Morgunblaðið - 09.05.2003, Blaðsíða 69
NOKKUÐ hefur borið á því að fólk
sem fyrirhugað hefur ferðir til Asíu
hafi afbókað vegna lungnabólgufar-
aldursins, HABL. Íslendingar hræð-
ast þó ekki ferðalög til Evrópu í sum-
ar en samkvæmt upplýsingum
ferðaskrifstofanna hefur nánast ekk-
ert verið afbókað í þær ferðir.
„Fólk er ekki á því að fara í frí til
Asíu núna, það eru alveg hreinar lín-
ur. Það er hins vegar mikið um afbók-
anir á ferðum til Asíu. Fólk hefur hins
vegar engar áhyggjur af sólarlönd-
um, það er bara eins og að skreppa til
Akureyrar,“ sagði Guðrún Sigur-
geirsdóttir, markaðsstjóri Úrvals-Út-
sýn. „Það kom náttúrulega við starf-
semina þegar við þurftum að fella
niður 460 manna ferð til Kína yfir
páskana, en að öðru leyti reynir ekki
á þetta,“ sagði Guðrún. Hún sagði As-
íulönd eins og Taíland vera meiri
vetrardvalarstað og ekki farið að
reyna á bókanir fyrir næsta vetur.
Terra nova-Sól hafði sömu sögu að
segja. „Við seljum ekki mikið af ferð-
Afbókanir á ferðum til Asíu vegna HABL
Fólk hræðist ekki
ferðalög til Evrópu
um til Asíu. Þær fáu bókanir sem ver-
ið hafa eru viðskiptamenn sem láta
þetta ekki hafa áhrif á sig. Sólarlönd-
in virðast ekkert verða fyrir barðinu á
þessu. Það getur vel verið að þetta
hafi þau áhrif að fólk bóki síður, en
þeir sem eru búnir að bóka sig virðast
ekki á því að láta þetta stöðva sig,“
sagði Inga Kristjánsdóttir sölustjóri
hjá Terra nova.
Andri Már Ingólfsson, forstjóri
Heimsferða, sagði lungnabólgufar-
aldurinn engin áhrif hafa á bókanir til
Evrópu. „Hins vegar höfum við vissu-
lega fundið fyrir því að það hvarflar
ekki að fólki að fara til Kína né Hong
Kong. Ég veit að þetta hefur líka haft
mikil áhrif á Taíland, Víetnam og allt
sem er í þá átt. Það er alveg greinilegt
að fólk kærir sig ekki um að fara
þangað í frí á meðan ástandið er
svona,“ sagði Andri Már.
Heimsferðir hafa hafið sölu ferða
til Kúbu og Dóminíska lýðveldisins í
haust og sagði Andri HABL ekki hafa
áhrif á þær ferðir.
FRÉTTIR
MORGUNBLAÐIÐ FÖSTUDAGUR 9. MAÍ 2003 69
AÐALFUNDUR Kvenréttinda-
félags Íslands árið 2003 var haldinn
nýlega. Formaður félagsins, Þor-
björg Inga Jónsdóttir, flutti skýrslu
stjórnar, en starfsemi félagsins hef-
ur verið fjölþætt að vanda, segir í
fréttatilkynningu. KRFÍ varð 95
ára á árinu og voru margskonar há-
tíðahöld í tilefni af afmælinu en
þeim lauk með kaffisamsæti á Hall-
veigarstöðum 19. júni eftir fjöl-
menna göngu um Kvosina undir
stjórn Guðjóns Friðrikssonar sagn-
fræðings.
Núverandi stjórn skipa: Þorbjörg
Inga Jónsdóttir, formaður, Margrét
Sverrisdóttir, varaformaður, Mar-
grét Gunnarsdóttir, ritari, Margrét
Steinarsdóttir, gjaldkeri, Anna
Gunnhildur Ólafsdóttir, meðstjórn-
andi, Edda Jónsdóttir, meðstjórn-
andi, Ragnhildur G. Guðmunds-
dóttir, meðstjórnandi, og
Þorgerður Einarsdóttir, meðstjórn-
andi.
Stjórn Kvenréttindafélags Íslands, efri röð frá vinstri: Margrét Kr. Gunn-
arsdóttir ritari, Margrét Steinarsdóttir gjaldkeri, Edda Jónsdóttir, Þor-
gerður Einarsdóttir. Neðri röð frá vinstri: Anna Gunnhildur Ólafsdóttir,
Margrét Sverrisdóttir varaformaður, Þorbjörg Inga Jónsdóttir formaður,
Ragnhildur G. Guðmundsdóttir framkvæmdastjóri og Sigurbjörg Björg-
vinsdóttir. Á myndina vantar: Rósu Jónsdóttur, Rósu Björk Brynjólfs-
dóttur, Bryndísi Kristjánsdóttur og Helgu Guðrúnu Jónsdóttur.
