Morgunblaðið - 14.05.2003, Blaðsíða 2
2 B MIÐVIKUDAGUR 14. MAÍ 2003 MORGUNBLAÐIÐ
bílar
7/1999. Ssk., ekinn aðeins 36 þús. km. Innfl. nýr af Ræsi.
Hlaðinn öllum hugsanlegum búnaði; abs+spólvörn, leðri,
sóllúgu, álf. o.fl o.fl. Sjón er sögu ríkari. Ráðherravagn á
kostakjörum. Verð 6,6 milljónir.
Bílahöllin
Bíldshöfða 5
Sími 567 4949 - www.bilahollin.is
Mercedes Benz S500
Skortur á bifvélavirkj-
um og launaskrið
SKORTUR er á bifvélavirkjum til
starfa og stefnir í að aðeins fimm
verði útskrifaðir á þessu ári frá
Fræðslumiðstöð bílgreina. Af þess-
um sökum hafa laun bifvélavirkja
hækkað verulega. Á undanförnum
sex árum nemur meðaltalshækkun
launa bifvélavirkja um 58% en vísi-
tala neysluverðs hefur hækkað að
meðaltali á sama tíma um 27,2%. Þá
blasir við hætta á hnignun þessarar
starfsgreinar úti á landsbyggðinni,
að mati Egils Jóhannssonar, fram-
kvæmdastjóra Brimborgar.
„Hún er að verða mjög tækni-
vædd þessi grein og ákveðin kyn-
slóð, eldri menn, er að detta út.
Enskukunnátta er lykilatriði sem og
þekking á rafmagni. Þetta var aldrei
kennt í Iðnskólanum. Þjálfunar-
kostnaður hjá okkur hefur marg-
faldast undanfarin þrjú ár. Við erum
í gegnum Fræðslumiðstöð bílgreina
að kenna mönnum það sem Iðnskól-
inn átti að sjá um, þ.e.a.s. grunnnám
í rafmagni,“ segir Egill Jóhannsson
framkvæmdastjóri Brimborgar.
Verkstæði á landsbyggðinni
þrífast vart lengur
Hann segir að þjálfunar- og
kennslukostnaður bílaumboðanna
hafi stóraukist í takt við mikla
tæknivæðingu bíla og umboðin hafi
fjárfest í dýrum tækjabúnaði, s.s.
bilanagreinum og áskriftum að upp-
færslum frá framleiðendum.
„Verkstæði á landsbyggðinni þríf-
ast varla lengur. Þau eru mörg að
leggja upp laupana eða að staðna í
þessum hefðbundnu bremsuviðgerð-
um og þvílíku og komast ekki á það
svið viðgerða sem krefst meiri þekk-
ingar og tæknibúnaðar. Staðirnir
verða stöðugt fámennari og það er
einfaldlega ekki hægt að halda uppi
ákveðnu þjónustustigi. Það er verið
að koma með bilaða bíla utan af
landi til höfuðborgarinnar. Við
ákváðum að grípa til þess ráðs að
kaupa verkstæði á Akureyri og
sinna þjónustu við okkar viðskipta-
vini þar. Engu að síður hefur það
tekið okkur mörg ár að koma upp
nægum tæknibúnaði þar. Þar er
núna einn bilanagreinir fyrir Citr-
oën, annar fyrir Volvo, einn fyrir
Ford í Evrópu og önnur fyrir Ford í
Ameríku. Hver tölva kostar 650.000
kr. og upp í eina milljón. Síðan kost-
ar uppfærsla um 200–250.000 kr. á
ári.“
Þess verður þó að geta að mörg
önnur bílaumboð standa myndar-
lega að sinni verkstæðisþjónustu úti
á landi. Lýsing Egils á því frekar við
um sjálfstæð verkstæði.
Annað sem getur valdið erfiðleik-
um í rekstri verkstæða úti á lands-
byggðinni eru þjónustureglur sem
settar eru af Evrópusambandinu og
eru hluti af svokölluðum undan-
þágureglum. Þær eiga að taka gildi í
október 2003 og er því skammur
tími til stefnu ætli menn að uppfylla
þær kröfur sem sambandið gerir.
