Morgunblaðið - 19.05.2003, Blaðsíða 11
ÍÞRÓTTIR
MORGUNBLAÐIÐ MÁNUDAGUR 19. MAÍ 2003 B 11
Schumacher fékk sigur í mótinu íA1-Ring á silfurfati í fyrra vegna
liðsfyrirmæla Ferr-
ari, en hann þurfi á
engri slíkri hjálp að
halda í dag, slíkir
voru yfirburðir 2003-
bílsins sem virðist ósigrandi sem
stendur. Var honum að þessu sinni
teflt fram öðru sinni í keppni en hann
vann jómfrúarkappakstur sinn í
Barcelona fyrir hálfum mánuði.
Räikkönen heldur enn forystu í
stigakeppninni um heimsmeistaratitil
ökuþóra en er þó einungis tveimur
stigum á undan Schumacher, 40:38.
Þá komst Barrichello upp í þriðja
sætið í þeirri keppni nú og er með 26
stig; fór fram úr Fernando Alonso
(25) og David Coulthard (23).
Með sigri Schumachers og þriðja
sæti Barrichello vann Ferrari sig
fram úr McLaren í keppni bílsmiða í
fyrsta sinn á árinu, en einu stigi mun-
ar á liðunum, 64:63. Fyrir kappakst-
urinn í A1-Ring var McLaren með
þriggja stiga forskot. Mætti ætla að
þessi tvö lið væru að segja skilið við
önnur í bílsmiðakeppninni þar sem
Renault og Williams eru einungis
með 35 stig í þriðja og fjórða sæti.
Jenson Button hjá BAR jafnaði
sinn besta mótsárangur með því að
verða fjórði en félagi hans Jacques
Villeneuve getur harmað sinn hlut
þar sem hann var vel á undan Button
er bíllinn bilaði í seinna þjónustu-
stoppi hans.
Erfiðlega gekk að hefja keppni því
tvisvar var ræsingin blásin af, í bæði
skiptin vegna rafeindakerfisbilunar í
Toyotabíl Cristiano da Matta. Varð
hann á endanum að hefja keppni aft-
astur. Þegar lokaræsingin tókst vant-
aði nokkra bíla á rásmarkið. Kúpling-
in bilaði í bíl Heinz-Haralds Frentzen
svo hann drap á sér. Freistaði liðið
þess að koma honum í varabílinn sem
settur var upp fyrir félaga hans Nick
Heidfeld og dugði liðinu ekki það
tímasvigrúm sem það hafði til að
breyta honum fyrir Frentzen svo
hann gat aldrei hafið keppni.
Þá kaus Fernando Alonso hjá Ren-
ault að hefja keppni úr bílskúrarein-
inni og sömuleiðis Mark Webber hjá
Jagúar. Fyrir vikið gat Alonso breytt
keppnisáætlun sinni og til að bæta
upp fyrir að þurfa hefja keppni einna
aftast ákvað hann að reiða sig á ein-
ungis eitt þjónustustopp og reyna að
vinna sig þann veg upp á við, en flestir
keppinautanna stoppuðu tvisvar.
Gekk það að óskum og um tíma var
Alonso í sjötta sæti en bilun á næsta
hring eftir bensínáfyllingu batt enda
á keppni af hans hálfu.
Juan Pablo Montoya hjá Williams
vann sig fram úr Räikkönen í ræsing-
unni og hélt forystu í kappakstrinum í
10 hringi vegna vandræða í fyrstu
stoppum beggja Ferrariþóranna, en
hvor þeirra var um 20 sekúndur á
þjónustusvæði liðsins vegna vanda-
mála við að koma bensíni á bílana.
Montoya féll hins vegar úr leik á 32.
hring vegna mótorbilunar og í óviss-
unni sem skapaðist er reykjarstrókur
stóð aftan úr bíl hans tókst Schu-
macher að læðast fram úr Räikkönen
og stela forystunni. Fljótlega hvarf
hann nánast úr augsýn, slíkur var
hraðinn á F2003-GA bílnum.
Schumacher slapp með skrekkinn í
fyrra þjónustuhléi sínu í lok 23.
hrings þegar eldur kom upp við bens-
ínlokið í bíl hans. Áttu tæknimenn
Ferrari í miklum erfiðleikum með að
losa stútinn og rifu í hann og kipptu.
