Morgunblaðið - 09.05.2003, Blaðsíða 22
Hugmyndir um að gera aðkomuna tilkomumeiri
Svona gæti aðkoman til Reykjanesbæjar orðið eftir að nokkrum klettum hefði verið tyllt niður við tvöfalda
Reykjanesbraut. Þetta er ein þeirra hugmynda sem settar hafa verið fram um að móta landslag við aðkomuna.
„VIÐ viljum skapa umhverfi sem
gefur til kynna hvers menn megi
vænta í bænum sjálfum. Þetta er
áhugaverður og fallegur bær,“ seg-
ir Árni Sigfússon, bæjarstjóri
Reykjanesbæjar, um nýjar hug-
myndir um lagfæringar á aðkom-
unni í bæinn.
Á íbúafundum sem Árni hefur
haldið að undanförnu hefur hann
kynnt hugmyndir um að nýta hluta
af klettunum sem verið er að
sprengja við Helguvíkurhöfn til að
skapa einhvers konar landslag við
Reykjanesbrautina, við innkeyrsl-
una til Reykjanesbæjar. Hafa verið
gerðar nokkrar tölvumyndir í því
skyni, þar sem sett hafa verið inn á
klettar og fjöll við veginn, auk
breytingar á lýsingu og fleiri þátta.
Á meðfylgjandi mynd sést ein þeirra
hugmynda sem verið er að vinna
með.
Á borgarafundi sem haldinn var í
Heiðarskóla í fyrrakvöld, með íbú-
um úr hluta Keflavíkur, sýndi Árni
nokkrar þessara hugmynda. Hann
varpaði fram þeirri spurningu hvað
blasti við fólki þegar það æki eftir
Reykjanesbrautinni, inn í Reykja-
nesbæ. Flatt hraun og eitt skilti þar
sem fólk væri boðið velkomið til
Reykjanesbæjar. Sagðist Árni hafa
heyrt á fólki að þetta væri eins og að
koma aftan að bænum. Því hefðu
menn verið að leika sér með hug-
myndir um að breyta landslaginu til
að vekja athygli á áhugaverðum og
fallegum bæ. Árni tekur fram að
slík framkvæmd þurfi að vekja at-
hygli vegfarenda en um leið að falla
vel að umhverfinu.
„Mér finnst einnig að við berum
nokkra ábyrgð að vera fyrsta sveit-
arfélagið sem erlendir ferðamenn
koma í þegar þeir koma til landsins
og það síðasta sem þeir sjá þegar
þeir kveðja. Við tökum þessa ábyrgð
alvarlega,“ segir Árni.
Á vegum Reykjanesbæjar er verið
að sprengja niður lóð væntanlegrar
stálröraverksmiðju við Helguvík-
urhöfn. Þar fellur til mikið af grjóti
og er það ástæða þess að verið er að
áforma notkun kletta og steina í
þeim tilgangi að bæta umhverfi bæj-
arins. Árni segir að hægt sé að gera
þetta á hagkvæman hátt. Hann von-
ast til að hugmyndin verði þróuð á
næstu mánuðum og að ráðist verði í
þessa framkvæmd á þessu eða næsta
ári, á meðan unnið er að spreng-
ingum og grjótflutningum úr Helgu-
vík. Hann rifjar upp orð sín frá
borgarafundinum, þar sem hann sló
fram í gamni, að fólk gæti vaknað
einn morguninn í breyttu umhverfi.
Nýtt landslag útbúið
við bæjardyrnar
Reykjanesbær
SUÐURNES
22 FÖSTUDAGUR 9. MAÍ 2003 MORGUNBLAÐIÐ
HÖFUÐBORGARSVÆÐIÐ
BORGARYFIRVÖLD hafa hafnað
umsókn nektardansstaðarins Bó-
hems við Grensásveg um rýmri opn-
unartíma á virkum dögum. Óskaði
framkvæmdastjóri staðarins eftir því
að hann fengi heimild til að hafa opið
til kl. 5.30 á næturnar á virkum dög-
um líkt og hann hefur um helgar.
Í umsókn framkvæmdastjórans
segir að hann hafi orðið var við
óánægju fólks með að engir skemmti-
staðir í Reykjavík séu opnir lengur en
til kl. 1 á virkum dögum. Þá þyki
ferðamönnum þetta kyndugt fyrir-
komulag, ekki síst þar sem Reykjavík
hafi verið markaðssett sem borg er
býr yfir fjölskrúðugu næturlífi.
