Morgunblaðið - 29.04.2003, Blaðsíða 43

MORGUNBLAÐIÐ ÞRIÐJUDAGUR 29. APRÍL 2003 43
DAGBÓK
STJÖRNUSPÁ
Frances Drake
NAUT
Afmælisbörn dagsins:
Þú ert áreiðanleg og sjálfs-
örugg manneskja. Þú áttar
þig á því hversu mikil áhrif
þú hefur á aðra og því sýnir
þú kurteisi og persónutöfra.
Á komandi ári beinist at-
hyglin að nánustu sam-
böndum þínum.
Hrútur
(21. mars - 19. apríl)

Þér hættir til að framkvæma
áður en þú hugsar. Varastu að
eyða of miklum peningum í
blessuð börnin eða elskuna
þína.
Naut
(20. apríl - 20. maí) 
Þú býrð yfir mikilli orku í dag
og getur framkvæmt það sem
þú vilt. Varastu þó að vera of
eftirlát(ur) við fjölskylduna.
Tvíburar
(21. maí - 20. júní) 
Þú ert svo sannarlega í góðu
sambandi við andlegu hlið þína í
dag. Þú áttar þig á að það sem
er gert einum er gert öllum.
(Við sitjum öll í súpunni.)
Krabbi
(21. júní - 22. júlí) 
Þakklætistilfinningar og hlý-
hugur verða til þess að þér
hættir til að sýna vini fullmikið
örlæti. Örlæti er dásamlegt – en
ekki gefa alla búðina.
Ljón
(23. júlí - 22. ágúst) 
Þér gengur ákaflega vel að eiga
samskipti við fólk í valdastöðum
og foreldra í dag. Þú finnur til
stolts og krafts og aðrir sýna
þér virðingu.
Meyja
(23. ágúst - 22. sept.) 
Þig langar mikið til að sleppa
frá daglegri rútínu í dag. Þig
langar til að gera eitthvað öðru
vísi, ferðast, læra eitthvað eða
jafnvel að ræða við nýtt og
óvenjulegt fólk.
Vog
(23. sept. - 22. okt.) 
Það er eitt að vera örlát mann-
eskja og annað að vera kjáni.
Þér hættir til að sýna vini of
mikið örlæti eða til að lána ein-
hverjum eitthvað sem þú vilt
síður láta af hendi. Verndaðu
eigin hagsmuni.
Sporðdreki
(23. okt. - 21. nóv.) 
Það er auðvelt að sýna öðrum
hlýhug og örlæti. Þú nýtur sam-
skipta í dag einkum við fólk í
áhrifastöðum. Þú átt gott með
að heilla fólk.
Bogmaður
(22. nóv. - 21. des.)
Þú kemur miklu í verk í dag en
þú skalt samt gæta þess að vera
ekki of góð(ur) með þig í sam-
skiptum við útlönd, fjölmiðla og
menntastofnanir. Ekki er sopið
kálið þótt í ausuna sé komið.
Steingeit
(22. des. - 19. janúar)

