Morgunblaðið - 02.05.2003, Blaðsíða 7
MORGUNBLAÐIÐ FÖSTUDAGUR 2. MAÍ 2003 B 7
Á Reykjanesskaganum er stórbrotin náttúra
sem á sér enga líka.
Þar er fjöldi ólíkra safna, hvalaskoðun, sjóstangveiði,
hótel, veitingastaðir, Bláa Lónið,
brú milli heimsálfa, mikið fuglalíf og margt fleira.
Reykjanesskaginn - ótrúlegur
staður í nágrenni borgarinnar
Það er styttra en þú heldur suður með sjó
K
AJAKLEIGAN Sagan í Stykk-
ishólmi er ört vaxandi fyr-
irtæki sem stofnað var fyr-
ir tveimur árum. Þar ræður
ríkjum Þorsteinn Sig-
urlaugsson sem segir fyrirtækið
leggja sig fram við að þjóna öllum og
gera alla ánægða. „Stykkishólmur er
einhver besti staður sem fyrirfinnst
til þess að stunda kajakróður,“ segir
hann, „einkum vegna þess hve fjöl-
breyttar aðstæður eru hér hvað varð-
ar dýralíf, róðrarleiðir og falleg nátt-
úrufyrirbrigði – ekki síst sólsetrin að
sumarlagi.“
Hvað ertu með marga kajaka?
„Ég er að öllu jöfnu með sæti fyrir
tólf manns – en útvega fleiri báta
þegar stærri hópar koma.“
Er opið hjá ykkur allt árið?
„Við erum með opið allt sumarið,
frá því um miðjan maí og fram í miðj-
an september, en á veturna eftir
samkomulagi. Þá þarf að panta með
góðum fyrirvara.“
Eru einhver aldurstakmörk?
„Nei, ég er með þægilegan vog
sem er grunnur og skjólgóður og þar
geta foreldrar og börn leikið sér. Ann-
ars get ég boðið upp á hvað sem er,
allt frá lygnum vog upp í harðar
straumrastir. Það er gífurlegt fuglalíf
hér í grenndinni og flestar ferðirnar
eru samsettar af eyjarúnti.
Þá förum við í helli, stoppum í
einni eyjunni þar sem við leyfum fólki
að hvílast og skoða sig um og við
sjáum eiginlega alltaf sel. Þetta er
mjög gott svæði og hægt að gera
næstum hvað sem er. Flestir þeir
sem fara með mér í stystu ferðina –
þriggja til fjögurra stunda ferð – eru
að fara í fyrsta skipti í kajakróður.“
Eru bara svona stuttar ferðir í
boði?
„Nei, það er hægt að fara í allt að
dagsferðir. Þá er róið, stoppað í einni
eyjunni og grillað og róið til baka.
Þetta er afslöppuð dagsferð.“
Er ekkert hættulegt að róa út í eyj-
arnar?
„Nei, nei, ekki eyjarnar sem eru
hér næst við bæinn. Það er ekki
nema kílómetri út í næstu eyju,
sjórinn lygn og straumar litlir. Það er
afar sjaldgæft að fólk sé að hvolfa
bátunum. Það er innan við eitt
prósent sem lendir í því. Þá er bara
að smeygja sér úr bátnum og ég kem
og sný honum við.“
Hvað með þá sem vilja takast af
meira afli á við sjóinn?
„Ég leigi líka út kajaka. Þá getur
vant fólk leigt hjá mér báta til þess
að taka með sér – en ég vil taka það
fram að slíkt gerist aðeins ef fólk er
mjög vant.“
Kajakar á
lygnum vogum
Í kajakaróðri má skoða sérkennilegar bergmyndanir og áhugaverða hella.
Ungir sem aldnir njóta þess að róa milli Breiðafjarðareyja á kajak.
Fjölskrúðugt fuglalíf og marg-
breytilegar siglingaleiðir gera
kajakaróður í Stykkishólmi að
ævintýri, segir Þorsteinn Sig-
urlaugsson.