Morgunblaðið - 07.05.2003, Blaðsíða 33

MORGUNBLAÐIÐ MIÐVIKUDAGUR 7. MAÍ 2003 33
ÉG varð satt að segja fyrir miklum von-
brigðum, þegar ég sá skoðanakönnun
Gallups fyrir Norðausturland. Ég tel, að
við sjálfstæðismenn höfum staðið vel að
málum. Staða sjávarútvegsins er sterk,
vel er unnið að uppbyggingu mennta-
mála og samstarf Háskólans við Fjórð-
ungssjúkrahúsið hefur verið að styrkj-
ast. Til þess að koma heilbrigðismálum í
gott horf vantar þó herslumuninn. Nauð-
synlegt er að fjölga hjúkrunarrýmum
fyrir aldraða á Akureyri og auka for-
varnir og bæta aðstöðu fyrir börn og
unglinga með geðraskanir.
Ég var samgönguráðherra þegar sú
ákvörðun var tekin í ríkisstjórn, að stór-
virkjun á Austurlandi skyldi reist fyrir
álver í Reyðarfirði. Ríkisstjórnin hefur
fylgt þeirri framkvæmd fast eftir undir
forystu Davíðs Oddssonar og Halldórs
Ásgrímssonar. Næst liggur fyrir að reisa
stóriðjuver á Norðausturlandi með því að
virkja gufuaflið á Þeistareykjum og í
Kröflu og Bjarnarflagi. Því miður hefur
ekki verið staðið nógu vel að undirbún-
ingi þessa máls því að byggðirnar hér
fyrir norðan þurfa á slíkri vítamín-
sprautu að halda. Háskólinn, Samherji
og ÚA hafa lyft Akureyri en meira þarf
til að koma.
Rekstur iðnfyrirtækja hefur gengið
vel við Eyjafjörð og nefni ég í því sam-
bandi Sæplast og Sandblástur og málm-
húðun, Kjarnafæði, Slippstöðina og
Norðlenska. Fyrir öll þessi fyrirtæki
sem og önnur framleiðslufyrirtæki við
Eyjafjörð skiptir miklu, að hægt sé að
lækka flutningskostnað. Það er ekki
hægt nema með því að stytta leiðina til
Reykjavíkur. Þess vegna skulum við fara
yfir Stórasand. Hann styttir leiðina um
81 km. Mér hefur komið á óvart, hversu
dauflega hefur verið tekið í þessa hug-
mynd af samþingmönnum mínum úr öðr-
um flokkum. Það minnir mig á, að ég
fékk litlar undirtektir víða, þegar ég tók
þá ákvörðun sem samgönguráðherra að
láta veginn um Hólsfjöll og Möðrudals-
öræfi til Austurlands sitja fyrir. Svo
sjálfsagt mál og það var nú. Nú endurlifi
ég sömu viðbrögðin gagnvart Stóra-
sandi. Það er enginn að tala um að hefja
framkvæmdir á næsta ári. Undirbúning-
urinn tekur fjögur eða fimm ár. Það þarf
að kanna veðurfar og snjóalög og setja
veglínuna síðan í umhverfismat. Við vit-
um öll, að hringvegurinn eins og hann er
lagður er hættulegur með þá miklu
þungaflutninga, sem um hann fara. Við
þurfum hraðbraut, sem sérstaklega er
hönnuð fyrir slíka flutninga.
Góðar samgöngur skipta sköpum fyrir
landsbyggðina. Í daglegu lífi manna og
fyrir atvinnulífið. Undir þeim er atvinnu-
öryggi fólks komið. Fyrir ferðaþjón-
ustuna skiptir beint flug til Evrópu gríð-
arlegu máli eins og vegurinn að
Dettifossi. Við skulum þess vegna ekki
ekki hika við að setja okkur djörf mark-
mið. Við skulum stofna félag um veginn
yfir Stórasand ef það er nauðsynlegt eins
og við höfum stofnað félag um jarðgöngin
gegnum Vaðlaheiði. Við skulum ekki þola
neinum úrtölur í þessu efni.