Við það hefur myndast neisti því er
stúturinn loks losnaði logaði eldur í
honum og örlítið á yfirbyggingu bíls-
ins. Aðstoðarmenn Schumachers
voru snöggir til og gripu þrjú hand-
slökkvitæki og réðu niðurlögum log-
anna áður en þeir læstu sig í bílinn.
Gat hann því haldið áfram keppni eins
og ekkert hefði í skorist, nema hvað
hléið tók 20 sekúndur röskar í stað 8.
Allt gekk að óskum er Ferrariþór-
arnir stoppuðu öðru sinni, þá hafði að-
stoðarmönnum þeirra tekist að gera
við bensínáfyllingarbúnaðinn. Ætla
má að vandræðin hafi jafnvel kostað
Barrichello annað sætið í keppninni
en Räikkönen sýndi meistaratakta er
honum tókst að verjast sókn Barrich-
ello á síðustu 10 hringjunum og halda
öðru sætinu og þar með forystu í
stigakeppninni um heimsmeistaratitil
ökuþóra.
Næst í Mónakó
Næsti kappakstur í Formúlu-1
verður í Mónakó eftir hálfan mánuð;
braut sem reynir meira á færni öku-
þóranna en afkastagetu keppnisbíl-
anna. Þar reynir og meira á liðsstjór-
ana en nokkru sinni fyrr við að
ákvarða keppnisáætlun sem gefið
getur nógu góða stöðu á rásmarki til
að fleyta mönnum til góðra sæta í
sjálfri keppninni.
Reuters
Michael Schumacher fagnar sigrinum í Spielberg í Austurríki.
Eldur stöðvaði
ekki Schumacher
MICHAEL Schumacher hjá Ferrari vann öruggan sigur í Austurríkis-
kappakstrinum þrátt fyrir að hann tefðist í fyrsta þjónustuhléi er
kviknaði í bensínstút sem sat fastur í bílnum. Var þetta þriðji sigur
Schumachers í röð og virðast yfirburðir nýja Ferrarifáksins tals-
verðir. Annar varð Kimi Räikkönen hjá McLaren en hann átti í mikilli
keppni síðasta fjórðunginn við Rubens Barrichello hjá Ferrari en
hélt sætinu og þar með forystunni í stigakeppninni um heimsmeist-
aratitil ökuþóra.
Ágúst
Ásgeirsson
skrifar
FRANSKI landsliðsmaðurinn Claude
Makelele, sem hefur leikið með Real
Madrid á Spáni undanfarin fimm ár, segir
umboðsmann sinn í viðræðum við enska
meistaraliðið Manchester United. Hinn
þrítugi miðvallarleikmaður hefur fengið
mikið lof frá samherjum sínum í Madrid
undanfarin ár og verið sagður mikilvæg-
asti hlekkurinn í liðinu og var hans sárt
saknað í undanúrslitaleiknum gegn Juv-
entus þar sem ítalska liðið sigraði 3:1.
Makelele er fæddur í Kongó og hefur
leikið með Nantes, Marseille og Celta
Vigo. „Ég myndi ekki slá hendinni á móti
tilboði frá Manchester United og ef Real
Madrid er tilbúið að selja mig þá er ég
tilbúinn að fara. Ég hef löngun til þess að
leika undir stjórn Alex Fergusons,“ segir
Makelele, en hann er sagður falur fyrir
um 1,3 milljarða ísl. kr.
Makelele vill
semja við
United
LEIKMENN og þjálfarar norska úrvals-
deildarliðsins Molde tóku ekki þátt í hátíð-
arhöldum þann 17. maí er Norðmenn héldu
uppá þjóðhátíðardag landsins. Kvöldið áð-
ur hafði Molde tapað 3:0 á heimavelli gegn
grannaliðinu Bryne og er það venja að leik-
menn og þjálfarar norskra knattspyrnuliða
gangi saman um götur bæja sinna á slíkum
stundum. Aftenposten hefur heimildir fyrir
því að sænsku þjálfararnir Gunder Bengts-
son, Kalle Bjørklund og Jan Hansson verði
ekki við stjórnvölinn út leiktíðina en Molde
þurfi að greiða allt að 55 millj. ísl. kr vegna
starfslokasamninga við þá félaga. Leik-
menn liðsins skiptast í tvo hópa hvað varð-
ar álit sitt á þjálfurunum og eru erlendir
leikmenn liðsins sagðir styðja við bakið á
Bengtsson. Í Molde leika Bjarni Þor-
steinsson, Ólafur Stígsson og Andri Sig-
þórsson. Liðinu var spáð mikill velgengni
en hefur aðeins náð í fimm stig af fimmtán.
