Morgunblaðið - 19.05.2003, Blaðsíða 8

ÍÞRÓTTIR
8 B MÁNUDAGUR 19. MAÍ 2003 MORGUNBLAÐIÐ

HEIÐMAR Felixson, landsliðs-
maður í handknattleik, hyggst leika
knattspyrnu í sumarfríi sínu frá
spænska handboltanum. Heiðmar
hefur gengið frá félagaskiptum frá
Dalvík, þar sem hann spilaði síðast
fótbolta hérlendis, yfir í Reyni frá
Árskógsströnd, sem sendir lið í 3.
deildina í sumar eftir 12 ára hlé.

ÓLI Þór Birgisson úr KA og
Bjarni Rúnar Einarsson úr ÍBV léku
báðir sinn fyrsta leik í efstu deild í
knattspyrnu í gær þegar félög þeirra
áttust við í Vestmannaeyjum.

TVEIR nýliðar tóku einnig þátt í
viðureign Fylkis og Fram í Árbæn-
um í gærkvöld. Það voru Arnar Þór
Úlfarsson úr Fylki og Gunnar Þór
Gunnarsson úr Fram.

SINDRI Viðarsson, knattspyrnu-
maður úr ÍBV, hefur verið lánaður til
nágrannaliðsins í Eyjum, KFS, sem
leikur í 2. deild í fyrsta skipti.

RANGERS og Celtic berjast hat-
rammri baráttu um sigur í skosku
úrvalsdeildinni í knattspyrnu en
þegar einni umferð er ólokið eru liðin
jöfn að stigum, markamunur liðanna
er jafn en Rangers telst í efsta sæti
þar sem liðið hefur skorað einu
marki fleira. Í lokaumferðinni næsta
sunnudag tekur Rangers á móti
Dunfermline en Celtic sækir Kilm-
arnock heim.

CELTIC átti frí um helgina þar
sem liðið mætir Porto í úrslitaleik
UEFA-keppninnar á miðvikudag en
Rangers vann 2:0-sigur á Hearts í
gær. Rangers var lengi að brjóta ís-
inn og það var ekki fyrr en á 65. mín-
útu sem Hollendingurinn Ronald de
Boer kom Rangers yfir og átta mín-
útum síðar bætti Daninn Peter Löv-
enkrands við öðru marki.

HARRY Redknapp, framkvæmda-
stjóri Portsmouth, hefur skorað á
Glenn Roader, framkvæmdastjóra
West Ham, að segja starfi sínu lausu
og láta heilsuna ganga fyrir. Roader
fékk vægt hjartaáfall nú fyrir
skömmu en vonast til að geta haldið
áfram að stýra liðinu á næsta tíma-
bili.

ARSENE Wenger, framkvæmda-
stjóri Arsenal, hefur lofað stuðn-
ingsmönnum Arsenal því að hann
muni kaupa markvörð og varnar-
mann í sumar. Nöfn þeirra Rustu
Recber og Paul Robinson hafa helst
verið nefnd til sögunnar í því sam-
bandi. Þá er vitað að Wenger hefur
lengi haft augastað á John Terry,
miðverði Chelsea.

