Morgunblaðið - 01.05.2003, Blaðsíða 58

FRÉTTIR
58 FIMMTUDAGUR 1. MAÍ 2003 MORGUNBLAÐIÐ
Páll J. Árdal orti vísuna
Rangt var farið með nafn höfund-
ar vísunnar um þegnskylduvinnu,
sem birt var í Viðhorfi í gær. Páll
Jónsson, sem einnig kallaði sig Pál J.
Árdal, orti vísuna árið 1903 og birtist
hún í Ljóðmælum hans árið 1905.
Vísan er svohljóðandi:
Ó, hve margur yrði sæll
og elska myndi landið heitt
mætti hann vera í mánuð þræll
og moka skít fyrir ekki neitt.
LEIÐRÉTT
ÁHUGAHÓPUR um verndun Þjórs-
árvera hefur sent forustu Fram-
sóknarflokksins bréf þar sem þess er
farið á leit að formaður Framsókn-
arflokksins hlutist til um að úrskurð-
ur Jóns Kristjánssonar, setts um-
hverfisráðherra, um Norðlinga-
ölduveitu, eins og hann var kynntur,
verði virtur.
Í bréfinu segir að úrskurður Jóns
Kristjánssonar, eins og hann var
kynntur, hafi virst það vel ígrund-
aður að sátt gæti tekist um hann,
þrátt fyrir mismunandi áherslur
deiluaðila. Veigamesti þátturinn í því
að úrskurðinum var svo vel tekið var
svokölluð aurskolunarútfærsla, og
að lónið er nánast í árfarveginum, og
gangi sáralítið upp á grynningar og
gróið land. Lögð hafi verið til grund-
vallar tillaga VST, sem miðast við
lónhæð í 566 metrum yfir sjávarmáli.
Nú beri hins vegar svo við að
Landsvirkjun vinni að stíflu í allt að
568,5 metra hæð yfir sjávarmáli. Vís-
að er í bréfinu til fundar sem haldinn
var í Reykjavík í síðustu viku fyrir
tilhlutan náttúruverndarsamtaka en
þar lýstu fulltrúar allra stjórnmála-
flokkanna, sem setu eiga á Alþingi,
yfir þeim skilningi á úrskurðinum að
þar sé gengið út frá 566 metra hæð
yfir sjávarmáli og engu öðru.
Samtökin ítreka að ef sú sátt sem
virtist ætla að verða um úrskurð um-
hverfisráðherra eigi að halda verði
orð að standa. „Verði lónhæðin ekki
sú sem gengið var út frá þegar úr-
skurðurinn var kynntur, 566 metrar
yfir sjávarmáli, er verið að blekkja
almenning og engin sátt um hann
með augljósum ófriði og afleitri nið-
urstöðu fyrir land og fólk,“ segir í
bréfinu.
Vilja að
úrskurður
verði virtur
SKIPTAR skoðanir hafa verið um
Morgunvaktina, þátt sem hóf göngu
sína á samtengdum rásum 1 og 2 hjá
Ríkisútvarpinu 3. mars síðastliðinn.
Þátturinn, sem er klukkustundar-
langur, rammast inn af fréttayfir-
litum en inn á milli eru dægurmálin
rædd. Dyggir hlustendur morgun-
þáttar rásar 1 á RÚV hafa margir
hverjir lýst óánægju sinni með þátt-
inn í lesendabréfum Morgunblaðs-
ins.
„Fyrstu niðurstöður úr könnun-
um um útvarpshlustun á samteng-
ingu rásanna lofar mjög góðu,“
sagði Markús Örn Antonsson út-
varpsstjóri.
„Þátturinn hefur mælst mjög vel
fyrir hjá fólki sem hefur áhuga á að
fylgjast með enda hefur talsvert
verið um að fjalla þessar vikurnar
og verður áfram. Ég býst alveg við
því að það séu öll efni til þess að
gera þetta að mjög kröftugum
frétta- og dægurmálaþætti,“ sagði
Markús.
