Morgunblaðið - 29.04.2003, Blaðsíða 41
BRÉF TIL BLAÐSINS
MORGUNBLAÐIÐ ÞRIÐJUDAGUR 29. APRÍL 2003 41
ÞAÐ eru að koma kosningar! Hvað á
ég að gera? Ég bý við lýðræðisþjóð-
félag þar sem hunang drýpur af
hverjum stjórnmálamanni – æ, ég
meina af hverju strái. Er þetta ekki
unaðslegt að fá að ganga inn í kjör-
klefann og setja x við þann flokk sem
maður treystir helst til að halda um
stjórnartaumana næsta kjörtímabil?
Ég hef hellt mér af alhug út í kosn-
ingar þrisvar sinnum. Fyrst þegar
Vilmundur heitinn Gylfason bauð sig
fram – þarna var maður að mínu
skapi, ákveðinn, réttlátur og kallaði
ekki allt ömmu sína – þvílík ánægja að
setja x við hann og hans menn. En vit-
ið þið hvað! Þessi ungi ofurhugi var
múlbundinn (af sér reyndari og eldri
mönnum) og var með því gert ókleift
að bera fram og fá framgengt sínum
og mínum hjartansmálum. Ég átti
erfitt að skilja þessa lýðræðispólitík
og hjarta mitt grét. Í mörg ár var
áhugi minn af störfum alþingis- og
ríkisstjórnarinnar mjög takmarkað-
ur. En svo tók áhugi minn að vakna af
Þyrnirósarsvefni sínum við forseta-
kosningar 1980, þar kom aftur fram á
sjónarsviðið persóna sem geislaði af
heilindum og ákveðni. Ég var svo
glöð. Nú gat enginn breytt mínu x-i.
Og frú Vigdís Finnbogadóttir kosin í
fyrsta sinn á síðari öldum – kona í for-
setastól. Þetta var stór stund – það
var ekki hægt að breyta eða kæfa
neitt í þetta sinn.
Því miður vegna veikinda til nokk-
ura ára af og til eftir þetta þá hafði ég
öðrum hnöppum að hneppa, sem sé að
berjast við veikindi og ná endum sam-
an fjárhagslega því ég var svo (ó)
heppin að vera gift, og þar af leiðandi
skertust mínar bætur. En svo fór að
birta til (ekki heilsulega) í pólitíkinni
og fyrir fjórum árum gengu röskir
menn (jú, konur eru líka menn) með
nýjar hugsanir og vöktu þjóðina – því
við erum svo ung þjóð að við rísum
ekki upp til að andmæla (nema við
kaffiborðið), við höfum hingað til
gegnt yfirvaldinu. En sem sé, inn kom
nýr flokkur sem gustaði af. Og viti
menn, fyrir utan Sjálfstæðisflokkinn
fékk þessi flokkur langmesta kjör-
fylgi (jibbí, þvílíkur sigur), þetta var
fáheyrt. En næstu daga sem fóru í
stjórnarumræður var svo þjóðinni til-
kynnt að vegna góðs samstarfs við
Framsóknarflokkinn myndu Sjálf-
stæðisflokkur og Framsóknarflokkur
sitja saman í ríkisstjórn. Ég var svo
reið og sár að það nánast blæddi úr
hjarta mínu. Getur verið að ég, Ís-
lendingurinn, búi við einræði – hef ég
og mínir ekkert að segja um hverjir
sitji á valdastól? Hvað er hið íslenska
lýðræði? Eru það bara marklaus orð?
Ó, Ísland og íbúar þess, biðjum fyr-
ir stjórnendum lands okkar að þeir
megi opna augun og horfa raunsætt á
lífið og tilveruna – hún er ekki bara
marklausar tölur heldur lifandi fólk –
já, lifandi Íslendingar sem sumir
hverjir eiga ekki til hnífs eða skeiðar.
Það er ekki hægt að deila endalaust
með heildarlaunatölu í landinu á móti
höfðatölu, meira að segja ég lærði það
í barnaskóla. Ég viðurkenni að ég er
ekki stjórnmálafræðingur – heldur
Íslendingur sem þarf oft á tíðum að
hirða brauðmolana af nægtarborði
góðærisins. Rétt eins og hundruð eða
þúsundir annarra sem ekki ganga heil
til skógar – en við eigum okkar x og
það ætlum við að nota. Ég vona að
það verði virt í þetta sinn.
Megi guð vera með okkur öllum og
hlustum á réttlætið í brjósti okkar.
ÞÓRUNN KRISTÍN
EMILSDÓTTIR,
Hamraborg 32, Kópavogi.
Höfum við tapað
lýðræðinu?
Frá Þórunni Kristínu Emilsdóttur:
KIRKJUSTARF
Áskirkja. Opið hús fyrir alla aldurshópa kl.
10–14 í neðri safnaðarsal kirkjunnar.
