Morgunblaðið - 12.05.2003, Blaðsíða 3

ÍÞRÓTTIR
MORGUNBLAÐIÐ MÁNUDAGUR 12. MAÍ 2003 B 3
BOCHUM, lið Þórðar Guðjónssonar, tryggði sér í gær
áframhaldandi sæti í þýsku 1. deildinni í knattspyrnu með
því að sigra Arminia Bielefeld á útivelli, 3:1. Bochum er þar
með sjö stigum á undan þriðja neðsta liðinu, Bayer Lever-
kusen, þegar tveimur umferðum er ólokið.
Þórður Guðjónsson var á meðal varamanna Bochum en
kom ekki við sögu. Hann hefur verið sparlega notaður í síð-
ustu leikjum vegna meiðsla, en leikið deyfður þegar á hefur
þurft að halda.
Eyjólfur Sverrisson kom ekki við sögu hjá Herthu Berlín
sem fékk skell heima, 3:6, gegn nýkrýndum meisturum
Bayern München. Giovane Elber skoraði þrennu fyrir Bæj-
ara í leiknum.
Dortmund vann Nürnberg, 4:1, og komst í annað sætið á
betri markatölu en Stuttgart sem tapaði heima fyrir Bre-
men, 0:1.
Bayer Leverkusen steinlá gegn Hamburger SV, 4:1, og
er í slæmri stöðu í þriðja neðsta sæti deildarinnar. Ljóst er
að Nürnberg fer niður með Cottbus en Kaiserslautern,
Hannover, Mönchengladbach, Rostock og Bielefeld eru öll í
fallhættu ásamt Leverkusen sem allt hefur gengið í mót á
þessari leiktíð. Fyrir ári síðan lék Leverkusen til úrslita í
Meistaradeild Evrópu og hafnaði í öðru sæti í þýsku 1.
deildinni.
Bochum bjarg-
aði sér frá falli
RÚNAR Kristinsson og Arnar Grétarsson skoruðu tvö
glæsileg mörk í gærkvöld þegar Lokeren tók á móti
nýkrýndum meisturum Club Brugge í belgísku 1. deild-
inni í knattspyrnu. Lokeren var lengi yfir, 2:1, en
meistararnir skoruðu fjórum sinnum á síðustu 18 mín-
útunum og sigruðu því, 5:2, í bráðfjörugum leik þar
sem bæði lið sýndu mjög góða knattspyrnu.
Rúnar skoraði fyrsta mark leiksins en hann lék þá
varnarmenn Club Brugge sundur og saman og skoraði
með fallegu skoti. Þrettánda mark hans í deildinni á
tímabilinu. Gestirnir jöfnuðu en Arnar skoraði, 2:1,
skömmu fyrir hlé með viðstöðulausu skoti eftir fallegan
samleik. Þetta var 18. mark Arnars í deildinni í vetur
en hann er nú markahæsti leikmaður Lokeren og sá
sjötti markahæsti í 1. deildinni.
Arnar Þór Viðarsson tók út leikbann hjá Lokeren og
Rúnar var fyrirliði liðsins í hans stað. Marel Baldvins-
son, sem átti að leika í fremstu víglínu, meiddist á
ökkla á æfingu á laugardaginn og gat því ekki leikið
með.
Glæsimörk
Rúnars og
Arnars ekki nóg
ÉG er mjög ánægður með þettanámskeið og Olsson hefur far-
ið yfir hlutverk markvarðarins
mjög gaumgæfilega,“ sagði Guð-
mundur Guðmundsson þjálfari ís-
lenska landsliðsins í handknattleik í
Digranesi í gær. „Ég hef að
minnsta kosti lært mjög mikið af
Olsson og sumt af því sem hann
hefur ljóstrað upp hefði verið gott
að vita á meðan maður var að leika
gegn honum með íslenska landslið-
inu,“ bætti Guðmundur við í léttum
tón.
Landsliðsþjálfarinn var á þeirri
skoðun að taka þyrfti þjálfun mark-
varða á Íslandi föstum tökum.
