Morgunblaðið - 06.05.2003, Blaðsíða 4

FRÉTTIR
4 ÞRIÐJUDAGUR 6. MAÍ 2003 MORGUNBLAÐIÐ
HÉRAÐSDÓMARI í Reykjavík
hefur stefnt ríkislögreglustjóra og
krefst þess að úrskurður hans um
að synja dómaranum um að flytja
inn Mauser-veiðiriffil verði ógiltur,
aðallega vegna þess að samkvæmt
lögum verði að miða við metra-
kerfið í útreikningum á hlaupvídd
en ekki við enskar tommur eins og
ríkislögreglustjóri geri.
Í stefnunni segir að hlaupvídd
riffilsins sé kalíber 7,92 sem rík-
islögreglustjóri og dómsmálaráðu-
neytið segja að sé of mikið, miðað
sé við cal. 30 sem jafngildi 7.62
mm en riffill dómarans sé með
hlaupvíddina 7,92 mm. Þessu hafn-
ar dómarinn og færir m.a. rök fyr-
ir því að samkvæmt lögum skuli
miða hlaupvíddina við 30 mm.
Algengt veiði-
kalíber í Evrópu
Fram kemur að dómarinn, Pétur
Guðgeirsson, hafi langa reynslu af
skotvopnum. Riffilinn hafi hann
látið umsmíða og setja saman í
Bandaríkjunum og hugðist nota
hann til að veiða stór dýr erlendis
en þá íþrótt hefur hann stundað
reglulega um árabil. Hlaupvíddin
sé enn algengt veiðikalíber á meg-
inlandi Evrópu og einkar hentugt
til veiða á stærri dýrum. Lög-
reglustjórinn í Reykjavík lagðist
ekki gegn umsókn hans um inn-
flutning en ríkislögreglustjóri
hafnaði beiðninni og var sú
ákvörðun staðfest af dómsmála-
ráðuneytinu.
Samkvæmt reglugerð um skot-
vopn er hámarkshlaupvídd riffla
„cal. 30“. Dómarinn telur að skýra
beri ákvæðið í samræmi við lög um
vog, mál og faggildingu en þau
kveða á um að hér á landi skuli
notast við metrakerfið. Orðið „cal.“
í reglugerðinni sé hvergi skýrt en
ætla verði að það tákni kalíber.
Enga frekari skilgreiningu á
hlaupvídd að finna í reglugerðinni.
Hvergi sé heldur útskýrt hvaða
stærð „30“ sé í þessu samhengi,
þ.e. hvaða mælieiningu sé miðað
við. Ljóst sé á hinn bóginn að
dómsmálaráðuneytið og ríkislög-
reglustjóri leggi enskt tommumál
til grundvallar. Um þá röksemd að
notast skuli við metrakerfið segi
dómsmálaráðuneytið ekki annað
en að „á mörgum öðrum sviðum
[sé] stuðst við aðrar mælieiningar
en metramál“.
Þetta segir dómarinn að sé
órökstutt og stangist á við lög.
Reglugerðina verði því að skýra
þannig að hámarkshlaupvídd sé 30
mm. Slíkir rifflar hafi verið fram-
leiddir, bæði til veiða og til hern-
aðar og slík vopn séu enn fram-
leidd. Þá hljóti enn að mæla gegn
skilningi ráðuneytisins að hér sé
átt við enskt tommumál að rithátt-
urinn „30“ sé ekki í samræmi við
viðurkennda ensk-ameríska rit-
venju og hefðu Engilsaxar í stað-
inn ritað hér 0.30 eða .30.
Geðþótti má ekki ráða
Þá telur dómarinn að reglugerð
um skotvopn sé svo óskýr að á
henni verði ekki byggt og bæði í
reglugerðinni og lögunum sé að
finna rugling sem bendi eindregið
til þess að þau hafi verið samin af
ókunnugleika og handahófi. Menn
eigi ekki að þurfa að geta sér til
hvaða skorður eru settar við at-
hafnafrelsi þeirra og stjórnvöld
verði að byggja á skýrum rétt-
arheimildum þegar þau taki
íþyngjandi ákvarðanir.
„Að öðrum kosti er stórhætta á
því að geðþótti yfirvaldanna ráði
ákvörðun þeirra,“ segir í stefn-
unni.
Pétur Guðgeirsson hyggst sjálf-
ur flytja málið fyrir þegar það
verður tekið fyrir dóm.
Dómari stefnir ríkislög-
reglustjóra vegna úr-
skurðar um veiðiriffil
SIGURÐUR Einarsson, arkitekt
hjá Batteríi, segir að við endurgerð
forsalar gamla Alþingishússins
verði notast við upphaflegar teikn-
ingar af húsinu, sem eru frá ár-
unum í kringum 1880, en arkitekt
hússins var Ferdinand Meldahl.
Jafnframt verður notast við gaml-
ar ljósmyndir af forsalnum sem og
lýsingar af honum í bókum.
Eins og fram kom í Morgun-
blaðinu í gær er stefnt að því að
gera endurbætur á forsal þing-
hússins í sumar með það að mark-
miði að færa hann í sem næst upp-
runalegt horf. Arkitektastofan
Batterí mun sjá um endurhönnun
salarins. Meðal þess sem á að gera
er að sameina anddyrið forsalnum,
skipta um gólfefni og rífa niður
salerni við stigann í salnum.
Á annarri af meðfylgjandi mynd-
um má sjá hvernig salurinn leit út í
kringum árið1930, en síðan þá hafa
verið gerðar ýmsar breytingar á
salnum, eins og sjá má af hinni
myndinni, sem sýnir hvernig sal-
urinn lítur út í dag.