TONY Battie, miðherji NBA-liðs-
ins Boston Celtics, fór í aðgerð á hné
á föstudag en hann missti af ellefu
leikjum í vetur vegna þeirra meiðsla.
Boston-liðið féll úr leik gegn New
Jersey Nets í undanúrslitum austur-
strandarinnar og tapaði fjórum leikj-
um í röð í þeirri rimmu.
FÓLK
Bæði lið voru spræk á upphafs-mínútum leiksins, skiptust á að
sækja án þess að skapa sér umtals-
verð marktæki-
færi. Þegar 12
mínútur voru liðn-
ar af leiknum náði
Ingi Hrannar
Heimisson forystunni fyrir gestina.
Þór fékk aukaspyrnu vinstra megin
úti fyrir vítateig Breiðabliks, Orri
Freyr Hjaltalín spyrnti knettinum
fast fyrir mark Blika og Ingi Hrann-
ar skallaði hann fram hjá Páli Jóns-
syni í marki Breiðabliks. Heima-
menn voru ekki lengi að svara fyrir
sig því mínútu síðar jafnaði Olgeir
Sigurgeirsson metin. Hann fékk
boltann rétt fyrir utan vítateig Þórs,
átti skot að marki sem breytti um
stefnu af varnarmanni og knötturinn
hafnaði í netinu. Eftir þetta tóku
leikmenn Þórs smátt og smátt völdin
í leiknum og yóku aftur forystuna á
28. mínútu þegar Freyr Guðlaugsson
skaut hnitmiðuðum jarðarbolta frá
vítateigslínunni í hægra markhorn
heimamanna. Eftir markið gerðist
fátt markvert fram að hálfleik.
Blikar sóttu á fáum leikmönnum í
fyrri hálfleik en í þeim seinni var
lögð meiri áhersla á sóknina. Leik-
menn Þórs lögðu að sama skapi
áherslu á að halda forystunni. Blik-
arnir voru því mun meira með bolt-
ann í seinni hálfleik. Breiðablik hafði
öll völdin í seinni hálfleik. Sóknar-
þungi heimamanna óx þó jafnt og
þétt eftir því sem leið á hálfleikinn en
leikmenn Þórs vörðust vel. Hreiðar
Bjarnason fékk 3 góð marktækifæri
um miðjan hálfleikinn sem hann náði
ekki að nýta og munar um minna.
Þegar vallarklukkan sýndi 90 mín-
útur komst Olgeir í gott færi en Atli
Már Rúnarsson í marki Þórs varði.
Eftir hornið var Þorsteinn Sveins-
son rifinn niður í teig gestanna. Blik-
arnir heimtuðu víti en ekkert var
dæmt, það gat Jörundur Áki Sveins-
son þjálfari Breiðabliks ekki sætt sig
við og hellti sér yfir aðstoðardóm-
arann. Honum var vikið af leikvell-
inum fyrir vikið og skömmu seinna
var leiknum lokið. Þór fór því með
þrjú stig í farteskinu.
Maður leiksins: Orri Hjaltalín,
Þór.
Góð
byrjun
Þórs
BREIÐABLIK og Þór mættust í
1. deildinni í knattspyrnu í gær.
Þessum liðum var nýverið spáð
góðu gengi í sumar og sýndu
þau á köflum ágæta knatt-
spyrnu. Það voru gestirnir frá
Akureyri sem höfðu betur þegar
flautað hafði verið til leiksloka,
skoruðu tvö mörk gegn einu
gestanna.
Benedikt Rafn
Rafnsson
skrifar
KEFLVÍKINGURINN í liði Framara, Guðmundur Stein-
arsson, sýndi oft lipur tilþrif í Árbænum í gærkvöldi en
tókst ekki að leika sama leik og Haukur Ingi, fyrrver-
andi félagi hans í Suðurnesjaliðinu, sem skoraði fyrsta
mark leiksins.
„Það var skelfilegt að fá þessi tvö mörk á sig í byrjun.
Þetta var nánast eins og rothögg og við vorum gjör-
samlega á hælunum í byrjun. En við náðum að rífa okkur
upp og ég held að þegar upp er staðið höfum við ekki
verið lakari aðilinn,“ sagði Guðmundur við Morgun-
blaðið eftir leikinn.
„Við þurfum að ná aðeins meiri stemningu upp í okkar
liði. Það var eins og menn áttuðu sig ekki á því að mótið
var byrjað,“ sagði Guðmundur ennfremur. Spurður
hvernig hann kynni við sig í búningi Framara svaraði
Guðmundur: „Bara ljómandi vel. Það er gaman að vera
kominn heim eftir dvölina í Danmörku og mér líst feiki-
lega vel á sumarið. Mér finnst vera meiri spenna í loftinu
núna en oft áður, bæði hjá leikmönnum og fjölmiðlum,
og ég held að þetta verði mjög skemmtilegt mót.“
Nánast eins og
rothögg
HAUKUR Ingi Guðnason hóf Ís-
landsmótið vel í búningi Fylkis-
manna, en þessi eldfljóti Keflvík-
ingur opnaði markareikning sinn
og Fylkis á Íslandsmótinu þegar
hann skoraði strax á 3. mínútu
leiksins á móti Frömurum. Haukur
Ingi nýtti hraða sinn vel þegar
hann stakk varnarmenn Fram af og
skoraði af öryggi framhjá Gunnari
Sigurðssyni.
„Ég er fyrst og fremst ánægður
með að hafa unnið en það var ekki
verra að mér tókst að skora mark.