Við skulum fara Stórasand. Til að
stytta leiðina til Reykjavíkur auðvitað.
En líka í pólitísku tilliti. Við sjálfstæð-
ismenn stöndum höllum fæti í pólitíkinni
í augnablikinu hér fyrir norðan. Þess
vegna skulum við vinna vel fram að kosn-
ingum. Við þurfum á öllu okkar að halda.
Og höldum því ótrauð á alla þá Stóru-
sanda, sem á okkar leið verða.
Við skulum yfir Stórasand
Eftir Halldór Blöndal „Við skulum fara Stórasand. Til að
stytta leiðina til Reykjavíkur auðvit-
að. En líka í pólitísku tilliti.“
Höfundur er 1. þingmaður
Norðurlandskjördæmis eystra.
SÁ MIKLI skaði sem kynferðisleg mis-
notkun barna hefur á líf og sálarheill
þeirra hefur sífellt orðið ljósari. Afleið-
ingarnar geta verið langvinnar og jafn-
vel varanlegar. Það er réttlætismál að
refsingarnar endurspegli þetta og að
spornað verði við þessum glæpum með
öllum tiltækum ráðum. Því hef ég á
þessu kjörtímabili lagt áherslu á endur-
skoðun lagaákvæða sem snúa að kyn-
ferðisbrotum gegn börnum. Er nú t.d.
refsivert að kaupa kynlífsþjónustu hjá
ungmenni yngra en 18 ára. Ennfremur
hafa verið auknar refsingar við vörslu
og dreifingu barnakláms. Einnig hafa
ýmsar aðrar lagabreytingar verið gerð-
ar sem hafa lagt lóð á vogarskálarnar
gegn kynferðislegu ofbeldi. Má í því
sambandi nefna ákvæði um nálg-
unarbann sem hefur það að markmiði
að vernda fórnarlömb ofbeldisbrota.
Nýjasti áfanginn í þessum efnum var
frumvarp sem ég lagði fram nú í vetur
sem miðaði að því að þyngja refsingar
við grófustu kynferðisbrotum gegn
börnum. Var það samþykkt sem lög frá
Alþingi 10. mars sl. Í þessu sambandi
ber þó að hafa í huga að það er dómstóla
að dæma refsingarnar, en skilaboðin
með hinum nýsamþykktu lögum er
skýr: Þyngja ber refsingar í þessum
málum. Getur það nú varðað allt að tólf
ára fangelsi að eiga samræði eða önnur
kynferðismök við eigið barn eða annan
niðja, sé barnið yngra en 16 ára. Sama
gildir um brot gagnvart barni sem er
kjörbarn viðkomandi, stjúpbarn, fóst-
urbarn, sambúðarbarn eða ungmenni
sem honum hefur verið trúað til kennslu
eða uppeldis.
Rökin fyrir þessu er eins og áður seg-
ir fyrst og fremst þær alvarlegu afleið-
ingar sem fyrrnefnd brot geta haft á
börn. Auk þess er um að ræða brot þar
sem venjulega er mikill aldursmunur á
milli barns og geranda, sem brýtur
gróflega gegn trúnaði sínum við barnið.
Þarna er því full ástæða til að auka
refsivernd barna.
Dómstólar eiga síðasta orðið
Töluverðar umræður urðu um efni
frumvarpsins og voru þær mjög þarf-
legar. Þynging refsinga er alvarlegt mál
sem verðskuldar málefnalega umfjöll-
un. Ég vil í þessu sambandi vekja at-
hygli á að hámarksrefsing fyrir kyn-
ferðislega misnotkun barna er almennt
ekki lægri hér á landi en annars staðar.
