Morgunblaðið - 30.04.2003, Blaðsíða 10
10 C MIÐVIKUDAGUR 30. APRÍL 2003 MORGUNBLAÐIÐ
bílar
FRANSKI smábíllinn Peugeot 206
fór á síðasta ári fram úr Volkswagen
Golf sem söluhæsti smábíll Evrópu,
eftir áralöng yfirráð Golfsins á mark-
aðnum. Sölutölur PSA, framleiðanda
Peugeot og Citroën, lofa einnig góðu
fyrir þetta árið og segir Business-
Week að PSA sé langt kominn með
að hirða toppsætið af Volkswagen í
sölu fólksbíla og minni vinnubíla.
Hvort PSA á eftir að ná toppsætinu
er spurning sem sérfræðingar velta
fyrir sér þessa dagana og eru margir
á því að fyrri hluti þessa árs gefi fyr-
irtækinu gott tækifæri til slíks. Tölu-
vert er síðan Volkswagen og aðrir
keppinautar Peugeot komu með nýj-
ar týpur á markað, sem mun að mati
sérfræðinga auðvelda PSA ætlunar-
verk sitt, en keppinautar fyrirtæk-
isins gera ekki ráð fyrir að kynna
nýjar gerðir fyrr en seinni hluta
þessa árs.
Það á þó ekki eftir að reynast PSA
auðvelt að halda toppsætinu, þó
BusinessWeek bendi á að ekki verði
bakkað með þá söluaukningu sem
fyrirtækið hefur náð á sl. árum. Í
fyrra var PSA þannig með 16%
markaðshlutdeild í Evrópu, en mark-
aðshlutdeild sína hefur fyrirtækið
náð að hækka jafnt og þétt úr 11%
árið 1997.
Sportlegt útlit eykur vinsældir
Árangur PSA er af mörgum eign-
aður Jean-Martin Folz, fram-
kvæmdastjóra fyrirtækisins. Folz
tók við stjórnartaumunum 1997 og
hefur frá byrjun unnið að því að bæta
markaðsstöðu PSA með stöðugum
straumi nýrra, vel hannaðra bíla.
Sportlegt útlit hefur til að mynda
stóraukið vinsældir tveggja sölu-
hæstu bíla fyrirtækisins, Peugeot
206 og Peugeot 307.
Folz hefur líka fullan hug á að
halda áfram á sömu braut. „Við ætl-
um að fjölga enn hraðar kynningu
okkar á nýjum bílum,“ sagði Folz
sem hyggst auka framleiðsluna úr
3,3 milljónum bíla upp í 4 milljónir
fyrir 2006 og ætlar Folz að kynna 26
nýjar týpur á þeim tíma. Meðal ann-
ars Peugeot 407 stallbak og nokkar
útgáfur af margnýtanlegum bílum.
En um 55% söluaukning hefur orðið
hjá fyrirtækinu sl. fjögur ár.
Nýjungar og aukin gæði í fram-
leiðslu bílanna þykja einnig eiga sinn
þátt í því að Peugeot hefur nú náð að
brúa hið mikla bil sem áður skildi á
milli Peugeot og þýsku keppinaut-
anna. „Þegar kemur að spurningunni
um gæði franskra og þýskra bíla, þá
er munurinn orðinn mjög, mjög lít-
ill,“ sagði Neil King, yfirmaður
markaðskannananna hjá Global In-
sight í London, sem sérhæfir sig í
farartækjum.
Stefna á Asíu- og Ameríkumarkað
Folz hefur þá verið hrósað í há-
stert fyrir að ná að byggja upp Peug-
eot og Citroën sem tvö aðskilin vöru-
merki, þó framleiðsla og rannsóknir
fari að mörgu leyti saman og hafi
dregið verulega úr kostnaði. Folz
kom líka keppinautum sínum í opna
skjöldu með Peugeot 206CC blæju-
bílnum, sem byggðist að nokkru á
Mercedes Benz SLK hönnuninni, en
bílinn náði að tvöfalda evrópska
markaðinn fyrir blæjubíla á einni
nóttu.