Markús sagðist þó einnig hafa
orðið var við kvartanir vegna þátt-
arins. „Það er nú bara hlutur sem
við áttum von á. Við bjuggumst til
dæmis fyrirfram við kvörtunum
þegar við færðum fréttatímann
fram. Reynslan hefur svo leitt í ljós
að þetta var hárrétt ákvörðun. Það
er alltaf svo að þegar um er að ræða
veigamiklar breytingar, þar sem við
tengjum saman dagskrá á tveimur
rásum, þá eru ekki allir sáttir. Síðan
er auðvitað spurning um þessa
stærri hagsmuni okkar og hvernig
við stöndum í samkeppninni við aðra
miðla og með það fyrir augum að
koma á framfæri öflugri fréttaum-
fjöllun á þessum hlustunartíma sem
hefur verið mjög vaxandi á allra síð-
ustu árum. Fólk er farið að einbeita
sér meira að útvarpshlustun en áður
var og við erum að færa þessa dag-
skrá okkar framar á morguninn.“
Markús sagði fólk vera komið fyrr
á fætur og tilbúið til þess að fylgjast
með fréttunum. Ekki væri á stefnu-
skránni að breyta þættinum, né
heldur að hætta samtengingunni.
Hafa hug á að halda
Morgunvaktinni áfram
ÁRSÞING Þjóðræknisfélag Íslend-
inga í Vesturheimi, INL, fer fram í
Edmonton í Kanada 1. til 4. maí og
er útlit fyrir að þetta verði eitt fjöl-
mennasta þingið til þessa, en það er
nú haldið í 84. sinn.
Páll Pétursson félagsmálaráð-
herra verður aðalræðumaður
þingsins, en á meðal ræðumanna
verða Hjálmar W. Hannesson,
sendiherra Íslands í Kanada, Korn-
elíus Sigmundsson, aðalræðismað-
ur í Winnipeg, og Hjálmar Árnason
alþingismaður. Í fjölbreyttri dag-
skrá skemmta meðal annars Halla’s
Travels eða Björn Thoroddsen,
Gunnar Hrafnsson og Egill Ólafs-
son.
Íslendingafélagið Norðurljós sér
um skipulagninguna og segir Wal-
ter Sopher, forystumaður í félaginu
og 2. varaforseti INL, að gert sé ráð
fyrir um 225 gestum á þingið og um
350 manns í heiðurskvöldverðinn á
laugardagskvöld. Í fyrra fór þingið
fram í Bandaríkjunum í fyrsta sinn,
í Minneapolis, og sóttu það um 350
manns.
Morgunblaðið/Steinþór
Fulltrúar félagsins Esju í Árborg í Kanada á þjóðræknisþinginu í Minnea-
polis. F.v. David Gislason, Svava Sæmundsson og Elva Sæmundsson.
Mikil þátttaka í þjóð-
ræknisþingi í Edmonton
Hlí›asmára 15 • Sími 535 2100
33.240kr.
Topptilbo›
til Alicante
Frábært
vikutilbo›
ogbíll
í plús
21. maí
46.340kr..
Mallorca 22. maí
Innifalið: Flug í F flokki og
bíll í A flokki í Plús í 1 viku
og allir flugvallarskattar.
Miðað við að 2 fullorðnir og 2
börn 2ja-11 ára ferðist saman.
Ef 2 ferðast saman 36.630 kr.
36.440kr.
21. maí
Innifalið: Flug í F flokki
og bíll í A flokki í 2 vikur,
en þú greiðir bara fyrir 1 viku
og allir flugvallarskattar.
Miðað við að 2 fullorðnir og 2
börn 2ja-11 ára ferðist saman.
Ef 2 ferðast saman 43.030 kr.
