Morgunblaðið - 01.05.2003, Blaðsíða 11
FRÉTTIR
MORGUNBLAÐIÐ FIMMTUDAGUR 1. MAÍ 2003 11
FJÓRIR flokkar, Framsóknarflokk-
ur, Vinstrihreyfingin – grænt fram-
boð, Samfylkingin og Frjálslyndi
flokkurinn, taka jákvætt í þá málaleit-
an BHM, SÍNE og 14 annarra hags-
munasamtaka að leitað verði leiða til
að létta endurgreiðslubyrði náms-
lána, skv. upplýsingum BHM.
Samtökin lögðu spurningar fyrir
frambjóðendur flokkanna um til
hvaða aðgerða eigi að grípa í þessu
máli, hvenær og hvernig fram-
kvæmdin eigi að vera og er fjallað um
svörin í vefriti BHM sem birt var í
gær. Skv. svörunum vill Framsókn
lækka endurgreiðsluhlutfallið um 1%,
úr 4,75% í 3,75% af heildartekjum,
einnig fyrir þann hóp sem tekið hefur
lán frá lagabreytingunni 1992. Frjáls-
lyndir vilja afnema verðtryggingu
námslána og Samfylkingin telur væn-
legustu leiðina að fjórðungur endur-
greiðslu verði frádráttarbær frá
skatti í 7 ár eftir að námi lýkur. Fram-
bjóðendur VG segjast fylgjandi lækk-
un endurgreiðslubyrði og telja koma
til greina að endurgreiðslur verði að
hluta til frádráttarbærar frá skatti.
„Sjálfstæðisflokkurinn býður ekki
upp á neinar sértækar aðgerðir fyrir
endurgreiðslu námslána,“ segir Gísli
Tryggvason, framkvæmdastjóri
BHM.
Fyrirspurn BHM, SÍNE
og hagsmunasamtaka
til frambjóðenda
Lofa lækkun
á endur-
greiðslu-
byrði
♦ ♦ ♦
SÓLVEIG Pétursdóttir dóms-
málaráðherra og Jón Gunnarsson
formaður Slysavarnafélagsins
Landsbjargar skrifuðu í gær undir
samning um þátttöku ríkissjóðs í
vátryggingarkostnaði björg-
unarsveita í höfuðstöðvum Slysa-
varnafélagsins Landsbjargar.
Samningurinn er gerður í fram-
haldi af nýjum lögum um björg-
unarsveitir og björgunarsveit-
arfólk sem samþykkt voru á
nýafstöðnu þingi. Í íslenskum lög-
um hefur ekki verið kveðið á um
hlutverk, réttindi og skyldur björg-
unarsveita og björgunarsveit-
armanna en á björgunarsveitir og
björgunarsveitarmenn hefur þó
verið minnst í nokkrum lagagrein-
um, segir í frétt frá Landsbjörgu.
Af þeim sökum hafði réttarstaða
þeirra sem vinna við björg-
unarstörf verið afar óljós en mark-
miðið með lagasetningunni um
björgunarsveitir og björg-
unarsveitarmenn var að draga úr
þeirri óvissu.
Sólveig sagði í ávarpi sínu við
undirritunina, að sér væri mikill
heiður af því að eiga þátt í því að
sigla í höfn þessu gamla baráttu-
máli samtaka björgunarmanna.
Morgunblaðið/Sverrir
Sólveig Pétursdóttir dómsmálaráðherra og Jón Gunnarsson, formaður Slysavarnafélagsins Landsbjargar.
Ríkið tekur þátt í
kostnaði björgunarsveita
Játar á sig
mansal
34 ÁRA gamall bandarískur ríkis-
borgari hefur játað á sig mansal, þ.e.
brot á útlendingalögum með því að
hafa rekið skipulagða starfsemi til að
aðstoða útlendinga við að komast
ólöglega hingað til lands. Hann neitar
hins vegar að hafa hagnast á brotun-
um. Sýslumaðurinn á Keflavíkurflug-
velli sakar hann í ákæru bæði um brot
á útlendingalögum og að hafa framið
þau í hagnaðarskyni. Ákæran var
þingfest í Héraðsdómi Reykjaness í
gær og verður málið tekið fyrir 9. maí.
Þar verður ákveðið hvenær aðalmeð-
ferð hefst en hún mun eingöngu snú-
ast um ágreiningsefnið, sem lýtur að
meintum hagnaði. Á grundvelli játn-
inga ákærða á öðrum þáttum málsins
mun dómari ákveða refsingu.
Í ákæruskjali er ákærða gefið að
sök að hafa aðstoðað fjóra Kínverja
við koma til landsins, en fjórmenning-
arnir voru stöðvaðir 25. mars sl. á
Keflavíkurflugvelli. Þeirvoru með
bandarísk vegabréf, þar af tveir
þeirra með fölsuð vegabréf en hinir á
vegabréfum annarra einstaklinga.
Ferðinni var heitið til Bandaríkjanna.
Í öðru lagi er ákærða gefið að sök
að hafa aðstoðað tvítugan Kínverja
við að komast hingað til lands 14.
mars á leið til Bandaríkjanna.