Morgunblaðið - 06.05.2003, Blaðsíða 57

FÓLK Í FRÉTTUM
MORGUNBLAÐIÐ ÞRIÐJUDAGUR 6. MAÍ 2003 57
lif
u
n
lifun
tímarit um heimili og lífsstíl
númer fjögur 2003
Tímaritið Lifun fylgir Morgunblaðinu á morgun
ÞEGAR rokksveitin Clickhaze sigr-
aði í síðustu Prix Föroyar-keppni,
árið 2001, breyttist landslagið í
rokkefnum eyjanna talsvert. Hér
var komin sveit með framþróað og
metnaðarfullt rokk, vel boðlegt og
sambærilegt við hvað eina sem á
seiði er í svipuðum geirum annars
staðar i veröldinni. Út frá popp-
fræðilegum vangaveltum höfðu sig-
urvegarar fram að því borið með sér
sérstakan, heimaalin keim, í sjálfu
sér nokk áhugaverðan en fyrir ut-
anaðkomandi aðila á mörkum þess
að vera hreinlega „hallærislegur“.
Gamli og nýi tíminn mættust enda
í keppninni í ár. Ráðsettar heima-
sveitir eins og MC Hár og Hate-
speech reyndu sig með tilrauna-
glaðari og nýtilkomnari sveitum
eins og Deja Vu og Gestum. Nið-
urstaða keppninnar var nýja tím-
anum í vil, útkoma sem hefur komið
dálitlum kurri af stað hjá rokk-
þenkjandi eyjaskeggjum. Að sumra
mati varð keppnin nefnilega „leið-
inleg“ er Clickhaze sigraði á meðan
aðrir fagna þeim nýja staðli sem
settur hefur verið. Og það eru ein-
mitt Gestir og þeirra líkar sem eru
„skrýtnir og hallærislegir“ að
margra mati, upplýsa meðlimir mig
um.
Tónlist þeirra er annars tilfinn-
ingaríkt sveimrokk, í anda Radio-
head og hinna íslensku Leaves, og
bara skrambi gott verður að segjast.
Frumlegheit Gesta og sérstaða ligg-
ur hins vegar í útfærslunni, sem er
innblásin og einlæg. Eins og Click-
haze kemur sveitin frá Götu, þúsund
manna bæjarfélagi á Eysturoy. Hér
hefur átt sér stað merkileg upp-
bygging hvað dægurtónlist varðar,
einkanlega er tónlistarsamtökin
Grót voru sett á stofn fyrir um fimm
árum. Tónlistarlífið hefur vaxið
jafnt og þétt síðan og er sú þróun
einsdæmi á eyjunum. Göta er því í
dag einhvers konar Keflavík þeirra
Færeyinga og heimaalningarnir í
Gestum hafa sannarlega notið góðs
af.
Feimnir
Sveitin er skipuð ungum mönnum,
flestir þeirra nýskriðnir yfir tvítugt.
Kjarnann mynda þeir bræður, Ólav-
ur Hansen Jákupson, söngvari og
gítarleikari, og Torfinnur Jákupson.
Torfinnur er ekki nema átján ára en
semur engu að síður öll lög og texta.
Hann segir að þeir hafi ekki átt
von á sigrinum.
„Við höfðum í raun lítið hugsað
um keppnina sem slíka. Þetta var
aðallega vettvangur fyrir okkur til
að geta spilað á tónleikum.“
Í ljós kemur að í úrslitunum voru
Gestir að koma fram opinberlega í
fimmta sinn.
„En við vorum vel æfðir og höfum
sett mikla vinnu í þann þátt,“ segir
Knut Háberg Eysturstein, hljóm-
borðsleikari.
Rætur sveitarinnar liggja í því að
fyrrnefndir bræður lögðu mikla
rækt við tónlist á yngri árum og að-
spurðir var stofnun Gesta nátt-
úrulegt framhald af því.
Ólíkt flestum öðrum sveitum sem
þátt tóku í Prix eru meðlimir Gesta
mikið til baka, feimnir og lítið fyrir
fjölmiðla. Einkum á þetta við um
forsöngvarann, sem er hljóður og
dulur, eitthvað sem gefur honum um
leið mikinn sjarma.
„Já, það er rétt. Ég er ekki mjög
ræðinn svona dags daglega,“ segir
hann. „Ég tjái mig hins vegar í
gegnum tónlistina. Það er öðruvísi
og þar er ég mjög öruggur.“
Einbeittir
Talið berst aftur að keppninni og
þeir undirstrika að keppnisskapið
hafi ekki verið neitt. „Þegar maður
er ánægður með það sem maður er
að gera skiptir svona keppni engu,“
segir Knút. Torfinn segir að það sem
drífi þá hins vegar áfram sé leit að
einhverju nýju, leit að einhverju
áhugaverðu. Grót samtökin hafi t.d.
hjálpað mikið í þeirri umleitan.
„Þau hafa reddað okkur tón-
leikum, æfingaaðstöðu o.s.frv.“
Framtíðarhugsjónir Gesta eru
einfaldar, hreinar og klárar. „Okkur
langar bara til að eiga samskipti við
fólk í gegnum tónlistina. Og ef við
gætum lifað af því að spila væri það
frábært. Við erum æstir í að halda
þessu áfram og vinna að listinni –
við erum einbeittir hvað það varð-
ar.“
Það stendur heldur ekki á svari,
þegar því er varpað fram hvort þeir
myndu gera málamiðlanir ef stóra
tækifærið kæmi; t.d. í formi samn-
inga erlendis.
„Við syngjum á færeysku og mun-
um alltaf gera,“ segir Torfinn
ákveðinni röddu. „Það er stór part-
ur af sjálfri tónlistinni og því kemur
ekki til greina að syngja á einhverju
öðru tungumáli. Og bara það að
taka þátt í þessari keppni var erfitt.
Ég sjálfur var í miklum vafa og ég
lenti hálfpartinn í siðferðislegri
kreppu vegna þess.“
Knút segir það samt vera jákvætt
að þeir hafi svo ákveðið að taka þátt,
því nú hafi fólk fengið að heyra það
sem þeir eru að gera.
„Ég er í tónlist af því mig langar
til að spila fyrir annað fólk, svo ein-
falt er það nú.“
Hér í Færeyjum er það svo einfalt,
að það er stórt skref fyrir fólk að
komast út fyrir eyjarnar með tónlist
sína. Hvert vilja Gestir þá helst fara
með sitt; til Danmerkur, Íslands,
Englands?
„Mér er alveg sama,“ segir Tor-
finn. „Ef fólk bara fær að heyra er-
um við sáttir.“
Gestir eru sigurvegarar í Prix Föroyar
Leitin að
einhverju nýju
Ljósmynd/Móheiður Hlíf Geirlaugsdóttir
Götuspilararnir Gestir (f.v.): Niels Jákup í Jógvanstovu (bassi), Torfinnur Jákupson (gítar), Knút Háberg Eyst-
urstein (hljómborð), Jógvan Andreas á Brúnni (trommur), Ólavur Hansen Jákupson (söngur og gítar).
Nýrokksveitin Gestir ber með sér ferska
vinda hvað færeyskt rokk varðar. Arnar
Eggert Thoroddsen ræddi við piltana
um hinn nýræktaða jarðveg sem sveitin
er sprottin úr.
arnart@mbl.is
TENGLAR
.....................................................
www.pop.fo