Morgunblaðið - 30.04.2003, Blaðsíða 23
AKUREYRI
MORGUNBLAÐIÐ MIÐVIKUDAGUR 30. APRÍL 2003 23
AKUREYRI - KAUPMANNAHÖFN - AKUREYRI
Tilboð 14.900Terra Nova Sól - Akureyri
Hafnarstræti 99-101-Sími 466 1600
Netfang: info-terranova@kaupa.is - www.kaupa.is
NÚ ER ekkert því til fyrirstöðu að
unnt verði að hefjast handa við
innréttingu á einni hæð í nýbygg-
ingu við Fjórðungssjúkrahúsið á
Akureyri, svonefndri Suðurálmu,
að því er fram kom í máli Jóns
Kristjánssonar heilbrigðisráðherra
á ársfundi FSA í gær. Um er að
ræða svokallaða 0. hæð, eða efri
kjallara byggingarinnar. Nýbygg-
ingin er alls 4 hæðir auk tveggja
kjallara.
Töluvert er um liðið frá því að
byggingin var reist og er barna-
deild sjúkrahússins starfandi á 3.
hæð hennar en að öðru leyti er hún
óinnréttuð. Jón sagði að búið væri
að samþykkja fjárveitingu upp á
120 milljónir króna til verksins og
ætti byggingin að vera tilbúin til
notkunar á næsta ári.
Heilbrigðisráðherra sagði að
nefnd sem falið var að fara yfir
framtíðarsýn og hlutverk sjúkra-
hússins, meta húsnæðisþörf og
koma með tillögur um nauðsyn-
legar framkvæmdir, myndi að lík-
indum skila ítarlegri skýrslu og
greinargerð nú síðar í vor. Þannig
væri nú ekki lengur inni í mynd-
inni að byggja sérstaka sjórnuna-
rálmu við sjúkrahúsið, en sú starf-
semi sem þar hefði átt að fara
fram yrði að líkindum í nýbygging-
unni. Þá yrði fremur byggð ný
legudeildarálma í samræmi við
kröfur nútímans, en menn gerðu
sér ekki lengur að góðu að dvelja á
stórum 6 manna sjúkrastofum.
Göngudeild barna- og ung-
lingageðdeildar á hæðinni
Á 0. hæðinni er gert ráð fyrir að
verði göngudeild barna- og ung-
lingageðdeildar sem leysa mun úr
bráðum vanda, en deildin hefur
ekki haft neinn samastað á sjúkra-
húsinu til þessa. Þá verður starf-
semi rannsóknadeildar á hæðinni,
sem og meinafræðideildar sem
einnig þykir orðið brýnt að fái
rýmra pláss en deildin myndi þá
rýma húsnæði í eldri byggingu og
gera með því kleift að stækka hús-
næði röntgendeildar en þar er
meinafræðideildin nú. Loks er gert
ráð fyrir að á hæðinni verði að-
staða fyrir sjúkra- og iðjuþjálfun,
en sú starfsemi býr við afar þröng-
an húsnæðiskost nú, í litlu her-
bergi inn af matsal spítalans.
Gera má ráð fyrir að verkefni
við innréttingu hæðarinnar verði
boðið út nú í sumar þannig að
hægt verði að vinna verkið næsta
vetur.
Halldór Jónsson forstjóri FSA
sagði þetta afar ánægjuleg tíðindi
og hann sæi nú fram á betri og
bjartari tíma. Framkvæmdir við
Suðurálmu hefðu legið niðri á síð-
asta ári og þrátt fyrir að mikið
hefði verið reynt hefði ekki tekist
að fá fjárveitingar til að halda
verkefninu áfram. Það hefði háð
framþróun í starfsemi sjúkrahúss-
ins.
Jón Kristjánsson heilbrigðisráðherra á ársfundi FSA
120 milljónir til að inn-
rétta hæð í Suðurálmu
Morgunblaðið/Skapti Hallgrímsson
Jón Kristjánsson heilbrigðisráðherra, Baldur Dýrfjörð, starfsmannastjóri
FSA, Kristján Möller alþingismaður og Þorvaldur Ingvarsson, lækninga-
forstjóri FSA, á ársfundinum í gær.
GUÐMUNDUR Ármann Sig-
urjónsson hefur opnað sýningu
á verkum sínum í kosningamið-
stöð Vinstri grænna við Hafn-
arstræti 94 á Akureyri.