Hafa verður þó í huga að á hinum Norð-
urlöndunum, að Danmörku undanskil-
inni, eru ákvæði um lágmarksrefsingar
sem stuðla að þyngri refsingum. Lág-
marksrefsingar heyra til undantekn-
inga í íslenskum refsirétti og því var
valin sú leið sem farin er í hinum ný-
samþykktu lögum, að hækka refsi-
rammann í því skyni að þyngja refs-
ingar við kynferðisbrotum gegn
börnum. Hér munu þó dómstólar eiga
síðasta orðið.
Hækkun refsinga við kyn-
ferðisbrotum gegn börnum
Eftir Sólveigu Pétursdóttur „Þynging refsinga er alvarlegt mál
sem verðskuldar málefnalega umfjöll-
un.“
Höfundur er dóms- og kirkjumálaráðherra.
STERKAR líkur benda til þess, sam-
kvæmt skoðanakönnunum, að Frjáls-
lyndi flokkurinn muni ráða úrslitum um
að núverandi ríkisstjórn verði komið frá
völdum. Það hefur frá upphafi kosninga-
baráttunnar verið augljóst að það tækist
flokkunum tveimur, Samfylkingu og
Vinstri-grænum, ekki. Í hagstæðustu úr-
slitum skoðanakannana eru þeir langt frá
því að ná því marki.
Frjálslyndi flokkurinn hefur haldið því
fram, að ef dómur kjósenda yrði þannig
að ríkisstjórnin missti meirihluta sinn,
væri það þingræðisleg skylda stjórn-
arandstöðunnar að gera tilraun til stjórn-
armyndunar. Það er svo annað mál hvort
það tækist.
Ekki er því að neita, að upp á síðkastið
hefur Samfylkingin verið á báðum áttum
í því máli og raunar áttavilt, af orðum að-
alforystumanna hennar að dæma.
Reyndar hefur oft á því borið á alþingi að
samfylkingarmenn hafa verið margátta í
málum og ekki tekist að sameinast um
heildstæða stefnu. Er það út af fyrir sig
skiljanlegt eftir sameiningu svo ólíkra
flokka sem þar tóku höndum saman. En
það er jafn slæmt fyrir því og gæti valdið
örðugleikum við ríkisstjórnarmyndun
með samfylkingarfólki. Vonandi að svo
verði ekki, enda mikið í húfi að breyta um
stefnu í mikilvægum málaflokkum: í vel-
ferðarmálum, heilbrigðismálum og fisk-
veiðimálum, svo eitthvað sé nefnt.
Þar sem Frjálslyndi flokkurinn er
hægra megin við miðju í íslenskum
stjórnmálum myndi hann að öðru jöfnu
eiga mesta samleið með Sjálfstæð-
isflokknum. En til þess að svo geti orðið
þarf sá flokkur að gerbreyta stefnu sinni
í ýmsum mikilvægum málum, t.d. þeim
sem nefnd voru hér að framan. Til þess
eru engar líkur meðan forysta í Sjálf-
stæðisflokki er óbreytt. Hún virðist t.d.
alls ekki átta sig á að viðureigninni um
fiskveiðistjórnarmálið mun hún ger-
tapa, og það fyrr en síðar.
Að því máli undanskildu og auðvalds-
hyggjunni væru aðrir örðugleikar á
samstarfi flokkanna yfirstíganlegir, þótt
stjórnarháttum þyrfti líka að breyta ef
flokkarnir ættu eftir að starfa saman að
stjórn landsins.
Kjósendur þurfa nauðsynlega að gefa
Sjálfstæðisflokknum alvarlega aðvörun
í komandi kosningum. Það gera þeir
með því að gefa Frjálslynda flokknum
atkvæði sitt. Forysta Sjálfstæðisflokks-
ins tæki mark á þeirri aðvörun.