„Ég er ekki ánægður með mæt-
inguna hjá íslenskum meistara-
flokksþjálfurum á þetta námskeið
en er að sama skapi ánægður með
áhugann sem aðrir þjálfarar sýna
með því að mæta.“
Guðmundur var ekki í vafa um að
hlutverk markvarðarins á Íslandi
væri oft vanmetið. „Oftar en ekki
erum við ekki með „bestu“ íþrótta-
mennina í stöðu markvarðarins.
Það er ríkjandi hér á landi sem og
annarstaðar að þeir leikmenn sem
ná ekki fótfestu sem útileikmenn
eru „settir“ í markið. Það hefur
virkað vel í sumum tilvikum en ekki
öllum. Eins og Olsson segir þá telur
hann að markvörðurinn sé allt að
50% af styrkleika liða og það gefur
augaleið að þessi þáttur leiksins
verður að vera í lagi hjá liðum sem
ætla sér langt. Við þurfum að fara í
naflaskoðun á þessu sviði og HSÍ
mun á næstu vikum taka saman
námsefni og myndband frá þessu
námskeiði. Ég hef farið á mörg
námskeið á undanförnum árum á
erlendri grund og ég fullyrði að það
sem Olsson bauð uppá hér í Digra-
nesi er með því betra sem ég hef
séð,“ sagði Guðmundur.
Hugmyndin að komu Olsson
hingað til lands vaknaði eftir Evr-
ópumeistaramótið í handknattleik í
fyrir rúmu ári síðan þar sem ís-
lenska landsliðið hafnaði í fjórða
sæti. Eftir mótið var mikið rætt um
frammistöðu íslensku markvarðann
og hvað mætti gera til þess að Ís-
lendingar eignuðust fleiri mark-
verði á alþjóðlegum mælikvarða.
Alþýðusamband Íslands styrkti
landsliðið myndarlega að keppni
lokinni og var sá styrkur m.a. nýtt-
ur til að standa undir komu Olssons
sem er einn fremsti markvarða-
þjálfari heims.
„Hef
lært
mikið“
sínum niður á við gegn honum þar
sem hann sé svo hávaxinn. „Ég var
eini erlendi markvörðurinn á Spáni
er ég lék m.a. með Kristjáni Ara-
syni í liði Teka. Spænskir mark-
verðir eru frekar lágvaxnir og var
yfirleitt skotið uppi á markið gegn
þeim. Það skutu allir niðri á mig og
í sannleika sagt var það betra fyrir
mig. Ég hef aldrei verið „mjög“
góður í því að verja „uppi“ og í raun
hagnaðist ég á því að vera hávaxinn
og allir héldu að veika hliðin á mér
væri lág skot. Það var ekki rétt,“
sagði Olsson en hann hefur oftar en
ekki verið sá leikmaður sem kom í
veg fyrir að íslenska landsliðinu í
handknattleik tækist að leggja
sænska landsliðið að velli. En það
hefur enn ekki gerst.
Samvinna markvarðar og varnar
var Olsson ofarlega í huga. Ábyrgð-
in væri sameiginleg og fækka bæri
mistökum í varnarleiknum. „Mark-
vörður sem ver allt að 20 skot í leik
þarf ekki endilega að vera ánægður
með varnarleikinn. Leikmaður sem
sleppur í gegnum vörnina fer í gegn
af því að vörnin hefur gert mistök.
Samvinna varnar og markvarðar er
gríðarlega vanmetinn þáttur í hand-
knattleiknum enn í dag. Sem dæmi
má nefna að varnarmenn hætta oft
að elta leikmann sem er á leið í
hraðaupphlaup. Ég hef aldrei skilið
það. Ef leikmaðurinn heyrir í varn-
armanni sem er að elta hann fer
hann að leiða hugann að því, auk
þess sem hann á eftir að undirbúa
sig fyrir skotið. Þessi truflun hjálp-
ar markverðinum, auk þess sem
varnarmaðurinn getur breytt
hlaupaleið sóknarmannsins, minnk-
að skotgeirann sem hann hefur til
að vinna með og það eykur líkurnar
á því að markvörðurinn geti varið
skotið. Þetta er eitt lítið dæmi um
samvinnu varnar og sóknar en ég
verð alltaf reiður þegar ég sé varn-
armenn sem gefast upp og hlaupa
ekki á eftir sóknarmanni.“
„Eradze var góður í Viseu“
Eins og áður segir er Olsson í
starfi hjá landsliði Portúgals þar
sem hann stýrir þjálfun markvarða
liðsins. Liðin áttust við í riðlakeppni
heimsmeistaramótsins í Viseu í jan-
úar þar sem Íslendingar höfðu bet-
ur í æsispennandi leik, 29:28. Þar
voru það markverðir íslenska liðs-
ins, Guðmundur Hrafnkelsson og
Ronald Eradze, sem voru í aðal-
hlutverkum.