Öflug markaðsstaða í Evrópu dug-
ar Folz þó ekki og rær fyrirtækið nú
að því öllum árum að bæta markaðs-
stöðu sína í Asíu, Austur-Evrópu og
Suður-Ameríku. Um fjórir fimmtu
hlutar söluhagnaðar PSA koma enn
sem komið er frá Evrópu, en sá
markaður sem virðist vera í hvað ör-
ustum vexti er Kína, þar sem Citroën
er nú þegar fjórði söluhæsti bíllinn.
Áætlanir Folz um nýja verksmiðju í
Slóvakíu og samstarf við Toyota bíla-
framleiðandann í Tékklandi virðast
einnig lofa góðu og haldi framleiðslu-
og söluaukning PSA áfram með sama
krafti og undanfarið kunna áhyggjur
Volkswagen að verða alvarlegri en
tapið á evrópsku krúnunni.
„HÉR á Íslandi hefur Golf gengið alveg gríðarlega vel
í sölu mörg undanfarin ár og á þessu ári erum við að
kynna Golf sem er meiri Volkswagen, sem þýðir að
hann er með miklum aukabúnaði sem felur í sér ál-
felgur, sóllúgu og sportinnréttingu,“ segir Jón
Trausti Ólafsson, kynningar- og blaðafulltrúi Heklu,
umboðsaðila Golf á Íslandi.
„Salan á bílnum hefur gengið mjög vel og ef eitt-
hvað er þá höfum við fundið fyrir aukinni eftirspurn
undanfarna mánuði.“ 322 Volkswagen Golf-bílar
voru seldir í fyrra.
„Sé síðan tekið dæmi af tímabilinu janúar–apríl í ár
og í fyrra seldum við í 56 bíla árið 2002 á móti 95
bílum á þessu sama tímabili í ár og það er tæplega
70% söluaukning,“ segir Jón Trausti sem telur
þetta vita á gott fyrir árið í heild enda aðalsölutíminn
eftir.
„Golfinn hefur líka gengið vel í endursölu og ég
held að það sé hluti af velgengninni. Því fólk veit þeg-
ar það kaupir bílinn að þá á það eftir að skila sér vel í
endursölu.“
Tæpra 70% söluaukning
„MARKAÐSSTAÐA Peugeot í Evrópu er gríðarlega
sterk. Peugeot 206 er orðinn söluhæsti smábíllinn
þar og 307 fylgir fast á eftir,“ segir Gunnar Gunn-
arsson markaðsstjóri Bernhard ehf., umboðsaðila
Peugeot á Íslandi, og bætir við að íslenski markaður-
inn endurspegli ekki þennan veruleika. En 80 Peug-
eot 206 seldust hér á landi í fyrra og 15 til viðbótar
það sem af er þessu ári.
„Franskir bílar hafa alltaf átt á brattann að sækja
hér, vegna japönsku bílanna, en það er að breytast og
fólk er farið að átta sig á að þetta eru góðir bílar með
miklum búnaði á mjög góðu verði. Peugeot er líka að
sækja á hér en hann hefur verið á margan hátt van-
metinn á þessum markaði en Golfinn hefur búið að
mjög stöðugri markaðssetningu í gegnum árin, þó
verðið sé hátt. Spurning er bara hvenær Íslendingar
vakna. Því ef við tökum Dani sem dæmi þá sjáum við
að Peugeot er langstærstur þar í landi og Danir eru
þekktir fyrir að láta ekki selja sér hvað sem er, enda
passasamir þegar borin eru saman gæði og verð og
þar kemur Peugeot einfaldlega best út.“
Fólk farið að átta sig
Peugeot fer fram
úr Volkswagen
Morgunblaðið/Billi
Peugeot 206CC tvöfaldaði markaðinn fyrir blæjubíla í
Evrópu á einni nóttu og ætlar að gera enn betur.
Morgunblaðið/Kristinn
Tæplega 70% söluaukning varð á Volkswagen Golf í ár á
tímabilinu janúar–apríl ef miðað er við sama tímabil í fyrra.
