Morgunblaðið - 13.05.2003, Qupperneq 11

FRÉTTIR
MORGUNBLAÐIÐ ÞRIÐJUDAGUR 13. MAÍ 2003 11
VEIÐISKAPUR gengur vel í Litluá
í Kelduhverfi um þessar mundir og
mikið er af fiski að sögn leigutak-
anna, Pálma Gunnarssonar og Er-
lings Ingvasonar. Pálmi var að
koma úr ánni sl. föstudagskvöld og
fékk hann ásamt félögum sínum um
50 fiska og þar á undan voru menn
sem „gerðu það gott“ að sögn
Pálma.
Veiði hófst í ánni í kuldakastinu
mikla um mánaðamótin, en samt var
um 80 birtingum landað á þremur
dögum. Pálmi sagðist ekki vita ná-
kvæma tölu, en allir síðan hefðu
veitt nokkuð eftir því sem hann best
vissi og hefðu verið fiskar upp í 8-9
pund. „Það eru nokkrir hrikalega
stórir í ánni, ég er búinn að sjá þá,
en þeir hafa ekki tekið enn sem
komið er,“ bætti Pálmi við. Fyrir
helgi var lofthiti í Kelduhverfinu
orðinn talsverður og voru menn þá
að fá fiska allt niður í „minnstu yfir-
borðspöddur,“ að sögn Pálma, en
hefðbundnar straumflugur voru að
gefa í kaldara veðrinu.
Sjóbleikja að sýna sig
Frést hefur af sjóbleikjuskotum í
Lónsá á Langanesi og Breiðadalsá.
Menn sem voru í Lónsá um síðustu
helgi veiddu vel og fóru létt með sex
fiska kvótann á dag. Fiskur var að
jafnaði 2,5 pund og veiddist allur í
ósnum á fallaskiptunum. Sömu sögu
er að segja um Breiðdalsá, sjóbleikj-
an er farin að sveima inn og út úr
ósnum og um helgina voru menn að
reyna veiðiskap með góðum árangri.
Náðu fiskum allt að fjórum pundum.
ERU
ÞEIR AÐ
FÁ’ANN?
Guðjón Bjarnason með vænan fisk úr Vatnamótunum í Skaftá.
Líflegt
í Litluá
RAFÖRVUN tauga í gegnum húð
bætir marktækt sveifluna á milli
hvíldar og virkni hjá ofvirkum
börnum. Í rannsókn sem Sólveig
Jónsdóttir, sérfræðingur í klínískri
sálfræði, gerði ásamt hollenskum
starfsbræðrum var sú tilgáta sett
fram að rafstraumur hefði áhrif á
sveifluna milli hvíldar og virkni hjá
ofvirkum börnum. Frumniðurstöð-
ur leiða í ljós að verulega dregur
úr virkni barnanna á nóttunni.
Athyglisbrestur með ofvirkni er
algengasta taugageðröskun barna
og unglinga og greinist hjá um
helmingi þeirra sem koma til með-
ferðar á barna- og unglingageð-
deildum. Sólveig sagði að talið væri
að röskunin stafaði af skorti á örv-
un miðtaugakerfisins. Hún segir
rannsóknir hafa sýnt að ofvirk
börn hreyfa sig meira í svefni en
önnur börn.
Sólveig segir fyrri rannsóknir
hafa sýnt að taugaraförvun gegn-
um húð bæti sveifluna milli hvíldar
og virkni hjá Alzheimerssjúkling-
um. Verulega hafi dregið úr eirð-
arleysi á nóttunni og sjúkingar ver-
ið betur vakandi og virkari að
deginum.
Í rannsókn Sólveigar tóku 14
drengir á aldrinum 7–14 ára þátt
og voru þeir án lyfja. Fengu þeir
taugaraförvun tvisvar á dag í hálf-
tíma í senn í sex vikur.
Sólveig segir helstu niðurstöður
rannsóknarinnar vera þá að virkni-
mynstur frá degi til dags varð
stöðugra eftir meðferð og virkni-
sveiflan milli dags og nætur jókst
marktækt. Hélst þessi breyting sex
vikum eftir meðferð án framhalds-
meðferðar. Þá dró marktækt úr
hreyfivirkni drengjanna á nóttunni
en ekki var marktæk breyting á
hreyfivirkninni að degi til.
Sólveig benti á að rannsóknin
væri frumrannsókn og því þyrfti
fleiri og stærri rannsóknir til að
styðja niðurstöðurnar.
