Morgunblaðið - 09.05.2003, Blaðsíða 28

LANDIÐ
28 FÖSTUDAGUR 9. MAÍ 2003 MORGUNBLAÐIÐ
AKUREYRI
VERKALÝÐSFÉLAG Húsavíkur
hvetur stjórnmálaflokkana sem bjóða
fram til Alþingis og væntanlega al-
þingismenn til að tryggja að bætt
verði aðstaða fólks sem leitast við að
ættleiða börn frá útlöndum. Ályktun
þess efnis var samþykkt á aðalfundi
félagsins sem var haldinn á dögunum.
Í ályktuninni segir ennfremur að heil-
brigðiskerfið taki þátt í margvísleg-
um kostnaði vegna barneigna, en eng-
ar ívilnanir eru veittar því fólki sem
leitar eftir að ættleiða barn frá út-
löndum eins og gert er í nágranna-
löndunum. Þó er ljóst að því fylgir
umtalsverður kostnaður og ekki á
færi láglaunafólks að fara þessa leið.
„Þátttaka almannatrygginga í kostn-
aði við ættleiðingar frá útlöndum
hlýtur að eiga að vera sjálfsagður
hluti velferðarkerfis, ef það á að rísa
undir nafni,“ segir í ályktuninni. Fé-
lagið skorar á önnur verkalýðsfélög
og Alþýðusamband Íslands að beita
sér í málinu og jafna jafnframt rétt
fólks til greiðslu úr sjúkrasjóðum,
hvort sem um er að ræða tækni-
frjóvgun eða ættleiðingu frá útlönd-
um.
Lágmarkskostnaður við
ættleiðingu ein milljón króna
Að sögn Aðalsteins Árna Baldurs-
sonar, sem var endurkjörinn formað-
ur félagsins á fundinum, er kostnaður
þeirra sem vilja ættleiða börn frá út-
löndum, mismikill eftir löndum, ekki
sé þó fjarri að lágmarkskostnaður sé
um ein milljón króna og þá upphæð
þarf að greiða á skömmum tíma.
„Það þarf að greiða uppihald
barnsins, lögfræði-, dóms- og ferða-
kostnað en væntanlegir kjörforeldrar
fara oftast sjálfir til að sækja barn sitt
og það ætti því að vera ljóst að það er
ekki á færi almenns verkafólks að
ættleiða börn frá útlöndum,“ sagði
Aðalsteinn. „Þess vegna hlýtur sam-
félaginu að vera skylt að jafna að-
stöðu fólks í þessari stöðu, við aðstöðu
þeirra sem eignast börn eftir hefð-
bundnari leiðum. Í nágrannalöndun-
um, sem við miðum okkur gjarnan
við, taka viðkomandi ríki þátt í kostn-
aði við ættleiðingar frá útlöndum, allt
frá um 200.000 krónum, í ríflega 400
þúsund. Ennfremur má benda á, að á
sama tíma og þátttaka ríkisins í
kostnaði við ættleiðingar er sjálfsagð-
ur hluti samtryggingar og velferðar,
er hún jafnframt framlag okkar til
þess að bæta aðstæður barna í fátæk-
um löndum, sem annars bíður í mörg-
um tilvikum ekki annað en sár fátækt.
Það mæla öll rök með því að þessi
ójöfnuður verði leiðréttur hið allra
fyrsta. Það er siðferðilega rangt að
mismuna fólki með þessu móti. Upp-
hæðirnar og fjöldi ættleiðinga frá út-
löndum eru ekki þannig að það kæmi
til með að setja ríkisfjármálin úr
skorðum,“ sagði Aðalsteinn Árni
Baldursson að lokum.
Á aðalfundinum kom fram að sam-
kvæmt ársreikningum félagsins
stendur það á sterkum grunni og
hagnaður varð af öllum sjóðum þess.
Félagsmenn VH eru um 1.000 talsins.