Bæna- og fyrirbænastund kl. 12. Að lok-
inni bænastund gefst þátttakendum kost-
ur á léttum hádegisverði. Samvera for-
eldra ungra barna er kl. 14 í neðri
safnaðarsalnum. Tólf spora fundur kl. 19
og opinn bænafundur á sama tíma fyrsta
þriðjudag hvers mánaðar.
Bústaðakirkja. TTT-æskulýðsstarf fyrir
10–12 ára kl. 17.
Grensáskirkja. Kyrrðarstund í hádegi kl.
12. Orgelleikur, ritningarlestur, altaris-
ganga, fyrirbænir. Léttur hádegisverður að
samverustund lokinni. 10–12 ára starf
KFUM-K kl. 17.
Hallgrímskirkja. Fyrirbænaguðsþjónusta
kl. 10.30. Beðið fyrir sjúkum. Passíu-
sálmalestur kl. 12.15. Eldriborgarastarf
kl. 13. Leikfimi, súpa, kaffi og spjall.
Háteigskirkja, eldri borgarar. Á morgun er
stutt messa, fyrirbænastund, kl. 11.
Súpa og brauð kl. 12. Brids kl. 13.
Fyrirbænaguðþjónusta kl. 10.30. Beðið
fyrir sjúkum.
Laugarneskirkja. Fullorðinsfræðsla kl.
20. Gengið inn um dyr á austurgafli kirkj-
unnar. Öllum opið og gaman að taka þátt.
Umsjón sr. Bjarni Karlsson. Þriðjudagur
með Þorvaldi kl. 21. Lofgjörðarstund þar
sem Þorvaldur Halldórsson leiðir söng við
undirleik Gunnars Gunnarssonar, en sókn-
arpresturinn flytur guðsorð og bæn. Fyr-
irbænastund kl. 21.30 í umsjá Margrétar
Scheving, sálgæsluþjóns og hennar sam-
starfsfólks. (Sjá síðu 650 í Textavarpi).
Neskirkja. Litli kórinn – kór eldri borgara
kl. 16.30. Stjórnandi Inga J. Backman. All-
ir velkomnir. Foreldramorgunn miðvikudag
kl. 10–12. Kaffi og spjall. Umsjón Elín-
borg Lárusdóttir.
Árbæjarkirkja. Foreldramorgunn í safnað-
arheimilinu kl. 10–12. Kl. 16.15–17.15.
STN-starf fyrir 7–9 ára börn.
Breiðholtskirkja. Bænaguðsþjónusta
með altarisgöngu kl. 18.30. Bænaefnum
má koma til sóknarprests í viðtalstímum
hans.
Digraneskirkja. Kl. 11.15 leikfimi ÍAK kl.
12. Kirkjustarf aldraðra, léttur málsverð-
ur, samvera, kaffi (Sjá nánar: www.digra-
neskirkja.is).
Fella- og Hólakirkja. Mömmu/foreldra-
morgunn kl. 10–12 í umsjón Lilju G. Hall-
grímsdóttur djákna fyrir aðstandendur
barna undir grunnskólaaldri, mömmur,
pabba, afar og ömmur, öll velkomin með
eða án barna. Kaffi, spjall og göngutúr í
góðu umhverfi kirkjunnar. Starf fyrir 11–
12 ára stúlkur kl. 16.30.
Grafarvogskirkja. Opið hús fyrir eldri borg-
ara kl. 13.30–16. Helgistund, handa-
vinna, spil og spjall. Kaffiveitingar og allt-
af eitthvað gott með kaffinu. Æskulýðs-
félag í Rimaskóla kl. 20–22, fyrir unglinga
í 8. bekk. Æskulýðsfélag í Grafarvogs-
kirkju, kl. 20–22, fyrir unglinga í 9. og 10.
bekk. Á leiðinni heim. Þekktir leikarar og
skáld lesa Passíusálmana kl. 18.15–
18.30.
Hjallakirkja. Prédikunarklúbbur presta kl.
9.15. Bæna- og kyrrðarstund kl. 18. Kór-
æfing kl. 19.45. Biblíuleshópur kl. 20.
Kópavogskirkja. Foreldramorgunn í dag
kl. 10–12 í safnaðarheimilinu Borgum.
Lindakirkja í Kópavogi. Mömmumorgunn
kl. 10 í safnaðarheimili Lindarsóknar,
Uppsölum 3.
Garðaprestakall. Síðasta Harmonikku-
ballið á þessu misseri verður haldið föstu-
daginn 2. maí kl. 14-17 í Kirkjuhvoli.
Vöfflukaffi. Aðgangseyrir kr. 500. Allir vel-
komnir
Seljakirkja. Mömmumorgunn. Opið hús
milli kl. 10 og 12. Kaffi og spjall. Bibl-
íulestur kl. 19.30. Æskulýðsfundur fyrir
13 ára unglinga (fermingarbörn) kl. 20.
