Morgunblaðið - 02.05.2003, Blaðsíða 11

MORGUNBLAÐIÐ FÖSTUDAGUR 2. MAÍ 2003 B 11
OD
DI
HF
J5
05
8
...vísa þér veginnwww.lmi.is
Ómissandi í ferðalagið
Ferðakort 1:250 000
Vesturland og Suðurland
Annað kortið af þremur í flokki nýrra vandaðra ferðakorta
í mælikvarða 1:250 000 er komið út. Mjög handhægt brot
sem hentar vel á ferðalögum. Mikil skörun á milli korta.
Byggt á nýjum stafrænum gögnum.
Kort sem ættu að vera til á hverju heimili
Ný ferðakort
Ferðakort 1:500 000
Vandað nýtt heildarkort af Íslandi með hæðarskyggingu
og þjónustutáknum. Glæsileg og mikið breytt útgáfa af
þessu vinsæla korti. Nýjustu upplýsingar um vegi
landsins, vegalengdir og veganúmer, auk mikilvægra
upplýsingaum ferðaþjónustu, svo sembensínafgreiðslur,
gististaði, söfn, sundlaugar, golfvelli og fleira. Kortinu
fylgir nafnaskrá með yfir 3000 örnefnum. Skýringar á
fjórum tungumálum.
• Hæðarskygging og 50 metra hæðarlínubil
• Vegir, vegalengdir, veganúmer og bensínafgreiðslur
• Gisting, tjaldsvæði, sundlaugar og golfvellir
• Söfn, friðlýstar minjar, hringsjár og áningarstaðir
• Bæir í byggð, eyðibýli og rústir
• Yfir 6000 örnefni
• Upplýsingamiðstöðvar, bátsferðir og margt fleira
• Skýringar á íslensku, ensku, frönsku og þýsku
Útgefið
2002
Væntanlegt
2003
STANGAVEIÐI
Stangveiði á vatnasvæði Elliðavatns hófst 1. maí.
Veiðileyfi eru seld á Vatnsenda og Elliðavatni.
Á sömu stöðum geta félagar úr Sjálfs-
björgu, unglingar (innan 16 ára ald-
urs), og ellilífeyrisþegar úr Reykja-
vík og Kópavogi, fengið afhent
veiðileyfi án greiðslu.
F
OSSHÓTEL er hótelkeðja
sem í sumar rekur fjórtán
hótel víðs vegar á landinu
og í Reykjavík, Fosshótel
Lind, Höfði og Baron eru í
Reykjavík, en Fosshótel Bifröst, Án-
ing, Húsavík, Laugar, Hallorms-
staður, Valaskjálf, Reyðarfjörður,
Vatnajökull, Ingólfur, Hlíð og Nesbú
úti á landi. Rekstur Fosshótelanna
hófst árið 1996 og var hugmyndin að
búa til svokallaða „tourist class“
hótelkeðju, eða hótel í miðlungs-
flokki, þar sem áhersla er lögð á
vinalegt umhverfi og þjónustu.
Susanne E. Götzinger er sölustjóri
Fosshótelanna og segir hún þrjú ný
hótel hafa bæst við keðjuna á þessu
ári. Af þeim fjórtán hótelum sem
mynda Fosshótelkeðjuna eru níu rek-
in af Fosshótelum, en fimm þeirra
eru svokölluð „franchise“ hótel, eða
sérleyfishótel sem starfa undir
merkjum Fosshótela. „Í þeim til-
fellum er annar eigandi að hótel-
unum, en þau starfa undir okkar
nafni,“ segir Susanne. „Við mark-
aðssetjum þau og sjáum um bókanir
– en þau verða að uppfylla okkar
kröfur, vegna þess að markmiðið er
að vera með mörg hótel í Reykjavík
og úti á landi sem eru rekin sam-
kvæmt sömu grunnhugmynd.
