Morgunblaðið - 07.05.2003, Blaðsíða 11
FRÉTTIR
MORGUNBLAÐIÐ MIÐVIKUDAGUR 7. MAÍ 2003 11
Skógarhlíð 18, sími 595 1000.
www.heimsferdir.is
Verð kr. 29.950
Flug og skattar.
Verð kr. 49.950
Flug, gisting í 6 nætur, skattar.
Pyramida, 4 stjörnu hótel.
Heimsferðir bjóða nú einstakt tækifæri til þessar fegurstu borgar
Evrópu, sem skartar nú sínu fegursta. Nú er kominn yfir 20 stiga hiti og
besti tíminn til að upplifa hið einstaka mannlíf sem hún hefur að bjóða
og sögufræga staði og byggingar. Beint leiguflug og þú nýtur
þjónstu fararstjóra Heimsferða allan tímann.
Síðustu 23 sætin - Upplifðu vorið í Prag
Munið
Mastercard
ferðaávísunina
Prag
23. maí - 6 nætur
frá kr. 29.950
UNGIR jafnaðarmenn, ungliða-
hreyfing Samfylkingarinnar,
freistuðu þess gær að færa ís-
lensku þjóðinni nýtt blóð með
fjölmennri blóðgjöf í Blóðbank-
anum við Barónsstíg, eins og
segir í fréttatilkynningu.
„Með þessu vill ungt fólk í
Samfylkingunni minna á að
víða er þörf á nýju blóði, m.a. í
stjórnarráðinu þar sem stöðn-
un ríkir og nauðsyn er á nýju
lífi,“ segir jafnframt í tilkynn-
ingunni.
Með þessu vill ungliðahreyf-
ingin einnig hvetja alla lands-
menn til að gefa blóð „sem er
sjálfsagt og mikilvægt sam-
félagslegt framlag“.Morgunblaðið/Jim Smart
Ungir jafnaðarmenn gefa blóð
JÓN Kristjánsson, heilbrigðis- og
tryggingamálaráðherra, og forsvars-
menn fyrirtækisins Salus ehf. undir-
rituðu síðdegis í gær samning um
rekstur nýrrar heilugæslustöðvar í
Salahverfi í Kópavogi en gert er ráð
fyrir að stöðin verði tekin formlega í
notkun í haust. Fyrirtækið Salus ehf.
er að hálfu í eigu fyrirtækisins Nýsis
og að hálfu í eigu læknanna Hauks
Valdimarssonar og Böðvars Arnar
Sigurjónssonar. Salus ehf. var stofn-
að sem samstarfsfélag um rekstur
Heilsugæslustöðvarinnar í Sala-
hverfi.
Samningurinn er til átta ára með
kosti á framlengingu til fjögurra ára
en tilboð fyrirtækisins hljóðaði upp á
610 milljónir króna eða um 130 millj-
ónir króna undir efri mörkum kostn-
aðaráætlunar. Rekstur af þessu tagi
hefur ekki verið boðinn út áður hér á
landi.
Heilbrigðisráðherra sagði í ávarpi
að með þessu verkefni væri verið að
fara inn á nýja brautir en allur und-
irbúningur hefði tekist mjög vel og
ráðuneytið aflað sér reynslu vegna
útboðsins sem muni gagnast því í
framtíðinni. „Það má segja að við höf-
um boðið út á órólegum tíma og það
urðu m.a. nokkur orðaskipti á Alþingi
vegna þessa. Þess vegna finnst mér
vænt um það að þetta útboð hafi tek-
ist ákaflega vel og það er ástæða til
þess að huga að slíku áfram. Mest er
þó um vert að við erum með þessu að
auka við heilsugæsluþjónustuna hér á
höfuðborgarsvæðinu.“
Þjónustusvæði nýju heilsugæslu-
stöðvarinnar er Linda- og Salahverfi
ásamt Vatnsendahverfum en um
4.200 manns búa í hverfunum nú en
gert er ráð fyrir að þeir verði um ell-
efu þúsund innan tíu ára. Auk þessara
hverfa er gert ráð fyrir að nýja heilsu-
gæslustöðin geti þjónað íbúum nær-
liggjandi byggða en íbúar hverfanna
þriggja skulu hafa forgang á að skrá
sig á heilsugæslustöðina.