É
G ERbestur – ég er bón-
kóngurinn,“ segir Dale Odle,
eigandi bílaþrifafyrirtæk-
isins Bón King ehf. í Kópa-
vogi. Hann gefur þessa yf-
irlýsingu yfirlætislaust og
meinar hvert orð. Dale fellur ekki verk
úr hendi meðan við spjöllum saman.
Gefur skítnum engin grið heldur beitir
kraftmikilli ryksugu, úðabrúsa, djúp-
hreinsitæki, burstum og klútum af
krafti á óhreint bílgólf. Þetta er erf-
iðisvinna og stæltir vöðvarnir hnyklast
við streðið.
„Ég elska að þrífa bíla og er góður í
því. Ég legg metnað í það sem ég geri
og þetta er það sem ég geri best.
Amma mín var kirkjurækin kona og
sagði: „Sonur sæll, sama hvað þú
starfar um ævina, þá skaltu gera það
hundrað prósent! Ef þú fylgir þessu
heilræði þá getur þér ekki mistekist.“
Mér líður betur ef ég vanda mig. Mér
finnst gaman að geta afhent við-
skiptavinum tandurhreina og glans-
andi bíla. Þegar ég sé ánægjusvipinn á
eigendunum verð ég glaður.“
Tengdasonur Íslands
Dale er fæddur og uppalinn á Barba-
dos, einni af sólskinseyjum Karíba-
hafs. Merki fyrirtækis hans er tilbrigði
við þjóðfána Barbados, blátt og gult og
með þrífork úr fánanum. Hann fór ung-
ur að vinna við bíla þegar tóm gafst frá
skóla. Lærði bifvélavirkjun og að rétta
beyglur og sprauta.
„Sá sem ætlar að verða geimfari
sökkvir sér í bækurnar, ég eyddi öllum
stundum á bílaverkstæðinu,“ segir
Dale. „Ég var mættur eftir skóla á
föstudögum og vann líka á laugar-
dögum.“
Auk þess að laga bíla og þrífa rækt-
aði hann salat í bakgarðinum heima
hjá sér. „Ég vaknaði klukkan fimm á
morgnana, skar upp salat og fór með á
markað. Um hádegi átti ég 60 dollara,
en bréf af fræi kostaði ekki nema hálf-
an dollar. Þetta var góður bísness!“
Dale flutti til Bandaríkjanna, enda
með bandarískt vegabréf, og vann þar
í 17 ár. Var um tíma við bílaviðgerðir og
bílaþrif en fór svo að vinna á Kennedy-
flugvelli í New York. Þar var hann m.a.
verkstjóri hlaðmanna sem unnu við
flugvélar Flugleiða, KLM og fleiri flug-
félaga. Á Kennedy-flugvelli kynntist
Dale Stellu Guðmundsdóttur og felldu
þau hugi saman.
„Hún varð ófrísk og vildi fæða barn-
ið heima á Íslandi. Þannig kom ég hing-
að fyrir fimm árum,“ segir Dale. „Hún
vildi ekki snúa aftur til New York svo
ég sótti dótið okkar. Við eigum tvær
dætur, fimm ára og eins árs. Stella er
góð kona og hefur gefið mér dýrmæt-
ustu gjafir lífs míns – tvö yndisleg
börn. Ég lifi fyrir þau.“
Dale segist kunna vel við sig hér á
landi, þótt hér sé dýrt að búa. „Það er
fínt að ala upp börn hér. Heilbrigðis-
kerfið er líka frábært, hér skiptir engu
hvort þú ert ríkur eða fátækur. Það fá
allir sömu þjónustu. Því er öðruvísi far-
ið í Bandaríkjunum. Yngri dóttir okkar
þurfti að dvelja á sjúkrahúsi í þrjár vik-
ur eftir að hún fæddist. Það var tví-
sýnt um líf hennar, en nú líður henni
vel. Hún fékk mjög góða þjónustu og
aðhlynningu og við þurftum ekkert að
borga. Það er frábært!“
Frá því Dale fór að heiman hefur
hann tvisvar heimsótt Barbados.
Hann segist sakna heimalandsins.