Fjölbreytt
starf Kven-
réttinda-
félagsins
Samverustund Samfylkingar í
Hafnarfirði verður á Thorsplani í
dag, föstudaginn 9. maí, milli kl. 16
og 18.
Grillaðar pylsur, hoppukastalar fyr-
ir yngri og eldri börn, Steinn Ár-
mann skemmtir, Hjörtur Howser
leikur af fingrum fram, þingmanns-
efni skemmta.
STJÓRNMÁL
Aðalfundur Vináttufélags Íslend-
inga og Pólverja verður haldinn í
húsakynnum Norræna félagsins, Óð-
insgötu 7, á morgun, laugardaginn
10. maí, kl. 16. Venjuleg aðalfund-
arstörf. Einnig verður gerð grein fyr-
ir fyrirhuguðum ferðum til Póllands í
sumar. Félagsmenn, og allt áhuga-
fólk um samskipti Íslands og Pól-
lands, eru velkomnir. Boðið verður
upp á kaffiveitingar.
Kynningarfundur verður hjá Svif-
drekafélagi Reykjavíkur á morgun,
laugardaginn 10. maí, kl. 13.00–15.00.
Kynnt verður allt sport félagsins.
Á staðnum verða vængir uppsettir,
flugskýli opið og flogið ef veður leyfir.
Félagsmenn verða á staðnum og
svara spurningum. Námskeið í svifd-
rekaflugi og svifvængjaflugi hefjast
sunnudaginn 11. maí. Þýskur at-
vinnukennari kennir á námskeið-
unum; Herbert Pröhl. Hann hefur
kennt um allan heim í um tuttugu ár.
Mótmælastaða við stjórnarráðið
verður á morgun, laugardaginn 10.
maí, kl. 14. Friðarsinnar munu safn-
ast saman við stjórnarráðið til að
minna á andstöðu sína gegn stríðinu í
Írak, Einar Már Guðmundsson les
ljóð, Hörður Torfason tekur lagið og
Birna Þórðardóttir flytur ávarp.
Fundarstjóri er Eiríkur Jónsson.
Kaffi og kakó verður á boðstólum. Á
sama tíma munu friðarsinnar á Ak-
ureyri koma saman neðst í kirkju-
tröppunum og mótmæla stríði.
Afmælishátíð Kópavogsdeildar
RK. Kópavogsdeild Rauða krossins
efnir til opinnar afmælis- og opn-
unarhátíðar í nýju húsnæði sínu í
Hamraborg 11 kl. 14–16 laugardag-
inn 10. maí. Deildin fagnar þá 45 ára
afmæli sínu og tekur um leið form-
lega í notkun nýtt húsnæði fyrir sjálf-
boðamiðstöð og skrifstofu deild-
arinnar. Allir eru velkomnir og
deildin hvetur velunnara og sjálf-
boðaliða deildarinnar fyrr og nú til
þess að fagna þessum áföngum sam-
an. Þeir sem ef til vill hafa áhuga á að
taka þátt í sjálfboðnu starfi deild-
arinnar eru sérstaklega hvattir til að
koma og kynnast starfinu, segir í
fréttatilkynningu.
Á MORGUN
Foreldrar barna í einkareknum
leikskólum ætla að fjölmenna fyrir
utan fundarstað leikskólaráðs
Reykjavíkur að Tryggvagötu 17 í
sama húsi og Listasafn Reykjavíkur
en við inngang austanmegin (gegnt
Gauki á Stöng) í dag, föstudaginn 9.
maí, kl. 11.45, stuttu áður en fundur
hefst. Þannig vilja þeir sýna fram á
samstöðu og reyna að hafa áhrif á að
tekið verði fyrir mál um auknar nið-
urgreiðslur með börnum í einka-
reknum leikskólum og að þær verði
hækkaðar til jafns við niðurgreiðslur
með börnum í Leikskólum Reykja-
víkur að því er fram kemur í frétta-
tilkynningu.
Fræðslufundur með starfsfólki
heilbrigðisþjónustu. Landlækn-
isembættið heldur árlegan fræðslu-
fund með starfsfólki í heilbrigð-
isþjónustu í dag, föstudaginn 9. maí,
í Félagsheimili Seltjarnarness við
Suðurströnd, kl. 8.30–16. Sigurður
Guðmundsson landlæknir mun setja
fræðslufundinn.