Einkarekin heilsugæsla
Tekur til
starfa í haust
Morgunblaðið/Arnaldur
Jón Kristjánsson heilbrigðisráðherra og fulltrúar fyrirtækisins Salus ehf.
við undirritun samningsins um rekstur heilsugæslu í Kópavogi.
FRAMBJÓÐENDUR Samfylkingar
í Norðausturkjördæmi, Kristján
Möller og Örlygur Hnefill Jónsson,
voru í vinnustaðaheimsókn á Húsa-
vík á dögunum.
Heimsóttu þeir m.a. Skipa-
afgreiðslu Húsavíkur ehf. og ræddu
við Hannes Höskuldsson eiganda.
Frambjóðendur Sam-
fylkingar á Húsavík
Meðal þess sem bar á góma í við-
ræðum þeirra var hár flutnings-
kostnaður á landsbyggðinni en
Skipaafgreiðslan er atkvæðamikil í
smíði og sölu vörubretta og þarf að
að flytja mikið efni í þau til Húsa-
víkur og brettin síðan til við-
skiptavina sinna um allt land.
ATVINNA mbl.is
TÓMAS Ingi Olrich menntamálaráð-
herra segist vel skilja að Vladimir
Ashkenazy, heiðursstjórnandi Sin-
fóníuhljómsveitar Íslands, vilji hraða
framkvæmdum Tónlistarhússins á
Austurbakka. Eins og fram kom í
Morgunblaðinu í gær gagnrýndi
Ashkenazy seinagang við uppbygg-
ingu hússins á blaðamannafundi um
Tónlistarhúsið í vikunni.
Inntur eftir áliti á þessum ummæl-
um Ashkenazys minnir ráðherra á að-
draganda málsins; m.a. á það að þeg-
ar hann hafi tekið við
ráðherraembættinu hafi skoðanir
verið skiptar um það hvers konar hús
ætti að rísa. Það hafi því verið nauð-
synlegt fyrir hann sem ráðherra að
hlusta á þau sjónarmið. Auk þess hafi
komið fram óskir um það frá fyrrver-
andi borgarstjóra, Ingibjörgu Sól-
rúnu Gísladóttur, að ráðuneytið tæki
þátt í athugun á því hvort mögulegt
væri að breyta Borgarleikhúsinu
þannig að það gæti nýst til óperusýn-
inga. Við þeirri beiðni hefði hann orð-
ið. „Og sú athugun stendur nú yfir,“
útskýrir hann og bætir því við að nið-
urstaða þeirrar athugunar gæti haft
áhrif á málið í heild. Yrði niðurstaðan
t.d. sú að hægt verði að ráðast í um-
ræddar breytingar á Borgarleikhús-
inu myndi sú spurning vakna hvort
þörf væri á því að ráðast í viðbótar-
framkvæmdir við Tónlistarhúsið.
Ráðherra minnir á að ríki og borg
séu búin að stofna einkahlutafélag um
byggingu og rekstur Tónlistarhúss-
ins en reiknað er með, ef útboð
heppnast vel, að framkvæmdir gætu
hafist á árinu 2006. „Þegar ákvörðun
var tekin um stofnun einkahluta-
félags var sett fram endurnýjuð tíma-
áætlun og bendir ekkert til þess að
hún geti ekki staðist. Hún er þó að
sjálfsögðu háð því hvernig útboðið
gengur. Ég vona að sjálfsögðu að það
gangi að óskum.“
Að lokum leggur ráðherra áherslu
á að hann hafi unnið að málinu í sam-
ræmi við eðli þess þegar hann hafi
komið í ráðuneytið. „Ég tel að eftir að
ég kom að málinu hafi ég unnið að því
í samræmi við eðli málsins; í sam-
ræmi við þær aðstæður sem uppi
voru og þær ólíku hugmyndir sem
voru í gangi um hvers konar hús ætti
að rísa.“
Rísi sem fyrst
Ingibjörg Sólrún Gísladóttir, for-
sætisráðherraefni Samfylkingarinnar
og fyrrverandi borgarstjóri, segist
þeirrar skoðunar að Tónlistarhúsið
eigi að rísa sem fyrst. „Ég barðist fyr-
ir því hjá Reykjavíkurborg að hún
tæki þátt í þessu verkefni með því að
greiða 46% af heildarkostnaði. Mér
finnst það ansi vel í lagt miðað við það
að framlag borgarinnar til Sinfóníu-
hljómsveitarinnar er 18% [af kostn-
aði].“ Ingibjörg Sólrún segir að
Reykjavíkurborg hafi staðið við „allt
sitt“ í þessu máli. „Og nú hefur hún
sett einn sinn öflugasta embættis-
mann í það að vera framkvæmda-
stjóri þessarar byggingar. Þegar
hann fer af stað eru hlutirnir vanir að
gerast.“ Vísar hún til Stefáns Her-
mannssonar borgarverkfræðings.
