Morgunblaðið - 08.05.2003, Blaðsíða 10

FRÉTTIR
10 FIMMTUDAGUR 8. MAÍ 2003 MORGUNBLAÐIÐ
GUÐMUNDUR Halldórsson, sjó-
maður og trilluútgerðarmaður í Bol-
ungarvík, segir að verði stjórn fisk-
veiða breytt í þá veru að staða
línuveiða styrkist muni íbúar sjávar-
byggðanna fá ný tækifæri til að sýna
hvað í þeim býr. Guðmundur
flutti tillögu á fundi sjávarútvegs-
nefndar síðasta landsfundar Sjálf-
stæðisflokksins, sem samþykkt var á
landsfundinum, að tekin yrði upp
sérstök ívilnun fyrir dagróðrarbáta
sem róa með línu.
„Ég er mjög ánægður með að
þetta var samþykkt. Það var gras-
rótin í flokknum sem samþykkti
þessar tillögur. Það voru ekki stór-
karlarnir. Grasrótin í Sjálfstæðis-
flokknum vill semja sátt við byggð-
irnar,“ segir Guðmundur.
20% ívilnun í þorski og 50%
í öðrum tegundum
Spurður hversu mikil ívilnun hann
vilji að veitt verði dagróðrarbátum
segir Guðmundur að ekkert hafi ver-
ið fastsett í þeim efnum. „Við höfum
hugsað okkur hana 20% í þorski og
50% í öðrum tegundum, svo hún
komi byggðunum að verulegu
gagni.“
Í greinargerð með tillögunni sagði
Guðmundur að brýna nauðsyn bæri
til að stemma stigu við áframhald-
andi fólksflótta úr sjávarbyggðum
vítt og breitt um landið, sem byggju
við stórskerta möguleika á að stunda
þann atvinnuveg sem tilvera þeirra
hefur byggst á frá öndverðu, þ.e. að
stunda fiskveiðar við nálæg gjöful
mið. Segist hann deila þeirri skoðun
með fjölmörgum sem hafa stundað
þennan atvinnuveg að höfuðorsök
slaks árangurs við verndun fiski-
stofnanna sé sóknarmynstrið, þ.e. að
ákveðin veiðarfæri hafi eyðandi áhrif
á fiskistofnana. Hægt sé að hamla
gegn þessari þróun með endurskipu-
lagningu flotans, gera fiskveiðar að
sjálfbærri atvinnugrein með aukinni
áherslu á vistvæn veiðarfæri.
„Mín skoðun er sú að það sé orðin
svo mikil óánægja með kvótann að
við stöndum frammi fyrir því á
næstu árum að gera annaðhvort; að
afleggja kvótakerfið og byrja upp á
nýtt eða umbylta kvótakerfinu þann-
ig að við náum til fólksins í landinu og
stjórna fiskveiðum með þeim hætti
að við náum árangri í að byggja upp
fiskistofnana,“ segir Guðmundur.
Hann bendir á að Davíð Oddsson
forsætisráðherra hafi sagt á ferðum
sínum um landið að sér fyndist eðli-
legt að þær viðbótaraflaheimildir,
upp á 30 þúsund tonn, sem nú væru í
spilunum, færu til þeirra sem tekið
hefði verið af í niðursveiflunni. Guð-
mundur tekur undir þetta og segir
rökrétt og eðlilegt að bæta þeim það
upp sem tekið hefur verið af.
Segir grasrótina
vilja ná sáttum
Guðmundur Halldórsson um
línuívilnun fyrir dagróðrarbáta
LENGING kennaranáms, sam-
keppni í skólastarfi og þjónusta
Lánasjóðs íslenskra námsmanna
var meðal þess sem fyrirspyrjendur
í Kennaraháskóla Íslands spurðu
frambjóðendur á kosningafundi sem
stúdentaráð KHÍ og starfsmanna-
félag skólans hélt í gær.
Frambjóðendurnir voru Björn
Ingi Hrafnsson, Framsóknarflokki,
2. sæti Rvk. suður, Björn Bjarna-
son, Sjálfstæðisflokki, 2. sæti Rvk.
norður, Margrét Sverrisdóttir,
Frjálslynda flokknum, 1. sæti Rvk.
suður, Kolbrún Halldórsdóttir, VG,
1. sæti Rvk. norður, Jón Magnús-
son, 1. sæti Nýs afls, Rvk. suður, og
Ágúst Ólafur Ágústsson, Samfylk-
ingu, 4. sæti Rvk. suður.
