Morgunblaðið - 18.05.2003, Blaðsíða 14
Veistu hvað þú átt að gera ef
þú villist í íslenskum skógi? Standa upp!!!
Evróvisjónkeppni
Ef svarið er já, þá er
geisladiskurinn umræddi
auðvitað með Evró-
visjónlaginu árið 2003,
„Open Your Heart /
Segðu mér allt“ í flutn-
ingi Birgittu yfirpæju.
Til þess að eiga
möguleika þarftu að
svara nokkrum spurn-
ingum og senda svörin í tölvupósti á barn@mbl.is
fyrir kl. 17 þriðjudaginn 20. maí. Ef svörin eru
rétt hjá þér lendir þú í potti sem dregið verður úr
kl. 17 og ef þú ert einn af fimm heppnum les-
endum verður svarið komið til þín fyrir kl. 20.
Og vanda sig svo!
1) Hvaða ár var Söngvakeppni Evrópskra
sjónvarpsstöðva haldin í fyrsta skipti?
2) Hvaða ár tóku Íslendingar fyrst þátt í
Evróvisjón?
3) Í hvaða sæti lentu Íslendingar þrjú fyrstu
árin sem þeir tóku þátt?
4) Í hvaða sæti lenti Selma árið 1999?
5) Hversu gamall var yngsti keppandinn sem
hefur tekið þátt?
Viltu vinna geisladisk?
Nafn: Erna Hörn Davíðs-
dóttir.
Aldur: 5 ára.
Leikskóli: Sólvellir Seyðis-
firði.
„Birgitta er uppáhalds-
söngkonan mín. Ég á eina Íra-
fársplötu og svo á ég diskinn
með Evróvisjónlaginu. Ég
hlustaði þrisvar sinnum á lag-
ið í gær, og líka þrisvar í dag.“
– Hvernig mun Birgittu ganga?
„Vel, en ég veit ekki í hvaða sæti hún lendir.
Ég vona í 1. sæti.“
Nafn: Hjálmar Örn Bjarka-
son.
Aldur: 5 ára.
Leikskóli: Glaðheimar Bol-
ungarvík.
„Ég sá Birgittu í keppninni í
sjónvarpinu. Mér finnst hún
ekki fín söngkona og lögin
ekki skemmtileg, en ég hélt
samt með henni.“
– Mun henni ganga vel?
„Já, hún lendir í 4., nei 5. sæti. En ég er líka
að fara til útlanda, til Legolands og fullt af lönd-
um.“
Nafn: Kristín Hulda Björns-
dóttir.
Aldur: 12 ára.
Skóli: 6. bekk Húsaskóla.
„Ég held upp á Birgittu,
svona eins og allir. Hún er
góð söngkona og ekkert ljót
heldur. Ég á diskinn með
Evróvisjónlaginu, þar sem lag-
ið er í misjöfnum útgáfum.
Fínn diskur.“
– Á henni eftir að ganga vel?
„Já, alveg eins. Ég spái henni engu sérstöku
sæti, en vona 1. sæti.“
Nafn: Bryndís Lára Hall-
dórsdóttir.
Aldur: 12 ára.
Skóli: 6. bekkur Húsaskóla.
„Ég held alveg eins upp á
Birgittu. Ég á nýjasta diskinn
með Írafári, en ekki með
Evróvisjónlaginu. Hún syngur
skemmtileg lög, svo er hún
sæt.“
– Í hvaða sæti lendir hún?
„Kannski svona 10.–15. sæti. Ég er ekki mjög
bjartsýn, samt finnst mér lagið gott.“
Nafn: Hildur Ágústa
Alfreðsdóttir.
Aldur: 11 ára.
Skóli: 6. bekkur Húsaskóla
„Birgitta er uppáhalds-
söngkonan mín. Það er engin
betri en hún. Ég á því miður
ekki Evróvisjóndiskinn, en
mér finnst lagið mjög flott.“
– Og henni mun ganga vel?
„Já, örugglega. Vonandi
lendir hún í 1. sæti, en samt held ég varla að það
sé möguleiki.“
Nafn: Áslaug Erlendsdóttir.
Aldur: 11 ára.