Innifalið: Flug, gisting á
Pil Lari Playa í 1 viku, ferðir til
og frá flugvelli erlendis,
flugvallarskattar og
bíll í A flokki í 3 daga.
Miðað við að 2 fullorðnir og 2
börn 2ja-11 ára ferðist saman.
Ef 2 ferðast saman 49.830 kr
Anna›
frábært
vikutilbo›
29.950kr.
Benidorm 22. maí
Innifalið: Flug, gisting í íbúð
í 1 viku, ferðir til og frá
flugvelli erlendis og
flugvallarskattar.
Miðað við að 2 fullorðnir og 2
börn 2ja-11 ára ferðist saman.
Ef 2 ferðast saman 39.990 kr
á mann
á mann
á mann
á mann
OPIÐ HÚS UM HELGINA
Djúpmannabúð í Mjóafirði
Sighvatur Lárusson
Sími 864 4615
sighvatur@remax.is
Heimilisfang: Djúpmannabúð Mjóafirði við
Ísafjarðardjúp.
Stærð eignar: 172 fm
Brunabótamat: 18,0 millj.
Byggingarár: 1974-1988
Áhvílandi: 0 millj.
Verð: 9,8 millj.
Veitingaskáli og sumarhús ásamt
öllum tækjum til rekstrar. Skáli
100,2 fm, salerni og eldhús, milli-
bygging 26,9 fm. Starfsmannahús
46,4 fm, flytjanlegt. Þessi eign
hentar vel fjölskyldu eða fyrir
veiðihópa, vinahópa, félagasamtök.
Einstök náttúrufegurð gefur staðn-
um mikla möguleika.
Eigendur verða á staðnum
um helgina.
Viggó Jörgensson
lögg. fasteignamiðlari
FASTEIGNASALAN BÚI
ÁFANGASKÝRSLA um gervi-
hnattasendingar RÚV var kynnt á
útvarpsráðsfundi á þriðjudag en sér-
stakur starfshópur hefur verið sett-
ur á laggirnar til að fara yfir mögu-
leika á því að RÚV efli dreifikerfi sitt
með stafrænum útsendingum um
gervitungl í framtíðinni. „Við leggj-
um höfuðáherslu á að með gervi-
hnattasendingum yrði mótttaka um
borð í far- og fiskiskipum á helstu
miðum og siglingarleiðum möguleg.
Einnig myndu móttökuskilyrði á
landi batna og þeim stöðum fækka til
muna þar sem sjónvarp sést illa eða
ekki. Síðast en ekki síst gætu Íslend-
ingar á Norðurlöndum og víðast
hvar í Evrópu séð útsendingar sjón-
varpsins,“ segir Markús. Að sögn
Markúsar er erfitt að segja til um
hvenær slíkar útsendingar gætu
komist á, tæknilegar forsendur séu
fyrir hendi en þetta velti fyrst og
fremst á fjármögnun. „Vonandi
verður innan tíðar hægt að móta
ákveðna stefnu um hvernig verður
staðið að þessum málum, hvort við
förum í alvöru og þá tiltölulega hratt
inn á þessa braut. Það tengist meðal
annars áætlunum um að hefja staf-
rænar sjónvarpsútsendingar hér á
landi en sérstök nefnd á vegum sam-
gönguráðuneytisins hefur verið að
vinna að áætlunum á því sviði. Það er
mjög brýnt að fjalla um hugsanlegar
gervihnattaútsendingar jafnframt
því, það er að segja að stafrænar út-
sendingar færu þá í gegnum gervi-
hnött en ekki einvörðungu um ljós-
leiðara og jarðnet,“ segir Markús.
