Morgunblaðið - 16.05.2003, Blaðsíða 8
8 B FÖSTUDAGUR 16. MAÍ 2003 MORGUNBLAÐIÐ
AUÐLESIÐEFNI
MANDARÍN-ÖND fannst í
Bolungarvík í vikunni, en áður
hafa mandarín-andarhjón
sést í Súgandafirði.
Finnbogi Bernódusson
fann mandarín-öndina inni í
búri hjá sér og kom henni á
Náttúru-gripasafnið í
Bolungarvík. Ekki sá á henni
en hugsanlega er um karlinn
frá Súgandafirði að ræða.
Mandarín-endur eru
ættaðar frá Asíu. Þær voru
fluttar til Evrópu til að hafa
sem skraut í skrúð-görðum
en mandarín-endur verpa í
trjám. Þessi önd er minni en
stokkönd, en stærri en
algengar andar-tegundir
hérlendis.
Morgunblaðið/Halldór Sveinbjörnsson
Finnbogi Bernódusson frá Bolungarvík með mandarínöndina.
Mandarínönd
í Bolungarvík
HAUKAR eru svo sannarlega
með besta handknattleiks-lið
landsins í karla-flokki, á því
leikur enginn vafi. Haukar
innsigluðu á þriðjudag sinn
þriðja Íslandsmeistara-titil á
fjórum árum. Lögðu þeir
ÍR-inga í þriðja sinn í fjórum
viður-eignum liðanna í
úrslita-keppninni um
Íslandsmeistara-titilinn í
Austur-bergi, 33:25.
Nokkur spenna var í
troðfullu íþrótta-húsinu þegar
flautað var til leiks. En
ÍR-ingar urðu að vinna til að
geta tryggt sér odda-leik í
rimmunni. Viggó
Sigurðsson, þjálfari Hauka,
var hins vegar búinn að lýsa
því yfir að hann ætlaði ekki
að fara með lið sitt í fimmta
leikinn. Greinilegt var að
Haukar voru þjálfara sínum
sammála í einu og öllu þegar
leikurinn hófst.
Viggó lét í veðri vaka í
sigur-látum Hauka að hann
kynni að láta af störfum. Í
gær sagði hann hins vegar:
„Ég neita því ekki að maður
er orðinn ansi lúinn eftir
ellefu mánaða tíma-bil.
Þegar ég er búinn að fá góða
hvíld og spila nokkra
golf-hringi er líklegast að ég
taki eitt ár til viðbótar með
Haukunum.“
Morgunblaðið/Árni Torfason
Halldór Ingólfsson, fyrirliði Hauka, og Aron Kristjánsson með
Íslandsbikarinn. Aron lék sinn síðasta leik með Haukum að
sinni, þar sem hann er á förum til Danmerkur.
Lið Hauka
Íslandsmeistarar
Netfang: auefni@mbl.is
DAVÍÐ Oddsson,
forsætis-ráðherra, og Halldór
Ásgrímsson,
utanríkis-ráðherra, hafa verið
í viðræðum um nýja
stjórnar-myndun undanfarna
daga eftir að ríkisstjórnin hélt
velli í kosningum til alþingis
sem fram fóru á laugardag.
Stjórnar-flokkarnir hlutu
samtals 34 þingmenn af 63
og 51,4% atkvæða.
Sjálfstæðis-flokkurinn fékk
33,7% atkvæða og 22
þingmenn kjörna, en tapaði
fjórum mönnum frá
kosningunum 1999.
Framsóknar-flokkurinn fékk
17,7% atkvæða og 12
þingmenn eins og síðast.
Samfylkingin fékk 31%
atkvæða og 20 þingmenn en
var áður með 17 þingmenn.
Vinstri-hreyfingin – grænt
framboð fékk 8,8% atkvæða
og fimm þingmenn, en hafði
áður sex menn á þingi.
Frjálslyndi flokkurinn fékk
7,4% og fjóra menn en hafði
áður tvo þingmenn.
