Morgunblaðið - 01.05.2003, Blaðsíða 26
LANDIÐ
26 FIMMTUDAGUR 1. MAÍ 2003 MORGUNBLAÐIÐ
EFTIR fjölmenna hátíðarguðsþjón-
ustu á páskadag í Odda á Rang-
árvöllum gengu kirkjugestir út fyrir
þar sem séra Sigurður Jónsson,
sóknarprestur í Odda, helgaði stein
sem ætlaður er til minningar um þá
sem hvíla annars staðar en í Odda-
kirkjugarði.
Fyrir u.þ.b. fimm árum kom það
fyrst til tals í sóknarnefnd Odda-
kirkju að setja upp minnisvarðann
en ákveðið að láta það bíða þess að
gerðar yrðu endurbætur í kirkju-
garðinum sem síðan var ráðist í í
fyrrasumar.
Steinninn er blágrýti og vegur um
3,5 tonn en hann er tekinn upp úr
nýju vegarstæði þjóðvegar 1 sem
verið er að vinna í vegna nýrrar
Þjórsárbrúar. Á steininum er áletr-
unin „Ljós er þar yfir sem látinn
hvílir“ en hún er fengin úr erfiljóði
eftir séra Matthías Jochumsson um
Guðjón Jónsson (d. 1913). Um áletr-
unina sá Steinsmiðja S. Helgasonar í
Kópavogi.
Gamall en heillegur
legsteinn fannst
Miklar endurbætur hafa verið
gerðar í kirkjugarðinum, m.a. lögð
ný, upphituð stétt að safnaðarheim-
ilinu og kirkjunni auk þess sem lagð-
ur var gangstígur að prestbústaðn-
um sem stendur skammt frá. Nýtt
sáluhlið smíðaði Hans G. Magnússon
í Kirkjulækjarkoti í Fljótshlíð og var
grunnur kirkjunnar lagfærður.
Við þessar framkvæmdir kom upp
gamall steinn með lambsmynd og
tveim ritningargreinum en ekkert
mannsnafn sést. Ekki er komið í ljós
síðan hvenær steinninn er en séra
Sigurður, prestur í Odda, hefur rýnt
í hið forna letur og hefur tekist að
lesa aðra ritningargreinina sem
stafrétt er skrifuð svona: „Þesser
haba Iferunned firer Lambsins blod
Ap XII“. Séra Sigurður segir að í
Biblíuþýðingunni sem gefin var út
1981 sé textinn á þessa leið: „Og þeir
hafa sigrað hann fyrir blóð lambs-
ins …“
Endurbætur í kirkjugarðinum í Odda á Rangárvöllum
Minnisvarði
helgaður á
páskadag
Morgunblaðið/Anna Ólafsdóttir
Við helgun minnisvarðans í Oddakirkjugarði sungu séra Sigurður Jónsson,
sóknarprestur í Odda, og Gísli Stefánsson söngvari sálminn Jurtagarður er
Herrans hér úr 2. Passíusálmi séra Hallgríms Péturssonar.
Morgunblaðið/Anna Ólafsdóttir
Legsteinninn sem fannst við fram-
kvæmdirnar í kirkjugarðinum í
Odda á Rangárvöllum.
Hella
UNDIRBÚNINGUR að stofnun
Fjölbrautaskóla Snæfellinga
stendur nú yfir, en 6. febrúar sl.
var undirritað samkomulag milli
sveitarfélaga á norðanverðu Snæ-
fellsnesi og menntamálaráðuneyt-
isins um að hefja formlegan und-
irbúning að stofnun skólans.
Menntamálaráðherra réð Hrönn
Pétursdóttur rekstrarhagfræðing
til að stýra uppbyggingu skólans.
Hún segir marga hafa ráðlagt sér
að horfa til Framhaldsskóla Aust-
ur-Skaftafellssýslu því þar væri
verið að gera góða hluti, eins og
hún orðaði það. „FAS hefur fengið
verulegt hrós víða um land og
framhaldsskólar á Austurlandi eru
í fararbroddi í nýjungum,“ segir
Hrönn, en hún fundaði með stjórn-
endum Framhaldsskóla Austur-
Skaftafellssýslu í síðustu viku.
Hún segir líka athyglisvert að
skoða Nýheima og hvernig skóla-
starfið blandast annarri starfsemi
hússins.
