Morgunblaðið - 08.05.2003, Qupperneq 8

FRÉTTIR
8 FIMMTUDAGUR 8. MAÍ 2003 MORGUNBLAÐIÐ
Við erum komin til að ná í þessa titti, strákar.
Diplóma- og meistaranám við kennaradeild
Miðar að því að
efla fagfólk
ÞEIM fjölgar jafntog þétt námsval-kostunum sem
menntamönnum stendur
til boða á háskólastigi hér
á landi. Fyrir nokkrum
misserum hófst til dæmis
diplóma- og meistaranám
við kennaradeild Háskól-
ans á Akureyri. Anna
Þóra Baldursdóttir, lekt-
or og brautarstjóri þeirr-
ar námsbrautar, svaraði
nokkrum spurningum
Morgunblaðsins um tilurð
námsins, tilgang þess og
þörfina úti í þjóðfélaginu.
– Hvenær var þetta
nám kynnt til sögunnar,
hver voru tildrög þess og
hversu langt nám er um
að ræða?
„Diplóma- og meistara-
nám hófst við kennaradeild
haustið 2000 eftir að athugun á
þörf og áhuga fyrir slíku námi
var gerð meðal kennara og ann-
arra þeirra sem starfa við upp-
eldis- og menntamál á Norður-
landi. Í kjölfarið var
framhaldsbraut við kennaradeild
stofnuð. Námið miðar að því að
efla fagfólk á sviði uppeldis- og
menntamála til að standa undir
auknum kröfum og fjölbreyti-
legri verkefnum í skólum og öðr-
um uppeldis- og menntastofnun-
um. Námið er ætlað þeim sem
vilja sérhæfa sig í stjórnun eða
sérkennslufræðum ásamt rann-
sóknum á menntamálum. Fyrra
árinu, 30 einingum, er unnt að
ljúka með diplóma á einu skóla-
ári. Síðara árinu, einnig 30 ein-
ingum, lýkur með M.Ed.-prófi og
er einnig unnt að ljúka því á einu
skólaári.
Rétt til að sækja um inngöngu
eiga þeir sem lokið hafa fullgildu
háskólanámi á sviði kennslu,
þjálfunar, uppeldis- og umönn-
unar eða öðru sambærilegu námi
og starfað a.m.k. tvö ár að námi
loknu á sviði sínu. Gilt er talið
nám frá Fósturskóla Íslands,
Háskóla Íslands, Háskólanum á
Akureyri, Íþróttakennaraskóla
Íslands, Kennaraháskóla Ís-
lands, Þroskaþjálfaskóla Íslands
og öðrum skólum sem veita sam-
bærilega menntun. Nemendur
geta sótt um að lesa hluta nám-
skeiða við aðra háskóla, innan-
lands sem erlendis.“
– Hvernig er þetta nám byggt
upp?
„Náminu er skipt í þrjú miss-
eri. Á haust- og vormisseri er
kennt í fjórum staðbundnum
kennslulotum á hvoru misseri.
Nemendur koma þá til Akureyr-
ar og dvelja nokkra daga í senn.
Námið hefst með kennslulotu í
um það bil eina viku í byrjun
ágúst áður en grunn- og fram-
haldsskólar landsins hefjast. Að
öðru leyti er að öllu jöfnu kennt
frá hádegi á miðvikudegi til há-
degis á laugardegi
þegar kennslulotur
standa yfir. Þess á
milli vinna nemendur
sjálfstætt og í hópum
að verkefnum sínum.
Þeir sem ekki búa á sama stað
nota tölvur til samskipta og
kennarar hafa samskipti með
sama hætti við nemendur á milli
kennslulota. Nemendur koma
víða að af landinu. Á sumarmiss-
eri fer engin kennsla fram, en
nemendur sinna verkefna- og
ritgerðarvinnu undir leiðsögn
kennara. Áhersla er lögð á virkni
nemenda og er mikið um mál-
stofur og verkefnakynningar og
umræður um álitamál í skóla-
starfi.“
– Geturðu nefnt okkur nokkur
dæmi um námskeið eða kennslu-
form?
„Kennd eru námskeið um hug-
tök, strauma og stefnur í
menntamálum, upplýsingatækni
og rannsóknaraðferðir, álitamál í
skólastarfi og þrjú námskeið á
hvoru sérsviði fyrir sig. Auk
þess er ritgerðarvinna, annars
vegar fyrir þá sem hyggjast
ljúka diplóma og hins vegar fyrir
þá sem stefna að meistaragráðu í
menntunarfræðum.
Kennaradeild á því láni að
fagna, að þar starfa margir og
mjög vel hæfir kennarar sem
hafa lagt sig fram við að byggja
upp framhaldsnámið. Það eru
aðeins þrjú ár síðan að námið
hófst og verið er að vinna mikið
þróunarstarf við skipulag náms-
ins og kennslu, en kennsla og
kennsluhættir eru auðvitað í sí-
felldri þróun við alla skóla. Á
þessu ári stendur yfir endur-
skoðun á náminu að fenginni
nokkurri reynslu og er m.a.
stefnt að því að fjölga sérsvið-
um.“
– Telst þetta nám til sérstöðu
hjá Háskólanum á Akureyri?
„Nei, ég býst ekki við að hægt
sé að segja að þetta nám hafi
sérstöðu miðað við annað slíkt
nám. Við getum vegna smæðar
ekki boðið upp á eins marga val-
kosti og t.d. Kennaraháskóli Ís-
lands. Í framhalds-
náminu eru tvö
leiðarstef: gagnrýnin
hugsun og ígrundað
starf og er áhersla
lögð á þessa þætti
ásamt sérsviðunum. Smæð há-
skólans hér, miðað við stóru
skólana í Reykjavík, setur einnig
sitt séreinkenni á námið, t.d.
með meiri nálægð milli kennara
og nemenda. Þeir nemendur sem
hjá okkur eru, lýsa ánægju með
námið og námsfyrirkomulagið.
Annars vil ég benda þeim á sem
hafa áhuga á að kynnast þessum
valkostum, að allar nánari upp-
lýsingar um þá er að finna á
heimasíðu Háskólans á Akureyri
og í kennaradeild.“
Anna Þóra Baldursdóttir
 Anna Þóra Baldursdóttir er
fædd á Siglufirði 1950. Stúd-
ent frá Menntaskólanum í
Reykjavík og stundaði nám í
félagsvísindum við Háskólann
í Lundi í Svíþjóð og fram-
haldsnám í menntunarfræðum
við Kennaraháskóla Íslands.
Starfar sem lektor og brautar-
stjóri framhaldsbrautar við
kennaradeild Háskólans á Ak-
ureyri. Eiginmaður hennar er
Magnús Ólafsson heilsugæslu-
læknir og eiga þau einn upp-
kominn son.
Nú fer fram
endurskoðun
á náminu