þetta er fyrsti stóri titill Kópavogsliðsins í
blaki kvenna. Stjörnumenn náðu þrennunni er þeir lögð HK í bráð-
fjörugum og skemmtilegum leik, 3:1
Ingibjörg
Hinriksdóttir
skrifar
HK-konur tryggðu sér
fyrsta meistaratitilinnVIGNIR Hlöðversson, fyrirliðiStjörnunnar, var kampakátur eftirað bikarinn var kominn í höfn. „Viðerum búnir að vera svo nálægt
þessu undanfarin ár og við vitum
að það býr mikið í þessu liði. Það
hefur vantað trúna en núna small
þetta loksins saman og okkur
fannst við vera ósigrandi. Við erum
búnir að æfa rosalega vel, við höf-
um fengið fleiri á æfingar og það
hefur gert mikið fyrir liðsheildina
og stemninguna í kringum liðið.
Þetta sama lið hefur spilað saman í
5 til 6 ár og við höfum verið við
þröskuldinn að titlum á þessum
tíma.“
Með góðum sigrum ykkar í vetur
og endurkomu HK í bikarúrslit er
ljóst að breytingar hafa orðið í vet-
ur á þeim liðum sem hingað til hafa
einokað titla í blaki karla, lið eins
og ÍS og Þróttur Reykjavík eru
hvergi nærri. Er frekari breytinga
að vænta?
„Já, það hafa orðið talsverðar
breytingar og er það m.a. vegna
þess að leikmenn hafa verið að
færa sig á milli liða, með HK eru
t.d. leikmenn úr gamla HK, ÍS og
Þrótti Nes. sem hafa komið til baka
eftir frí. Það eru spilaðir fleiri leiki
núna en í fyrra og liðin eru í betra
líkamlegu formi en þau hafa verið
oft áður. Deildin hefur verið mjög
jöfn og í vetur hafa þrjú lið, við, ÍS
og HK, verið að slást um toppsætið.
ÍS hefur verið með yfirburði síð-
ustu ár og loksins náðum við að yf-
irtaka þetta eftir að hafa verið að
klóra í bakkann,“ sagði Vignir.
Morgunblaðið/Árni Torfason
Vignir Hlöðversson
með bikarinn.
Fannst við
vera
ósigrandi
Stjörnumenn tryggðu sér sinn þriðja meistaratitil í lokaleik blakvertíðarinnar