Morgunblaðið - 20.05.2003, Blaðsíða 26
26 B ÞRIÐJUDAGUR 20. MAÍ 2003 MORGUNBLAÐIÐHeimiliFasteignir
„ÉG hef skipt starfi mínu í tvennt
á þann veg, að ég hanna líka hús-
gögn og þá einkum fyrir fyrirtæki,
sem hafa tekið þau til framleiðslu.
Þetta var tómstundaiðja hjá mér
hér áður fyrr, en ég hef gaman að
því að rannsaka hluti, sem síðan
má kannski nota í arkitektúr. Með
tímanum hefur svo húsgagnahönn-
unin farið vaxandi.“
Þannig komst Sigurður Gústafs-
son arkitekt að orði í viðtali við
Morgunblaðið. En lítur hann á sig
sem listamann? „Ég lít á mig sem
arkitekt,“ svarar hann. „Það eru
aðrir sem segja til um, hvort mað-
ur er listamaður eða ekki.
Mér hefur alltaf fundizt það svo-
lítið skrítið, þegar fólk talar um
sig sem listamenn, því að eiginlega
eru það aðrir, sem ráða því, hver
telst listamaður og hver ekki. En
ég tel, að við hönnun á byggingum
og þá einkum útliti þeirra, þurfi að
hafa svolítið myndrænt skyn líkt
og fyrir málverkum.“
Sigurður er fæddur 1962 og al-
inn upp á Akureyri. „Nánar til-
tekið í Glerárþorpi,“ segir hann
með nokkurri áherzlu. „Glerárþorp
varð fyrst hluti af Akureyri árið
1955, en hafði fram að því bara
verið þorp fyrir utan bæinn. Ég á
því miklar rætur á Akureyri og
umhverfið þar sem ég ólst upp
hefur vafalaust haft mikil áhrif á
formstíl minn.“
Sigurður var fyrst eitt ár við
nám í arkitektúr í Kaupmanna-
höfn, en hélt síðan til Osló og út-
skrifaðist frá arkitektúrháskólan-
um þar árið 1990. „Í Osló hafði ég
ýmsa góða kennara, þeirra á meðal
Sverre Fehn,“ segir Sigurður. „Ég
hafði einnig gestakennara, svo sem
Christina Hawley, sem kenndi
mér að húsagerðarlist er ekki bara
form heldur líka hugmyndir.“
Raðhús á Akureyri
Meðal nýrri verkefna Sigurðar
hér á landi eru raðhús við Kletta-
borg á Akureyri. „Ég er að reyna
að kompónera í kringum líf fólks-
ins, sem á að búa þarna, heildstætt
umhverfi, sem er bæði gefandi og
áhugavert og leiksvæði inni á milli
fyrir börnin,“ segir hann.
„Að vísu hannaði ég ekki deili-
skipulagið fyrir hverfið. Það gerði
Teiknistofan Arkitektur.is. En ég
hannaði húsin, sem eru yfirleitt
sex saman í lengju. Hver íbúð er
út af fyrir sig en húsin samt eins
og samstæð byggingarheild. Að
mínu mati gerist það of oft, að
arkitektar hanna raðhús, þar sem
yfirbragðið verður ósamstætt.
Ég tel, að það hafi tekizt mjög
vel með þessi hús. Ég nota frum-
litina til þess að lífga upp á um-
hverfið, en mér fannst vera full-
mikil grámóska í húsunum í kring.
Form húsanna er sótt svolítið aft-
ur í tímann, en uppbygging
húsanna sést vel í formi þeirra og
á lóðinni taka litirnir á móti sólinni
og lífinu.“
Sigurður tekur fram, að mögu-
leiki er á arni í öllum íbúðunum.
„Það er eftir því sem ég bezt veit
mjög óvenjulegt í heilu hverfi á
Akureyri. Enda þótt þar geti verið
kalt á veturna, þá er þetta ekki
eingöngu gert til þess að vinna
bug á kuldanum heldur fyrst og
fremst fyrir augað. Íbúðirnar eru
hitaðar upp öðru vísi og á hefð-
bundinn hátt. En arinn gefur íbúð-
unum allt annan blæ.