Á fundinum kom fram almenn
ánægja með starfsemi félagsins sem
er með öflugri stéttarfélögum innan
Alþýðusambands Íslands.
Verkalýðsfélag Húsavíkur
Vill bæta aðstöðu fólks
sem vill ættleiða börn
Morgunblaðið/Hafþór Hreiðarsson
Aðalsteinn Árni Baldursson, for-
maður Verkalýðsfélags Húsavíkur
Húsavík
UNDIRSKRIFTALISTAR liggja nú
frammi á Húsavík þar sem skorað er
á stjórnvöld að koma á flugsamgöng-
um við Húsavík hið fyrsta og hafa fjöl-
margir íbúar svæðisins skrifað undir.
Þessi undirskriftalistar liggja frammi
í kjölfar fundar sem Markaðsráð
Húsavíkur og nágrennis, MarkHús,
stóð fyrir í Flugstöðinni á Húsavík-
urflugvelli fyrir skömmu.
Á fundinum þar sem mættu sveit-
arstjórnarmenn og ýmsir hagsmuna-
aðilar á svæðinu kynnti Haraldur
Líndal Pétursson, framkvæmdastjóri
MarkHús, ýmsar tölulegar stað-
reyndir um málið. Þá fór hann yfir að-
draganda þess að flug til Húsavíkur
lagðist niður. Kom m.a. fram hjá hon-
um að á árunum 1994–2000 fóru 101
þúsund farþegar um flugvöllinn, er
það að meðaltali 14.500 farþegar á ári
en flestir voru þeir 1998, 18.109. Þá
fór hann einnig yfir það hversu mik-
ilvægt það væri fyrir svæðið, bæði
íbúa þess og atvinnulíf, að reglulegt
áætlunarflug hæfist aftur til Húsavík-
ur. Þá tóku sumir fundargesta til máls
og hjá þeim bar á góma bæði fortíð og
framtíð flugsamgangna við Húsavík,
fundargestir voru þó á einu máli um
það að koma þyrfti flugi á til Húsavík-
ur aftur og því fyrr því betra.
Niðurstaða fundarins var að stofn-
aður var starfshópur til að fylgja mál-
inu eftir, fyrsta skrefið væri að reyna
koma á áætlunarflugi til Húsavíkur í
fimm mánuði á ári, frá 1. maí til 1.
október. Starfshópinn skipa þau Þór-
hallur Harðarson hótelstjóri, Bryndís
Torfadóttir ferðamálafrömuður,
Gunnar Jóhannesson, starfsmaður
Atvinnuþróunarfélags Þingeyinga, og
Haraldur Líndal Pétursson, fram-
kvæmdarstjóri MarkHús.
Vilja koma á áætlun-
arflugi til Húsavíkur
Morgunblaðið/Hafþór Hreiðarsson
Starfshópurinn hlýðir á fundarstjórann Reinhard Reynisson, bæjarstjóra á
Húsavík. F.v. Þórhallur Harðarson, Haraldur Líndal Pétursson, Bryndís
Torfadóttir og Gunnar Jóhannesson.
Húsavík
Fiskihöfn - Krossanesshagi - Þjónustustöð
Akureyrarbær auglýsir hér með skv. 25. gr. skipulags- og
byggingarlaga neðangreindar tillögur að deiliskipulagi.
1. Deiliskipulag fiskihafnar og nágrennis
Tillagan fjallar um svæðið austan Hjalteyrargötu frá lóð ÚA að Glerá.
Gerð er grein fyrir hafnarmannvirkjum, landfyllingu við Glerá, lóð-
armörkum, nýtingu lóða og svæða, núverandi og fyrirhuguðum
byggingum og umferðartengingum.
2. B-áfangi iðnaðarhverfis í Krossanesshaga
Skipulagssvæðið er um 25 ha að stærð. Það liggur upp af Krossanesi
og nær frá áfanga A, sem nú er í byggingu, norður að safngötunni
Óðinsnesi. Fjallað er um fyrirhugaða fullnýtingu grjótnáms í Ystaási
og mótun lands í kjölfar hennar. Ákvæði er um gerð áætlunar um
námuvinnsluna skv. ákvæðum laga um náttúruvernd nr. 44/1999.