Útsendingar RÚV í gegnum
gervihnött í framtíðinni
INGA Sigurðssyni bæjarstjóra
Vestmannaeyjabæjar hefur verið
falið að ganga frá bréfi til efnahags-
brotadeildar ríkislögreglustjóra þar
sem óskað verður eftir því að lög-
reglan kanni málefni Þróunarfélags
Vestmannaeyja en tillaga þess efnis
var samþykkt á bæjarstjórnarfundi
í fyrradag. Andrés Sigmundsson,
forseti bæjarstjórnar, segir að það
sé stefna meirihlutans í bæjar-
stjórn að þróunarfélagið verði lagt
niður í fyllingu tímans. „Það er ekk-
ert annað í stöðunni. Því miður hef-
ur markmiðið með stofnun félagsins
ekki náðst. Þetta er búið að vera
ein sorgarsaga seinni árin. Rekst-
urinn hefur gengið mjög illa, fjár-
festingar hafa ekki skilað sér og
þetta hefur verið bænum óskaplega
dýrt,“ segir Andrés. Hann segir að
finna verði atvinnuuppbyggingu í
Vestmannaeyjum annan farveg. „
Við munum snúa okkur að því að
byggja upp í samvinnu við aðila
sem hafa komið að atvinnuupp-
byggingu hér og við munum óska
eftir að fleiri aðilar komi að slíkri
uppbyggingu. Það verður að koma
miklu meira líf og meiri kraftur í
atvinnulífið hér í Vestmannaeyjum.
Annars munum við tapa héðan fólki
endalaust,“ segir Andrés. Sem
kunnugt er hefur félagsmálaráðu-
neytið gert alvarlegar athugasa-
emdir við ýmis atriði sem varða
rekstur þróunarfélagsins og óskað
eftir því að bæjarstjórn Vest-
mannaeyja grípi til aðgerða til þess
að koma lagi á reksturinn.
Lögreglan kanni málefni
Þróunarfélagsins
HALLDÓR Ásgrímsson utanríkis-
ráðherra hefur ákveðið að setja á
laggirnar sérstaka vinnunefnd til að
fara yfir það hvort rétt sé að sameina
yfirstjórnir Jarðhitaskóla Háskóla
Sameinuðu þjóðanna og Sjávarút-
vegsskóla Háskóla Sameinuðu þjóð-
anna, en þessir skólar eru starfræktir
hér á landi. „Vegna þeirra breytinga
sem hafa orðið í lagaumhverfi hér á
landi, ekki síst á orkusviðinu, hefur
verið rætt um að sameina betur þess-
ar stofnanir,“ segir Halldór í samtali
við Morgunblaðið. Markmiðið með
sameiningu yrði jafnframt að styrkja
þessa skóla enn frekar.
Halldór segir að nefndinni verði
ætlað að hafa náið samráð við Há-
skóla SÞ. „Þeir [forsvarsmenn Há-
skóla SÞ] leggja mjög mikla áherslu á
áframhaldandi starf okkar Íslend-
inga á þessum tveimur sviðum en
vilja jafnframt athuga í samstarfi við
okkur hvort rétt sé að bæta við einu
sviði til viðbótar sem yrði helgað
gróðureyðingu og landgræðslu.“
Halldór segir að í hópnum verði
eingöngu þeir sem komið hafi að
þessum málum á undanförnum árum,
„en það er verkefni nýrrar ríkis-
stjórnar og nýs ráðherra að taka end-
anlega ákvörðun um það“.
Háskóli Sameinuðu
þjóðanna
Jarðhita- og
sjávarútvegs-
svið sameinuð?
EYFIRÐINGAR fögnuðu sumri á
Melgerðismelum í blíðskaparveðri
en þar stóð Hestamannafélagið
Funi fyrir samkomu í félagsheimili
sínu, Funaborg. Listamennirnir
Óttar Björnsson og Svanberg
Þórðarson voru með sýningu á
verkum sínum og Vélaver á Ak-
ureyri sýndi nýjustu gerðir af bú-
vélum.
Margt var um manninn á svæð-
inu og létt yfir fólki eftir einstak-
lega mildan vetur og blítt vor.
Sumarfagnaður á
Melgerðismelum
ATVINNA
mbl.is