Morgunblaðið - 29.04.2003, Blaðsíða 18
ERLENT
18 ÞRIÐJUDAGUR 29. APRÍL 2003 MORGUNBLAÐIÐ
YFIRVÖLD í Víetnam lýstu því í
gær yfir að tekist hefði að kveða nið-
ur lungnabólgufaraldurinn í landinu
og að engin ný tilfelli bráðalungna-
bólgunnar, HABL, hefðu greinst síð-
astliðna 20 daga. Þetta er fyrsta ríki
heims sem hefur tekist á við sjúk-
dóminn og kveðið hann niður. Fimm
höfðu látist af völdum HABL í Víet-
nam og 63 sýkst.
„Tekist hefur að kveða niður
HABL í Víetnam,“ sagði Tran Thi
Trung Chien heilbrigðisráðherra á
blaðamannafundi. Sagði ráðherrann
að þrátt fyrir þetta væri enn hætta á
að veikin bærist til landsins með
ferðafólki og að ríkisstjórnin myndi
því áfram eiga samstarf við Alþjóða-
heilbrigðismálastofnunina (WHO)
um aðgerðir til að koma í veg fyrir
útbreiðslu sjúkdómsins.
Embættismenn WHO greindu frá
því að lungnabólgufaraldurinn hefði
náð hámarki í Síngapúr, Hong Kong,
Kanada og Víetnam en vöruðu hins
vegar við því að veikin breiddist enn
hratt út í Kína og Taívan. „Svo virð-
ist af þeim fréttum sem við fáum frá
Hong Kong, Singapúr, Toronto [í
Kanada] og Víetnam að faraldurinn
hafi náð hámarki í þessum löndum,“
segir David Heymann, smitsjúk-
dómalæknir WHO.
Hann segir að sífellt færri tilfelli
heilkenna alvarlegrar og bráðrar
lungnabólgu (HABL) komi upp á
degi hverjum og í Víetnam sé veikin
hætt að greinast. „Þess vegna bind-
um við vonir við að faraldurinn hafi
náð hámarki í þessum löndum.“
332 hafa látist
Heymann, sem staddur er á neyð-
arfundi með leiðtogum Suðaustur-
Asíuríkja í Bangkok, sagði ástandið í
Kína valda áhyggjum. Hann sagði
fregnir benda til þess að HABL væri
enn að breiðast um Kína. Þá sagði
hann að sama staðan væri í Taívan,
þar veiktust sífellt fleiri.
Að minnsta kosti 332 hafa látist
um heim allan af völdum HABL,
flestir í Kína og Hong Kong. Þá hafa
um 5.000 manns veikst.
Reuters
Kínverskir lögreglumenn með andlitsgrímur fyrir vitum þar sem þeir ganga um Torg hins himneska friðar í Pek-
ing í gær. Útbreiðsla HABL hefur enn ekki náð hámarki í Kína að mati Alþjóðaheilbrigðismálastofnunarinnar.
Búið að kveða HABL
niður í Víetnam
Veikin talin hafa náð hámarki í Singapúr, Hong Kong
og Kanada en hún breiðist enn afar hratt út í Kína
Hanoi. AP.
NICANOR Duarte, fyrrverandi
menntamálaráðherra Paragvæ, sem
lofaði að berjast gegn spillingu og
bæta orðspor landsins, bar sigur úr
býtum í forsetakosningum er þar fóru
fram á sunnudaginn. Duarte er í
Coloradoflokknum, sem setið hefur
að völdum í Paragvæ í 56 ár.
Þegar 92% atkvæða höfðu verið tal-
in hafði Duarte hlotið 37,2%, en næst-
ur kom frambjóðandi hins stóra
flokksins í landinu, Frjálslynda
flokksins, Julio Cesar Franco, með
24% atkvæða. Kaupsýslumaðurinn
Pedro Fadul fékk 22 prósent.
Duarte er 46 ára blaðamaður og
fyrrverandi ráðherra. Er hann fagn-
aði sigri skoraði hann á helsta keppi-
naut sinn að ganga í lið með sér „í bar-
áttu gegn fátækt, spillingu og því að
menn komist upp með glæpi“. Sagðist
hann myndu berjast til þess að Para-
gvæbúar gætu verið stoltir af leiðtog-
um sínum og landi. Hann tilkynnti
einnig að hann myndi senda nefnd til
alþjóðlegra fjármálastofnana í Wash-
ington nú í vikunni.