Stjórnmál
Eftir Margréti Sverrisdóttur
„Kjósendur þurfa nauðsynlega að gefa
Sjálfstæðisflokknum alvarlega aðvörun í
komandi kosningum. Það gera þeir með því
að gefa Frjálslynda flokknum atkvæði sitt.“
Höfundur skipar 1. sæti á lista Frjálslynda
flokksins í Reykjavík suður.
á hugsjónum jafnaðarstefn-
anngildið, samhjálpina, og
nnlegum samskiptum. Þess
amfylkingin til.
var allra þeirra sem vilja tefla
m réttlætis og sanngirni gegn
ranglæti í samfélaginu.
n er hin breiða kirkja þar sem
um ábyrgð manns á manni
jafnaðarmenn hvort sem
eða móti ESB, vilja aðild að
inn burt, Kárahnjúka eða
ðgarð. Hún felur í sér draum
em árum saman leituðum eft-
il að sameina krafta okkar í
bættu og réttlátara þjóð-
aldrei verið jafnbrýn þörf á
naðarmanna og nú. Á lands-
æðismanna voru samþykktar
inkavæðingu í velferð-
llögur flokksins um skatta-
jafnframt þess eðlis að það
ómögulegt að uppfylla þær
gulegan hagvöxt. Eina leið
okksins til að standa við þær
ast í niðurskurð á velferð-
arkerfinu. Samfylkingin er besta trygg-
ingin sem fólk getur fengið gegn áform-
um Sjálfstæðisflokksins um vaxandi
einkavæðingu í heilbrigðiskerfinu og
menntakerfinu. Draumurinn um stétt-
laust samfélag rætist ekki nema Samfylk-
ingin verði sterk.
Taktu þátt!
Kosningabaráttan hefur frá áramótum
snúist meira og minna um Samfylk-
inguna. Í þessari orrahríð hefur flokk-
urinn orðið fullburða. Hann hefur tekið út
þroska sem á eftir að reynast honum
ómetanlegt veganesti. Hugmyndir hans
hafa síðustu vikur verið öxullinn sem um-
ræðurnar hafa að mestu leyti snúist um.
Óttinn, sem andstæðingarnir sýna gagn-
vart Samfylkingunni, birtir styrk hennar
og hugmyndalegan þrótt. Draumurinn
hefur ræst! Samfylkingin er orðinn sá
sterki samnefnari jafnaðarmanna á Ís-
landi sem við stefndum að. Í því felst mik-
ill sigur sem við höfum þegar unnið.
Við getum hins vegar unnið enn stærri
sigur. Á laugardaginn er mögulegt að
tryggja að Samfylkingin setjist í Stjórn-
arráðið. Það yrðu sögulegar breytingar
sem í senn myndu tryggja jöfnuð og festu
en um leið framfarir í samfélaginu. En til
að svo verði þurfa allir góðir Íslendingar
að leggja sitt lóð á vogarskál breyting-
anna.
Eða vilja menn að Sjálfstæðisflokk-
urinn sitji 16 ár samfleytt í stjórn-
arráðinu?
ist!
mfylkingin er orð-
aðarmanna á Ís-
Í því felst mikill
unnið.“
Höfundur er formaður Samfylkingarinnar.
mningsstöðu í bönkunum sem
þurru.
erfið er enn einu sinni komið
dunum á framsóknar-
órnarflokkarnir eru ábyrgir
ir 2.000 einstaklingar og fjöl-
ú á biðlista eftir leiguhúsnæði
úsnæðislána hafa hækkað
usamband Íslands telur að
ki nú upplausn á þessum
ismarkaðarins, sem sprengt
teignaleiguverð og hús-
amfylkingin mun lækka hús-
fólks með því að endurreisa
nn með 2.400 nýjum leigu-
rulegri lækkun á leigu-
Ný ríkisstjórn
nýja ríkisstjórn sem leitar
ka jöfnuð og öryggi í þjóð-
ar kjósendur ganga að kjör-
gardaginn eiga þeir dýrmætt
val. Þeir geta valið um það hvort sama rík-
isstjórnin eigi að sitja áfram eða hvort ný
ríkisstjórn taki við stjórnartaumunum.