Allt í hers
höndum í
Molde
Í lokaumferðinni sækir Lever-kusen lið Nürnberg heim, en
frá því félagi var Augenthaler
rekinn fyrir þremur vikum, en
Bielefeld fær Hannover í heim-
sókn.
Stuttgart missti annað sæti í
hendur fyrrverandi meistara
Dortmund en tvö efstu liðin fá
sæti í Meistaradeildinni. Stutt-
gart tapaði fyrir meisturum Bay-
ern München, 2:1, þar sem Bras-
ilíumaðurinn Elber skoraði bæði
mörk Bæjara og hefur þar með
skorað 21 mark á tímabilinu en
Dortmund gerði markalaus jafn-
tefli við Kaierslautern á útivelli.
Daniel Bierofka, Búlgarinn
Berbatov og Marko Babic skor-
uðu mörkin fyrir Leverkusen og
gáfu þar með sínum mönnum von
um að halda sæti sínu í deildinni
en hvorki hefur gengið né rekið
hjá liði Leverkusen á leiktíðinni
eftir frábært tímabil í fyrra þar
sem liðið varð í öðru sæti á
þremur vígstöðvum. Deildar-
keppninni, bikarkeppninni og í
Meistaradeildinni. Reyndar er
Borussia Mönchengladbach ekki
öruggt með sæti sitt en fyrir
lokaumferðina er liðið með
þriggja stiga forskot á Bielefeld
og mætir Bremen í lokaumferð-
inni um næstu helgi. Jiri Stajner
jafnaði metin fyrir Hannover
gegn Gladbach á lokamínútunni
og tryggði þar með liði sínu
öruggt sæti í deildinni.
Hertha Berlín tapaði þriðja
leik sínum í röð í Wolfsburg þar
sem liðið lá, 2:0
Mílanóliðin og Inter
örugg í Meistaradeildina
AC Milan, Inter og Lazio bók-
uðu sæti í Meistaradeild Evrópu
á næstu leiktíð með sigrum í
næst síðustu umferð ítölsku 1.
deildarinnar í knattspyrnu um
helgina. Juventus, sem þegar var
búið að tryggja sér titilinn í 27.
sinn, tapaði hins vegar fyrir
Reggina en „Gamla frúin“ eins
og lið Juventus er jafnan nefnt,
stillti upp frekar veiku liði. Á
hinum enda töflunnar féll Piac-
enza úr A-deildinni með 3:2
ósigri á móti Parma eftir að hafa
komist yfir, 2:0.
AC Milan, sem mætir Juvent-
us í úrslitaleik Meistaradeildar-
innar á Old Trafford þann 28.
þessa mánaðar, hafði tögl og
hagldir í leik sínum við Bolgna
og þeir Andrea Pirlo, Clarence
Seedorf og Filippo Inzaghi sáu
um að skora mörk liðsins en Inz-
aghi brenndi auk þess af víta-
spyrnu.
Lazio lenti undir á móti
Brescia þegar Roberto Baggio
skoraði snoturt mark en Róm-
arliðið lét það ekki slá sig út af
laginu og þeir Sinisa Mihajlovic,
Cesar og Claudio Lopez sneru
leiknum í vil fyrir Lazio.
Inter þurfti ekki að hafa fyrir
mikið fyrir sigrinum á Modena.
Sjálfsmark kom Inter á bragðið
en Mohammed Kallon bætti við
öðru marki og þar við sat.
Reuters
Claudio Lopez, Lazio, fagnar marki gegn Brescia, 3:1.
BAYERN Leverkusen byrjaði vel í fyrsta leik sínum undir stjórn
Klaus Augenthaler og 3:0 sigur á 1860 München í næst síðustu
umferð þýsku Bundesligunnar kom liðinu upp úr fallsæti. Á
sama tíma tapaði Armenia Bielefeld fyrir Hansa Rostock og þar
með höfðu Leverkusen og Bielefeld sætaskipti. Fyrir loka-
umferðina eru Energie Cottbus og Nürnberg fallin en slagurinn
um þriðja fallsætið stendur á milli Bielefeldt og Leverkusen.
Leverkusen hefur 37 stig en Bielefeld stigi minna.
Góð byrjun
hjá Klaus
Augenthaler