Morgunblaðið - 14.05.2003, Blaðsíða 4

4 B MIÐVIKUDAGUR 14. MAÍ 2003 MORGUNBLAÐIÐ
bílar
Notu› atvinnutæki
og fólksbílar
Smelltu flér á sölutorgi›!
Á vef Glitnis er a› finna til sölu: Nota›a fólksbíla og
atvinnutæki s.s. atvinnubifrei›ar, vinnuvélar,
i›na›arvélar, skrifstofu- og tölvubúna›.
fiar eru ítarlegar uppl‡singar og myndir, auk fless sem
hægt er a› reikna út grei›slubyr›i lána og senda tilbo›.
Kíktu á www.glitnir.is og sko›a›u frambo›i›!
H
V
ÍT
A
H
Ú
S
IÐ
/
S
ÍA
– h lut i a f Í s landsbanka

K i r k j u s a n d i 1 5 5 R e y k j a v í k g l i t n i r . i s s í m i 4 4 0 4 4 0 0

SUBARU Impreza er kominn á
markað með lítilsháttar útlitsbreyt-
ingu. Farnar eru kringlóttu fram-
lugtirnar og komnar mun stærri
lugtir sem ná langt upp á bretti og
vélarhlíf og önnur umgjörð í kring-
um stór þokuljósin sem felld eru
neðarlega inn í stóran stuðarann.
Þá er loftinntakið neðan grillsins
stórt og saman setur þetta krafta-
legan svip á bílinn. Impreza hefur
samt aldrei snúist um ytra útlit eða
stíl og Subaru virðist reyndar hafa
átt í erfiðleikum með þennan þátt
bílsins. Kringlóttu lugtirnar voru
t.a.m. ekki nema í tvö ár á Impreza
sem er skammur líftími á bíl. Þessi
bíll snýst um allt aðra hluti; þ.e.
undirvagn, drifrás og aflrás og þar
liggur sérstaða hans.
Subaru Impreza hefur frá upphafi
haft töluverða sérstöðu á bílamark-
aðnum. Þetta er fólksbíll í minni
millistærðarflokki en fæst einvörð-
ungu með sítengdu fjórhjóladrifi –
formúla sem virðist henta vel hér á
landi miðað við viðtökur sem hafa í
gegnum tíðina verið góðar. Subaru
hefur það líka með sér að hafa orð
á sér fyrir að vera áreiðanlegur og
tiltölulega bilanafrír bíll og hann er
góður í endursölu. Hann er reynd-
ar nokkuð dýrari en fólksbílar af
svipaðri stærð en það helgast að
sjálfsögðu af fjórhjóladrifinu og
aflmikilli 2ja lítra vélinni.
Það trekkir líka eflaust yngri
kaupendur að bílnum að hann er
seldur í WRX og WRX STi-út-
gáfum og er þar um hreinræktaða
sportbíla með ralltakta að ræða,
225 og 265 hestafla.
Við prófuðum á dögunum fimm
dyra hlaðbakinn með 2ja lítra vél-
inni.
Breyttur framsvipur
Framsvipur bílsins er orðinn
miklu freklegri eftir breytingarnar.
Auk nýrra lugta hefur grillið
stækkað og komið í það krómrönd.
Sömuleiðis eru ný brot í vélarhlíf-
inni sem helgast af lögun framljós-
anna sem líkjast núna meira fram-
ljósum Legacy.
Breytingarnar eru ekki jafn
markverðar að innan enda var
bílnum talsvert breytt að innan
þegar síðast voru gerðar breyt-
ingar á honum. Hann er enn með
sömu íturhönnuðu sportsætin sem
minna á glæsta sögu Subaru í rall-
keppnum. Sætin eru þröng og um-
lykja ökumanninn og farþega í
framsæti. Ökumaðurinn er sem
reyrður í sætið við aksturinn.
Kostirnir eru augljósir; ökumaður
haggast ekki þótt hann fleygi bíln-
um sitt á hvað í krappar beygjur,
en ókosturinn getur verið sá að
erfitt er fyrir stirðbusa að setjast
inn í bílinn og koma sér út úr hon-
um.
Mælaborð er nánast óbreytt frá