Þér hættir til óhófs í dag. Þig
langar til að ausa gjöfum og
peningum yfir fólk. Þér finnst
að allir eigi að skemmta sér vel.
Vatnsberi
(20. jan. - 18. febr.) 
Viðræður við foreldra og maka
eru hlýlegar í dag. Hjarta þitt
er stórt og galopið. Að sjálf-
sögðu bregðast aðrir við þessu
með hlýju og vinsemd.
Fiskar
(19. feb. - 20. mars) 
Þú ert bjartsýn(n) varðandi fyr-
irætlanir þínar í dag. Hafðu
samt ætíð hugfast að ekkert
varir endalaust.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
ÞÁ VAR ÉG UNGUR
Hreppsómaga-hnokki
hírðist inni á palli,
ljós á húð og hár.
Steig hjá lágum stokki
stuttur brókarlalli,
var svo vinafár.
Líf hans var til fárra fiska metið.
Furðanlegt, hvað strákurinn gat étið.
Þú varst líknin, móðir mín,
og mildin þín
studdi mig fyrsta fetið.
Mér varð margt að tárum,
margt þó vekti kæti
og hopp á hæli og tám.
– Þá var ég ungur að árum. –
„En þau bölvuð læti,“
rumdi ellin rám.
Það var eins og enginn trúa vildi,
að annað mat í barnsins heimi gildi.
Flýði ég til þín, móðir mín,
því mildin þín
grát og gleði skildi.
– – –
Örn Arnarson
LJÓÐABROT
ÁRNAÐ HEILLA
BRÚÐKAUP. 31. ágúst 2002 voru María Björk Viðarsdóttir
og Arne Wehmeier gefin saman í hjónaband í Laugarnes-
kirkju af séra Bolla Pétri Bollasyni. Synir Arne eru Arne
Karl, 14 ára og Tómas Helgi, 10 ára. Heimili þeirra er í
Stóragerði 9.
MAÍMÁNUÐUR verður
viðburðaríkur í bridslífi
Norðurlandaþjóðanna. Bik-
arkeppni Norðurlandanna
fer fram í Svíþjóð dagana 9.–
11. maí, og þar spila fyrir Ís-
lands hönd ríkjandi bik-
armeistarar, þeir Guð-
mundur Hermannsson,
Björn Eysteinsson, Helgi
Jóhannsson og Ásmundur
Pálsson. Viku síðar, dagana
19.–23. maí, verður haldið í
Færeyjum Norðurlandamót
í opnum flokki og kvenna-
flokki. Þar spila í opnum
flokki: Jón Baldursson, Þor-
lákur Jónsson, Þröstur Ingi-
marsson og Bjarni H. Ein-
arsson. Fyrirliði er Guðm. P.
Arnarson. Og í kvenna-
flokki: Esther Jakobsdóttir,
Ljósbrá Baldursdóttir, Stef-
anía Sigurbjörnsdóttir og
Alda Guðnadóttir. Fyrirliði
er Ragnar Hermannsson.
Norður
♠ KD7
♥ D2
♦ Á1054
♣KD95
Vestur Austur
♠ 109832 ♠ Á64
♥ K ♥ 10863
♦ KD8 ♦ 974
♣Á642 ♣G87
Suður
♠ G5
♥ ÁG9754
♦ G32
♣103
Spil að ofan kom upp á
landsliðsæfingu opna flokks-
ins í síðustu viku. Suður varð
sagnhafi í fjórum hjörtum á
báðum borðum eftir opnun
vesturs á einum spaða. Spil-
að var á tveimur borðum og
fóru báðir sagnhafar niður
þegar þeir reyndu mis-
heppnaða svíningu í trompi
fyrir K10. Eftir á að hyggja
sáu menn að svíningunni
hefði átt að hafna.
Lítum á hvernig spilið
gæti þróast. Út kemur tígl-
kóngur, sem suður dúkkar.
Ef vestur spilar aftur tígli
svínar sagnhafi og ræðst
strax á spaðann (væntanlega
hefur austur gefið heið-
arlega talningu í fyrsta tíg-
ulslaginn og þá þarf sagnhafi
ekki að óttast stungu). Þeg-
ar í ljós kemur að austur er
með spaðaás hlýtur vestur
að eiga alla þá punkta sem
úti eru. Þar með er eina von-
in sú að trompkóngurinn sé
stakur. Ef sagnhafi ákveður
að reikna með stökum kóng
leggur hann upp með þá
áætlun að stytta sig tvisvar
heima með því að trompa
spaða og lauf (eða fjórða tíg-
ulinn). Hann veiðir síðan
kónginn og nær 108 af austri
í lokastöðunni með tromp-
bragði. Þetta er hægt ef
samgangurinn er notaður
rétt, hvernig sem vörnin
spilast.
BRIDS
Umsjón Guðmundur Páll
Arnarson
80 ÁRA afmæli. Í dag,þriðjudaginn 29.
apríl, er áttræð Gyða Jón-
asdóttir, Grandavegi 1,
Reykjavík. Gyða tekur á
móti gestum í Víkingasal
Hótels Loftleiða í dag milli
kl. 17-20.
1. e4 c5 2. Rf3 Rc6 3. d4 cxd4
4. Rxd4 Rf6 5. Rc3 e5 6.
Rdb5 d6 7. Bg5 a6 8. Ra3 b5
9. Bxf6 gxf6 10. Rd5 f5 11.
c3 Bg7 12. exf5 Bxf5 13. Rc2
O-O 14. Rce3 Be6 15. Bd3 f5
16. O-O f4 17. Dh5 h6 18.
Dg6 He8 19. Rf5 Bxf5 20.
Bxf5 Hb8
Staðan kom upp á
alþjóðlegu móti sem
lauk fyrir skömmu í
Deizisau í Þýska-
landi. Núverandi
heimsmeistari ung-
linga, Levon Aronj-
an (2610) hafði hvítt
gegn Winfried Re-
bitzer (2148). 21.
Bd7! og svartur
gafst upp þar sem
liðstap er óumflýj-
anlegt. Nokkrir ís-
lenskir skákmenn
tóku þátt í mótinu.
Sigurbjörn Björnsson fékk
5½ vinning af 9 mögulegum
og lenti í 53.–87. sæti en Jón
Garðar Viðarsson og Sig-
urður Daði Sigfússon fengu
5 vinninga og lentu í 88.–
123. sæti. Með frammistöðu
sinni hækkaði Sigurbjörn
nokkuð á stigum en félagar
hans urðu að sjá mikið af
þeim.
SKÁK
Umsjón Helgi Áss
Grétarsson
Hvítur á leik.
Dömu- og herrasloppar
Náttserkir og náttföt
með stuttum og síðum buxum
Nóatúni 17• sími 562 4217Gullbrá• Sendum í póstkröfu
Hlíðasmári 1-3
Til leigu/sölu
Stórglæsilegt verslunar- og skrifstofuhúsnæði á besta stað í Smáranum í
Kópavogi. Um er að ræða allt að 8.000 fm. Hvort hús um sig ca 4.000 fm.
Möguleiki á að skipta í minni einingar. Næg bílastæði. Frábært útsýni. Sér-
lega vönduð og fullbúin sameign.
Allar nánari uppl. gefur Andres Pétur eða Ellert Bragi á skrifstofu.
Hamraborg 10, 2. hæð, Kópavogi
ára afmæli og afsláttur
30. apríl verður Snyrtistofa Jónu
20 ára og af því tilefni er
20% afsláttur af öllum snyrtivörum þann dag.
Snyrtivörukynningar og faglegar ráðleggingar
20
Kynning 12-17 Kynning 13-18m.d. formulations
Ella Baché
S N Y R T I S T O F A N
Jóna
20% afsláttur af allri snyrtingu í maí sem pöntuð
er hjá okkur 30. apríl, síminn er 554 4414
Ný vefsíða: www.snyrtistofa.is
Opið hús 30. apríl




 

  

Alltaf á þriðjudögum