Morgunblaðið - 06.05.2003, Blaðsíða 24
AKUREYRI
24 ÞRIÐJUDAGUR 6. MAÍ 2003 MORGUNBLAÐIÐ
ÚTFÖR Gísla Konráðssonar, fyrr-
verandi framkvæmdastjóra Út-
gerðarfélags Akureyringa, var
gerð frá Akureyrarkirkju í gær, en
Gísli lést 27. apríl síðastliðinn.
Prestur var sr. Jóna Lísa Þorsteins-
dóttir, organisti Björn Steinar Sól-
bergsson og einsöngvarar Sólveig
Samúelsdóttir, dótturdóttir Gísla,
og Óskar Pétursson. Pawel Panas-
iuk lék einleik á selló og Þórey
Aðalsteinsdóttir las.
Líkmenn voru tengdabörn Gísla
og konu hans, Sólveigar Axels-
dóttur, fremstir Hörður Blöndal,
Sigurður M. Albertsson, Hallfríður
Konráðsdóttir, Jakob V. Hafstein,
Guðmundur Pétursson, Haraldur
Baldursson, Björn Ingi Sveinsson
og Samúel J. Samúelsson.
Morgunblaðið/Kristján
Útför Gísla Konráðssonar, fyrrverandi framkvæmdastjóra ÚA, var gerð frá Akureyrarkirkju í gær.
Útför
Gísla Kon-
ráðssonar
METÞÁTTTAKA var á 21. Hængs-
mótinu sem fram fór í Íþróttahöllinni
á Akureyri um helgina en um er að
ræða opið íþróttamót fyrir fatlaða.
Alls mættu rúmlega 320 keppendur
til leiks frá 18 félögum víðs vegar af
landinu. Elsti keppandi mótsins var
Sigurður R. Ingimundarson frá
Íþróttafélaginu Akri en hann varð 91
árs á fyrri keppnisdegi mótsins sl.
föstudag. Yngsti keppandinn, Jó-
hann Þór Hólmgrímsson kom einnig
frá Íþróttafélaginu Akri en hann er
10 ára. Jóhann Þór gerði sér þó lítið
fyrir og sigraði í opnum flokki í
boccia, sem verður að teljast góður
árangur. Þá var Sigurður í sigursveit
Akurs sem sigraði í opnum flokki.
Það er Lionsklúbburinn Hængur
sem stendur að mótinu og er þetta
jafnframt stærsta og ánægjulegasta
verkefni klúbbfélaga ár hvert. Auk
boccia var keppt í borðtennis, bog-
fimi og lyftingum. Þá fór Íslands-
mótið í boccia fram í tengslum við
Hængsmótið.
Arnar P. Pétursson, Kveldúlfi,
hafnaði í öðru sæti í opnum flokki í
boccia og Stefán Filippusson, Viljan-
um, í því þriðja. Í opnum flokki í
sveitakeppni í boccia sigraði A-sveit
Akurs en hana skipuðu Lilja Guð-
mundsdóttir, Þorgerður M. Krist-
jánsdóttir og aldursforsetinn Sig-
urður Ingimundarson. B-sveit
Snerpu varð í öðru sæti og C-sveit
Snerpu hafnaði í þriðja sæti.
Gunnar Örn Erlingsson ÍFR sigr-
aði í lyftingum í flokki þroskaheftra,
lyfti 85 kg í bekkpressu. Þorsteinn
Sölvason, ÍFR, sigraði í lyftingum í
flokki hreyfihamlaða, lyfti 120 kg í
bekkpressu. Gyða K. Guðmunsdótt-
ir, Ösp, sigraði í opnum flokki
kvenna í borðtennis og Jón Heiðar
Jónsson, ÍFR, í opnum flokki karla. Í
bogfimi sigraði Elsa Björnsdóttir,
Akri, í kvennaflokki, með 471 stig, 6
gull og Ragnar Hauksson, Akri, í
karlaflokki, með 491 stig, 11 gull.
Einnig Íslandsmót
í sveitakeppni í boccia
Á Íslandsmótinu í sveitakeppni
sigraði Nes-3 í 1. deild en sveitina
skipuðu Guðný Óskarsdóttir, Helgi
Sæmundsson og Óskar Ívarsson.
A-sveit Völungs hafnaði í öðru sæti
og A-sveit Eikar í þriðja sæti. Í 2.
deild sigraði E-sveit Eikar en sveit-
ina skipuðu Nanna Haraldsdóttir,
Magnús Ásmundsson og Anna
Ragnarsdóttir. A-sveit Suðra hafn-
aði í öðru sæti og Nes-9 í því þriðja. Í
3. deild sigraði B-sveit Gnýs en sveit-
ina skipuðu Edda Guðmundsdóttir,
Ármann Eggertsson og Kamma Við-
arsdóttir. E-sveit Aspar hafnaði í
öðru sæti og D-sveit Akurs í þriðja
sæti. B-sveit ÍFR sigraði í rennu-
flokki en sveitina skipuðu Björgvin
Björgvinsson og Sveinbjörn Gests-
son. A-sveit Grósku hafnaði í öðru
sæti og Ösp/ÍFR í því þriðja.
Mótinu lauk svo með glæsilegu
lokahófi í Íþróttahöllinni á laugar-
dagskvöld, þar sem m.a. fór fram
verðlaunaafhending.
Yfir 80 ára aldursmunur á elsta og yngsta keppandanum á Hængsmótinu
Báðir unnu þeir
til verðlauna
Morgunblaðið/Kristján
Einbeittir keppendur í rennuflokki í boccia á Hængsmótinu á Akureyri.