Þar sem arinstæðin eru eða
kamínurnar verður kortenstál utan
um skífuna, sem afmarkar arin-
stæðið. Kortenstál er einnig notað
svolítið á hliðarnar á húsunum.
Það skapar myndræn skil. Þetta
brýtur yfirbragð húsanna upp eins
og sagt er á fagmáli og dregur að-
eins úr hinum sterku litum.“
Sigurður kveðst álíta lóðirnar
afar góðar, einhverjar þær beztu,
sem eru í boði á Akureyri núna.
„Útsýnið frá húsunum út á Eyja-
fjörð er ótrúlega gott,“ segir hann.
„Það má sjá sólina setjast í fjarð-
armynninu. Þetta er líka örstutt
frá nýju verzlunarmiðstöðinni,
Glerártorgi og barnaskólinn er í
næsta nágrenni.“
Sigurður hefur einnig hannað
Víkurskóla, grunnskólann í Víkur-
hverfi í Reykjavík. Fyrsti áfangi
skólans var tekinn í notkun 2001,
en áformað er að ljúka við bygg-
inguna í sumar. Þetta er allstór
bygging á einni og hálfri hæð, alls
um 4.500 ferm. „Hugmyndafræðin
að baki þessari skólabyggingu er
sú, að hún verði eins og lítið þorp,
sem henti íbúunum, það er börn-
unum, eins og vel og kostur er,“
segir Sigurður.
Blaðahillan DNA
Húsagnahönnunin er snar þátt-
ur í starfi Sigurðar, en hann hann-
ar ýmist húsgögn, sem eru fram-
leidd í takmörkuðu upplagi,
kannski bara í einu eintaki eða
húsgögn, sem eru ætluð fyrir
fjöldaframleiðslu.
„Þar má nefna lítinn lampa, sem
framleiddur er í Svíþjóð,“ segir
hann. „Einnig er ég búinn að
hanna blaðahillu, sem er að koma
á markaðinn og ber heitið DNA,
en þar nota ég dna-kerfið sem
strúktúr. Þetta er í rauninni spír-
alkerfi byggt á dna-keðjunni og
armar með litlum bökkum. Upp-
lýsingunum er hlaðið á keðjuna.
Ég held, að þessi hilla eigi fram-
tíðina fyrir sér, en sænskur aðili
hefur áhuga á að framleiða hana.
Ég starfa nær eingöngu með er-
lendum aðilum að húsgagnahönn-
uninni og hef ávallt mikil tengsl
við Norðurlönd, enda er ég búinn
Meðal nýrri verkefna Sigurðar hér á landi eru raðhús við Klettaborg á Akureyri. „Ég nota frumlitina til þess að lífga upp á umhverfið,“ segir hann. „Útsýnið út á Eyjafjörð er líka ótrúlega gott. Það má sjá
sólina setjast í fjarðarmynninu.“
Hannar jöfnum höndum
húsgögn og byggingar
Það er ekki algengt, að arkitektar hanni bæði hús-
gögn og byggingar. Þeir eru þó til. Magnús Sigurðs-
son ræddi við Sigurð Gústafsson, sem hannað hefur
stórbyggingar eins og Víkurskóla í Reykjavík og
íbúðabyggingar við Klettaborgir á Akureyri en einnig
fjölda hluta, bæði stóla, hillur og húsbúnað, og hlotið
margar viðurkenningar fyrir verk sín.
Morgunblaðið/Sverrir
Sigurður Gústafsson
Þessi ruggustóll sem er hannaður af Sigurði Gústafssyni nefnist
Rock’n’roll.
Sigurður hefur hannað blaðahillu,
sem er að koma á markaðinn og ber
heitið DNA, en þar notar hann dna-
kerfið sem strúktúr.
Lampinn Take away. Framleiðsla á
honum fer nú fram í Svíþjóð.