Fyrirlesarar verða: Haukur Valdi-
marsson aðstoðarlandlæknir, Sig-
urður Guðmundsson landlæknir,
Sigríður Haraldsdóttir sviðsstjóri,
Sigurður Helgason, ritstjóri klín-
ískra leiðbeininga, Anna Björg Ara-
dóttir verkefnisstjóri, Salbjörg
Bjarnadóttir verkefnisstjóri,Vilborg
Ingólfsdóttir yfirhjúkrunarfræð-
ingur, Þórólfur Guðnason yfirlæknir
og Guðrún Sigmundsdóttir læknir.
Málþing útskriftarnemenda á
þroskaþjálfabraut í Kennarahá-
skóla Íslands er haldið í dag, föstu-
daginn 9. maí, í Skriðu í KHÍ frá kl.
9.15–15.45. Þar kynna nemendur
lokaverkefni sín sem eru starfstengd
þróunarverkefni á sviði málefna fatl-
aðra. Nemendurnir fjalla m.a. um
sína sýn á stöðu mála og koma með
tillögur um hvernig megi gera þjón-
ustuna enn betri. Lítið hefur borið á
umfjöllun um málefni fatlaðra í
kosningabaráttunni og því verðugt
viðfangsefni að skoða hlutdeild og
stöðu þeirra í velferðarkerfinu.
Í DAG
LEIÐRÉTT
Salzach rennur í
gegnum Salzburg
Í frétt af verkfalli í Austurríki,
sem birtist í Morgunblaðinu á mið-
vikudag, er sagt að Inn-fljót renni í
gegnum Salzburg. Þetta er ekki rétt.
Það er Salzach sem rennur um Salz-
burg, og sameinast Inn-fljóti nokkru
norðar.
Félagsþjónustan ekki
Félagsmálastofnun
Í gær var misritað í blaðinu að Fé-
lagsþjónustan í Reykjavík héti Fé-
lagsmálastofnun. Leiðréttist þetta
hér með.
Kosningaútvarp
á stuttbylgju
Á KOSNINGANÓTTINA verður
kosningaútvarpið á Rás 1 sent út á
stuttbylgju til sjómanna á hafi úti og
Íslendinga sem búa erlendis. Hér á
eftir fer yfirlit um stuttbylgjusend-
ingarnar. Kosningaútvarp 10.–11.
maí kl. 21–5.
Til Evrópu: 12115 kHz, 13865
kHz.
Til Ameríku: 15775 kHz.
Félag húsgagna- og
innanhússarkitekta
Vekja athygli
á lögverndun
starfsheita
FÉLAG húsgagna- og innanhúss-
arkitekta (FHI) hefur sent frá sér yf-
irlýsingu um starfsheitin innanhúss-
arkitekt og innanhússhönnuður.
Félagið segir þetta gert að gefnu til-
efni.
„Starfsheitin innanhússarkitekt og
innanhússhönnuður eru lögvernduð
samkvæmt lögum nr. 8/1996, sbr. 5. tl.
1. gr. laganna. Rétt til að nota þau
starfsheiti hafa þeir menn einir sem
fengið hafa til þess leyfi ráðherra eða
þeir sem fengið hafa staðfestingu ráð-
herra á leyfi til að bera samsvarandi
starfsheiti sem veitt hefur verið í ríki
sem er aðili að EES samningnum.
Samkvæmt 8. gr. laganna varðar brot
á framangreindri reglu sektum.“
OLÍUFÉLAGIÐ ESSO og Lands-
samtök hjartasjúklinga hafa gert
með sér samkomulag þess efnis að
söfnunarbaukar frá Lands-
samtökum hjartasjúklinga verði
framvegis á öllum bensínstöðvum
félagsins. Samkomulagið er gert í
tilefni 20 ára afmælis Lands-
samtaka hjartasjúklinga á þessu ári
sem verður 8. október nk. Söfn-
unarbaukarnir verða komnir á
flestar ESSO-stöðvar í maíbyrjun.
Vilhjálmur B. Vilhjálmsson, formaður Landssamtakanna, og Auður Björk
Guðmundsdóttir kynningarstjóri staðfesta samkomulagið.
Söfnunar-
baukar LHS
á öllum ESSO-
stöðvum
Fréttatilkynning frá
Evrópusamtökunum
MORGUNBLAÐINU hefur borist
eftirfarandi fréttatilkynning frá Evr-
ópusamtökunum:
„Evrópusamtökin lýsa yfir undrun
sinni á sjónvarpsauglýsingu Sam-
bands ungra sjálfstæðismanna (SUS)
varðandi afleiðingar hugsanlegrar að-
ildar Íslands að Evrópusambandinu
(ESB). Í auglýsingunni er gefið í skyn
að aðild að ESB þýði að miðin við Ís-
landsstrendur fyllist af erlendum tog-
urum.