Það var gott að byrja mótið með
sigri en ég get ekki annað en hrós-
að Frömurum fyrir fínan leik. Þeir
eru með sprækt lið. Okkur var
uppálagt að setja þá undir pressu
strax og það herbragð tókst vel.
Keyrslan var mikil í fyrri hálfleik
og það var farið að síga mjög í
menn í seinni hálfleik enda völlur-
inn orðinn nokkuð þungur,“ sagði
Haukur Ingi við Morgunblaðið.
– Nú ert þú búinn að skora eitt
mark á Íslandsmótinu. Hefurðu sett
þér eitthvert markmið fyrir sum-
arið í þeim efnum?
„Nei, í raun og veru ekki. Það er
erfitt að setja sér markmið hvað
þetta varðar. Aðalmálið er að vinna
leikina og ef maður skorar er það
bara bónus. Ég var þokkalega sátt-
ur við mína frammistöðu. Það tekur
kannski smátíma að komast í takt
við nýtt lið en það er alltaf gott að
byrja með marki og vonandi verða
þau fleiri í sumar,“ sagði Haukur
Ingi Guðnason.
Morgunblaðið/Árni Torfason
Haukur Ingi Guðnason í baráttu við Bjarna
Hólm Aðalsteinsson á Árbæjarvelli í gær.
Haukur Ingi fljótur
að minna á sig
Talsvert var um þreifingar áfyrstu mínútum og kom fyrsta
markskot ekki fyrr en á 10 mínútu
þegar fyrirliði
Hauka, Darri Jóhan-
sen, skoraði með
hörkuskalla eftir
hornspyrnu. Eftir
markið lentu varnarmenn gestanna í
miklum vandræðum og gáfu þeir
Sævari Eyjólfssyni fínt færi strax í
næstu sókn, skot hans fór hinsvegar
talsvert framhjá. Næstu tíu mínútur
voru rólegar og þreifingarnar hófust
á ný. Þá komst Högni Þórðarsson,
framherji Njarðvíkur, í ágætis færi
en komst ekki í gegnum vörn heima-
manna. En Njarðvíkingum tókst að
jafna metin á 28 mínútu þegar Snorri
Már Jónsson kom boltanum inn fyrir
línuna eftir mikinn darraðardans í
teignum eftir hornspyrnu. Sókn
gestanna þyngist eftir jöfnunar-
markið og kom það því engum á
óvart þegar Högni Þórðarson stakk
varnarmenn Hauka af eftir góða
stungusendingu og renndi knettin-
um örugglega milli fóta Jörundar
Kristinssonar, markvarðar Hauka –
það gerðist á 44. mínútu og var stað-
an því 1:2 þegar flautað var til leik-
hlés.
Eftir bragðdaufar fyrstu mínútur
síðari hálfleiks áttu heimamenn
fyrsta færið á 55 mínútu – enn og aft-
ur eftir hornspyrnu – en Friðrik
Árnason, markvörður Njarðvíkur,
varði vel. Eftir því sem leið á leikinn
jókst fjörið og þegar 20 mínútur voru
liðnar af seinni hálfleik fengu bæði
lið dauðafæri hvort á sömu mínútu,
hjá Haukum vantaði aðeins herslu-
muninn á að Sævar Eyjólfsson tæk-
ist að jafna leikinn þegar hann komst
upp að marki gestanna – hann missti
boltann hinsvegar aðeins of langt frá
sér og hafnaði skotið í hliðarnetinu.
Strax í næstu sókn gáfu svo varn-
armenn Hauka Eyþóri Guðnasyni
kjörið tækifæri þegar þeim mistókst
að koma boltanum úr vörninni en
Jörundur var vel á verði í markinu.
Haukar náðu að jafna á 74. mínútu
þegar Sævar Eyjólfsson kláraði vel
útfærða sókn heimamanna með góð-
um skalla. Á 89. mínútu var Sævar
svo aftur á ferð, hann fékk boltann
úti á hægri kantinum, renndi honum
inn í miðjan vítateig gestanna þar
sem varamaðurinn Andri Sveinsson
smellti honum í nærhornið, stöng og
inn. Eftir það áttu gestirnir tvær
ágætis sóknir sem báðar runnu út í
sandinn og þar við sat, 3:2.
„Við vissum að við myndum mæta
mjög spræku Njarðvíkurliði og mér
fannst við sýna mikinn styrk með að
koma til baka í síðari hálfleik. Þetta
var kannski ekki fallegur fótbolti en
ég er mjög sáttur með leikinn. Við
höfum sett okkur ákveðin markmið
fyrir sumarið og komumst yfir
fyrstu hindrunina,“ sagði Darri Jó-
hansen, fyrirliði Hauka.
Maður leiksins: Sævar Eyjólfsson,
Haukum
Morgunblaðið/Ómar
Magnús Ólafsson, framherji Hauka, í baráttu við leikmann Njarðvíkur í Hafnarfirði í gær.
Heppnin var með
Haukum í lokin
BERSÝNILEGT var á leik Hauka og Njarðvíkur á Ásvöllum í gær að
um fyrstu umferð sumars væri að ræða. Óöryggi var í sendingum og
á köflum vissu varnir liðanna ekki alveg í hvorn fótinn þær áttu að
stíga. Nýliðar Njarðvíkur gáfu heimamönnum þó ekkert eftir og var
það ekki fyrr en á lokamínútum leiksins að Hafnfirðingar stálu sigr-
inum og stigunum þremur, 3:2.
Andri
Karl
skrifar