„Stöðugleiki er það sem landslið á
heimsmælikvarða leitar eftir hjá
markvörðum sínum. Þessi stöðug-
leiki var fyrir hendi á meðan ég var
leikmaður sænska landsliðsins og
þar vorum við ávallt tveir sem gerð-
um tilkall um sæti í byrjunarliðinu.
Ef annar náði sér ekki á strik var
ávallt skipt um markvörð. Í leik Ís-
lands og Portúgals í Viseu var það
markvörðurinn Eradze sem gerði
okkur lífið leitt. Hann kom inn á og
gjörbreytti leiknum íslenska liðinu í
hag. Það vita allir hve mikilvægur
markvörðurinn er í hverju liði en
það gengur aftur á móti illa hjá
þjálfurum á öllum stigum að vinna
betur með þjálfun markvarða. Og
skiptir þá engu hvort það er í yngri
flokkum á Íslandi eða í Portúgal,
eða í meistaraflokkum í þessum
löndum. Þessu vil ég breyta og er
vongóður um að það takist,“ sagði
Olsson.
ss að stöðva knöttinn,“ segir Mats Olsson, fyrrverandi landsliðsmarkvörður Svía
Morgunblaðið/Kristinn
Mats Olsson, fyrrverandi landsliðsmarkvörður Svía í handknattleik, upplýsti þátttakendur á námskeiði um helgina um galdurinn á
bak við góða markvörslu. Olsson er aðstoðarlandsliðsþjálfari Portúgals auk þess sem hann leiðbeinir víða á námskeiðum.
HELGI Sigurðsson tryggði Lyn
sinn fyrsta sigur í norsku úr-
valsdeildinni í knattspyrnu á
þessu tímabili þegar liðið lagði
Ålesund að velli, 2:1, í Ósló í
gær. Lyn, undir stjórn Teits
Þórðarsonar, hafði aðeins feng-
ið tvö stig í fyrstu fjórum leikj-
um sínum en skaust með sigr-
inum upp í 8. sæti deildarinnar.
Helgi skoraði markið á loka-
mínútu fyrri hálfleiks, af stuttu
færi eftir hornspyrnu. Hann og
Jóhann B. Guðmundsson léku
báðir allan leikinn með Lyn.
Meistarar Rosenborg héldu
áfram sigurgöngunni og unnu
Viking, 2:0, í Stavanger. Árni
Gautur Arason var varamark-
vörður hjá Rosenborg sem fyrr
en Hannes Þ. Sigurðsson spilaði
síðustu 8 mínúturnar með Vik-
ing.
Molde og Stabæk gerðu
markalaust jafntefli í gærkvöld
þar sem Tryggvi Guðmundsson
var nokkrum sinnum nærri því
að færa Stabæk öll stigin. Hann
spilaði allan leikinn en Ólafur
Stígsson lék síðasta korterið
með Molde. Bjarni Þorsteinsson
og Andri Sigþórsson voru ekki í
leikmannahópi Molde vegna
meiðsla.
Haraldur skorar enn
Haraldur Ingólfsson hélt
uppteknum hætti og skoraði
fyrir Raufoss gegn Start í 1.
deildinni í gær. Lið hans beið
þó lægri hlut, 1:3, en heldur
samt efsta sætinu með 12 stig
eftir að hafa unnið fjóra fyrstu
leikina. Haraldur hefur gert
fjögur mörk í þessum fimm
fyrstu leikjum á tímabilinu.
Helgi færði Teiti
fyrsta sigurinn