Vídalínskirkja. Opið hús fyrir eldri borgara
í safnaðarheimilinu Kirkjuhvoli kl. 13–16
á vegum kirkjunnar. Spilað og spjallað.
Helgistund kl. 16. Fjölbreytt æskulýðs-
starf fyrir 9–12 ára stúlkur í safnaðar-
heimilinu Kirkjuhvoli kl. 17.30–18.30 í
umsjón KFUK.
Víðistaðakirkja. Barnastarf fyrir 8–9 ára
börn í dag kl. 17.
Hafnarfjarðarkirkja. Opið hús fyrir 10–12
ára börn í safnaðarheimilinu Strandbergi,
Vonarhöfn frá kl. 17–18.30.
Fríkirkjan í Hafnarfirði. Opið hús fyrir 7–9
ára börn kl. 16.30–18. Æskulýðsstarf 8.
og 9. bekkur kl. 20–22.
Grindavíkurkirkja. Foreldramorgnar alla
þriðjudaga kl. 10–12.
Hveragerðiskirkja. Kl. 10 foreldramorg-
unn. Heitt á könnunni og spjall með
heimavinnandi foreldrum.
Borgarneskirkja. Helgistund í kirkjunni kl.
18.30– 19.
Þorlákskirkja. Fermingarfræðsla í dag kl.
13.40.
Krossinn. Almenn samkoma kl. 20.30 í
Hlíðasmára 5. Allir velkomnir.
Kefas. Bænastund kl. 20.30.
KFUK, Holtavegi 28. Afmælis- og inntöku-
fundur AD KFUK. Fundurinn hefst með
borðhaldi kl. 19, verð 2.800 kr. Sr. Árni
Bergur Sigurbjörnsson hefur hugleiðingu.
Ung stúlka, Anna Elísa Gunnarsdóttir, leik-
ur á flygilinn. Inntaka nýrra félagskvenna.
Skráning í matinn á skrifstofunni í síma
588 8899. Allar konur velkomnar.
Akureyrarkirkja. Morgunsöngur kl. 9.
Safnaðarstarf
Fríkirkjan í Hafnarfirði.
ER NEFIÐ STÍFLAÐ?
Fæst í apótekum
og lyfjaverslunum
STERIMAR
Skemmir ekki slímhimnu
er náttúrulegur
nefúði sem losar stíflur
og léttir öndun.
Fyrir 0-99 ára.
Nýr listi
www.freemans.is
Teppi á stigaganga
Ármúla 23, sími 533 5060
Steypusögun
Vegg- og gólfsögun
Múrbrot
Vikursögun
Malbiksögun
Kjarnaborun
Loftræsti- og lagnagöt
Hreinlæti og snyrtimennska
í umgengni
BT-SÖGUN
Sími 567 7544 • Gsm 892 7544
ÉG ER þeirrar skoðunar að Magnús
Tómasson sé einn besti og merkileg-
asti myndlistarmaður samtímans.
Ég er ófeiminn við að halda þessu
fram þótt svo vilji til að hann er
bróðir minn og einn besti vinur. Og
einmitt þess vegna stakk ég því að
ritstjóra Lesbókar Morgunblaðsins
að Magnús yrði sextugur nú 29. apr-
íl. Þess mætti minnast í Lesbókinni
með mynd af einhverju verka hans
sem sjá má á almannafæri, t.d.
minnismerkinu um óþekkta embætt-
ismanninn, sem er eitt af hinum bet-
ur varðveittu leyndarmálum mið-
bæjar Reykjavíkur. Ekki óraði mig
fyrir því að framkvæmdin yrði með
þeim hætti sem varð: Birt er mynd
af neðri hluta verksins, höfundar
þess að engu getið og því síður til-
efnis. Hér hljóta að hafa orðið ein-
hver hrapalleg mistök, sem ég kann
ekki að greina. Hvað sem því líður
langar mig til þess að senda bróður
mínum bestu kveðjur í tilefni dags-
ins og óska þjóðinni til hamingju
með hann.
SIGURÐUR G. TÓMASSON.
Aths.: Í ofangreindu samtali mínu
við Sigurð G. Tómasson sagðist ég
mundu beina því til ljósmyndara að
taka mynd af minnismerki um
óþekkta embættismanninn til birt-
ingar á síðu 2 í Lesbók þar sem birt-
ar væru eins konar tíðarandamynd-
ir. Ég sagði honum enn fremur að ég
myndi ekki tengja myndina við af-
mælið. Myndin er fullkomlega í anda
þeirra mynda sem birtar eru á síðu 2
og myndartextinn einnig.
Þröstur Helgason,
umsjónarmaður Lesbókar.
Til hamingju
Frá Sigurði G. Tómassyni: