Morgunblaðið - 06.05.2003, Blaðsíða 46

 Fleiri minningargreinar
um Gunnar Berg Jóhannsson bíða
birtingar og munu birtast í blaðinu
næstu daga.
Elsku bró, ég kveð þig nú með
miklum trega.
Kveðja
Stefán Reykdal.
Þótt ég sé látinn, harmið mig
ekki með tárum, hugsið ekki um
dauðann með harmi eða ótta. Ég er
svo nærri, að hvert eitt tár ykkar
snertir mig og kvelur, þótt látinn
mig haldið. En þegar þið hlæið og
syngið með glöðum hug, lyftist sál
mín upp í mót til ljóssins. Verið glöð
og þakklát fyrir allt sem lífið gefur
og ég, þótt látinn sé, tek þátt í gleði
ykkar yfir lífinu.
(Kahlil Gibran.)
Brostinn er strengur og harpan þín hljóð
svo hljómarnir vaka ei lengur,
en minningin geymist og safnast í sjóð,
er syrgjendum dýrmætur fengur.
(Trausti Reykdal.)
Við þökkum þér elsku Gunnar allar
stundir sem við áttum með þér, þær
minningar getur enginn frá okkur
tekið.
Amma og afi,
Þorlákshöfn.
Alla ævi erum við að ganga í gegnum
aðstæður, sem vekja með okkur gleði
og sorg. Við getum afneitað þessum
tilfinningum, eða haldið utan um þær,
fundið þær og uppgötvað, að vegna þeirra
höfum við færst nær því að skilja, hvað það
er, að vera manneskja.
(Bragi Skúlason.)
Ljúfur drengur er nú horfinn frá
okkur. Við stöndum eftir hnípin,
syrgjum og söknum.
Það verður þungbært að upplifa
næstu daga án Gunna. Gunnar Berg
Jóhannsson, eða Gunni eins og við
kölluðum hann, var búinn að búa hjá
okkur hér í Garðhúsum síðan í ágúst
2002.
Hann kom eins og stormsveipur
inn í líf dóttur okkar. Hún heillaðist af
þessum fallega pilti og ekki varð aftur
snúið.
Þau voru óumræðilega hamingju-
söm og báru mikla virðingu hvort fyr-
ir öðru. Hann virti þarfir dóttur
minnar, en þær voru nokkrar. Hún
átti stóran vinahóp sem hún varð að
vera oft í sambandi við. Hún var í
mörgum kórum, syngjandi við hinar
og þessar athafnir. Hún átti stóran
frændgarð sem hún vildi sinna. Allt
þetta skildi Gunni og féll inn í hópinn
og tengdist öllum vinunum og frænd-
fólkinu, og líkaði vel.
Ég man að ég var ekki allt of hrifin
í fyrstu að fá hann inn á heimili okkar.
Fannst hann ólíkur okkur, alltof ákaf-
ur og hann talaði við okkur eins og
hann hefði þekkt okkur í mörg ár,
vissi margt, eins og hann hefði upp-
lifað öll reiðinnar ósköp á svo stuttri
ævi, en hann taldi sig gamla sál og var
mjög næmur á lífið. Hann var líka
auðsærður og leið mjög illa ef honum
fannst einhver koma fram við sig af
ósanngirni.
Viðhorf mitt breyttist. Hann var
mjög tillitssamur við okkur, verðandi
tengdaforeldra, og sýndi ávallt kurt-
eisi og mikla umhyggju í okkar garð.
Þetta var góður drengur sem ekkert
aumt mátti sjá og var ávallt að hjálpa
og redda öðrum. Hann óx mikið í áliti
hjá mér og varð fljótlega eins og eitt
af börnunum okkar. Öll börn heilluð-
ust af Gunna, barnabörnin mín dýrk-
uðu hann, en fengu alltof stuttan tíma
með honum þar sem þau fluttu öll til
Noregs á síðasta ári. Það var þessi
mikla útgeislun hans sem hafði svo
mikil áhrif á alla sem umgengust
hann.
Gunni átti ungan dreng, Sindra
Snæ, sem hann elskaði og dáði þótt
hann hefði ekki getað sinnt honum
daglega. Hann talaði mikið um hann
og hann var litli sólargeislinn í lífi
Gunna sem hann langaði svo mikið að
kynnast og reynast góður faðir. Hann
hefði eflaust reynst honum góður og
elskandi faðir ef honum hefði enst
aldur til.
Næstu dagar verða erfiðir fyrir
okkur ástvini Gunna. Það er stórt
skarð sem verður vandfyllt, en við
þökkum fyrir allar gleðistundirnar
með þessum yndislega dreng sem við
þekktum svo stutt en skilur svo mikið
eftir.
Megi góður Guð vera með litla
drengnum hans, Sindra Snæ, Arn-
björgu Ösp dóttur okkar og öllum
ástvinum hans.
Blessuð sé minning Gunnars Bergs
Jóhannssonar.
Ragnheiður og Matthías.
Elsku Gunni.
Ég á svo margar minningar um þig
og okkar stundir, og get ég aldrei tal-
ið það upp hér, en minningar eru dýr-
mætar eins og sundferðirnar, bíó-
ferðinar, og handboltaleikirnir sem
við fórum á, þú hafðir svo gaman af
handbolta og ekki má gleyma skauta-
ferðinni okkar sem var aðal skemmti-
efni okkar í margar vikur. Skautar
voru ekki þín sterka hlið, en þú hafðir
stórt og gott hjarta og varst alltaf
tilbúinn til að gefa allan þann styrk og
stuðning sem þú hafðir og ég þurfti.
Kveðja, þín
Gunndís Eva.
Þegar þú ert sorgmæddur,
skoðaðu þá aftur huga þinn,
og þú munt sjá að þú grætur vegna þess,
sem var gleði þín.
(Úr spámanninum e. Kahlil Gilbran .)
Hinn 28. apríl var mér tilkynnt um
það hræðilega slys sem þú varðst fyr-
ir. Þú sem varst í blóma lífsins. Líf
þitt blasti við þér svo bjart og gott.
Nýfluttur í þitt eigið heimili ásamt
kærustu þinni, og tala nú ekki um litla
augasteininn þinn hann Sindra Snæ.
Þú varst ekki gamall þegar
mamma þín og pabbi slitu samvistum,
en þá fannst þér þú hafa allt á herðum
þér sem snerti heimili ykkar bæði
innan og utan dyra, og reyndir að
redda öllu, annað hvort einn eða
reddaðir bara einhverjum til að
hjálpa þér. Eins og þú sagðir, einhver
verður að sjá um þetta, mamma gerir
það ekki ein. Þetta sýnir hversu mikið
þér þótti vænt um mömmu þína.
Elsku Gunnar, þegar ég skrifa
þetta hrannast upp margar minning-
ar um þig sem ekki eru teknar frá
mér, ég geymi þær í hjarta mér og
varðveiti þær vel. Hvíldu í friði.
Gunnur Hafsteinsdóttir.
Elsku Gunnar Berg, það er erfitt
að setjast niður og skrifa, því sorgin
er svo mikil og svo kemur reiðin. Þú
svona ungur maður ert tekinn í burtu
frá öllu. Þú varst duglegur og kraft-
mikill og það er mikil guðsgjöf. Okkur
er sagt að við fæðumst í þennan heim
og eigum að gegna ákveðnu hlut-
verki. Þú svo sannarlega, Gunnar
Berg, skilaðir þínu verki vel og mun
ég ætíð minnast þess.
Þín frænka
Halldóra
Hafsteinsdóttir.
Elsku Gunnar minn, þegar þú
varst lítill, fannst mér þú vera falleg-
asta barn sem til var og ég var svo
montin að vera frænka þín. Ég fæ víst
ekki að sjá hvort þú hefðir orðið eins
fallegt gamalmenni en ég efast þó
ekki um það. Slys gera víst ekki boð á
undan sér og það er lexía sem við ætt-
um öll að hafa í huga. Maður var ekki
einu sinni farinn að taka þátt í þínu
fullorðinslífi og nú er það of seint.
Aðeins einu sinni varð ég þess að-
njótandi að hitta son þinn en það var
þér dýrmæt og ánægjuleg reynsla
þegar hann fæddist og spurðir þú mig
mikið um skyldur þínar áður en hann
kom í heiminn.
Þú skilur mikið eftir þig, minningar
um tilfinningaríkan, bóngóðan og
kraftmikinn strák sem öllum vildi vel.
Barngóður varstu og nutu frænkur
þínar, Gunndís Eva og Júlía Bríet
þess óspart. Elsku Gunnar, fjölskyld-
an verður ekki söm án þín en við mun-
um reyna að lifa eftir þeim lærdómi
sem þú skildir eftir þig og njóta hvert
annars.
Saknaðarkveðja,
Halldóra Reykdal.
Gunnar Berg Jóhannsson, einhver
sá allra besti drengur sem ég hef haft
þau forréttindi að fá að kynnast, hef-
ur kvatt þennan heim.
Það var öllum ljóst frá upphafi að
Gunnar og Arnbjörg höfðu fundið
hamingjuna hvort hjá öðru. Sam-
rýndara og fallegra par hefur vart
fyrirfundist síðastliðið ár. Vinátta
þeirra beggja var mér ómetanleg.
Lífið er óútreiknanlegt, sorgarat-
burðir sem þessi óskiljanlegir. Eftir
situr minning um einstakan mann
sem kunni listina að gefa af sér.
Minning sem mun ylja mér um
hjartarætur um ókomna tíð.
Elskulega vinkona og aðrir að-
standendur. Guð gefi ykkur styrk.
Sigríður Rafnar
Pétursdóttir.
Elsku Gunni okkar, þrátt fyrir að
þú værir nýkominn í vinahópinn náðir
þú að festa þér stóran sess í hjörtum
okkar á þessum stutta tíma. Það sem
okkur finnst sárast er að við kynnt-
umst þessari frábæru persónu og hún
er tekin frá okkur áður en við náðum
að rækta vinskapinn. Við eigum þó
margar góðar minningar sem enginn
getur tekið frá okkur.
Verslunarmannahelgin í fyrra þar
sem við sátum eins og kóngar í grenj-
andi rigningu, og að sjálfsögðu tókst
þér að finna hlægilega punkta í þeim
aðstæðum, sumarbústaðarferðirnar
þar sem þér tókst mjög vel að koma
þér inn í þennan söngglaða hóp og að
lokum afmæli sem við héldum í febr-
úar. Við munum að við gerðum grín
að þér vegna þess að þú tróðst þér inn
á allar myndirnar sem teknar voru,
við erum mjög fegin núna að eiga
svona margar myndir af þér. En um-
fram allt munum við minnast þín sem
einstaklega góðhjartaðs manns sem
gerði vinkonu okkar að merkilegustu
persónu í heiminum.
Elsku Arnbjörg og aðrir aðstand-
endur, megi þið finna styrk saman á
þessum erfiðu tímum.
Þóra og Magnús.
GUNNAR BERG
JÓHANNSSON
MINNINGAR
46 ÞRIÐJUDAGUR 6. MAÍ 2003 MORGUNBLAÐIÐ
Menntafélagið ehf tekur við rekstri Stýrimannaskólans í Reykjavík og Vélskóla Íslands
frá 1. ágúst nk.
Menntafélagið ehf mun framfylgja metnaðarfullri menntastefnu sem byggð er á þeim
grunni er þegar hefur verið lagður með núverandi námsskipulagi skólanna og er að leita að
hæfu starfsfólki sem vill taka þátt í framtíðaruppbyggingu þeirra.
Menntafélagið ehf hefur að framtíðarmarkmiði að það nám við skólana, sem er að hluta
sambærilegt við háskólastig, verði að fullu metið sem nám á háskólastigi.
Skólarnir verða áfram starfræktir í núverandi húsnæði, Sjómannaskólahúsinu við Háteigsveg
í Reykjavík, sem nú er á síðustu stigum gagngerra endurbóta utanhúss.
Nánari upplýsingar um stöður kennara veita Sigurður R. Guðjónsson, sími 551 9755 og Jón Þór Bjarnason, sími 551
3194 og um aðrar stöður Jón B. Stefánsson, framkvæmdastjóri Menntafélagsins ehf í síma 551 9751 / 894 2269.
Umsóknum ásamt meðfylgjandi yfirliti um nám og störf skal skilað á skrifstofu skólanna í Sjómannaskólahúsinu við
Háteigsveg merktum Menntafélagið umsókn. Umsóknarfrestur er til 12. maí 2003.
Menntafélagið ehf
STÖÐUR KENNARA – SKRIFSTOFUSTJÓRA – SKÓLARITARA
– DEILDARSTJÓRA ENDUR- OG SÍMENNTUNAR
Ofangreindar stöður eru lausar frá 1. ágúst 2003.
Stöður kennara
Leitað er að kennurum til þess að annast m.a. eftirtaldar kennslugreinar:
vélfræði - málmsmíðar - rafmagnsfræði - siglingafræði - stöðugleiki skipa - kælitækni - raungreinar.
Æskilegt er að viðkomandi hafi tilskilin réttindi, kennslureynslu og töluverða sérhæfingu í sínu fagi.
Staða deildarstjóra endur- og símenntunar
Deildarstjóri er ábyrgur fyrir skipulagi og rekstri endur- og símenntunar sem fram fer á vegum skólanna og
er jafnframt ábyrgur fyrir þróun nýrra verkefna.
Staða skrifstofustjóra
Skrifstofustjóri ber ábyrgð á daglegum rekstri skrifstofu skólanna, fjárreiðum, bókhaldi og þjónustu við nemendur.
Staða skólaritara
Skólaritari annast þjónustu við nemendur og starfsmenn skólanna.
N
O
N
N
I
O
G
M
A
N
N
I
I
Y
D
D
A
•
N
M
0
9
3
7
1
•
sia
.is