Dregur úr hreyfi-
virkni að nóttu til
Rannsókn á áhrifum taugaraförvunar á ofvirk börn
ALCOA og Fjarðabyggð héldu á
dögunum sameiginlegan kynningar-
fund fyrir fullu húsi af fólki í Val-
höll á Eskifirði þar sem Guðmund-
ur Bjarnason bæjarstjóri sagði frá
því að bæjarfélagið áformaði að
fjárfesta fyrir rúma 1,2 milljarða til
ársins 2010. Þar með eru ekki inni-
faldar þær 150 milljónir sem bæj-
arfélagið notar til fjárfestinga í ár.
Fundurinn var haldinn til þess að
kynna íbúum svæðisins fyrirhugað-
ar framkvæmdir og áhrif þeirra.
„Þetta var mjög uppbyggilegur
fundur og við erum ákveðin í að
halda svona fundi áfram til að upp-
lýsa fólk um það sem er að gerast,“
sagði Guðmundur.
Hann sagði jafnframt frá því að
reiknað væri með að 510 milljónir
rynnu til byggingar grunnskóla,
200 milljónir til byggingar íþrótta-
húss, 170 milljónir til byggingar
leikskóla og 170 milljónir til bygg-
ingar sundlaugar. Um 180 milljónir
fara síðan til annarra smærri verk-
efna.
Í forsendum áætlunarinnar er
gert ráð fyrir að íbúum fjölgi um
41% á árunum 2003 til 2010 og
verði þá orðnir 4.300. Á fundinum
kom einnig fram að sveitarfélagið
verður nokkuð skuldsett á næstu
árum en stórauknar tekjur þess
efla fjárfestingargetu. Trevor
Adams, framkvæmdastjóri Íslands-
verkefnisins ALCOA, og Wade
Huges ráðgjafi greindu að auki frá
starfsemi ALCOA á Íslandi á ár-
unum 2003 til 2007 og til lengri
framtíðar.
Áhrif fyrirhugaðs álvers Alcoa kynnt fyrir Austfirðingum
Fjarðabyggð fjárfestir fyrir rúm-
an milljarð króna til ársins 2010
Ljósmynd/Helgi Garðarsson
Frá vinstri: Wade Huges, Phillip Vogler, Trevor Adams, fyrir hönd Alcoa, og Guðmundur Bjarnason, bæjarstjóri
Fjarðabyggðar, kynntu álversframkvæmdir fyrir bæjarbúum.
UNNIÐ er að því að skólar í Reykja-
vík sem starfa fyrir nemendur með
geðrænan og félagslegan vanda
verði í vetur sameinaðir í einn skóla,
svokallaðan ráðgjafarskóla. Er þetta
gert að tillögu starfshóps sem
Fræðsluráð skipaði í fyrra til þess að
vinna að úrræðum fyrir þennan hóp
nemenda en þeir eru á fimmta tug.
„Við höfum lagt til að nokkrir skól-
ar verði sameinaðir undir einni
stjórn til þess að skapa yfirsýn og
samfelldara starf með þessum nem-
endahópi. Með þeim hætti yrði öll
þjónusta sérhæfðari og markvissari,
jafnframt því sem stofnuð yrði í sam-
ráði við félags- og heilbrigðisyfirvöld
ný deild fyrir nemendur í alvarlegum
fíkniefnavanda sem bíða úrlausnar á
sínum vanda,“ segir Arthur Morth-
ens forstöðumaður þjónustusviðs
Fræðslumiðstöðvar og fulltrúi í
starfshópnum. Skólarnir sem um
ræðir eru Einholtsskóli, Hlíðarhúsa-
skóli og skólinn við Dalbraut sem all-
ir hafa starfað með börnum sem eiga
við geðrænan eða félagslegan vanda
að stríða. Einnig mun skólinn þjón-
usta nemendur sem lagðir hafa verið
tímabundið inn á Stuðla og SÁÁ
vegna fíkniefnavanda eða á barna-
og unglingageðdeild vegna geðræns
vanda.
