Morgunblaðið - 07.05.2003, Blaðsíða 2

2 B MIÐVIKUDAGUR 7. MAÍ 2003 MORGUNBLAÐIÐ
bílar
Tangarhöfða 1 • 110 Reykjavík • Símar 567 2357 og 893 9957
Komið og skoðið
húsbílana hjá okkur
Benimar húsbílarnir eru sannkallaðir glæsivagnar
með vönduðum innréttingum, örbylgjuofni,
sólarrafhlöðu, tengingu f. sjónvarp o.fl. Einn með öllu.
Erum með úrval af glæsilegum húsbílum
Clipper húsbílarnir eru með mjög góðu svefnplássi
1,88 x 0,66 m 1,80 x 1,20 m 2,40 x 1,345 m
1,83 x 0,66 m
1,30 x 2 m 1,80 x 1,20 m
SJÓNVARPSSAMNINGUR
sá sem MótorÍs hf., framleið-
andi mótorsportþáttanna, hefur
haft síðustu ár við Landssam-
band íslenskra akstursfélaga
(LÍA) er í uppnámi eftir að
frestur rann út sem MótorÍs hf.
hafði af hendi lánardrottna
sinna til að ganga frá skuldbind-
ingum sínum. Bréf þess efnis
hefur verið sent aðildarfélögum
LÍA og segir Ísak Guðjónsson,
formaður Bifreiðaíþróttaklúbbs
Reykjavíkur (BÍKR), að ljóst sé
að þetta séu vondar fréttir fyrir
akstursíþróttamenn sem hafa
verið að undirbúa komandi
keppnistímabil. Unnið verði í
því næstu daga að finna aðila til
þess að taka að sér upptöku efn-
is, sem hugsanlega yrði sýnt á
einhverri sjónvarpsstöðinni.
Hins vegar sé ljóst að tíminn sé
naumur og nú þurfi að bretta
upp ermar, svo umfjöllun verði
a.m.k. einhver í sjónvarpi í sum-
ar.
Samningur um
mótorsport-
þætti í uppnámi
SALA á nýjum fólksbílum jókst um
53,4% fyrstu fjóra mánuði ársins.
Alls seldust 2.732 fólksbílar á
þessu tímabili. Söluhæsta umboðið
var Toyota með 744 bíla, sem er
27,2% markaðshlutdeild.
Egill Jóhannsson, framkvæmda-
stjóri Brimborgar, segir að búast
megi við heldur minni aukningu í
bílasölu á næstu mánuðum og spáir
hann því að bílamarkaðurinn muni
vaxa um 20–25% hvað varðar árið
í heild, sem gæti þýtt um 9.700
bíla.
Egill segir nauðsynlegt að skoða
þessar tölur í samhengi við þann
mikla samdrátt sem varð í bílasölu
árin 2000, 2001 og 2002.
Benda megi á í því samhengi að
ef bílasala eykst um 25% á þessu
ári verður hún aðeins rúmlega
helmingur af sölunni 1999.
53,4% aukning í bílasölu




   
 

 

 





   





!
!"






















 


 

    

#$ 
 

 

 

 

 
 
  
 
  
 
 
 
 
  
 


  
  
    




















%&'(%



)&'*)
%&'(%

 !
BANDARÍSKT bílasafn í Iowa hefur keypt Cam-
aro RS/SS 454 Motion af Harry Þór Hólmgeirs-
syni. Bíllinn er betur þekktur sem Camaro-inn
hans Örvars. Örvar Sigurðsson, fyrsti formaður
Kvartmíluklúbbsins, flutti bílinn inn nýjan 1971
með flugi og sagt er að þetta sé fyrsti einkabíllinn
sem hafi komið til landsins með þeim flutnings-
máta. Líklegast verður bíllinn einnig fluttur út
með flugi á næstu dögum. Harry Þór hefur átt bíl-
inn síðastliðin tvö ár.
Hvað er svona merkilegt við þennan bíl að hann
sé keyptur á bílasafn í Bandaríkjunum?
„Bílnum er breytt samkvæmt uppskrift. Baldw-
in Motion hét fyrirtæki sem tók bíla beint frá GM
á sínum tíma og breytti þeim í ofurtryllitæki. Örv-
ar var umboðsmaður hér á Íslandi fyrir Motion,
sem sá um vélarhliðina. Það er verið að kaupa bíl-
inn af mér út af tengingunni við Motion. Það er
mjög lítið til af svona breyttum bílum í heiminum.
Ég veit ekki hversu verðmætur safngripur bíllinn
er en altént endar hann á safni í Bandaríkjunum.
Þó má segja að það sé leitt að missa hann út úr
landinu,“ segir Harry Þór.
Upprunalega hét bíllinn Camaro RS. Honum
var breytt árið 1977 og hefur aðeins verið ekið
1.200 mílur eftir breytinguna og að mestu verið
inni í bílskúr. Baldwin Motion gerðu breytingar á
vél, drifi og fjöðrunarkerfi og ýmsu öðru.
Áttu ekki eftir að sjá mikið eftir bílnum?
„Jú, en það eru margir aðrir fallegir bílar til. Ég
ætla að kaupa mér draumabílinn sem er Camaro
1969 árgerð. Þeir eru til og ég kaupi hann í gegn-
um Netið eða í gegnum þann sem er að kaupa af
mér bílinn. Sá á 11 Camaro í sínu safni og hann
vantaði þetta eintak inn í röðina.“
Færðu gott verð fyrir bílinn?
„Ja, dollarinn stendur mjög lágt. En það er svo
sem í lagi ef ég kaupi aftur annan bíl fyrir dollara.
Ég er þokkalega sáttur við verðið sem ég fæ, ann-
ars hefði ég aldrei selt hann. Það er í sjálfu sér
leitt að bíllinn fari úr landi en ég lofa því að það
kemur annar jafnmerkilegur bíll til baka.“Camaro RS SS 454 fer á safn í Iowa.
Bíllinn var á sýningu Kvartmíluklúbbsins. Honum hefur aðeins verið ekið 1.200 mílur eftir breytingu.
Camaro seldur á safn í Iowa
 Bifreiðaklúbbur Reykjavíkur, Akst-
ursíþróttafélag Suðurnesja og Bíla-
klúbbur Skagafjarðar standa nú sem
fyrr fyrir keppnum sumarsins í Ís-
landsmótinu í rallakstri. Hinn 24. maí
verður fyrsta keppnin haldin á
Reykjanesi, þar sem hin vinsæla inn-
anbæjarleið um höfnina í Keflavík
verður m.a. ekin. 21. júní halda menn
og konur austur fyrir fjall, því sú
keppni verður haldin á Suðurlandi.
26. júlí verður farið norður í Skaga-
fjörð og alþjóðlega rallið er 4.–6.
september. Að síðustu er hinn 11.
október haldið næturrall í nágrenni
Reykjavíkur. Eins og sést á þessu
hefur keppnum verið fækkað úr sex í
fimm og stigagjöf verður með öðrum
hætti en áður. Allar keppnir gilda til
stiga. Fyrir fyrsta sætið eru gefin 10
stig, fyrir annað sætið 8 stig, þriðja
6 stig, fjórða 5 stig, fimmta 4 stig,
sjötta 3 stig, sjöunda 2 stig og 1 stig
er gefið fyrir áttunda sætið.
Rallkeppnir sumarsins