„Bílaframleiðendur eru að fara
fram á auknar kröfur til þjónustuað-
ilanna. Þeir þurfa að uppfylla kröfur
um tækja- og tölvubúnað, þjálfun
starfsmanna, aðbúnað á vinnustað
o.sv.frv. Þetta eru um 300 staðlar
sem þarf að uppfylla. Strangt til tek-
ið mega allir óska eftir því að gerast
þjónustuaðili en menn verða að upp-
fylla vissar kröfur.“
Honda Accord
fékk Stálstýrið
DV, FÍB-blaðið, Viðskiptablaðið og
Mótor stóðu fyrir vali á bíl ársins á
Íslandi í síðustu viku. Bílunum var
skipt upp í þrjá flokka, þ.e. smábíla
og minni millistærðarbíla, stærri fjöl-
skyldubíla og lúxusbíla og jeppa og
jepplinga.
Í flokki smábíla og minni milli-
stærðarbíla var Honda Jazz í 1. sæti,
Nissan Micra í 2. sæti og Renault
Mégane í 3. sæti.
Í flokki stærri fjölskyldubíla og
lúxusbíla sigraði Honda Accord en
í öðru sæti varð Mazda 6 og í 3.
sæti Toyota Avensis.
Í flokki jeppa og jepplinga varð
Porsche Cayenne í 1. sæti, VW
Touareg í 2. sæti og Volvo XC90
í 3. sæti.
Minni hagnaður
hjá VW
HAGNAÐUR Volkswagen-samstæð-
unnar var 202 milljónir evra, tæpir 17
milljarðar ÍSK, á fyrsta ársfjórðungi
2003. Þetta er 67,8% minni hagn-
aður en fyrir sama tímabil í fyrra. VW
sagði að afkoman væri í takt við vænt-
ingar og mætti um kenna miklum
kostnaði við nýjar bílgerðir og óhag-
stæðri gengisþróun.
VW segir að búast megi við mun
meiri hagnaði það sem eftir lifir ársins.
UPPHAFLEGA stóð til að ný
kynslóð VW Passat kæmi á mark-
að á næsta ári en því hefur verið
seinkað og verður hann ekki mark-
aðssettur fyrr en sumarið 2005. Og
menn mega vænta mikilla breyt-
inga, ekki einvörðungu hvað útlitið
varðar heldur jafnframt einnig alla
tækni. Bíllinn gengur undir vinnu-
heitinu PQ46 sem þýðir að bíllinn
verður með þverstæða vél (Plat-
form quer) og af sjöttu kynslóð.
Bíllinn verður framleiddur í þrem-
ur gerðum, þ.e. stallbakur sem
kemur á markað í apríl 2005, lang-
bakur kemur mánuði seinna og
Sharan fjölnotabíllinn kemur í
annarri kynslóð ári síðar og verður
hann hvorki þróaður né framleidd-
ur í samvinnu við Ford eins og nú-
verandi gerð.
Bylting í útliti
Ef marka má myndir sem Auto
Bild birti nýlega og VW hefur sagt
að séu ekki fjarri þeim bíl sem
verður markaðssettur 2005, er um
algera byltingu í útliti að ræða.
Bíllinn verður með nýju andliti;
krómgrilli og framlugtum sem
sýna nýjan VW-svip komandi ár-
gerða. Ennþá eru krómlistar á
hliðum og í kringum hliðarrúður
og stefnuljós komin á neðanverða
hliðarspeglana eins og á Touareg-
jeppanum.
Með nýju grilli og fram-
lugtum fer 6. kynslóð Passat ná-
lægt Phaeton-lúxusbílnum í útliti
Sjötta
kynslóð
VW Passat
Langbakurinn fær líka nýjan svip.
Mýkri línur en áður og ennþá mikið króm.
Stóraukinn
hagnaður Mazda
MAZDA tilkynnti í byrjun vikunnar
að árlegur hagnaður fyrirtækisins
hafði aukist um 77,4%. Mazda
þakkar þetta miklu kostnaðaraðhaldi
og góðri sölu á bílum í Evrópu. Fyr-
irtækið væntir bestu afkomu sinnar
í meira en áratug á yfirstandandi
fjárhagsári.
Mazda skýrði frá því að hagnaður
fyrirtækisins fyrir síðasta fjárhagsár,
sem endaði 31. mars sl., hefði verið
50,66 milljarðar jena, sem eru rúm-
ir 31,5 milljarðar ÍSK.
Salan á árinu jókst um 12,9%.