Æskilegt að skilja að
nemendahópa
Artur segir að skólinn muni taka
til starfa í nokkrum áföngum. „Hluti
af sameiningunni fer fram í haust,
meðal annars sameiginleg stjórn
Hlíðarhúsaskóla og Einholtsskóla
ásamt sameiginlegri ráðgjöf en aðrir
þættir ekki fyrr en að ári eftir nánari
viðræður við heilbrigðis- og félags-
málayfirvöld.“ Að sögn Arthurs er
gert ráð fyrir að fjórar deildir starfi
innan skólans, deild fyrir nemendur í
félags- og hegðunarvanda, deild fyr-
ir nemendur með alvarlegar geð-
raskanir, deild fyrir nemendur í
fíkniefnavanda og ráðgjafardeild
sem þjóni öðrum skólum. Hann segir
að ekki sé búið að finna húsnæði fyr-
ir skólann en gert sé ráð fyrir starfs-
semin verði dreifð að einhverju leyti,
meðal annars vegna þess að æskilegt
sé að halda ákveðnum hópum nem-
enda aðskildum.
Ráðgjafar-
skóli fyrir
nemendur
í vanda
LANDLÆKNISEMBÆTTIÐ
hefur staðið fyrir því að skilti
um upplýsingar vegna heil-
kennis alvarlegrar bráðrar
lungnabólgu, HABL, verði vel
sýnileg farþegum sem koma til
landsins.
„Við erum að reyna að gera
þau sýnilegri, skiltin með upp-
lýsingunum um það hvernig
fólk á að fylgjast með heilsu
sinni er það kemur frá þessum
stöðum,“ sagði Haraldur
Briem sóttvarnalæknir.
Hann sagði að búið væri að
stækka slík skilti á Keflavík-
urflugvelli, auk þess sem búið
væri að setja upp viðvaranir á
Seyðisfirði þar sem Norræna
kemur að landi, Egilsstöðum,
þar sem tekið er á móti far-
þegum frá Þýskalandi ásamt
Akureyri en þaðan er bæði
flogið til og frá Kaupmanna-
höfn.
Einnig eru flugfélögin með
upplýsingar um sjúkdóminn og
dreifa starfsmenn flugfélaga
þeim meðal farþega. Annars
sagði Haraldur stöðuna svip-
aða. „Það er sams konar við-
búnaður og verið hefur.“
Viðvaran-
ir gegn
HABL sett-
ar upp á
Seyðisfirði
ÁSTÞÓR Magnússon hefur tilkynnt
Héraðsdómi Reykjavíkur og ríkis-
lögreglustjóra að hann muni ekki
aftur mæta fyrir dóm í máli ríkislög-
reglustjóra gegn honum og hafnar
sem fyrr algjörlega að þiggja aðstoð
frá skipuðum verjanda. Ástþór er
ákærður fyrir að senda tilhæfulaus-
ar viðvaranir um yfirvofandi
sprengjutilræði til flugfélaga.
Guðjón St. Marteinsson héraðs-
dómari hefur ekki orðið við ítrek-
aðri beiðni Ástþórs um að hann fái
að verja sig sjálfur og skipaði Hilm-
ar Ingimundarson hrl. sem verj-
anda hans. Í afriti af bréfi til Hilm-
ars frá Ástþóri, sem sá síðarnefndi
sendi Morgunblaðinu, skorar Ást-
þór á Hilmar að gerast ekki verj-
andi hans gegn hans vilja og „kröft-
ugum mótmælum“ og áskilur sér
jafnframt rétt á að höfða mál til
miskabóta gegn „hverjum þeim lög-
manni sem misnotar stöðu sína með
því að gerast talsmaður hans eða
verjandi“.
Skylt að skipa verjanda
Í lögum um meðferð opinberra
mála segir að dómara sé skylt að
skipa verjanda þess sem ákærður er
í opinberu máli og aðalmeðferð fer
fram í máli hans, líkt og á við um
mál Ástþórs, nema ákærði hafi
sjálfur valið sér talsmann eða óski
eftir að flytja mál sitt sjálfur, enda
sé hann hæfur til þess að mati dóm-
ara.
Héraðsdómarinn telur að eins og
málið sé vaxið sé erfitt að leiðbeina
Ástþóri, sem er ólöglærður, á full-
nægjandi hátt án þess að dómarinn
blandist of mikið í sönnunarfærsl-
una. Einnig sé hætta á að slíkar að-
stæður kæmu upp sem séu til þess
fallnar að draga óhlutdrægni hans í
efa. Ástþór hafi ekki tilnefnt verj-
anda sjálfur og því rétt að skipa
honum verjanda.
Ástþór hefur þegar neitað sök í
málinu og er ekki skylt að tjá sig um
sakarefnið fyrir dómi.
Ástþór
Magnússon
kveðst ekki
mæta aftur
fyrir dómi