SJÖ sóttu um stöðu skólameistara við
Menntaskólann á Akureyri, þar á
meðal aðstoðarskólameistarinn og
nemandi í þriðja bekk X. Skólanefnd-
in hefur fjallað um umsóknirnar og
mun halda því áfram á fundum sínum
næstu daga.
Umsækjendur eru skv. upplýsingu
á heimasíðu skólans:
Bryndís Íris Stefánsdóttir, kennari
með BS-próf í jarðfræði og landa-
fræði frá Háskóla Íslands.
Dr. Erla Erlendsdóttir sem er með
MA-próf í tungumálum, doktorspróf í
spænsku frá háskólanum í Barcelona
og hefur kennt á ýmsum skólastigum.
Jón Már Héðinsson, aðstoðar-
skólameistari MA. Hann er með BA-
próf í íslensku frá HÍ og MBA í
stjórnun, rekstri og stefnumótun frá
háskóla í Chicago í Bandaríkjunum.
Laufey Petrea Magnúsdóttir er
áfangastjóri MA. Hún er með BA-
próf í uppeldisfræði frá HÍ og vinnur
að MEd.-ritgerð í uppeldis- og
menntunarfræðum við Kennarahá-
skóla Íslands. Áður var hún m.a. að-
stoðarskólameistari í eitt ár.
Salvar Þór Sigurðarson, nemandi í
3. bekk X í MA.
Valgerður Gunnarsdóttir, skóla-
meistari að Laugum. Hún er með BA-
próf í íslensku frá HÍ og kenndi um
árabil við Framhaldsskólann á Húsa-
vík.
Þorlákur Axel Jónsson, kennari við
MA, með BA-próf í sagnfræði frá Há-
skóla Íslands og cand. mag.-próf í
sagnfræði og þjóðfélagsfræðum frá
Kaupmannahafnarháskóla og hefur
um árabil kennt við MA.
Sjö sóttu
um stöðu
skólameist-
ara MA
TILKYNNT var um úthlutun úr
menningar- og styrktarsjóði KEA
á aðalfundi félagsins nýlega, en
samtals var úthlutað 7 milljónum
króna til 34 aðila.
Annars vegar var úthlutað
styrkjum til margs konar menn-
ingarverkefna, 19 talsins, hver að
upphæð 100 þúsund krónur eða
samtals 1,9 milljónir króna. Þá
hlutu átta einstaklingar, 25 ára
eða yngri, styrk m.a. á sviði
íþrótta og menningar. Hver þeirra
hlaut 250 þúsund krónur, eða sam-
tals 2 milljónir króna.
Loks var úthlutað styrkjum
vegna þátttökuverkefna í menn-
ingarmálum, alls sex styrkjum
samtals að upphæð 3,1 milljón
króna.
Hæsta styrkinn hlaut Sinfóníu-
hljómsveit Norðurlands, eina millj-
ón króna, vegna skólatónleika fyrir
grunnskólanemendur.
Sjö milljónum var
úthlutað til 34 aðila
Menningar- og styrktarsjóður KEA
Nýtt Nýtt
Krónunni, 2. hæð, sími 462 3505,
Hafnarstræti 97, 600 Akureyri.
Opið í dag frá kl. 10-16
Stakir jakkar
Kápur
Hörfatnaður
Bolir
Sinfóníuhljómsveit Norðurlands
Björg Þórhallsdóttir, sópran, Annamaria Chiuri, mezzósópran
Kristján Jóhannsson, tenór, Kristinn Sigmundsson, bassi
Kór Akureyrarkirkju, Kór Langholtskirkju,
Kammerkór Norðurlands
Stjórnandi:
Guðmundur Óli Gunnarsson
Forsala aðgöngumiða er hafin í Pennanum, Bókval, Akureyri
og Bókabúð Máls og menningar, Laugavegi 18, Reykjavík.
Miðaverð kr. 3.000,- Aðgangur ókeypis fyrir 20 ára og yngri
í Í þ ró t tahö l l i nn i á Aku rey r i
sunnudag inn 11 . ma í 2003 k l . 16 :00
G. VERDI: REQUIEM
Á
S
P
R
E
N
T
HÁTÍÐARTÓNLEIKAR
SEX umsóknir bárust um auglýstan
styrk jafnréttis- og fjölskyldunefndar
og var fjallað um þær á síðasta fundi
nefndarinnar. Vegna umsóknar frá
Alþjóðastofu um styrk til að halda al-
þjóðlegan dag var jafnréttisfulltrúa
falið að ræða við verkefnisstjóra Al-
þjóðastofu um samvinnu á áætluðum
fjölskyldudegi nefndarinnar og al-
þjóðlegum degi. Jafnframt var jafn-
réttisfulltrúa falið að ræða við menn-
ingarfulltrúa um slíka samvinnu.
Umsókn frá Myndrún ehf. um
styrk sem samsvarar launum nema í 3
mánuði var hafnað. Umsókn frá Víð-
heimum ehf. til gerðar jafnréttisnám-
skeiða fyrir stjórnendur sveitarfélaga
var hafnað. Starfsmenn Akureyrar-
bæjar hafa séð um fræðslu fyrir
kjörna fulltrúa bæjarins. Jafnframt
hefur Jafnréttisstofa verið með nám-
skeið og fræðslu um jafnréttismál.
Umsókn Aksjón ehf. um 160 þúsund
króna styrk til þáttagerðar um jafn-
réttismál var samþykkt. Afgreiðslu
annarra umsókna var frestað til
næsta fundar.
Jafnréttis- og
fjölskyldunefnd
Sex um-
sóknir
bárust um
styrki
♦ ♦ ♦