Morgunblaðið - 18.05.2003, Blaðsíða 50

50 SUNNUDAGUR 18. MAÍ 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÉG er faðir sjö ára drengs í fyrsta
bekk í Foldaskóla. Fimmtudaginn
15. maí kom minn maður heim úr
skólanum um kl. 16 og tilkynnti mér
að fyrir dyrum stæði danssýning
nemenda, allir væru velkomnir og
sýningin hæfist kl. 23:30. Hann var
reyndar ekki alveg klár á dagsetn-
ingunni. Allt fannst mér þetta heldur
á reiki en komst að því í símtali við
starfsmann skólans að danssýningin
átti að vera kl. 17:00 þennan sama
dag en ekki hálftíma fyrir miðnætti
ótiltekins dags einsog minn maður
vildi meina.
Ég fór með syni mínum á danssýn-
inguna. Og skemmti mér afskaplega
vel og sá að sama máli gegndi um
alla þá sem þarna voru, börn, for-
eldra og aðra aðstandendur. Þeir
fullorðnu nutu leiðsagnar barnanna í
dansinum áður en yfir lauk og sýnd-
ist mér ekki af veita í mörgum til-
vikum.
Þessi eina klukkustund sem ég
varði í Foldaskóla þennan dag færði
mér heim sanninn um það að dans-
kennsla á heima sem hluti af skyldu-
námi í öllum grunnskólum landsins.
Alla langar til þess að dansa og öllum
finnst gaman að dansa sem það
kunna. Og dansinn hefur ómetanleg
forvarnaráhrif hvað áfengi og önnur
vímuefni varðar. Þau ungmenni sem
læra í bernsku að dans sé eðlilegur
og sjálfsagður þáttur af lífinu, munu
síður leita á náðir aukaefna til að
bjóða draumadísinni eða drauma-
prinsinum upp í dans. Og við sem
eldri erum en tvævetur, vitum hvað
slíkt boð getur verið hrikalega mikið
mál, ekki síst þegar maður kann ekki
einu sinni að dansa.
Ég færi forsvarsmönnum Folda-
skóla bestu þakkir fyrir að kynna
dansinn sem eðlilegan hluta af
grunnnámi hvers barns. Jafnframt
hvet ég alla þá sem einhverju ráða
um skólamál í okkar landi til að fara
að fordæmi Foldaskóla í þessu efni.
Sérstaklega leyfi ég mér að biðja
ráðherra menntamála að færa dans-
inn upp að hlið lestrar, skriftar og
reiknings. Öll langar okkur jú til að
verða boðið upp í dans.
GÍSLI HEIMISSON,
Hverafold 31, Reykjavík.
Í Foldaskóla er dansað
til fyrirmyndar
Frá Gísla Heimissyni
ÁTTUNDA maí síðastliðinn var
haldinn fundur í þröngri og loftlausri
kaffistofu Sinfóníuhljómsveitar Ís-
lands með fulltrú-
um stjórnmála-
flokka. Þar voru
fyrir hönd sinna
flokka mættir frá
Frjálslynda
flokknum: Sigurð-
ur Ingi Jónsson,
Gísli Helgason og
Kolbeinn Már
Guðjónsson,
Framsóknar-
flokknum: Björn Ingi Hrafnsson,
Nýju Afli: Guðmundur G. Þórarins-
son , Samfylkingunni: Ingibjörg Sól-
rún Gísladóttir, Sjálfstæðisflokknum:
Katrín Fjeldsted og Vinstri grænum:
Kolbrún Halldórsdóttir.
Efni fundarins var bara eitt: Bygg-
ing tónlistar- og ráðstefnuhúss og
stefna flokkanna í því máli. Óþarfi er
að taka fram að auðvitað var einblínt
á tónlistarhluta hússins. Skemmst er
frá að segja að þar kom fram þver-
pólitísk afstaða þar sem allir flokkar
eru sammála um að það er sorglegt
hversu lengi hefur dregist að drífa
þetta hús upp og væri þetta for-
gangsverkefni. Hvað annað? Það
voru tveir dagar í kosningar.
Tuttugu ár eru liðin frá stofnun
Samtaka um byggingu Tónlistar-
húss. Níu ár eru liðin frá því að Sjálf-
stæðisflokkur og R-listinn lýstu því
yfir fyrir borgarstjórnarkosningar
1994 að bygging þessa húss væri for-
gangsverkefni. Getur verið að „for-
gangsverkefni“ hafi mismunandi
þýðingu eftir því hvort borg eða ríki
eigi í hlut? Nú er meira en ár liðið frá
því að borg og ríki undirrituðu sam-
komulag um byggingu Tónlistar- og
ráðstefnuhúss. Þar var sett fram
áætlun um hvað það verkefni tæki
langan tíma og ætti húsið að vera ris-
ið árið 2006. Ekki var árið liðið en að
sett var fram „endurnýjuð tímaáætl-
un“. Þá átti að byrja að byggja árið
2006. Menn geta kallað þetta öllum
þeim nöfnum sem þeir vilja en á
mannamáli heitir „endurnýjuð tíma-
áætlun“, seinkun. Það er ekki það
sama og forgangur.
Þó að allir flokkar væru sammála
um að svo mætti ekki lengur við una
kveður Framsóknarflokkurinn fastar
að orði en aðrir. Þannig lýsti Björn
Ingi Hrafnsson því að Framsóknar-
flokkurinn vildi setja byggingu Tón-
listar- og ráðstefnuhúss í stjórnar-
sáttmála. Það er gleðiefni því það
virðist vera nokkuð sama hvernig mál
þróast, Framsókn virðist ætla að
vera í stjórn. Því spyr ég: Ætlar
Framsóknarflokkurinn að tryggja
það að bygging Tónlistar- og ráð-
stefnuhúss verði örugglega forgangs-
verkefni á komandi kjörtímabili og
verði því sett í stjórnarsáttmála?
ÞÓRIR JÓHANNSSON,
kontrabassaleikari í Sinfóníu-
hljómsveit Íslands, meðlimur
jarðýtunefndar SÍ og kennari í
Tónlistarskóla Kópavogs.
Tónlistar- og
ráðstefnuhús í
stjórnarsáttmála
Frá Þóri Jóhannssyni
Þórir Jóhannsson