Gerð er grein fyrir opnum svæðum, fyrirhuguðum götum, lóðum og
byggingarreitum. Ákvæði er sett um verndun fornminja á svæðinu.
3. Þjónustustöð við gatnamót Borgar- og Hlíðarbrauta
Tillaga að deiliskipulagi um 3.900 fm lóðar fyrir bensínsölu og
tengda verslun. Gert er ráð fyrir einu húsi á lóðinni, að hámarki um
470 fm að stærð, og afmarkaður er reitur fyrir þakskyggni yfir bens-
índælum. Innakstur verði á lóðina frá Hlíðarbraut, og inn- og útakst-
ur frá Borgarbraut. Kvöð er sett um gróður á lóðarmörkum.
Tillögurnar ásamt fylgigögnum munu liggja frammi í þjónustuand-
dyri Akureyrarbæjar, Geislagötu 9, 1. hæð, næstu 6 vikur frá birtingu
þessarar auglýsingar, þ.e. til föstudagsins 20. júní 2003 svo að þeir
sem þess óska geti kynnt sér þær og gert við þær athugasemdir.
Tillögurnar eru einnig birtar á heimasíðu Akureyrarbæjar:
http://www.akureyri.is/ undir: Auglýsingar og umsóknir/Skipulagstil-
lögur.
Frestur til að gera athugasemdir við tillögurnar rennur út kl. 16.00
föstudaginn 20. júní 2003 og skal athugasemdum skilað til Umhverf-
isdeildar Akureyrarbæjar, Geislagötu 9, 3. hæð.
Hver sá, sem ekki gerir athugasemdir við auglýsta tillögu innan þessa
frests, telst vera henni samþykkur.
Skipulags- og byggingarfulltrúi Akureyrarbæjar.
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
3 tillögur að
deiliskipulagi:
Sjálfstæðisflokkurinn efnir til
morgunverðarfundar á Greifanum í
dag, föstudag, kl. 8. Halldór Blön-
dal og Tómas Ingi Olrich verða á
staðnum auk fleiri frambjóðenda.
Kosningahátíð D-listans verður á
Ráðhústorgi frá kl. 16 til 18 í dag
þar sem Jónsi úr Svörtum fötum
tekur lagið, fimleikaflokkur sýnir
listir sínar, grillaðar verða pylsur
og happdrætti verður í gangi. Í
kvöld verður pítsufundur með ung-
um frambjóðendum á Greifanum og
verða frambjóðendur á staðnum.
Kosningakaffi flokksins verður á
Hótel KEA frá kl. 14 til 17 og á
sama stað hefst kosningavaka kl.
21 um kvöldið.
Í DAG
Samfylkingin býður til kosninga-
kaffis á kjördag á Græna hattinum
við göngugötuna á Akureyri frá kl.
13–18. Kaffi, kökur og spjall. Þá efn-
ir Samfylkingin til kosningavöku að
kvöldi kjördags á Græna hattinum
við göngugötuna á Akureyri og hefst
hátíðin kl. 21. Háa-bandið leikur fyr-
ir dansi.
Ferðafélag Akureyrar verður með
fuglaskoðunarferð á morgun, laug-
ardaginn 10. maí, kl. 11.
Jón Magnússon verður leið-
sögumaður. Farið verður á valda
staði og æskilegt að fólk komi á eigin
bílum með sjónauka, fuglabækur
þeir sem eiga og vel búnir.
Á MORGUN
Vortónleikar Tónlistarskóla Eyja-
fjarðar verða haldnir kl. 14.30 á
morgun, laugardag, í Laugarborg.
Fram koma allir hljóðfæraleikarar
skólans búsettir í Eyjafjarðarsveit
og sýna afrakstur vetrarins.