Rúmlega 100 alþjóðlegir eftirlits-
menn fylgdust með framgangi kosn-
inganna. Um 2,5 milljónir manna voru
á kjörskrá, en kjörsókn var um 59%.
Á um helmingi kjörstaða fór kosning-
in fram með rafrænum hætti, en til
þess gerðar vélar voru fengnar að láni
frá Brasilíu. Fyrir vikið gengu kosn-
ingarnar og talning atkvæða hraðar
fyrir sig, en nokkur vandkvæði komu
þó upp.
Einnig var kosið um 45 öldunga-
deildarþingsæti, 80 fulltrúadeildar-
sæti, 17 ríkisstjórasæti og fjölda sæta
í sveitarstjórnum. Útlit var fyrir að
Coloradoflokkurinn myndi missa
meirihluta sinn á þinginu, einungis fá
36% af 125 sætum, en hafði áður 51%.
Tök Coloradoflokksins á stjórnar-
taumunum í Paragvæ tengjast um-
fangsmiklum, opinberum ívilnunum.
Rúmlega 200 þúsund opinberir
starfsmenn og fjölskyldur þeirra eru
hollir flokknum. Fráfarandi forseti,
Luis Gonzalez Macchi, var ekki í
framboði. Forsetatíð hans einkennd-
ist af ásökunum um spillingu, einkum
að hann hafi flutt sem svarar 1,2 millj-
örðum ísl. kr. úr seðlabanka landsins
inn á einkareikning sinn í Bandaríkj-
unum. Í febrúar var hann sýknaður af
ákæru um embættisafglöp.
Andstæðingar Duartes sökuðu
hann um að hafa haldið verndarhendi
yfir þekktum stjórnmálamönnum
sem flæktir hafa verið í umtöluð spill-
ingarmál. Fadul fordæmdi meinta
„beitingu ríkisstofnana“ í þágu
Duartes, einkum til að hafa áhrif á op-
inbera starfsmenn og fjölskyldur
þeirra, sem eru hátt í 40% kjósenda.
Alþjóðlega eftirlitsstofnunin
Transparency International hefur
sagt að hvergi í Suður-Ameríku sé
spilling jafn landlæg og í Paragvæ.
Landið er enn í skugga fyrrverandi
hershöfðingja og einræðisherra,
Alfredos Strössners, sem réð þar
ríkjum frá 1954 til 1989 og var form-
lega fulltrúi Coloradoflokksins.
Strössner er nú 85 ára, heilabilaður
og býr í útlegð í Brasilíu.
Undanfarin fjögur ár hefur einhver
versta efnahagskreppa síðari tíma
þjakað landið, sem orðið hefur illa fyr-
ir barðinu á efnahagserfiðleikum í
Argentínu, Brasilíu og Urugvæ.
Duarte sigrar í forseta-
kosningum í Paragvæ
56 ára valdatíð
Coloradoflokks-
ins fram haldið
Asuncion. AFP.
Reuters
Nicanor Duarte ásamt konu sinni,
Gloríu, á kjörstað í Asuncion.
Reuters
Stuðningsmenn Duartes fagna úrslitum kosninganna í miðborg Asuncion.
ÞRJÚ stærstu netfyrirtækin í
Bandaríkjunum tilkynntu í gær að
þau hefðu tekið höndum saman til að
stemma stigu við ruslpósti. Í sameig-
inlegri yfirlýsingu frá America On-
line, Microsoft Corp. og Yahoo! sagði
að fyrirtækin hygðust vinna saman
og með öðrum fyrirtækjum gegn
auglýsingatölvupósti sem oft væri
sendur út á fölskum forsendum og
væri einstaklingum og fyrirtækjum
talsverð áþján.
„Það er kominn tími til að keppi-
nautar og greinin í heild vinni saman
að því að draga úr ruslpóstsending-
um,“ sagði David Cole, einn af yf-
irmönnum MSN, sem er netarmur
Microsoft.
„Með því að leiða saman mismun-
andi sjónarmið og reynslu öðlumst
við tækifæri til að endurnýja trú á
tölvupóst. Ég er ánægður með að
AOL, Yahoo og Microsoft skuli taka
þetta jákvæða skref,“ sagði hann.