Ingibjörg segist að sjálfsögðu gera
sér grein fyrir því að undirbúningur
að svo stórri framkvæmd taki nokk-
urn tíma „en þegar byrjað er að
byggja þarf það ekki að taka langan
tíma ef undirbúningur er góður“.
Guðmundur G. Þórarinsson, for-
maður Nýs afls, segist löngum hafa
verið ákafur stuðningsmaður þess að
hér yrði byggt tónlistarhús fyrir allar
tegundir af tónlist. „Ég hef lengi verið
þeirrar skoðunar að við eigum að
byggja myndarlegt tónlistarhús til að
efla þennan þátt menningarinnar.“
Hann segir að málið snúist um for-
gangsröðun en ekki um það hvort við
höfum efni á því að byggja tónlistar-
hús. „Tónlistarhús er eitthvað sem
hefur varanlegt gildi í okkar menn-
ingarlífi. Það er því ekki bara tíma-
bært heldur löngu nauðsynlegt að við
reisum hér myndarlegt tónlistarhús.“
Margrét Sverrisdóttir, fram-
kvæmdastjóri Frjálslynda flokksins,
segir að loforð um byggingu tónlistar-
og ráðstefnuhúss hafi verið kosninga-
brella fyrir borgarstjórnarkosning-
arnar sl. vor. Vísar hún þar til und-
irritun samkomulags milli fulltrúa
ríkis og borgar um byggingu hússins
frá apríl á síðasta ári. „Mér finnst
sjálfsagt að ríki og borg standi við
gefnar yfirlýsingar,“ bætir hún við.
Margrét segist reyndar hafa lýst
því yfir á sínum tíma að hún væri ekki
hrifin af fyrirhugaðri byggingu og að
hún hefði haft áhyggjur af því að
byggingin myndi ekki lífga upp á
miðbæ borgarinnar. „En það má deila
um það,“ segir hún og heldur áfram.
„Sinfóníuhljómsveit Íslands hefur
verið rekin af ótrúlegum metnaði alla
tíð og mér finnst 20 ára bið tónlistar-
manna eftir húsinu vera orðin allt of
löng.“ Margrét tekur þó fram að það
megi skoða hvort hægt verði að reka
tónlistarhúsið þannig að það verði
arðbært. „Ég tel mjög æskilegt að
reksturinn geti að einhverju leyti
staðið undir sér sjálfur.“
Hjálmar Árnason, þingmaður
Framsóknarflokksins, segir óþolin-
mæði Ashkenazys, tónlistarfólks og
tónlistarunnenda eftir tónlistarhúsi
afskaplega skiljanlega. „Það sam-
ræmist í raun ekki okkar metnaði
sem þjóðar að draga þetta eins lengi
og verið hefur gert,“ segir hann. „Ég
tel eðlilegt að ríkisvaldið og sveitar-
félögin setjist nú niður fyrir alvöru og
geri um þetta langtímasamning þann-
igt að það verði hægt að byrja. Og þó
að fjármagnið komi á nokkrum árum
þá verði þetta boðið út sem alútboð.“
Kolbrún Halldórsdóttir, þingmað-
ur Vinstrihreyfingarinar – græns
framboðs, segir að VG hafi ávallt
haldið því fram að í menningarstarfi
almennt væru fólgin gífurleg tæki-
færi til atvinnusköpunar. „Þess vegna
teljum við að tónlistarhús í Reykjavík
yrði mjög góður vettvangur fyrir at-
vinnutónlistarmenn. Það myndi hafa
gífurleg margfeldisáhrif út í atvinnu-
lífið.“ Hún segir að sér sýnist sem vilji
borgaryfirvalda hafi verið skýr í
þessu máli. „VG á aðild að Reykjavík-
urlistanum og hefur viljað ýta á þetta
eins og R-listinn hefur reynt að gera.“
Skilja vel óþolinmæði
unnenda Tónlistarhúss