Morgunblaðið - 12.05.2003, Blaðsíða 17

KOSNINGAR 2003
MORGUNBLAÐIÐ MÁNUDAGUR 12. MAÍ 2003 17
REYKJAVÍK SUÐUR Þrír nýir þingmenn í Reykjavíkurkjördæmi
suður setjast á Alþingi í haust. Allir flokkar nema Frjálslyndi flokk-
urinn og Nýtt afl náðu inn manni eða mönnum. Sjálfstæðisflokkur
fékk 38% atkvæða og flesta menn kjörna, eða fimm. Í þeim hópi er
einn nýliði, Birgir Ármannsson, fimmti maður á lista flokksins. Næst
á eftir kom Samfylkingin með 33,3% atkvæða og fjóra menn kjörna,
þar af tvo nýliða, Ágúst Ólaf Ágústsson og Mörð Árnason. Lára Mar-
grét Ragnarsdóttir sem kosin var á þing árið 1991, féll af þingi.
Vinstrihreyfingin – grænt framboð fékk 9,3% atkvæða og náði sínum
efsta manni inn, Ögmundi Jónassyni þingflokksformanni og sömu-
leiðis Framsóknarflokkurinn, sem fékk 11,3% atkvæða og Jónínu
Bjartmarz kjörna.
%)- 42.- &1

- 2.