Kaffihúsasýning Samlagsins list-
húss verður opnuð á morgun,
laugardaginn 10. maí en þar sýna
12 félagar í Samlaginu verk sín.
Hún er þáttur í röð sýninga sem
verða í kaffihúsum víða um landið
í sumar. Fyrsta sýningin var í
Bláu könnunni á Akureyri í síð-
asta mánuði. Í júní verður sýning
á Blönduósi, í júlí í Stykkishólmi, í
ágúst á Egilsstöðum og Reykjavík
rekur lestina í september.
Samlagið listhús er opið alla virka
daga nema mánudaga kl. 14–18,
laugardaga og sunnudaga kl. 13–
17.
Á sýningunni verða málverk unnin
með olíu, vatnslitum, akríl og verk
unninn í textíl, tré, leir og fleira.
Félagarnir eru: Anna María Guð-
mann, Anna Gunnarsdóttir, Anna
Sigríður Hróðmarsdóttir, Einar
Helgason, Guðmundur Ármann
Sigurjónsson, Guðrún Hadda
Bjarnadóttir, Hrefna Harð-
ardóttir, Hugrún Ívarsdóttir, H.
Halldóra Helgadóttir, Nanna Egg-
ertsdóttir, Ragnheiður Þórsdóttir
og Rósa Júlíusdóttir.
FJÖGUR tilboð bárust í endur-
teknu útboði á byggingu og hönn-
un rannsóknarhúss við Háskólann
á Akureyri. Tvö tilboð bárust í
fyrra útboðinu á síðasta ári en eins
og fram hefur komið var þeim báð-
um hafnað af menntamálaráð-
herra. Sömu aðilar buðu aftur í
verkið, þ.e. Nýsir annars vegar og
Íslenskir aðalverktaktar hf.,
Landsafl hf. og ISS á Íslandi hins
vegar. Að auki buðu Þ.G verktakar
ehf. og Fasteignafélagið Klappir
ehf. í verkið, en Klappir eru í eigu
heimaaðila á Akureyri.
Þorsteinn Gunnarsson, rektor
Háskólans á Akureyri, sagði
greinilegt að það væri mikill áhugi
á þessu verkefni og að það væri
gleðilegt. „Það er miðað við að
framkvæmdir hefjist í sumar og að
þeim verði lokið fyrir 1. október á
næsta ári. Tilkoma hússins mun
gjörbreyta allri aðstöðu til rann-
sókna og nýsköpunar í háskólan-
um.“
Þorsteinn sagði að sá ágrein-
ingur sem upp kom í tengslum við
fyrra útboðið hafi valdið eins árs
seinkun á framkvæmdum, sem hafi
valdið háskólanum bæði óþægind-
um og auknum kostnaði. „Það er
því mjög ánægjulegt að sjá hilla
undir lokin á þessu ferli,“ sagði
Þorsteinn.
Í dag verður haldinn kynning-
arfundur í Háskólanum á Akur-
eyri, þar sem bjóðendur kynna
hugmyndir sínar. Gísli Magnússon,
deildarstjóri í menntamálaráðu-
neytinu og formaður dómnefndar
um byggingu hússins, sagði ráð-
gert að sérstök matsnefnd taki til
starfa í dag og skili af sér í lok
næstu viku. Áætlað er að opna
verðtilboð miðvikudaginn 21. maí
og í beinu framhaldi af því muni
dómnefndin vinna tillögur fyrir
menntamálaráðherra. Gísli sagði
að það færu fram kosningar í
miðju matsferlinu og því ómögu-
legt að segja nákvæmlega til um
framhaldið. „En við erum sáttir
við hvernig útboðið hefur gengið
og málið er á þeim rekspöl að ég
sé ekki annað í dag en þarna rísi
myndarlegt hús.“
Fjögur tilboð bárust í endurteknu útboði í byggingu
rannsóknarhúss við Háskólann á Akureyri
Húsið mun gjörbreyta aðstöðu
til rannsókna og nýsköpunar
FASTEIGNIR mbl.is