„Við fórum fyrir tveimur árum að sýna
mömmu barnabarnið. Konunni minni
þótti fallegt á Barbados, en heitt.
Sagði að ef hún flytti þangað þá yrðum
við að hafa loftkælingu allan sólar-
hringinn! Mig langar að fara aftur til
Barbados þegar ég eldist og til að
slappa þar af. Það eru margir, til dæm-
is Kanadamenn, sem dvelja þar hluta
úr árinu.“
Það borgar sig að bóna
Veðrið og árstíminn hefur mikil áhrif
áhve mikið er að gera á bónstöðinni.
Dale segir að veðráttan hér og saltið á
götunum krefjist þess að vel sé hugs-
að um bílana.
„Að mínu mati þarf að bóna bíla hér
tvisvar í mánuði yfir veturinn og einu
sinni í mánuði yfir sumarið, ef vel á að
vera. Því veldur veðráttan, rokið og
saltið. Góð umhirða verndar bílinn og
hreinn bíll vekur alltaf athygli. Bíll er
mikil fjárfesting fyrir flesta. Það er
miklu auðveldara að selja vel hirtan bíl
og hann helst betur í verði. Flestir hafa
einhverja ávana, reykingar eða eitt-
hvað annað. Hvers vegna ekki að gera
það að ávana að hafa bílinn fínan?“
Dale segist hafa gert tilraunir með
hvaða bón duga best og notar sjö mis-
munandi bóntegundir eftir því sem
hver bíll krefst. Aðallega þó enska bón-
ið New Horizon. „Bónið þarf að inni-
halda mikið silikon til að gefa góða
verndarhúð. Þessi húð er mikilvæg til
að verja lakkið fyrir veðrun og áhrifum
saltsins.“
Það er ódýrara að láta þrífa bíl og
bóna hér en í New York, að sögn Dales.
Þó eru bón og hreinsiefni meira en tvö-
falt dýrari hér en sambærilegar vörur
vestanhafs. Honum finnst bílarnir
óhreinni þegar menn koma með þá hér
í þrif en í New York. Eins ber meira hér
á lakkskemmdum af völdum stein-
kasts og skemmdum af völdum salts-
ins á götunum.
Oft þreyttur eftir daginn
Bónstöðin er opin virka daga kl. 9 til
19 og á laugardögum frá 8 til 17. Ef
mikið er að gera vinnur Dale fram eftir
ákvöldin og jafnvel á nóttunni til að
ljúka verkefnunum. Hann segir að
reksturinn standi ekki undir manna-
haldi. „Ég er oft þreyttur. Afskaplega
þreyttur, en maður verður að standa
við það sem maður lofar.“
Dale er nú búinn að djúphreinsa og
farinn að bóna. Hann strýkur bóninu
fram og aftur. „Bílar eru ekki spraut-
aðir með hringhreyfingu og það á ekki
heldur að bóna þá þannig,“ segir hann.
Svo úðar hann sérstöku efni á þétti-
lista og plastklædda hluta bílsins.
„Það sem er svart á að vera svart, en
ekki hvítt af bónleifum.“
Dale segist hafa eignast marga
trygga viðskiptavini, jafnt einstaklinga
og fyrirtæki. Honum finnst skipta öllu
að þeir séu ánægðir og fái fullkomna
þjónustu. „Ég segi öllum að skoða bíl-
inn og gera úttekt á vinnunni. Ef þeir
finni eitthvað athugavert við verkið þá
þurfi þeir ekki að borga. Megi bara
keyra í burtu! En ég passa mig að gera
ekki mistök. Ég hef ekki þurft að end-
urgreiða neinum í þau tvö ár sem ég
hefi starfað sjálfstætt.“
Bónkóngurinn
í Kópavogi
Dale Odle í Bón King ehf. leggur metnað sinn í að þrífa
bíla og bóna. Guðni Einarsson heimsótti bónkónginn
frá Barbados og spjallaði við hann um fagið.
Morgunblaðið/Kristinn
Dale Odle er bónkóngurinn hjá Bón King ehf. í Kópavogi.
gudni@mbl.is