Ríkisstjórn Sjálfstæðisflokks og Fram-
sóknarflokks hefur setið samfellt við völd í
átta ár og Davíð á valdastóli sem forsætis-
ráðherra í tólf ár. Það er lýðræðinu hollt að
gefa núverandi stjórnarherrum frí og
hleypa nýjum straumum að.
Sú staðreynd að forsætisráðherraefni
Samfylkingarinnar er kona hlýtur að vega
þungt í huga margra. Staðreyndin er sú að
þegar konur hafa komist til áhrifa á æðstu
stöðum hefur það m.a. haft jákvæð áhrif á
réttindabaráttu kvenna, sem er ávinningur
fyrir fjölskylduna í heild. Við munum öll
hvaða áhrif kjör Vigdísar forseta hafði á
jafnréttisbaráttu hér á landi. Það skiptir
þess vegna máli að konur veljist til æðstu
metorða. Ingibjörg Sólrún hefur víðtæka
reynslu af stjórnunarstörfum og hún er
kunn fyrir að stjórna af réttsýni og sann-
girni. Ný forgangsröðun og nýjar áherslur
eru nauðsynlegar í þjóðfélaginu til þess að
almannahagsmunir séu teknir fram yfir
sérhagsmuni.
Veljum nýja ríkisstjórn. Það er kominn
tími til að breyta. Þú átt valið. Ný rík-
isstjórn er í þínum höndum. Það skiptir
máli hverjir stjórna.
máli
Höfundur leiðir lista Samfylkingarinnar
í Reykavík suður.
st á um það hvort
isflokkurinn
kisstjórn.“
d. lagfæringar núverandi
ari afmörkun en án þess að
ðir upp. Slíkar aðgerðir geta
eim tilgangi að það dragi úr
vegaakstri eða nýjum og nýj-
r til allt verður útbíað.
áttarlaust er í mínu svari að
reyfingunni – grænu fram-
ki máls á neinum fram-
rr en niðurstöður liggja fyrir
óðgarða og verndarsvæða á
slíkt er komið inn í skipulag.
sjálfkrafa og með réttum
niðurstaða í það hvers konar
erð og framkvæmdir, þ.m.t.
mrýmdist samþykktu skipu-
unarstigi svæðisins.
Leiðarahöfundur Morgunblaðsins virð-
ist kjósa að horfa fram hjá þessum um-
mælum mínum en túlka önnur þannig að
ég sé að opna á nýjar framkvæmdir á há-
lendinu. Kostulegust eru þó þau niðurlags-
orð leiðarans að þetta mál sýni að um-
hverfisverndarsinnar í Norðaustur-
kjördæmi eigi ekki, sbr. áskorun Ólafíu
Jakobsdóttur sem framar í leiðaranum var
vikið að; já, þeir eigi sem sagt ekki að kjósa
framboðslista Vinstrihreyfingarinnar –
græns framboðs í Norðausturkjördæmi.
Hvað eiga þeir þá að kjósa? Kára-
hnjúkaflokkana? D-lista Halldórs Blöndals
sem vill vaða með veg yfir Stórasand og
þverar heiðar í allt að 800 m hæð yfir sjó
og jafnvel fara um Þingvelli til Reykjavík-
ur? B-lista Valgerðar Sverrisdóttur og
„opið hús“ fyrir erlenda auðhringa til nið-
urgreiddra náttúruspjalla? S-lista Sam-
fylkingarinnar sem er bæði með og á móti
þungaiðnaðarstefnunni og líka nátt-
úruvernd? Nei, kann ekki leiðarahöfund-
urinn betri brandara en þetta?
ansamur ritstjóri
ó ekki til að
arsinnum og taka
ærstu umhverf-
ggingu Kára-
Höfundur er formaður Vinstrihreyfingarinnar
– græns framboðs.