Margrét Sverrisdóttir lagði
áherslu á jafnrétti til náms og fjar-
nám í framsögu sinni. „Við viljum
tryggja að ríkisskólarnir standist
fullan samanburð við einkaskólana
og þar sé jafnt aðgengi tryggt og
skólagjöld ekki hækkuð,“ sagði hún.
„Við leggjum til að fyrirtæki sem
hafa lagt fjárframlög til háskóla-
stigsins, verði hvött ennfrekar til
þess með því að framlögin verði frá-
dráttarbær frá skatti.“
Jón Magnússon sagði það vanda-
mál í íslensku þjóðfélagi hvað fáir
sneru sér að verk- og tækninámi.
Einnig fannst honum slæmt hvað
Íslendingar lykju stúdentsprófi
seint. „Að mínu mati er þetta ákveð-
ið skipulagsleysi í menntakerfinu,“
sagði hann. „Það á að vera mögu-
leiki að haga málum þannig að stúd-
entar útskrifist á sama aldri hér og
stúdentar á Norðurlöndunum.“
„Það á að vera forgangsmál í
menntakerfinu að miða við að ís-
lenskir nemendur komist út í sitt
framhaldsnám á sama aldri og jafn-
aldrar þeirra á Norðurlöndunum.“
LÍN félagslega sinnaður sjóður
Fulltrúar stjórnarflokkanna,
Björn Bjarnason og Björn Ingi,
voru minntir á lök kjör námsmanna
og spurðir í framhaldinu út í málefni
LÍN. Björn Bjarnason sagði sjóðinn
mjög félagslega sinnaðan og engar
vísbendingar væru um að hann
stæði í veginum fyrir fjölgun há-
skólanema. „Þvert á móti hefur
fjölgunin orðið ennþá meiri en menn
gerðu ráð fyrir,“ sagði hann.
Björn Ingi sagði að gerður yrði
stjórnarsáttmáli sem gerði ráð fyrir
úrbótum í málefnum LÍN, kæmist
Framsóknarflokkurinn í næstu rík-
isstjórn, en það væri mat flokksins
að að framfærslugrunninn mætti
hækka. „Ég er þeirrar skoðunar að
það þurfi að endurskoða lánasjóðinn
og tel að þjónustustig hans sé því
miður ekki nægilega gott,“ sagði
hann.
Ágúst Ólafur Ágústsson, Sam-
fylkingu, sem sjálfur er háskóla-
nemi, sagði það allt of dýrt að vera í
námi og sagði engan flokk ætla að
verja jafnmiklu fé til menntamála
og Samfylkinguna, eða 12 milljörð-
um króna á næsta kjörtímabili. „Við
ætlum að hækka námslánin og af-
nema ábyrgðarmannakvöðina, sem
kemur í veg fyrir jafnrétti til náms.
Það hafa ekki allir tök á því að fá
ábyrgðarmenn á sín námslán,“ sagði
hann.
Menntayfirvöld
of frek til fjörsins
Spurt var um þróun á innra starfi
í skólakerfinu og svaraði Kolbrún
Halldórsdóttir, VG, með því að
gagnrýna ofuráherslu á samræmd
próf. „Okkur þykir menntayfirvöld
hafa gerst fullfrek til fjörsins í þess-
um efnum og sett skólum beinlínis
skorður. Þetta finnst okkur minnka
möguleikana á einstaklingsbundn-
um námskrám. Þar með er verið að
mismuna börnum eftir getu,“ sagði
hún.
Margrét Sverrisdóttir lagði
áherslu á fjölbreytni í skólastarfi,
bæði hvað varðaði kennsluhætti,
endurmenntun og símenntun en
sagði jafnframt að athuga þyrfti
ýmsar brotalamir í skólastarfinu,
s.s. brottfall stráka úr framhalds-
skólum.
Björn Bjarnason sagði að eitt at-
hyglisverða atriðið varðandi innra
starf skólanna væru þær rannsóknir
sem stundaðar væru á vegum KHÍ
og sú samvinna sem tekist hefði á
milli skólans og einstakra skóla víða
um landið.
Frambjóðendurnir höfðu mis-
munandi skoðanir á lengingu kenn-
aranámsins úr 3 í 4 ár, en það mál-
efni brennur mjög á kennaranemum
að sögn eins þeirra.
Björn Bjarnason sagði að úttekt á
kennaranáminu á sínum tíma hefði
sýnt að það borgaði sig að hafa
námið þrjú ár meðfram möguleikum
á endurmenntun, símenntun og
meistaranámi.
