Morgunblaðið - 15.05.2003, Blaðsíða 11

MORGUNBLAÐIÐ FIMMTUDAGUR 15. MAÍ 2003 B 11















































































































NFRÉTTIR SAMTÖK auglýsenda, SAU,
telja starfsemi birtingahúsa vera
mikið framfaraskref. Með því sé
verið að skilja á milli auglýsinga-
gerðar og birtingaráðgjafar. Nú
geti auglýsendur valið að skipta
við þá auglýsingastofu og birtinga-
ráðgjöf sem þeir kjósa í stað þess
að þurfa að skipta við sama að-
ilann á báðum sviðum.
Í síðustu viku var greint frá því
í Morgunblaðinu að Búnaðarbanki
Íslands hefði samið við Birtinga-
húsið um birtingaráðgjöf og kaup
á auglýsingabirtingum. Í samn-
ingnum felst að Búnaðarbankinn
fær aðgang að ráðgjöf um kaup á
auglýsingabirtingum sem er alger-
lega óháð sölu og framleiðslu aug-
lýsinga. Í frétt frá Búnaðarbank-
anum og Birtingahúsinu kom fram
að þetta fyrirkomulag er nýtt á Ís-
landi, en hingað til hafa auglýs-
ingastofur og fyrirtæki, sem ann-
ast auglýsingaráðgjöf, fengið
greitt fyrir þjónustu sína sem hlut-
fall af auglýsingasölu.
Komin samkeppni í ráðgjöf
Að sögn Sigurðar Gunnlaugssonar,
stjórnarmanns í SAU, fagna sam-
tökin þessari breytingu. Einokun
auglýsingastofa, sem eru aðilar að
SÍA, á aðgangi að fjölmiðlagögn-
um og þar um leið birtingafor-
ritum, hafi verið rofin með tilkomu
Birtingahússins árið 2000. „Með
tilkomu birtingahúsanna, sem nú
eru fjögur á markaðnum, skap-
aðist samkeppni í birtingaráðgjöf-
inni. Áður var ekki hægt að eiga
viðskipti við þá aðila sem buðu upp
á það besta í hvoru fyrir sig, held-
ur voru auglýsendur tilneyddir að
skipta við einn og sama aðilann,“
segir Sigurður.
Greiðsla ótengd birtingum
Að hans sögn fékk birtingaráðgjöf
litla athygli á auglýsingastofunum
fyrir aðskilnaðinn sem aftur leiddi
til þess að fagleg uppbygging í
þeim geira var lítil sem engin.
„Enn ein framförin fyrir auglýs-
endur er að núna er greiðsla fyrir
birtingaráðgjöf ekki lengur tengd
við þá fjárhæð sem birt er fyrir.
Heldur er samið um ákveðna
greiðslu fyrir ráðgjöfina burtséð
frá því hve mikið er auglýst.
Það þýðir að sá sem veitir ráð-
gjöfina byrjar ekki á því að spyrja
að því fyrir hvað mikið þú ætlar að
auglýsa heldur byrjar á því að
setja fram dekkunar- og tíðni-
markmið gagnvart markhópnum
og reynir að lágmarka kostnaðinn
við að ná til hans.Við teljum að það
sé stórt skref fyrir auglýsendur að
geta skilið þarna á milli og geta
valið bestu auglýsingastofuna og
bestu birtingaráðgjöfina. Sem ekki
er alltaf sami aðilinn,“ segir Sig-
urður.
Hann bætir við að ljóst sé að
þeir sem bjuggu við einokunar-
aðstöðu geti átt erfitt með að fóta
sig í samkeppninni.
Í Morgunblaðinu í síðustu viku
var haft eftir Helga Helgasyni hjá
auglýsingastofunni Góðu fólki að
tilkoma Birtingahússins yki sam-
keppni á auglýsingamarkaði. Helgi
segir að Gott fólk sé bæði með við-
skiptavini sem skipta við Birtinga-
húsið sem og viðskiptavini sem
stofan annast birtingu fyrir. Meiri
líkur séu á því að vandamál komi
upp þegar auglýsingagerðin ann-
ars vegar og birtingarnar hins
vegar sé aðskilið. Þeir sem starfi
við birtingar komi oft að þeirri
hugmyndavinnu sem fram fari á
auglýsingastofunni, en nálægðin í
þessum efnum sé mikilvæg. Þessi
breyting á auglýsingamarkaði sé
því að hans mati ekki til bóta.
