Morgunblaðið - 30.04.2003, Blaðsíða 14
Morgunblaðið/Jim Smart
Bíllinn er voldugur með varadekkin á brettunum.
Eigandinn, Þröstur Harðarson, matsveinn í Háteigsskóla, við eðalvagninn sem
hann keypti á Netinu og flutti hingað.
É
G HEF lengi verið áhuga-
maður um gamla bíla, þá
sérstaklega bandaríska eð-
alvagna af því þeir hafa
verið sýnilegastir eins og í
bíómyndum og blöðum,“ segir Þröst-
ur Harðarson sem flutti bílinn inn.
„Ég keypti minn fyrsta fornbíl 1989,
það var Buick, árgerð 1932, en því
miðurskemmdist hann í flutningi
hingað til lands. Fljótlega þurfti ég
að selja hann vegna þess að einka-
hagir mínir breyttust. Síðan þá hef
ég ekki losnað við bakteríuna.“
Það kemur fram í máli Þrastar að
eftir að hann fór að nota Netið hafi
hann fylgjast náið með bíla- og upp-
boðssíðunum á vefnum eins og ebay
motors.com þar sem hann kom auga
á Lincolninn fyrir þremur árum.
Hann segist þó ekki hafa viljað
kaupa bílinn strax vegna þess hve
miklar sveiflur voru þá á gengi doll-
arans. Í vetur lét hann vaða eins og
hann orðar það, því dollaraverðið var
hagstætt. Þröstur segist hafa verið
búinn að leita nokkuð lengi að bíl
eins og þessum, en hann er sjö sæta,
þ.e. með tveim aukasætum aftur í
bílnum. „Það er mín sérviska að vilja
hafa bílinn voldugan með sjö sætum
og með varadekkin í brettunum, en
ég var búinn að leita töluvert að slík-
um bíl.“
Dýr glæsibíll
Lincoln 1930 Model L 7 pass-Sed-
an er glæsikerra síns tíma, svartur
að lit með rauðu plussi að innan.
Hann er upprunalegur og engu hef-
ur verið breytt í honum. Þröstur seg-
ir að hann hafi verið með þeim dýrari
þegar hann kom á markað. „Þá kost-
aði hann 4.700 dollara en dýrasti
Buick, 2.055 dollara og Ford A módel
495 dollara.“
Þröstur segir að það þurfi að gera
töluvert við bílinn áður en hann fer á
götuna. „Það þarf að sprauta hann að
utan og laga áklæðið að innan en
hann er vel gangfær.
Bíllinn er ekki ekinn nema 32 þús-
und mílur. Ég ætla að láta gera hann
upp strax og vonast til að hann verði
kominn á götuna í sumar.“
Aðspurður segir Þröstur að bíllinn
hafi kostað hingað kominn í kringum
eina milljón. „Ég býst við að þurfa að
kosta öðru eins í viðgerðir og end-
urbætur.“ Hann sparaði sér þó 300
þúsund krónur því meðan bíllinn var
á leiðinni hingað til lands lækkuðu
aðflutningsgjöld á fornbílum úr 45%
í 13%.
Fékk góða dóma
„Verðið á óuppgerðum bílum frá
þessum tíma er reyndar ekki mjög
hátt núna í Bandaríkjunum. Skýr-
ingin er meðal annars sú að þeir sem
þekktu þessa bíla og hafa á þeim dá-
læti eru orðnir aldraðir eða látnir.
Þeir sem áttu þennan bíl síðustu tólf
árin voru áttræðir bræður. Svo virð-
ist líka sem bílar frá þessu tímabili
séu heldur ekki í tísku í Bandaríkj-
unum. Tískubylgjur eru á þessu sviði
sem öðru. Verra efnahagsástand í
Bandaríkjunum og stríðið við Írak
hefur líka gert það að verkum að fólk
hefur minna á milli handanna til að
eyða í áhugamál sín.“
Þröstur segir að eftir 1930 hafi
framleiðslu á þessum bílum verið
hætt en þá hafi þessi gerð bíla verið
orðin átta til tíu ára gömul. Þótti
hönnunin orðin þunglamaleg og vél-
arstærðin var enn V 8. Helstu keppi-
nautarnir, Cadillac og Packard, voru
orðnir sportlegri og komnir með V
12 vél og V 16 vél. „Árið 1931 varð al-
gjör hönnunarbreyting, þá hætti
Lincoln að heita L-Model og þeir
settu á markað K-Módel. Þessi 1930
árgerð af Lincoln fékk mjög góða
dóma í bílablöðum í Bandaríkjunum
á sínum tíma en Ford verksmiðjurn-
ar framleiddu Lincoln. Sagt er að
Henry Ford hafi staðið nokkuð á
sama um þessa fínu umsögn sem bíll-
inn fékk í blöðum en hafi lagt meira
upp úr því að mafíuforingjar eins og
Dillinger gáfu Lincolninum hæstu
einkunn.“
Sjö sæta og vara-
dekkin í brettunum
Afturlugtirnar eru skrautlegar.
Skyggni yfir framrúðu en eins og sjá
má er hægt að opna allan fram-
gluggann.
Flautulúðurinn setur svip á framhluta
Lincolnsins.
Dæmigerður gluggi á bílum frá þessu
tímabili. Ef grannt er skoðað má sjá
festingar fyrir kistu sem voru gjarnan
á þessum árgerðum og setja mikinn
svip á bílana.
