Morgunblaðið - 11.05.2003, Blaðsíða 12
Ólívu lauf
FRÁ
Ertu með kvef
eða flensu?
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
Vefsíður þjóðgarðanna
Snæfellsjökuls, í Skaftafelli og í
Jökulsárgljúfrum eru hjá www.ust.is
og á Þingvöllum www.thingvellir.is.
TVÖ ÁR eru liðin síðan hjónin
Steinunn Helgadóttir og Sæþór
Þorbergsson festu kaup á
Narfeyrarhúsi í Stykkishólmi sem
nú er rekið sem alhliða veitinga-
og kaffihús á besta stað í bænum,
rétt fyrir ofan höfnina í hjarta
bæjarins og beint á móti Fimm
fiskum, sem er hitt veitingahúsið í
Hólminum. Í húsinu, sem er aldar-
gamalt og rekið er undir heitinu
Narfeyrarstofa, hefur verið ýmis
starfsemi í gegnum tíðina, en það
mun hafa verið reist fyrir Málfríði
Möller, ekkju Möllers apótekara, á
árunum 1901–1906, en sjálfur lést
Möller árið 1901.
Þau Steinunn og Sæþór, sem
bæði eru alin upp í Hólminum,
leggja í matargerðinni sérstaka
áherslu á fugl og fisk úr Breiða-
firði ásamt tertum, brauðréttum,
matarmiklum súpum, skyndibitum
í formi stórra hamborgara, veislu-
þjónustu og fjölbreyttum „a la
carte“-matseðli. „Hvað við kemur
erlendum ferðamönnum, þá höfum
við aðallega verið að fá fólk, sem
tekið hefur flug og bíl og ferðast á
sínum eigin hraða um landið. Á
hinn bóginn má segja að við höfum
fengið þverskurðinn af íslensku
þjóðinni í heimsókn til okkar,
kannski vegna þess hversu hæðir
hússins eru ólíkar. Kaffihúsið á
neðri hæðinni er með sínum kar-
akter, en á efri hæðinni, „Sjávar-
loftinu“, er lagt upp úr glæsileik,
bæði í útsýni og innréttingum,“
segir Sæþór, sem sjálfur er mat-
reiðslumeistari að mennt. Þess má
geta að hvor hæðin um sig tekur
um 45 manns í sæti.
Stækkað smátt og smátt
Eftir að hafa fest kaup á húsinu
vorið 2001 ráku þau einvörðungu
kaffihúsið á neðri hæðinni fyrst í
stað, bættu svo smátt og smátt við
matseðilinn og buðu upp á lengri
opnunartíma. Í júní 2002 opnuðu
þau svo efri hæð hússins með
glæsilegum veitingasal þar sem
andrúmsloftið á að vera hlýtt og
rómantískt og þjónustan notaleg,
segja þau. „Útsýnið yfir Stykkis-
hólmshöfn gefur staðnum svo æv-
intýralegan svip og þó á matseðli
Sjávarloftsins kenni margra grasa,
eru sjávarfangi úr Breiðafirði gerð
góð skil,“ segja veitingamennirnir í
Narfeyrarstofu, þar sem tónlistar-
menn eru líka stundum fengnir til
að troða upp.
Fugl og fiskur úr Breiðafirðinum
Morgunblaðið/Jóhanna Ingvarsdóttir
Hjónin Steinunn Helgadóttir og Sæþór Þorbergsson, eigendur Narfeyrarstofu.
Narfeyrarstofa
Aðalgötu 3, 340 Stykkishólmi
Sími: 438 1119 eða 895 7937
Netfang: shborg@binet.is
Í STÓRBORG er stundum flókið að verða sér úti
um leigubíl. Ef ferðamaðurinn þekkir ekki vel til
og umferð er mikil getur biðin orðið löng. Í Lond-
on er nýstárleg leið til að festa sér leigubíl að
verða að veruleika. Fyrirtækið Zingo Taxi hefur
þróað búnað sem virkar þannig að maður notar
gemsann til að hringja í númer hjá leigubílastöð
sem staðsetur símann sem hringt er úr.
Ferðamaðurinn gefur stutta lýsingu á sjálfum
sér og leigubílastöðin sendir þann bíl á vettvang
sem er næstur. Jafnframt eru send textaskilaboð
í gemsann um númer leigubílsins.
Í London eru tæplega 20 þúsund leigubílar og
bið verður á því að þeir innleiði allir nýja kerfið
sem enn er á tilraunastigi. Um hundrað leigubíl-
ar eru tengdir við kerfið núna en talsmaður
Zingo Taxi vonast til að þeir verði brátt fleiri. Til-
raunin er gerð í samstarfi við stærstu símafyr-
irtæki Bretlands.