Hallur A. Baldursson, fram-
kvæmdastjóri auglýsingastofunnar
Nonna og Manna/Yddu, sagði í
sömu frétt að aðgreining milli aug-
lýsingagerðar og birtinga auglýs-
inga væri mikil afturför. Heild-
arsýnin sem auglýsingastofurnar
hefðu væri mikilvæg í auglýsinga-
starfinu fyrir viðskiptavini stof-
anna, þ.e. mótun stefnu í markaðs-
og kynningarmálum, hugmynda-
vinnan og ekki síst framkvæmd
herferðarinnar sem felst meðal
annars í markvissri dreifingu eða
birtingu auglýsinga.
Birtingahúsin
framfaraskref
HAGNAÐUR Þorbjarnar Fiska-
ness hf. nam 350 milljónum króna
fyrstu þrjá mánuði ársins, sem er 30
% af tekjum tímabilsins.
Á sama tímabili í fyrra var hagn-
aðurinn 479 milljónir króna.
Gengishagnaður tímabilsins var
um 185 milljónir, en var 223 milljónir
á sama tímabili í fyrra. Heildar-
skuldir að frádregnum veltufjár-
munum, hafa lækkað frá sl. áramót-
um um kr. 374 milljónir.
Rekstrartekjur tímabilsins voru
1.165 milljónir, en voru kr. 1.548
milljónir árið á undan. Hagnaður
fyrir afskriftir og fjármagnsliði nam
314 milljónum kr. sem er 27% af
tekjum en var fyrir sama tímabil árið
á undan 516 eða 33% af tekjum.
„Meginástæður fyrir lækkun á fram-
legð í hlutfalli við tekjur samanborið
við sama tímabil sl. árs má, auk
áhrifa gengisbreytinga, einkum
rekja til þess að hráefniskostnaður í
landvinnslu hefur aukist verulega á
milli ára, sem hlutfall af tekjum, þá
varð loðnuvertíð mun styttri, og
minna magn veitt en á sama tíma sl.
ár. Aðrar tekjur koma til vegna sölu-
hagnaðar af hlutabréfum í SH hf. og
Fiskmarkaði Suðurnesja hf.,“ að því
er segir í tilkynningu til Kauphallar
Íslands.
Veltufé frá rekstri var 344 millj-
ónir króna eða 30 % af tekjum, en var
á sama tímabili sl. árs 465 milljónir
eða 30% af tekjum. Eiginfjárhlutfall
hefur hækkað frá sl. áramótum úr
31% í 34% eða um kr. 387 milljónir og
var arðsemi eiginfjár á tímabilinu
48%. „Líkur eru á að rekstur ársins
2003 verði í meðallagi, til lengri tíma
litið. Sterk staða íslensku krónunnar
hefur verulega tekjulækkandi áhrif á
sjávarútvegsfyrirtæki, eins og alla
aðra útflutningsstarfsemi, og kemur
það mjög fram í þessu árshlutaupp-
gjöri. Kostnaður við reksturinn hef-
ur ekki lækkað að sama skapi og má
þar nefna að hráefniskostnaður
landvinnslu hefur hækkað verulega
og veldur áhyggjum hvernig horfir
hvað það varðar. Þá hefur launa-
kostnaður hækkað í landvinnslu.
Markaðir fyrir afurðir fyrirtækisins
hafa verið í lagi varðandi eftirspurn,
og afurðir selst jafnóðum. Verð á bol-
fiskafurðum hefur þó heldur verið að
lækka að undanförnu í erlendri
mynt,“ að því er segir í tilkynningu.
Hagnaður Þorbjarnar
Fiskaness 350 milljónir
Mjólkursamsalan hefur
tekið í notkun SAP X-press-
mannauðslausn frá Hugbún-
aðarlausnum Nýherja. Lausn-
inni er ætlað að mæta aukn-
um kröfum Mjólkursam-
sölunnar til starfsmanna- og
starfsþróunarmála. Innleiðing
lausnarinnar var unnin sam-
kvæmt skilgreindum verk-
ferlum sem SAP-deild Ný-
herja hefur sett og stóðst
allar tímaáætlanir, að því er
segir í fréttatilkynningu frá
Nýherja. SAP X-press HR
felur í sér samþætta starfs-
mannalausn, skipulagsheild,
ráðningarlausn, stimpil-
klukku, starfsþróunarlausn
og fleira. Lausnin heldur
þannig utan um allar starfs-
mannaupplýsingar á einum
stað.
Mjólkur-
samsalan
með SAP