Sömuleiðis sé staðsetning staðarins
þannig að næturró almennings verði
ekki raskað þótt opið sé um nætur.
Þá telur framkvæmdastjórinn að
veiting leyfisins yrði í anda skipu-
lagsviðhorfa borgaryfirvalda varð-
andi nektarstaði. „Þar sem borgar-
yfirvöld hafa haft horn í síðu
veitingarekstrar af því tagi sem ég
rek og vilja sjá hann hverfa úr mið-
borginni, væri það nokkur hvati til
breytinga, ef aðili, sem ekki er með
þennan rekstur í miðborginni, hefði
nokkuð rýmri áfengisveitingatíma
en aðrir,“ segir hann.
Loks er á það bent að annars
staðar á Evrópska efnahagssvæðinu
sé lokunarartími næturklúbba oft-
ast á bilinu kl. 5 til 6.30.
Í umsögn skrifstofustjóra borgar-
stjórnar segir að reglur borgarráðs
heimili hvergi í borginni lengri veit-
ingatíma áfengis en til kl. 1 á virkum
dögum og því beri að hafna umsókn-
inni. Á þetta féllst borgarráð.
Bóhem vill hafa opið
til kl. 5.30 alla daga
Borgarráð hafnar umsókninni
Grensás
SAMGÖNGUNEFND Reykjavíkur
leggur til við borgarráð að ráðist
verði í heildarstefnumótun í sam-
göngumálum borgarinnar. Á stefnu-
mörkunin að ná til allra þátta sam-
göngumála, m.a. umferðar- og
gatnamála, almenningssamgangna,
umferð gangandi og hjólandi vegfar-
enda og bílastæðamála.
Árni Þór Sigurðsson, formaður
samgöngunefndar Reykjavíkur, seg-
ir að með afgreiðslu nýs aðalskipu-
lags fyrir Reykjavík og svæðisskipu-
lags fyrir höfuðborgarsvæðið á
síðasta ári hafi skapast forsendur til
að fara í slíka stefnumörkun. „Sam-
göngumálin eru þýðingarmikill hluti
af þessum skipulagsáætlunum og
mér fannst eðlilegt að í framhaldi af
þeim yrði farið í að marka áherslur í
samgöngumálum til lengri tíma. Að
auki liggur fyrir umhverfisstefna
Reykjavíkur þar sem samgöngu-
málin eru einnig mjög mikilvægur
málaflokkur.“
Samgöngumannvirki í
borginni gríðarlega dýr
Hann segir ráðgert að óska eftir
samstarfi við önnur sveitarfélög á
höfuðborgarsvæðinu, auk ráðuneyta
umhverfismála og samgöngumála,
og Vegagerðina. „Það er mikilvægt
vegna þeirra verkefna sem eru sam-
eiginleg. Í þessu samhengi má einnig
ræða þætti eins og fjármögnun sam-
göngumannvirkja, sem eru orðin
gríðarlega dýr hér á höfuðborgar-
svæðinu. En auðvitað eru heilmikil
verkefni í samgöngumálum á verk-
sviði sveitarfélagsins sjálfs eins og
t.d. almenningssamgöngurnar.“
Í samþykkt samgöngunefndar er
lagt til við borgarráð að settur verði
á laggirnar stýrihópur um verkefnið
og að sögn Árna yrði það verkefni
hópsins að óska eftir samstarfi við þá
aðila sem málið varðar.
Ráðist í stefnumót-
un í samgöngum
Reykjavík
Morgunblaðið/Júlíus
Stefnumörkuninni er ætlað að taka til allra þátta er varða samgöngur í
Reykjavík, t.d. umferðar- og gatnamála og almenningssamgangna.
TÖLUVERT hefur borið á eggjatöku
úr hreiðrum fugla á Seltjarnarnesi í
vor. Hafa bæjaryfirvöld brugðist við
með því að setja upp skilti á viðkvæm-
ustu fuglasvæðunum á Nesinu þar
sem fram kemur að óheimilt sé að
fjarlægja egg úr hreiðrunum.