Í rannsókn sem gerð var í fyrra
var því spáð að árið 2007 myndi
venjulegur tölvunotandi fá meira en
3.900 ruslpóstsendingar árlega. Þá
sýndi rannsóknin að menn fengu
daglega að jafnaði 6,2 ruslpóstsend-
ingar árið 2002 en höfðu fengið 3,7
sendingar árið áður.
Ekki er aðeins ónæði af ruslpóst-
inum heldur kosta stórfyrirtæki ár-
lega háum fjárhæðum til að verjast
slíkum ruslsendingum, að hluta til
svo pósturinn taki ekki upp alltof
mikið rými í tölvukerfum þeirra og
lami þau þannig.
Ætla að þróa nýja tækni
AOL, Microsoft og Yahoo! munu
hefja viðæður um tæknilega staðla
og viðmiðanir sem hægt verði að
nota til að stemma stigu gegn rusl-
pósti. Reynt verður að koma í veg
fyrir að hægt verði að falsa bréf-
hausa sem fylgja tölvupósti, og
hindra að netpóstkerfi AOL, Micro-
soft og Yahoo! verði notuð til að
senda ruslpóst og koma í veg fyrir að
notendur geti stofnað nafnlaus net-
póstföng til að senda út fjöldapóst.
Þá er stefnt að því að þróa nýja
tækni svo betur verði hægt að að-
greina ruslpóst frá öðrum tölvupósti.
Sameinast um
aðgerðir gegn
ruslpósti
Washington. AFP.
RÚSSNESKT Sojuz TMA 2-
geimfar, sem skotið var á loft
frá Bajkonúr í Kazakstan á
laugardag, tengdist í gærmorg-
un við alþjóðlegu geimstöðina.
Um borð í geimfarinu voru
tveir geimfarar, Rússinn Júrí
Malentsénko og Bandaríkja-
maðurinn Edward Lu, en þeir
munu leysa af hólmi þriggja
manna áhöfn geimstöðvarinn-
ar.
Þetta er fyrsta mannaða
geimferðin sem farin er frá því
bandaríska geimferjan Kól-
umbía fórst skömmu fyrir lend-
ingu í febrúar. Ætlunin var að
leysa áhöfn geimstöðvarinnar
af í mars en dvöl þeirra var
framlengd eftir Kólumbíu-slys-
ið. Er þess vænst að áhöfnin
snúi aftur heim 4. maí. Þeir Lu
og Malentsénko verða síðan
leystir af í október.
Alls taka sextán þjóðir þátt í
rekstri geimstöðvarinnar en
hlutur Rússa og Bandaríkja-
manna er mestur.
Sojuz tengd
við geim-
stöðina
Moskvu. AFP.
GERHARD Schröder, kanslari
Þýskalands, tryggði sér í gær
stuðning helstu leiðtoga innan Jafn-
aðarmannaflokksins eftir að hafa
hótað því undir rós að hann myndi
segja af sér ef komið yrði í veg fyrir
framgang umdeildrar efnahags-
umbótaáætlunar kanslarans.
Leiðtogarnir funduðu í Berlín í
gær og svo fór, að áætlun Schröd-
ers var samþykkt með 28 atkvæð-
um gegn fjórum, og fjórir sátu hjá.
Atkvæðagreiðslan um áætlunina,
er miðar að því að draga úr op-
inberum skuldum og minnka at-
vinnuleysi, fór fram eftir að Schrö-
der hafði varað andstæðinga
hennar við því að grundvallaratriði
hennar væru „ekki til umræðu“.
Þeir sem væru andvígir „mega
vita, að þeir myndu svipta mig því
sem ég álít vera meginatriðið í því
sem ég hef unnið að, og myndu þess
vegna neyða mig til að taka afleið-
ingunum“, sagði Schröder.
Fyrirhugaðar umbætur Schröd-
ers hafa mætt andstöðu á vinstri
væng SPD og meðal leiðtoga hinna
öflugu launþegasamtaka landsins,
sem segja að þær myndu bitna of
hart á launþegum sem þegar finni
fyrir hækkun óbeinna skatta.
Reuters
Schröder
hótaði afsögn
Berlín. AFP.