Margrét Sverrisdóttir sagði koma
til greina að lengja kennaranámið,
en Björn Ingi og Kolbrún Halldórs-
dóttir sögðu að það væri að mestu í
höndum forsvarsmanna KHÍ að
ákveða það. „Ef það er samdóma
álit kennara, starfsliðs og nemenda
að það sé betra fyrir kennaramennt-
un í landinu að lengja námið í 4 ár,
þá eigið þið hiklaust að gera það,“
sagði Björn Ingi.
„Mér finnst að sjálfsögðu að
frumkvæðið og athugun þessara
mála eigi að koma héðan,“ sagði
Kolbrún. „Síðan þurfa umræður
stjórnvalda og ykkar að leiða í ljós
hvort þetta sé fýsilegt.“
Varðandi samkeppni í skólastarfi
sagðist Kolbrún ekki líta svo á að
menntun og menning lytu sömu lög-
málum og hver önnur framleiðslu-
vara. „Við ætlum ekki að etja stofn-
unum saman í einhvern slag um
köku sem stjórnmálamenn hafa út-
býtt úr hrammi sínum,“ sagði hún.
Björn Bjarnason var á allt ann-
arri skoðun og sagðist hafa mjög
góða reynslu af samstarfi opinberra
aðila og einkaaðila í skólamálum.
Farið hefði verið inn á þær brautir í
æ fleiri greinum sem sýndi sig í þró-
un á háskólastigsins, í upplýsinga-
tækni og mörgum þáttum skóla-
starfsins þar sem slíkt samstarf
hefði skilað mjög góðum árangri.
Björn Ingi sagði að samkeppni á
háskólastiginu hefði verið mikil
blessun fyrir HÍ og afleiðingarnar
góðar með því að miklar framfarir
hefðu orðið í ýmsum deildum hans á
stuttum tíma.
Kosningafundur frambjóðenda í Kennaraháskóla Íslands um menntamál
Líta samkeppni
í skólastarfi mis-
jöfnum augum
Morgunblaðið/Jim Smart
HANN var vel sóttur fundurinn um málefni öryrkja sem
Samfylkingin boðaði til í kosningamiðstöð sinni í Lækj-
argötu í gær. Þingmenn fluttu ávörp og ræddu við fund-
armenn sem gátu líka gætt sér á kaffiveitingum. Heyra
mátti í Halldóri Blöndal og Guðna Ágústssyni en raddir
þeirra bárust reyndar úr barka Jóhannesar Kristjáns-
sonar eftirhermu. Það voru frambjóðendurnir Ásta
Ragnheiður Jóhannesdóttir, Bryndís Hlöðversdóttir,
Guðrún Ögmundsdóttir, Helgi Hjörvar og Jóhanna Sig-
urðardóttir sem boðuðu til fundarins og fluttu ávörp.
Morgunblaðið/Sverrir
Kaffi og kökur, pólitík
og skemmtun
OLÍUFÉLAGIÐ Esso mun útvega
ítalska verktakafyrirtækinu
Impregilo, aðalverktaka Kárahnúka-
virkjunar, alla gasolíu og smurolíu á
framkvæmdatíma Kárahnúkavirkj-
unar. Gert er ráð fyrir að fyrirtækið
komi til með að nota á milli 25–35
milljónir lítra af gasolíu og yfir eina
milljón lítra af smurolíu á tímabilinu.
Guðjón Auðunsson, framkvæmda-
stjóri fyrirtækjasviðs Olíufélagsins,
segir að um sé að ræða einn stærsta
samning sem Olíufélagið hefur gert
við einstakan viðskiptavin varðandi
eldsneyti og smurolíur og verðmæti
hans gæti verið nálægt einum millj-
arði króna, þótt erfitt sé að henda
reiður á því nákvæmlega að hans
sögn.
„Eldsneytisnotkun þeirra jafnast á
við stóra útgerð í sjávarútvegi. Þetta
verða líklega á milli 5 og 7 milljónir
lítra á ári,“ sagði Guðjón.
Hann segist afar ánægður með
samninginn. Um ástæður þess að
Impregilo ákvað að skipta við Esso
sagði Guðjón að sú staðreynd að Esso
er með umboð fyrir Mobil smurolíur
hafi verið stór þáttur í ákvörðun fyr-
irtækisins.
Á myndinni eru Mario De PaolI og
Luciano Cicogna frá Impreglio og
Hjörleifur Jakobsson, forstjóri Olíu-
félagsins ESSO. Standandi eru Ing-
var Stefánsson sölustjóri Olíufélags-
ins og Árni Stefánsson, markaðsstjóri
fyrirtækjasviðs Olíufélagsins.
Esso selur
Impregilo
milljónir
lítra af olíu