Ein grunnhugmynd
En þótt hótelin séu rekin samkvæmt
sömu grunnhugmynd hafa þau öll
sína sérstöðu. Í júní, júlí og ágúst
bjóðum við til dæmis upp á þema-
morgunverði og þá hefur hvert hótel
sitt eigið þema. Þemað er fyrst og
fremst til að gleðja augað og gera
umhverfið hlýlegra. Á Lind verður
þemað Heimur vatnsins, Morgun-
verðarfjör á Höfða, Eggjaheimur á
Baron, Dýralíf Íslands í Bifröst, Sól-
blóm og íslensk flóra á Áningu, Hafið
á Húsavík, Íslenskir jólasveinar á
Laugum, Skógur á Hallormsstað,
Víkingar í Valaskjálf, Listaverk
barnanna í Reyðarfirði, James Bond
á Vatnajökli, Suðræn stemmning í
Ingólfi, Ásatrú í Hlíð og Hverir í Foss-
hótelinu Nesbúð. Innihald morgun-
verðar verður þó það sama á öllum
hótelunum og öll hótelin eru með
veitingahús þar sem hægt er að
panta af matseðli, auk þess sem öll
hótelin munu bjóða upp á rétt dags-
ins sem kostar frá kr. 1.090 til
1.390 á hverjum degi. Með því erum
við að koma til móts við fjölskyldu-
fólk sem annars myndi fara í sjoppu
til þess að borða. Fyrir utan rétt
dagsins eru öll Fosshótelin með góð-
an matseðil og góðan drykkjaseðil.“
Þegar Susanne talar um sömu
grunnhugmynd að öllum hótelunum,
segist hún þó ekki eiga við að öll her-
bergi þurfi að vera eins – þvert á
móti; hluti af hugmyndinni sé að
bjóða upp á fjölbreytta möguleika. Á
sumum hótelunum er hægt að fá
svefnpokapláss, eða herbergi án
sérbaðherbergis, en á öllum hótel-
unum er þó boðið upp á herbergi
með baði.
Verðið er því mjög breytilegt og
auðvitað ódýrara þegar bað fylgir
ekki herberginu. „Þjónustan er samt
alls staðar eins,“ segir hún, „mark-
mið okkar er jú að Fosshótelin séu
vinaleg og þar sé gott að vera.“
Til móts við fjölskylduna
„Það er reynsla okkar að Íslendingar
séu ekkert að leita að lúxus og
glæsileika á ferðalögum, heldur
notalegu umhverfi á góðu verði og
við viljum leggja okkar af mörkum til
þess að fá Íslendinga til þess að
ferðast um Ísland.“
Er Fosshótel íslensk hótelkeðja?
„Já, þetta er alíslensk keðja en við
erum hluti af Skanplus-samtök-
unum. Skanplus-kortin er hægt að
kaupa á öllum Fosshótelunum á eitt
þúsund og eitt hundrað krónur. Þau
veita allt að 40% afslátt á Fosshót-
elunum á Íslandi, geta veitt allt að
50% afslátt á hótelum í Skandinavíu
og 6. hver nótt er alltaf frí, auk þess
sem gisting fyrir börn undir tólf ára
aldri er frí.“
Einhvers staðar heyrði ég að þið
sköffuðuð börnum gullfiska til að
hafa á herbergjunum.
„Já, við gerum það á Fosshóteli
Höfða í Reykjavík – sem er sérstakt
fjölskylduhótel. Þar fá börnin líka að
velja sér þemasængurföt, auk þess
sem farið er í leiki í setustofunni.
Síðan bjóða Fosshótel Ingólfur, Nes-
búð og Húsavík hunda velkomna,
sem er mikilvægt vegna þess að
margir Íslendingar eiga hunda og
vilja taka þá með sér þegar þeir eru
að ferðast um landið.“
Fosshótelið á Reyðarfirði.
Morgunblaðið/Jim Smart
Susanne E. Götzinger.
Vinaleg
hótelkeðja
Susanne E. Götzinger, sölu-
stjóri Fosshótelanna, segir
Íslendinga ekki leita að lúxus,
heldur vingjarnlegu viðmóti
og hlýju.