Í Fjölbrautaskóla Snæfellinga
verður unnið eftir nýjum leiðum og
upplýsingatæknin notuð til hins
ýtrasta. Hrönn segir að á Snæfells-
nesi gefist tækifæri til að byggja
upp alveg nýtt módel af framhalds-
skóla sem þjóna eigi dreifðum
byggðum með nýjum leiðum.
Áhersla verður lögð á námið frem-
ur en kennsluna og námið verður
einstaklingsmiðað. Skólinn á að
vera leiðandi í notkun upplýsinga-
tækni og hluti námsefnisins verður
kenndur í fjarkennslu annars stað-
ar frá á landinu. Skólinn verður í
Grundarfirði en hugsanlega verða
vinnustöðvar í Stykkishólmi og
Ólafsvík
„Það verða engir langir gangar
og hefðbundnar skólastofur, ann-
ars verður húsnæðið lagað eftir
starfseminni, þetta á eftir að koma
í ljós,“ segir Hrönn Pétursdóttir.
Undirbúningur að stofnun fjölbrautaskóla á Snæfellsnesi
Snæfellingar leita fyrir-
mynda á Hornafirði
Hornafjörður
Morgunblaðið/Sigurður Mar
Hrönn Pétursdóttir ásamt Eyjólfi Guðmundssyni, skólameistara Fram-
haldsskóla Austur-Skaftafellssýslu í Nýheimum á Höfn. Hrönn stýrir und-
irbúningi að stofnun framhaldsskóla á Snæfellsnesi.
Í TILEFNI af áttatíu ára afmæli
Haraldar Hermannssonar á Sauðár-
króki bauð Skákfélag Sauðárkróks
til veglegs afmælismóts sem haldið
var nýlega á veitingastaðnum Ólafs-
húsi. Haraldur, sem hefur um árabil
verið ein af styrkustu stoðum Skák-
félagsins og unnið ómetanlegt starf í
þágu þessarar íþróttar, varð áttræð-
ur 22. apríl sl.
Mættir voru til leiks 22 keppend-
ur, þar á meðal bæði stórmeistarar
og alþjóðlegir meistarar og var tefld
atskák eftir Monrad kerfi, alls sjö
umferðir.
Leikar fóru á þann veg að sigur-
vegari varð Helgi Ólafsson með 6,5
vinninga en í öðru sæti varð Helgi
Áss Grétarsson með 6 vinninga og í
þriðja sæti Guðmundur Gíslason
sem hlaut 5 vinninga.
Við mótslok afhentu þeir Unnar
Ingvarsson formaður Skákfélagsins
og Haraldur Hermannson verð-
launagripi og peningaverðlaun, en
Helgi Ólafsson ávarpaði afmælis-
barnið og rifjaði upp gömul kynni af
Haraldi og ánægjulegar skákferðir á
Krókinn á árum áður.
Stjórn Skákfélagsins stefnir að því
að gera Haraldarmótið að árlegum
viðburði í ljósi þess hve vel tókst til,
en styrktaraðilar mótsins voru að
þessu sinni Kaupfélag Skagfirðinga,
Steinullarverksmiðjan, Fiskiðjan
Skagfirðingur og Ólafshús.
Morgunblaðið/Björn Björnsson
Frá verðlaunaafhendingunni. F.v. Helgi Ólafsson, Guðmundur Gíslason, af-
mælisbarnið Haraldur Hermannsson og Helgi Áss Grétarsson.
Stórmeistarar tefla
Sauðárkrókur
Afmælismót Haraldar Hermannssonar
áfram Ísland
Daví› Oddsson
Til fundar vi› flig Höfn í Hornafir›i
Fimmtudagur 1. maí
N‡heimar kl. 17.00
Geir H. Haarde
Vestmannaeyjar
Fimmtudagur 1. maí
Höllin kl. 17.00
Daví› Oddsson, forsætisrá›herra og forma›ur Sjálfstæ›isflokksins, og Geir H. Haarde, fjármálará›herra og varaforma›ur
Sjálfstæ›isflokksins, halda fundi um land allt og heimsækja vinnusta›i ásamt ö›rum flingmönnum og frambjó›endum
Sjálfstæ›isflokksins.
Vi› hlökkum til a› fá tækifæri til a› kynnast sjónarmi›um flínum, ræ›a vi› flig um flann mikla árangur sem vi› Íslendingar
höfum í sameiningu ná› og hvernig vi› getum best tryggt a› Ísland ver›i áfram í fremstu rö›.
xd.is