Að sögn Jónmundar Guðmarsson-
ar bæjarstjóra hefur orðið vart við að
egg séu tekin úr hreiðrum fugla sem
hafast við á útivistarsvæðum bæjar-
ins vestan til á Nesinu, þ.e. í svoköll-
uðu Suðurnesi á leiðinni út á golfvöll
og við aðkomuna að Gróttu. „Það er
gríðarlega fjölskrúðugt fuglalíf á
þessum svæðum á vorin og við viljum
gera okkar besta til að vernda það.
Við vitum ekkert hverjir eru að verki
eða hvað er gert við eggin.“
Þá segir hann einnig hafa borið á
því að hundar séu hafðir lausir á þess-
um svæðum eftir að varptími hefst.
„Þeir geta auðvitað líka skemmt frá
sér í hreiðrunum og valdið usla,“ segir
hann.
Egg tekin
úr hreiðrum
Seltjarnarnes
Á FIMMTA hundrað manns kom á
fimm íbúafundi sem Árni Sigfússon
bæjarstjóri hefur haldið að undan-
förnu. Síðasti fundurinn var í Heiða-
skóla í fyrrakvöld, með íbúum Kefla-
víkur, norðan Aðalgötu.
„Ég er ánægður með að finna hvað
fólk er áhugasamt að sækja þessa
fundi og nýta sér þær upplýsingar
sem fram koma. Þessu verður haldið
áfram, ég mun halda fundi sem þessa
árlega. Gott er að gera það á þessum
tíma vegna þeirra framkvæmda sem
framundan eru,“ segir Árni.
Á fundunum fór hann yfir rekstur
bæjarfélagsins og helstu verkefni
sem unnið er að á vegum þess og
byggir þar á stefnu og framtíðarsýn
sem bæjarstjórn samþykkti eftir síð-
ustu kosningar og verkáætlun sem
gerð var í kjölfarið. Hann fjallaði
mikið um uppbyggingu í atvinnumál-
um, meðal annars undirbúning að
stofnun orkugarðs, markaðssetningu
iðnaðarsvæðisins við Helguvík og
uppbyggingu þar, ferðaþjónustu, vík-
ingagarð í tengslum við naust vík-
ingaskipsins Íslendings og upplýs-
ingamiðstöð fyrir ferðafólk. Einnig
fór hann yfir aðra helstu málaflokka,
svo sem stofnun Manngildissjóðs,
menntamál á öllum skólastigum og
aðgerðir til að bæta einkunnir í
grunnskólum bæjarins, stofnun
heilsdagsskóla, málefni eldri borgara
og menningarmál, svo nokkuð sé
nefnt. Hann sýndi skipulag nýs
Hlíðahverfis sem verið er að deili-
skipuleggja, sagði frá hugmyndum
sem unnið er eftir við skipulagningu
nýs íbúðarhverfis í Innri-Njarðvík og
sýndi hvernig Hafnargatan mun líta
út að loknum endurbótum.
Í lok fundanna var óskað eftir
ábendingum frá fundarmönnum um
það sem þeir telja að betur megi fara
í þeirra umhverfi. Á fundinum í Heið-
arskóla var meðal annars fjallað um
umferð og slysahættu við skólann,
umferðarhraða í íbúðarhverfum, opin
leiksvæði, gróður í skrúðgarðinum og
göngustíga. Starfsmaður bæjarins
skráði niður ábendingarnar og sagði
Árni að reynt yrði að bæta úr því
strax sem rúmaðist innan fjárhags-
áætlunar ársins en annað yrði tekið
inn á fjárhagsáætlun næsta árs.
Árni segir í samtali við Morgun-
blaðið að mikilvægt sé að fá slíkar
ábendingar frá íbúunum og þegar sé
byrjað að vinna að lagfæringum sam-
kvæmt þeim. Hann segir að flestar
ábendingar á fundunum hafi snúist
um umferð bíla og öryggi og aðbúnað
barna í hverfunum. Mikill áhugi sé á
að reynt sé að draga úr umferðar-
hraða með lækkun hámarkshraða og
hraðahindrunum.
Á fimmta
hundrað
manns kom
á íbúafundi
Reykjanesbær
Morgunblaðið/Helgi Bjarnason
Kaffihléð var notað til að glugga í uppdrætti af deiliskipulagi Hlíðahverfis
og loftmyndir. Á fundinn komu um 90 íbúar úr norðurhluta Keflavíkur.