Nýlega var fluttur til landsins
Lincoln árgerð 1930 sem er
mikil glæsikerra. Bíllinn er
ekki enn kominn á götuna en
áður en það gerist verður
hann gerður upp bæði að utan
og innan og á þá vafalaust eft-
ir að gleðja margan fornbíla-
áhugamanninn.
14 C MIÐVIKUDAGUR 30. APRÍL 2003 MORGUNBLAÐIÐ
bílar
MIKIL aukning hefur orðið í sölu á
húsbílum, að sögn Þrúðmars Karls-
sonar, verslunarstjóra Netsölunnar á
Garðatorgi, en verslunin sérhæfir sig
í vörum sem tengjast ferðalögum
landsmanna.
„Salan hefur gengið glimrandi vel í
húsbílunum, fyrsta pöntunin er upp-
seld og salan er að detta í gang í felli-
hýsunum,“ segir hann.
Verðið á húsbílum nær frá um fjór-
um milljónum og upp í rúmar 8 millj-
ónir. Verslunin er með tvær tegundir
af húsbílum, Knaus og McLouis, og
hún mun einnig bjóða upp á notaða
húsbíla með haustinu. Hún selur
einnig hjólhýsi, fellihýsi og tjald-
vagna, ásamt öðrum vörum fyrir
ferðalögin, s.s. kajaka. Þá selur Net-
salan nýjar og notaðar bifreiðar frá
Kanada og breytta sendibíla frá
Reimo í Þýskalandi.
Þrúðmar segist halda að hjólhýsin
muni taka við af stóru fellihýsunum
hér á landi vegna bættra vega, bif-
reiða og aðstæðna. „Það er komið svo
mikið af malbiki, undirvagninn er
orðinn sterkari og fjöðrunarkerfið
betra í hjólhýsunum. Landið hentar
því hjólhýsunum betur en fyrir 20 ár-
um þegar hjólhýsi voru flutt í tölu-
verðu magni til landsins, en þau eru
mörg hver á Laugarvatni í dag.“
Í næsta mánuði opnar Netsalan
nýja 600 fm stórverslun í Knarrar-
vogi 4. „Þar verðum við með allt til
útivistar, frá tjaldhæl og upp í hús-
bíl,“ segir Þrúðmar. „Við verðum
einnig með pöntunarþjónustu fyrir
vörur sem ekki verða til á lager.“
Netsalan opnar einnig nýtt þjón-
ustu- og viðgerðaverkstæði í næsta
mánuði. „Það verður í 170 fm hús-
næði í Skútuvogi 1 og þar þjónustum
við allt frá tjaldvögnum upp í húsbíla,
ásamt varahlutasölu og pöntunar-
þjónustu.“
En hver er eiginlega munurinn á
öllum þessum vögnum?
„Hann snýst fyrst og fremst um
þægindamun á ferðalögum,“ segir
Þrúðmar. „Þetta er bara eins og þró-
unarkeðjan. Sá sem byrjar í tjaldi fer
í meiri þægindi, sem er tjaldvagn og
úr tjaldvagni í fellihýsi og þaðan ann-
aðhvort í húsbíl eða hjólhýsi. Sumir
sleppa einhverju þarna á milli og taka
stærra skref.“
En hvað með að ferðast með tjald
upp á gamla móðinn?
„Gamla góða tjaldið er alltaf sígilt,
það verður alltaf til og hverfur ef-
laust aldrei enda er stór hópur sem
vill ekkert annað,“ segir Þrúðmar.
„Það byrja flestallir í tjöldum, kom-
ast þannig í snertingu við náttúruna
og vilja síðan gera sér auðveldara að
komast þangað sem oftast sem gerir
að verkum að næsta skref er tjald-
vagn eða fellihýsi. Fellihýsi eru að yf-
irtaka tjaldvagnana að stórum hluta
út af þægindum. Fólk vill meiri þæg-
indi í útilegum. Í fellihýsum er mið-
stöð, vatn, fínt svefnrými og hægt er
að standa uppréttur.“
Þrúðmar nefnir sem dæmi um
framþróunina sem hafi orðið að flest
minni fellihýsi á landinu hafi hingað
til verið bremsulaus. Það þýði að þeg-
ar bíllinn hemli geti þau ýtt honum á
undan sér og skapað stórhættu, enda
megi þau ekki fara yfir 750 kíló án
bremsubúnaðar. „Ef þú snöggheml-
ar á fólksbíl með svona mikla þyngd í
eftirdragi, þá eykst hemlunarvega-
lengdin gríðarlega. Við byrjuðum á
því í fyrrasumar að setja bremsur í
okkar fellihýsi til að bregðast við
þessum vanda og seljum ekki felli-
hýsi án bremsubúnaðar,“ segir hann.
Sjálfur segist Þrúðmar eiga felli-
hýsi af gerðinni Viking. „Ég hef not-
að það gríðarlega mikið síðan 1999.
Ég er búinn að fara hringinn nokkr-
um sinnum og út um allt land nema á
Vestfirðina. Minn uppáhaldsstaður
er Ásbyrgi.“
Stóraukin sala
á húsbílum
Morgunblaðið/Árni Sæberg
Morgunblaðið/Árni Sæberg
Verð á húsbílum nær frá 4 milljónum upp í 8 milljónir
kr. Netsalan er eitt þeirra fyrirtækja sem bjóða nýja
húsbíla og með haustinu einnig notaða.