Ljósmynd sem tekin var af forsal þinghússins í kringum 1930. Forsalur þinghússins eins og hann lítur út um þessar mundir.
Notast við upprunalegar teikningar
Endurbætur á forsal Alþingis
Hugmyndin
um aðra
læknadeild
rædd í LÍ
Á FUNDI stjórnarmanna Lækna-
félags Íslands, sem haldinn var fyrir
nokkru við Eystri-Rangá, kom fram
sú hugmynd að ef til vill væri væn-
legast að stofna nýja læknadeild til
að veita læknadeildinni í Háskóla
Íslands samkeppni. Frá þessu er
sagt í nýjasta hefti Læknablaðsins
en undanfarið hafa verið uppi hug-
myndir í þessa veru. M.a. reifuðu
Bergur Guðmundsson, frambjóð-
andi Sjálfstæðisflokksins í Norð-
austurkjördæmi, og Steingrímur J.
Sigfússon, formaður, Vinstrihreyf-
ingarinnar – græns framboðs, hug-
myndina á framboðsfundi á Akur-
eyri. Vildu þeir að kannaður yrði
möguleiki á að stofna læknadeild við
Háskólann á Akureyri sem yrði í
tengslum við Fjórðungssjúkrahúsið
þar í bæ.
Reynir Tómas Geirsson, deildar-
forseti læknadeildar Háskóla Ís-
lands, sagði í samtali við Morgun-
blaðið sl. sunnudag að þessi ummæli
væru sett fram án þekkingar á námi
í nútímalæknadeild. Kostnaður við
að setja upp slíka deild á Akureyri
yrði mikill og upptökusvæði Fjórð-
ungssjúkrahússins væri það lítið að
það stæði ekki undir læknakennslu.
Nauðsyn að hrista
upp í náminu
Í Læknablaðinu kemur fram að
hugmyndin hafi einnig verið rædd á
fundi formanna félagsins í aprílmán-
uði og að flestir þeirra sem tjáðu sig
um þetta mál hafi tekið hugmynd-
inni vel. Ný læknadeild þyrfti þó
ekki endilega að lúta nákvæmlega
sömu lögmálum og sú sem fyrir er,
hægt væri að byggja hana upp með
allt öðrum hætti.
Í blaðinu segir að mörgum hafi þó
greinilega þótt jaðra við drottinsvik
að ganga í berhögg við lærifeðurna í
deildinni sem fóstrað hefði nánast
alla íslenska lækna. „Samt var eins
og menn sæju nauðsyn þess að
hrista upp í námi verðandi lækna ef
læknastéttin vildi standa undir
nafni í framtíðinni,“ segir í Lækna-
blaðinu.
SJÓMANN af frystitogaranum
Sléttbaki EA tók út af skipinu þar
sem það var að veiðum á svonefndu
Hampiðjutorgi, um 100 mílur aust-
ur af Látrabjargi síðastliðinn
föstudag. Manninum var bjargað
úr sjónum eftir um fimm mínútur,
en sjórinn var um 6 gráða heitur.
Ívan Brynjarsson sem var skip-
stjóri á Sléttbak í þessari ferð sagði
að atvikið hefði átt sér stað um kl. 7
að morgni föstudagsins. Verið var
að kasta trollinu þegar maðurinn
kipptist fyrir borð með keðju í hler-
um. Ívan sagði að skipinu hefði ver-
ið bakkað að manninum, en hann
náði ekki taki á björgunarhring
sem til hans var kastað. „Við létum
því annan mann fara í línu á eftir
honum og hífðum hann svo upp á
gils,“ sagði Ívan.
Var 5 mínútur í sjónum
Hann sagði að maðurinn sem féll
fyrir borð hefði verið um fimm mín-
útur í sjónum áður en honum var
bjargað, en hinn skemur. „Þeim
varð ekki meint af volkinu,“ sagði
Ívan. Hann sagði að manninum
hefði verið komið undir sængur og
hann fljótt fengið yl í kroppinn.
„Ég hef aldrei lent í þessu áður, en
þetta er eitthvað sem alltaf getur
komið fyrir. Sem betur fer fór
þetta allt vel, menn brugðust strax
hárrétt við og það hefur eflaust
skipt miklu,“ sagði Ívan.
Sléttbakur er á grálúðuveiðum
og sagði Ívan aflabrögð einkar lé-
leg. „Þetta er yfirleitt besti tíminn
á grálúðunni, en nú er ekkert að
hafa, við erum að fá þetta 8–10 tonn
á sólarhring,“ sagði Ívan, en skipið
kemur til hafnar á Akureyri fyrir
sjómannadag.
Sjómann tók út af togaranum Sléttbaki á Hampiðjutorgi
Fékk fljótt yl í kroppinn
undir hlýrri sænginni
Sýknuð af
ákæru um
líkamsárás
HÉRAÐSDÓMUR Norðurlands
eystra hefur sýknað konu á þrítugs-
aldri fyrir líkamsárás með því að
hafa stjakað við annarri konu á bíla-
stæði á Akureyri fyrir tveimur árum.
Féll konan í götuna, með þeim afleið-
ingum að hún handleggsbrotnaði á
fjærenda hægri framhandleggs og
hlaut áverka á brjóski, liðþófa og
krossbandi á vinstra hné.
Héraðsdómur taldi ekki að ákæru-
valdinu hafi tekist að sýna fram á að
ákærða hafi með saknæmum og
ólögmætum hætti valdið þeim áverk-
um sem hin konan hlaut.
Ólafur Ólafsson héraðsdómari
dæmdi málið. Verjandi ákærðu var
Árni Pálsson hrl. Sækjandi var Ey-
þór Þorbergsson sýslumannsfulltrúi.