Morgunblaðið - 29.04.2003, Blaðsíða 44

44 B ÞRIÐJUDAGUR 29. APRÍL 2003 MORGUNBLAÐIÐHeimiliFasteignir
FYRIR nokkrum árum auglýsti
einn gamalreyndur framleiðandi
plaströra framleiðslu sína sem í
sjálfu sér er ekki í frásögur fær-
andi. Hins vegar gaf umrædd aug-
lýsing ákaflega villandi skilaboð til
þeirra sem keyptu og notuðu plast-
rörin því aðalinntak hennar var að
„lögn plaströranna er barnaleikur“.
Líklega hefur framleiðandinn
verið með það í huga hve létt plast-
rör eru í samanburði við stálrör, að
ekki sé talað um rör úr steypujárni,
nokkuð sem við höfum kallað pott-
rör um langan aldur.
Þetta var á þeim árum sem plast-
byltingin var í algleymingi og ýmis
ný afbrigði af málmrörum og tengi-
hlutum að flæða inn á markaðinn.
Hinn einfaldi og fábrotni röra-
heimur sem iðnaðarmenn jafnt sem
húsbyggjendur lifðu og hrærðust í
var á fallandi fæti, alltaf ný og ný
afbrigði af hvers konar lagnaefni
flæddi inn á markaðinn.
Sá heimur sem þá varð til er
sannarlega ekki neinn „barna-
leikur“. Það er hins vegar stað-
reynd að allt efni, hvort sem það
eru rör, tengi eða ofnar, hefur
breyst þannig að öll þau efni sem
við notum í dag eru léttari og þann-
ig meðfærilegri.
En það segir ekki alla söguna.
Efnisþekking nauðsynleg
Við þessa byltingu fjölgaði
ábyggilega þeim sem telja sér alla
vegi færa, þetta sé allt svo einfalt
og létt, ekki annað að gera en
„henda niður plaströrum“ og tengja
þau með einhverjum léttum og lipr-
um tengjum, annaðhvort skrúfuðum
eða þrykktum.
En það eru ekki aðeins plaströr í
boði, ryðfrí stálrör eru í mikilli sókn
og ekki má gleyma þeim málmi sem
líklega hefur valdið meiri vatns-
skaða en annað lagnaefni, það er
koparinn, sem við Íslendingar nefn-
um yfirleitt alltaf eir.
Þetta er dapurlegt því eir er úr-
valsmálmur og eirrör eru hið besta
val þegar aðstæður eru réttar, vatn-
ið er rétt og rétt er lagt og tengt.
Margt þarf að varast við
tengingu ólíkra málma
Óþéttleiki á samsetningum er nær alltaf skaðvaldur, ekki síst þegar tengdir eru
saman ólíkir málmar.
Lagnafréttir
eftir Sigurð Grétar Guðmundsson
pípulagningameistara/
sigg@simnet.is