Viðræður flokkanna um
áframhaldandi
stjórnar-samstarf ganga vel.
Formenn flokkanna vonast til
að línurnar í viðræðunum
verði farnar að skýrast um
helgina.
Morgunblaðið/Sverrir
Halldór Ásgrímsson, utanríkisráðherra og formaður Framsókn-
arflokksins, og Davíð Oddsson, forsætisráðherra og formaður
Sjálfstæðisflokksins, koma af fundi sínum á sunnudag.
Viðræður um áframhald-
andi stjórnarsamstarf
Ríkisstjórnin hélt velli í alþingis-kosningunum
KVIKMYNDA-HÁTÍÐIN í
Cannes í Frakklandi hófst á
miðvikudaginn. Þetta er í 56.
sinn, sem þessi virta hátíð er
haldin. Hátíðin laðar að sér
þúsundir blaðamanna og
kvikmyndagerðar-fólks á ári
hverju.
Opnunarmynd hátíðarinnar
er að þessu sinni franska
kvikmyndin Fanfan la tulipe. Í
aðal-hlutverkum eru
Penélope Cruz og Vincent
Perez. Myndin er endurgerð á
vinsælli franskri mynd frá
árinu 1952. Þá léku Gérard
Philipe og Gina Lollobrigida
aðalhlutverkin.
Hátíðinni lýkur 25. maí en
þá verður Gull-pálminn frægi
afhentur.
Morgunblaðið/Halldór Kolbeins
Penélope Cruz við opnunina.
Stjörnu-
hátíð í
Cannes
AÐ minnsta kosti 34 fórust
þegar hryðjuverk var framið í
borginni Riyadh í Sádi-Arabíu á
þriðjudag. Talið er að 15
hryðjuverka-menn hafi verið
þar að verki. Þeir óku bílum á
þrjár byggingar þar sem
einkum bjuggu útlendingar. Í
bílunum var sprengiefni.
Mennirnir dóu allir í árásinni.
Sagt er að þeir hafi allir verið
frá Sádi-Arabíu.
Talið er að morðingjarnir
hafi tengst al-Qaeda,
hryðjuverka-samtökum
Osama bin Laden. En það var
bin Laden sem stóð fyrir
árásunum á Bandaríkin 11.
september 2001.
Margir þjóð-höfðingjar
fordæmdu hryðjuverkið.
George Bush
Bandaríkjaforseti sagði
árásina sýna að stríðinu gegn
hryðjuverkum væri ekki lokið.
Sagði hann að
Bandaríkjamenn myndu áfram
berjast gegn
hryðjuverka-mönnum.
Hryðjuverk í Tétsníu
Tvö hryðjuverk voru framin í
Tétsníu í Rússlandi í vikunni. Í
því fyrra, sem framið var á
mánudag, fórust 54. Þá var
vörubíl ekið á opinbera
byggingu í bæ í norður-hluta
landsins. Í bílnum var mikið
magn af sprengiefni.
Síðara hryðjuverkið var
framið á miðvikudag. Þá
sprengdu tvær konur sig í loft
upp og myrtu að minnsta kosti
14 manns í bæ í austur-hluta
landsins. Margir þeirra sem
dóu voru aldrað fólk sem sótt
hafði trúar-samkomu. Talið er
konurnar hafi ætlað að myrða
fulltrúa Rússlands í héraðinu.
Margir telja að al-Qaeda hafi
líka verið að verki í Tétsníu.
Í Tétsníu búa Tétsenar.
Margir þeirra vilja losna undan
Rússlandi og stofna sjálfstætt
ríki. Vegna þessa hefur verið
barist árum saman í héraðinu.
Bardagarnir hafa kostað fjölda
manns lífið.
Hryðjuverk í Sádi-Arabíu
AP
Fólk virðir fyrir sér rústirnar
eftir hryðjuverkin í Riyadh í
Sádi-Arabíu.