Hann hefur haldið yfir 20
einkasýningar á ferlinum en
fyrsta sýning hans var árið 1961.
Þá hefur hann tekið þátt í fjölda
samsýninga. Guðmundur Ár-
mann var bæjarlistamaður á
Akureyri árið 1994 og hefur
hlotið starfslaun myndlistar-
manna. Hann rekur Listhúsið
Samlagið ásamt fleiri listamönn-
um í bænum og þá er hann
brautarstjóri á myndlistarkjör-
sviði á listnámsbraut Verk-
menntaskólans á Akureyri.
Sýningin stendur til 11. maí
og er opin daglega frá kl. 14 til
18 og frá kl. 11 til 16 um helgar.
Guðmundur
Ármann
sýnir
UNDANFARNA daga hafa glöggir
vegfarendur í innbænum á Ak-
ureyri rekið augun í svartan, höf-
uðsmáan og nokkuð sérkennilegan
fugl á Leirutjörninni á móts við
Lindina. Fuglinn hefur haldið sig
að mestu kringum grjóthólmann í
tjörninni innan um skúfendur, sem
synda þar og bíða af sér hretið
sem er að ganga yfir. Fuglinn er
oftast á sundi en getur kafað og á
það til að bregða sér á land. Hér
er á ferðinni bleshæna og dregur
hún nafn sitt af hvítri blesu á enn-
inu og kemur væntanlega frá Evr-
ópu þar sem hún er algeng. Bles-
hæna sést flest ár hér á landi og
hefur orpið hérlendis þó að ekki
sé vitað til að hún hafi komið upp
ungum. Nú eru farfuglakomur í
hámarki og því upplagður tími til
að skoða vorboðana áður en þeir
dreifast á varpstöðvar sínar sem
gerist næstu daga.
Bleshæna á Leirutjörn
Morgunblaðið/Ásgrímur Ágústsson
Vinstrihreyfingin – grænt framboð
býður upp á kaffi og kökur á morg-
un, 1. maí.
Að lokinni dagskrá verkalýðsfélag-
anna verður opið hús í kosninga-
miðstöð VG í Hafnarstræti 94 frá kl.
15.30 til 17. Nýi kvenfrelsisbækling-
urinn verður kynntur og „U-
beygjan“, blað ungra vinstri-
grænna, liggur frammi.
Stefna, félag vinstrimanna, heldur
árlegan morgunfund sinn á bar-
áttudegi verkalýðsins á morgun, 1.
maí, á Mong-sportbar, Kaupangi,
kl. 11. Sungnir verða söngvar, flutt
ljóð og laust mál, innblásið af anda
dagsins. Ræðumaður er Birna Þórð-
ardóttir og Finnur Dellsén flytur
ávarp.
Á MORGUN
Ferðafélag Akureyrar verður með
árlega 1. maí-gönguferð á Súlur á
morgun, fimmtudaginn 1. maí.
Brottför er kl. 9. frá öskuhaugunum
og er ókeypis í ferðina.
Göngu- og skíðaferð verður svo á
Kaldbak næstkomandi laugardag, 3.
maí, og er brottför kl. 8. Skráning og
upplýsingar eru á skrifstofunni á
föstudögum og daginn fyrir ferðir
milli kl. 17.30 og 19.00. Sími 462-
2720. Netfang: ffa@li.is.
Opið hús verður á kosningaskrif-
stofu Samfylkingarinnar í Brekku-
götu 1 á Akureyri á morgun, 1. maí,
frá kl. 15 til 17. Þar verða frambjóð-
endur flokksins staddir og gefst fólki
færi á að spjalla við þá og þiggja
kaffisopa.
Kvennafundur Samfylkingarinnar
verður í fundarsal Fiðlarans, Skipa-
götu 14, 4. hæð á föstudag, 2. maí, kl.
17. Svanfríður Inga Jónasdóttir al-
þingismaður, Lára Stefánsdóttir, 3.
sæti á lista flokksins í Norðaust-
urkjördæmi, og Þorgerður Jóna
Þorgilsdóttir, 5. sæti, flytja ávörp.
Samfylkingin mun á laugardag, 3.
maí, kl. 14 efna til stofnfundar
samtakanna 60+ í Eyjafirði og
verður hann á Græna hattinum við
göngugötuna á Akureyri. 60+ eru
hagsmunasamtök fólks 60 ára og
eldra og munu þau taka þátt í að
móta stefnu og taka ákvarðanir
Samfylkingarinnar varðandi málefni
þess hóps.