fyrri gerð. Það er dálítið andleysi
yfir hönnuninni og enn sem fyrr
mikill plastkeimur yfir öllu. Nytja-
stefnan er því ennþá allsráðandi
hjá hönnuðum Sub-
aru – heildarsvip-
urinn fremur
óspennandi en um
leið praktískur.
Þarna mætti Sub-
aru að ósekju taka
sig á og B11S hug-
myndabíllinn, sem
fyrirtækið sýndi á
sýningunni í Genf í
mars, lofar vissu-
lega góðu.
Góður akstursbíll
Stóru kostir
Impreza eru sjálfur
aksturinn. Þetta er skemmtilegur
akstursbíll, jafnvel án forþjöppunn-
ar, sérstaklega þar sem reynir á
undirvagninn og fjórhjóladrifið.
Tveggja lítra boxer-vélin er með
annan hljóm en aðrar vélar og hún
er spræk og togmikil en vissulega
nokkuð hávær. Aksturinn er fyrir
vikið sportlegur, sérstaklega í
beinskipta bílnum. Fjórhjóladrifið
gerir bílinn rásfastan og veggripið
er traustvekjandi við allar aðstæð-
ur. Stýrið svarar vel og er til-
tölulega létt og bíllinn er með öfl-
ugu diskahemlakerfi; 16 tommum
að framan og 15 tommum að aftan
og loftkælingu.
Tilfinningin við aksturinn er sú
að maður treystir þessum bíl við
flestar aðstæður. Við aðstæður þar
sem öðrum bílum er ekið af nær-
gætni og varúð leyfir maður sér að
aka Impreza með öðrum hætti –
þar munar ekki minnstu um sí-
tengt fjórhjóladrifið.
Hlaðbakurinn var prófaður með
fjögurra þrepa sjálfskiptingu.
Þetta er ágætlega samstillt sjálf-
skipting en gefur ökumanni ekki
kost á að nýta sér til fullnustu
skemmtilega vinnslu boxer-vélar-
innar sem er í essinu sínu við háan
snúning. Vélin er þverstæð í vél-
arrýminu og liggur afar lágt sem
stuðlar að lægri þyngdarpunkti
sem aftur eykur rásfestu bílsins.
Þegar skoðað er í vélarrýmið
bregður sumum í brún því þarna
er ekki verið að pakka vélinni inn í
plasthlífar; allt er galopið. Und-
irritaður er þó þeirrar skoðunar að
bíllinn er skemmtilegri handskipt-
ur og karakter bílsins býður upp á
slíka skiptingu. Það er nefnilega
hægt að hafa gaman af því að
keyra bílinn því það krefst fullrar
þátttöku ökumannsins.
Subaru Impreza GX 2,0 kostar
2.280.000 krónur í hlaðbaksgerð-
inni og með sjálfskiptingu. Þetta er
hærra verð en fyrir flesta aðra
fólksbíla svipaðrar stærðar en með
í kaupunum fylgir sítengt fjór-
hjóladrif og mikið jafnvægi í und-
irvagni ásamt 2ja lítra, 125 hestafla
vél.
REYNSLUAKSTUR
Subaru Impreza 2,0 GX
Guðjón Guðmundsson
Hliðarrúður sem fyrr rammalausar.
Hart plast og praktískur svipur.
Morgunblaðið/Jim Smart
Nýjar framlugtir og grill fríska upp á Impreza.
Fjórhjóladrifinn og rásviss
gugu@mbl.is
Vél: 1.994 rúmsentimetr-
ar, 4 strokkar, 16 ventlar.
Afl: 125 hestöfl við 5.600
snúninga á mínútu.
Tog: 184 Nm við 3.600
snúninga á mínútu.
Drif: Sítengt aldrif.
Gírkassi: Fjögurra þrepa
sjálfskipting.
Hámarkshraði: 185 km/
klst.
Hröðun: 10,2 sekúndur úr
kyrrstöðu í 100 km.
Lengd: 4.415 mm.
Breidd: 1.695 mm.
Hæð: 1.485 mm.
Eigin þyngd: 1.330 kg.
Verð: 2.280.000 kr.
Umboð: Ingvar Helgason hf.
Subaru Impreza
2,0 GX
Hlaðbakurinn er notadrjúgur hvað varðar farangurs-
geymslu og aðgengi.