Annaðhvort sýnir auglýsingin fá-
fræði SUS um þetta málefni eða um
vísvítandi blekkingar er að ræða. Erf-
itt er að meta hvor skýringin er sorg-
legri. Staðreyndin er sú að flestir þeir
sem fjalla um þessi mál af yfirvegun
og skynsemi hafa komist að þeirri nið-
urstöðu að Íslendingar hafi sterka
samningsstöðu gagnvart Evrópusam-
bandinu. Það kom meðal annars fram
í sjónvarpsþættingum ,,Aldahvörf“
þar sem rætt var við forsvarsmenn
sjávarútvegsmála í Bretlandi, Írlandi,
Spáni og í Evrópusambandinu.
Það er einnig ljóst að engin stjórn-
málaflokkur, samtök eða hagsmuna-
aðilar hér á landi myndu leggja til að
Ísland gengi í ESB án þess að tryggt
væri að fiskimiðin í kringum landið
myndu áfram verða undir forræði Ís-
lendinga.
Þar að auki telja Evrópusamtökin
að það sæmi ekki stjórnmálasamtök-
um á Íslandi að pakka svona áróður-
sauglýsingu í búning virtrar sjón-
varpsstöðvar, þ.e. BBC.“
Búist við 50
milljóna potti
í lottói
Á LAUGARDAG verður vinnings-
potturinn í Lottóinu sexfaldur og bú-
ast forráðamenn Íslenskrar getspár
við að hann nái allt að 50 milljónum
króna. Potturinn hefur aldrei áður
verið svo margfaldur á kosningadag.
„Það er forvitnilegt að sjá hvað ger-
ist því þjóðin fer út að kjósa og verð-
ur því á ferðinni,“ segir Bergsveinn
Sampsted framkvæmdastjóri Ís-
lenskrar getspár. Telur Bergsveinn
því að fjölmargir kaupi miða um leið
og þeir fara að kjósa. Vinningsupp-
hæðina byggir hann á því að í nóv-
ember sl. var potturinn sexfaldur og
fór hann þá í 47,8 milljónir.
Á fimmtudag var potturinn kom-
inn í 31 milljón. Áætlað er að hann
fari í 40 milljónir á morgun, föstu-
dag, og endi svo í 45–50 milljónum á
laugardag. „Þetta verða náttúrlega
fyrstu tölur kvöldins,“ sagði Berg-
sveinn en drátturinn verður í beinni
útsendingu í kosningasjónvarpinu.
Bergsveinn benti einnig á að í lott-
óinu gæti fólk látið tölvuna velja fyr-
ir sig. Það gæti það hins vegar ekki í
sjálfum kjörklefanum.
Segja
úrskurð
miðast við
266 metra
lónshæð
MORGUNBLAÐINU hefur
borist eftirfarandi yfirlýsing
frá Fuglaverndarfélagi Ís-
lands og Sambandi Dýra-
verndunarfélaga Íslands um
Þjórsárver:
Stjórnir Fuglaverndar-
félags Íslands og Sambands
Dýraverndunarfélaga Íslands
harma viðbrögð Landsvirkj-
unar við úrskurði Jóns Krist-
jánssonar, setts umhverfis-
ráðherra, um Norðlingaöldu-
lón og Þjórsárver. Það er álit
þeirra og fjölda annarra sam-
taka og einstaklinga um nátt-
úruvernd, að úrskurður setts
umhverfisráðherra miðist við
266 m lónshæð og telja að
þjóðarsátt hafi náðst þar um.
Tilraunir Landsvirkjunar til
að reyna að fara á svig við
þessa staðreynd í úrskurði
ráðherra eru skýlaus brot á
þessari þjóðarsátt.
Landsvirkjun hefur nú þeg-
ar gengið lengra en góðu hófi
gegnir á ósnortna náttúru Ís-
lands, en virðast engin tak-
mörk sett og fær jafnvel
Kvíslaveitu 6 á silfurfati, sem
hafði áður verið hafnað.
Fuglaverndarfélagið og Sam-
band Dýraverndunarfélaga
hvetja forsvarsmenn Lands-
virkjunar og væntanlega rík-
isstjórn til að hægja á ferð-
inni og leggja jafnframt til að
friðlandið í Þjórsárverum
verði stækkað og að Eyvafen
og önnur ver utan friðlands-
ins verði einnig friðlýst. Jafn-
framt verði ákvæði í lögun-
um, sem heimilar
Norðlingaölduveitu að frið-
landsmörkum, fellt niður.