Skóli: 6. bekkur Húsaskóla.
„Mér finnst Birgitta ágæt
en hún er ekki endilega uppá-
haldssöngkonan mín. Ég
keypti mér samt diskinn með
Írafári og mér finnst Evró-
visjónlagið líka skemmtilegt.“
– Verður Birgitta ofarlega í
Evróvisjónkeppninni?
„Já, frekar ofarlega en neðarlega, en ég
treysti mér ekki til að giska á neitt sæti.“
Hvernig mun Birgittu
Erna Hörn
Áslaug
ganga í Evróvisjón?
Vonandi
1. sæti!
Kristín Hulda.
Hjálmar Örn
Hildur Ágústa
Bryndís Lára
Nú eru bara sex dagar þar til Evróvisjón-
keppnin hefst í Riga sem er höfuðborg Lett-
lands (allir að kíkja í landabréfabók!).
Eins og við vitum öll er það sjálf Birgitta
Haukdal sem ætlar að syngja lagið „Open
Your Heart“ eða „Segðu mér allt“ fyrir hönd
Íslands. Margir eru orðnir býsna spenntir og
farnir að undirbúa notalega kvöldstund fyrir
framan sjónvarpið næsta laugardagskvöld.
Evróvisjón og heimsfrægð
En hvað er Evróvisjón og hvernig byrjaði
keppnin?
Söngvakeppni Evrópskra sjónvarpsstöðva –
einsog Evróvisjón heitir á íslensku – var fyrst
haldin í landinu Sviss árið 1956, og þá tóku sjö
lönd þátt. Keppnin var hugsuð til að tengja
evrópskar þjóðir eftir stríðið. Samt fá Ísraelar
að vera með þótt þeir séu ekki í Evrópu. Síðan
hefur keppnin verið haldin á hverju ári. Margir
hafa tekið þátt í keppninni sem síðan urðu
heimsfrægir. Þar má nefna sænsku hljómsveit-
ina ABBA og kanadísku söngkonuna Celine
Dion sem keppti fyrir hönd Sviss, og vann
ekki!
Þrettán ára vinningshafi
Írland hefur unnið oftast eða alls sjö sinnum.
Englendingar segjast þó vera betri því þeir
hafa unnið fimm sinnum og 15 sinnum lent í 2.
sæti. Ætli það sé vegna þess að Írar og Eng-
lendingar séu svo góðir að búa til lög? Kannski.
Ástæðan getur líka verið
sú að fram til ársins 1999
áttu allar þjóðir að
syngja á sínu tungumáli,
og hver skilur íslensku,
eða tyrknesku, eða
pólsku? Ekki margir, en
allir skilja ensku. Auðvit-
að hafa samt margir unn-
ið þrátt fyrir að syngja á
sínu óskiljanlega móður-
máli.
Sandra Kim er yngsti
keppandi sem unnið hefur. Hún er frá Belgíu
og var bara 13 ára þegar hún vann árið 1986
með laginu „J’aime La Vie“ (framburður: Sjem
la ví, og þýðir Ég elska lífið), sem hún söng á
frönsku. Við ættum kannski að senda Jóhönnu
Guðrúnu næst? Af hverju ekki? Því miður var
árið 1989 sett 16 ára aldurstakmark á söngv-
arana, svo Jóhanna Guðrún verður að bíða í
nokkur ár.
Auðvitað vinnum við!
Blaðamaður barnablaðsins man eftir að hafa
spenntur beðið eftir Evróvisjón, en í þá daga
var sjónvarpið ekki í lit og keppnin sýnd mörg-
um dögum eftir að hún var haldin og úrslitin
öllum kunn. En samt var voða gaman.
Síðan fóru Íslendingar að taka þátt og þá
var bein útsending frá útlöndum, og mikil
stemmning myndaðist. Fyrsta lagið sem tók
þátt fyrir hönd Íslands hét „Gleðibankinn“ og
það var árið 1986. Lagið var rosalega vinsælt á
Íslandi, og heyrist enn af og til í útvarpinu.
Íslendingar voru ýkt ánægðir með þetta
flotta lag sitt og héldu auðvitað að við myndum
vinna – og það með gleðibrag!