- "#
-
4%-C
6 
 
432!
.0$H
0
0#
0 H
0
  8 8
1(  %( 
9: 8 $*;*
 &% 1(( 
(*' %  9:( 
1(+ $/<
; "
 8**'"
5% 1("
%2 >*  %2"
$ %  "
4

4



4

$


4

=

4

5 0
Þrír nýir alþingismenn
GEIR H. Haarde,
varaformaður Sjálf-
stæðisflokksins og
efsti maður á lista
flokksins í Reykja-
víkurkjördæmi suð-
ur segir gengi
flokksins í kosning-
unum hafa valdið
sér vissum vonbrigðum, þótt menn
hafi vitað að flokkurinn hafi siglt inn í
kosningabaráttuna í talsverðum mót-
byr. Hitt sé þó ljóst að ríkisstjórnin
hélt velli í kosningunum og stjórnar-
andstöðunni tókst ekki það ætlunar-
verk sitt að fella hana. „Ég held samt
að í þessari stöðu felist ýmis tækifæri
sem menn munu reyna að nýta á
næstu dögum,“ segir hann.
„Það er mjög ánægjulegt að þau
áform Samfylkingarinnar um að fella
ríkisstjórnina, koma Ingibjörgu Sól-
rúnu á þing og fella formann Fram-
sóknarflokksins skyldu ekki ganga
eftir. Mér finnst að Samfylkingin,
sem ætlaði sér að verða 40% flokkur,
geti ekki státað af mjög miklu. Síðan
eru búnar til nýjar viðmiðanir um
30% múr, sem er vitleysa, því ef lagð-
ar eru saman tölur þessara fjögurra
flokka og flokksbrota í gegnum tíðina
þá er yfirleitt um 30% að ræða.“
Geir H. Haarde
„Gengi
flokksins viss
vonbrigði“ „SÍÐUSTU tíð-
indin í morgun
[sunnudags-
morgun] voru auð-
vitað vonbrigði fyr-
ir okkur, en hvað
sem líður þróun-
inni á næstu dög-
um og vikum, þá er
þetta sannarlega sögulegur árang-
ur,“ segir Mörður Árnason, nýr
þingmaður Samfylkingar í Reykja-
víkurkjördæmi suður. „Við höfum
náð að búa til öflugan flokk til vinstri
við miðju, sem hefur svipaða burði
og jafnaðarflokkar annars staðar á
Norðurlöndum og í Vestur-Evrópu.
Núna lítum við stolt í kringum okkur
og til baka í söguna til allra þeirra
sem ruddu þessa braut.“
„Það er líka merkilegt, þegar
maður leggur saman niðurstöðu
Sjálfstæðisflokks og Framsóknar-
flokks, þá eru þetta þriðju verstu
samanlögðu úrslit þeirra í sögunni,
51,1%. Aðeins árið 1978 og 1987 hafa
þau verið verri. Bæði þau ár urðu
stjórnarskipti.“
Mörður Árnason
„Sögulegur
árangur“
„ÞETTA var sögu-
legur sigur Sam-
fylkingarinnar,
sem gaman var að
taka þátt í,“ segir
Ágúst Ólafur
Ágústsson, 26 ára
háskólanemi og
nýr þingmaður
Samfylkingarinnar í Reykjavíkur-
kjördæmi suður. Er hann með allra
yngstu þingmönnum og hlakkar til
að takast á við þingmannsstarfið,
strax að loknu námi í hagfræði og
lögfræði við HÍ í haust.
„Ég held að þetta verði skemmti-
legur starfsvettvangur og vonandi
lærir maður inn á hann eins og hvað
annað,“ segir hann. „Það var einnig
mjög ánægjulegt hvað ungt fólk lét
að sér kveða í þessum kosningum og
að ný kynslóð þingmanna sé risin
upp. Þar sem endurnýjun á Alþingi
er mikil tel ég að málefni ungs fólks,
s.s. mennta-, skatta- og húsnæðis-
mál, fái þar meiri hljómgrunn en áð-
ur.“
Ágúst Ólafur Ágústsson
„Sögulegur
sigur“
„MÉR finnst að
sjálfsögðu slæmt að
stjórnin skuli halda
velli, en hún hefur
nauman og þverr-
andi meirihluta á
bak við sig,“ segir
Ögmundur Jónas-
son þingflokks-
formaður Vinstri grænna. „Ég get þó
ekki annað en lýst vonbrigðum yfir
því að það skuli fækka í þingliði okk-
ar. Árni Steinar Jóhannsson verður
eftir sem áður varaþingmaður og við
munum reyna að nýta krafta hans.
Í þeim kjördæmum sem við höfð-
um ekki þingmenn var róðurinn erf-
iður, en sums staðar styrktum við
hins vegar stöðu okkar s.s. í Norð-
vesturkjördæmi, þar sem við jukum
fylgi okkar að mörgu leyti við erfiðar
aðstæður. Það allra besta er, að þrátt
fyrir kosningaúrslitin höfum við ver-
ið að styrkja innviði okkar hreyf-
ingar. Það eru komnir til liðs við okk-
ur fjöldi einstaklinga sem ég gef
mikið fyrir. Ég horfi því björtum
augum til framtíðar þótt róðurinn
verði erfiður. Við erum ekki á þeim
buxunum að gefast upp, heldur þvert
á móti munum við vinna vel á kom-
andi kjörtímabili, eins og við höfum