Leigubíllinn finn-
ur þig í London
Morgunblaðið/Sverrir
GLJÚFURBÚSTAÐIR heitir ný
frístundabyggð sem búið er að
reisa að Gljúfri í Ölfusi.
Jón Hólm Stefánsson og Rósa
Finnsdóttir reistu fyrsta frí-
stundahúsið haustið 2001 og síðan
hafa húsin risið koll af kolli og í vor
á að reisa áttunda húsið.
„Við hættum með kúabúskap á
jörðinni og urðum þá að finna okk-
ur annað lífsviðurværi því okkur
langaði að búa áfram á Gljúfri.
Eftir nokkra umhugsun ákváðum
við að fara út í að byggja hér upp
frístundabyggð.
Viðtökurnar hafa farið framúr
björtustu vonum því húsin hafa
verið upptekin meira og minna frá
því þau eru tilbúin. Þrjú húsin eru í
útleigu allan ársins hring, tvö til
Íslenskrar erfðagreiningar og eitt
til Sjómannafélagsins Jötuns í
Vestmannaeyjum en síðan hafa út-
lendingar verið tíðir gestir og Ís-
lendingar í auknum mæli, sérstak-
lega yfir vetrartímann. Rósa og
Jón Hólm hafa staðið að skógrækt
í nokkur ár á Gljúfri og í sumar á
að laga til landið í kringum sumar-
húsabyggðina, koma þar upp fót-
boltavelli og leikaðstöðu.
Húsin eru um 50 fermetrar að
grunnfleti og síðan 22 fermetra
sjónvarpssetustofa á loftinu.
Rósa og Jón segjast hafa lagt
uppúr því að vel væri búið að gest-
um. Í húsunum eru til dæmis rúm
fyrir 6–8 manns, þar af tvö hjóna-
rúm með heilum dýnum, sængur
og koddar, sturtuklefi, heitur pott-
ur, sjónvarp, myndbandstæki,
geislaspilari, útvarp, gasgrill,
garðhúsgögn á afgirtri verönd,
kæliskápur með frystihólfi, eldavél
og allur nauðsynlegur borðbúnað-
ur. Þá segjast Rósa og Jón hafa
lagt áherslu á að hafa húsgögn
vönduð og því er t.d. leðursófasett
í stofu bústaðanna.
Gönguleiðir í nágrenninu
Þau benda á að skemmtilegar
gönguleiðir séu í næsta nágrenni
Gljúfurbústaða og tiltölulega stutt
í merktar gönguleiðir á Heng-
ilssvæðinu. Þá segja þau stutt í
ýmsa afþreyingu eins og sund-
laugar, golfvelli, veiði og hestaleig-
ur.
Leigutími fer eftir óskum leigj-
enda en það er algengast að húsin
séu í helgar- eða vikuleigu í senn.
Gestir þurfa að koma með rúm-
fatnað og handklæði, allt annað er
í bústöðunum. Gert er ráð fyrir, að
leigjendur þrífi húsin að dvöl lok-
inni. Hægt er að fá uppbúin rúm,
handklæði og þrif að dvöl lokinni,
gegn aukagjaldi.
Áttundi bústaðurinn
bætist við í sumar
Morgunblaðið/grg
Nokkur spölur er á milli húsanna svo gestir geti notið þess að vera út af fyrir sig.
Lögð var áhersla á að vanda til innanstokksmuna.
Jón Hólm Stefánsson og Rósa Finnsdóttir létu
reisa fyrsta frístundahúsið haustið 2001.
Sumarhúsabyggð að Gljúfri í Ölfusi
Gljúfurbústaðir
Gljúfri
Ölfusi.
Sími 483 4461
Fax: 483 4661
Tölvupóstfang:
gljufur@gljufur.is
Veffang: www.gljufur.is
FERÐALANGAR
til Mið-Evrópu eru
varaðir við að
stungumý (mosk-
ító) sé nú til meiri
vandræða en oft-
ast áður. Vegna
flóða víða í álfunni
er stungumý út-
breiddara en í
venjulegu árferði.
Það sem gerir vandann erfiðari en ella er að
stungumýið hefur þróað með sér vörn gegn eitri.
Yfirvöld í Tékklandi, Austurríki og Þýskalandi viður-
kenndu á síðasta ári að lítið væri hægt að gera til að
sporna við útbreiðslu stungumýs.
Egg stungumýs getur legið í dvala í allt að fimm
ár og gosið upp við miklar rigningar.
Stungumý plága
í Mið-Evrópu
FRÉTTIR
mbl.is
♦ ♦ ♦