En ó nei! „Gleðibankinn“ lenti í 16. sæti, og
það er svolítið fyndið að Íslendingar lentu í 16.
sæti þrjú fyrstu árin sem þeir tóku þátt í
keppninni! Oft höfum við lent í 12. eða 13. sæti,
en stundum gengið aðeins betur og lent í 4. og
7. sæti. Kannski einhver ykkar muni eftir því
þegar Selma tók þátt í Evróvisjón árið 1999, en
hún lenti í 2. sæti með lagið „All Out Of Luck“
og það munaði aðeins nokkrum stigum á henni
og sigurvegaranum sem var frá Svíþjóð.
Vinnum við eða bara þú?
Þá er bara að bíða og vona að Birgitta lendi
ekki í 16. sæti – og helst í 1. sæti! Það yrði frá-
bært. Fram til laugardagskvöldsins 24. maí má
hins vegar stytta sér stundir, m.a. á Netinu.
Verslunin BT hefur opnað sérstakan vef um
Evróvisjónkeppnina. Slóðin er: www.bt.is/
BT/Eurovision/default.htm og þar má finna
upplýsingar um Birgittu, ljósmyndir af henni,
myndband lagsins, söngtextann og ýmsar aðr-
ar skemmtilegar upplýsingar. Auk þess er
leikur þar sem hægt er að vinna sjónvarp, síma
og svo snakk í sjálft Evróvisjónpartíið. Svo er
líka upplagt að kíkja á leikinn hér fyrir neðan.
Góða skemmtun og áfram Birgitta!
SENN L ÍÐUR AÐ EVRÓV ISJÓN . . .
EPA
Birgitta Haukdal er komin í réttu stellingarnar fyrir Evróvisjón.
Morgunblaðið/Ásdís
Selma var stórglæsileg á sviðinu árið 1999 og
lenti í 2. sæti!Áfram Birgitta!
Sandra Kim var bara
13 ára þegar hún
keppti í Evróvisjón.
Hvernig væri að fá að halda smá Evró-
visjónpartí með nokkrum krökkum? Þá er
Evrópa auðvitað þema partísins. Nema hvað?
Boðskortið er aðalmálið, því í því koma
fram allar helstu reglur sem gilda í Evrópu-
partíinu.
1) Skrifaðu á miða nöfn á jafnmörgum
Evrópulöndum og gestirnir verða. Best er að
sleppa Íslandi. Stingdu nafni á einu landi í
hvert umslag, og þá veit gesturinn hvaða land
hann verður fulltrúi fyrir í partíinu.
2) Allir eiga að koma í búningum sem
tengjast landinu sem þeir eru fulltrúar fyrir.
Það þarf ekki að vera þjóðbúningur, en
kannski föt í fánalitum landsins eða eitthvað
sem þjóðin gengur oft í. Eru Hollendingar
ekki oft í klossum?
3) Segðu öllum að koma með smávinning
með sér. Eftir að öll lögin hafa verið flutt
skrifa allir niður hvaða land þeir haldi að
vinni. Sá sem giskar rétt eða er næstur í stig-
um fær vinningana eftir úrslitin. Svo ætti sá
sem er fulltrúi fyrir vinningslandið auðvitað
að fá sérstök verðlaun.
Skreyta má með fánum Evrópulandanna
og alls konar blöðrum.
Gaman væri að bjóða gestunum upp á and-
litsmálningu í fánalitunum þeirra.
Á meðan á stigagjöf stendur gætir þú haft
nammi í skál sem enginn má fá sér af nema
sá sem er fulltrúi landsins sem var að fá 12
stig.
Kannski má bjóða upp á nokkra evrópska
þjóðarrétti í partíinu? Pitsur eru ítalskar og
eru franskar kartöflur ekki franskar? Svo er
danskt sælgæti gott. En ekkert kók, það er
bandarískt.
Ef enginn vill svo fara heim eftir keppnina
má kannski spila lagið hennar Birgittu af
geisladiski og hafa eftirhermukeppni?
Já, það verður sko stuð!
Verður stuð hjá þér?
Evrópupartíí