reyndar gert til þessa.“
Ögmundur Jónasson, VG
„Slæmt að
stjórnin haldi
velli“
„MÉR fannst við
vinna málefnalegan
sigur í þessum
kosningum með því
að sjávarútvegs-
málin urðu að meg-
inmáli kosninga-
baráttunnar,“ segir
Margrét Sverris-
dóttir efsti maður á lista Frjálsynda
flokksins í Reykjavíkurkjördæmi
suður. Hana vantaði 13 atkvæði upp á
á landsvísu til að ná kjöri. Frjálslyndi
flokkurinn náði því engum manni inn
í kjördæminu. „Þetta munaði ótrú-
lega litlu og urðu mér vissulega von-
brigði. Ég hef verið ötull talsmaður
flokksins í 5 ár og finnst verra að ná
ekki kjöri fyrir þessa tilviljun.“
Margrét Sverrisdóttir
„Unnum málefna-
legan sigur“
„ÞETTA er auðvitað mjög sögu-
legur sigur fyrir margra hluta sakir.
Í fyrsta lagi er þetta í fyrsta sinn í 70
ár sem annar flokkur en Sjálfstæð-
isflokkurinn fær yfir 30% fylgi,“ seg-
ir Jóhanna Sigurðardóttir efsti mað-
ur á lista Samfylk-
ingarinnar í
Reykjavíkur-
kjördæmi suður.
„Í annan stað er
þetta í fyrsta skipti
í langan tíma sem
möguleiki er á að
mynda tveggja
flokka ríkisstjórn án Sjálfstæðis-
flokks og í þriðja lagi hefur Samfylk-
ingin skipað sér á bekk með öðrum
jafnaðarmannaflokkum á Norður-
löndum. Formaður og forystumenn
Samfylkingarinnar hafa undirbyggt
þennan sigur mjög vel með sam-
hentri sveit frambjóðenda.
Sigurinn sýnir að fólk er að kalla
eftir breytingum. Vonbrigðin eru að
ekki skyldi takast að fella ríkis-
stjórnina og að Ingibjörg Sólrún
skyldi ekki ná kjöri.“
Jóhanna Sigurðardóttir
„Fólk er að
kalla eftir
breytingum“
Fellur út af þingi
„ÉG er ekkert
ósátt, það er líf fyr-
ir utan pólitíkina.
Ég hef verið 12 ár á
þingi og aldrei eins
lengi á sama stað,“
segir Lára Mar-
grét Ragnarsdóttir
6. maður Sjálfstæðisflokksins í
Reykjavíkurkjördæmi suður, sem
náði ekki endurkjöri. „Þetta kom
mér ekki á óvart, straumarnir voru í
þá veru að tími væri til kominn að
breyta breytinganna vegna.“
Hún kveður þingmannsferil sinn í
sátt og segir mikið hafa áunnist á sl.
tveimur kjörtímabilum. „Fyrsta
kjörtímabilið var mjög erfitt vegna
slæmrar stöðu í efnahagsmálum og
ég held að ungt fólk í dag átti sig
ekki á því hve alvarlegt ástandið var
þegar við tókum við árið 1991. Okkur
hefur tekist að halda stöðugleik-
anum og ég er stolt af að hafa átt
þátt í að breyta þjóðfélaginu jafn-
hratt og raun ber vitni.“
Lára Margrét Ragnarsdóttir
„Það er líf
fyrir utan
pólitíkina“
„ÉG get ekki neit-
að því að ég bjóst
við betra gengi
Sjálfstæðisflokks-
ins og mér fannst
að málefnastaða
flokksins, farsælt
starf hans í ríkis-
stjórn og öflug
kosningabarátta ættu að skapa for-
sendur fyrir betri árangri,“ segir
Birgir Ármannsson, nýr þingmaður
Sjálfstæðisflokks í Reykjavíkur-
kjördæmi suður. „Á hinn bóginn er
það mjög athyglisverð niðurstaða að
ríkisstjórnin skyldi halda velli og
það örugglega, því það hefur aðeins
einu sinni áður gerst að sama ríkis-
stjórnin hafi lifað lengur en tvö kjör-
tímabil. Árangurinn var mjög at-
hyglisverður í ljósi þess að mjög
hart var að ríkisstjórninni sótt.“
Birgir Ármannsson
„Mjög athyglis-
verður árangur“
„MIÐAÐ við stöð-
una í skoðanakönn-
unum fjórum vik-
um fyrir kjördag
held ég að við get-
um verið mjög
sátt,“ segir Jónína
Bjartmarz, efsti
maður á lista
Framsóknarflokks í Reykjavíkur-
kjördæmi suður, sem náði endur-
kjöri. Fylgi flokksins var 11,3% í
Rvk. suður, en 17,7% á landsvísu.
„Við höldum allt að því sama fylgi
og í síðustu kosningum og sama
þingmannafjölda. Við erum enn-
fremur að auka hlut okkar á höfuð-
borgarsvæðinu með því að fá þrjá
menn kjörna í Reykjavík í stað
tveggja áður,“ segir hún.
Að mati hennar er eðlilegast að
formenn stjórnarflokkanna tveggja
hefji nú viðræður um möguleika á
áframhaldandi stjórnarsamstarfi og
fyrir liggi að þeir óski eftir umboði
frá þingflokkum sínum til þess.
Jónína Bjartmarz
„Getum verið
mjög sátt“