Morgunblaðið - 21.05.2003, Blaðsíða 2

2 B MIÐVIKUDAGUR 21. MAÍ 2003 MORGUNBLAÐIÐ
bílar
Útvarp
MP3 MMC
Allt að 300 laga
geymslurými
Tilboð kr. 49.900,-
Útvarp
4 x 40w
5 diska CD
8w GSM
Handfrjáls búnaður
Tilboð kr. 79.900,-ALLT Í EINUM PAKKA
Radíóþjónusta Bílanausts
Síðumúla 17, sími 588 8282
SALA - ÍSETNING - TÆKNIRÁÐGJÖF
15 TÍMA TÓNLIST
LOS ANGELESANTARIS TILBOÐ
Jeep Grand Cherokee Limited árg. 1999, ek. 70 þ. km,
4700cc, sjálfskiptur, leður, lúga, ABS, geisladiskamagsín,
fjarst. samlæsingar, allt rafdrifið.
Verð 3.550.000.
Tilboðsverð 3.150.000.
Áhvílandi gott lán.
RÚNAR Jónsson, tí-
faldur Íslandsmeistari
í ralli, snýr nú aftur
til keppni eftir veik-
indi. Hann náði
undraverðum bata
eftir að hafa fengið
góðkynja æxli í heila
sem fjarlægt var í
ágústmánuði í fyrra á
sjúkrahúsi í Svíþjóð.
„Ég lít lífið öðrum
augum og met það
öðruvísi. Ég komst
mjög nálægt strikinu
og auðvitað breytist
viðhorfið þegar maður
áttar sig á því hvað
það stutt leið milli lífs
og dauða. Ég held að
þetta breyti mér
samt ekki sem öku-
manni.“
Rúnar kveðst þó
ekki vera búinn að ná
sínum fyrri styrk en
ætlar sér engu að
síður stóra hluti í
sumar með bróður
sínum og aðstoðar-
ökumanni, Baldri
Jónssyni.
Rúnar byrjaði að keppa í ralli
sem aðstoðarökumaður föður
síns, Jóns Ragnarssonar, þegar
hann var fimmtán ára gamall.
Hann er því að hefja sitt nítjánda
keppnistímabil. Íslandsmeistari
hefur hann orðið tíu sinnum. Ís-
landsmeistari í Íslandsmeist-
aratignum í ralli er hins vegar
Jón faðir Rúnars.
„Við Baldur höfum keppt sam-
an áður. Við fórum t.d. saman til
Bretlands til keppni haustið 2001
og svo byrjuðum við saman í
fyrra en ég gat bara lokið einni
keppni áður en ég veiktist,“ segir
Rúnar.
„Það þurfti að opna á mér höf-
uðið og fjarlægja þetta. Fyrst
þegar ég heyrði af þessu hélt ég
að þetta væri miklu minna heldur
en það var. Svo kom í ljós að það
varð að gera þetta í Svíþjóð.
Þetta var eiginlega fáránleg
staða því ég hafði verið frískur
fram að þessu,“ segir Rúnar sem
var í 13 klukkustundir á skurð-
arborðinu.
Rúnar segir að það hafi komið
sér á óvart hve lasburða hann
var eftir aðgerðina. Hann hafði
aldrei verið í betra líkamlegu
formi þegar hann veiktist og seg-
ir að það hafi örugglega hjálpað
sér að ná bata fyrr en ella. Til að
undirbúa sig fyrir keppn-
istímabilið hefur Rúnar æft þrek
en kveðst ekki ennþá búinn að ná
upp fullu þoli. Til að ná árangri í
rallkeppnum þurfa ökumenn að
vera í góðu líkamlegu ástandi því
aksturinn tekur mikið á.
Subaru Legacy, keppnisbíll
Rúnars og Baldurs, kom til
landsins í gær eftir yfirhalningu í
Bretlandi.
Hvernig líst Rúnari á keppn-
istímabilið?
„Sigurður Bragi og Ísak á
Metro verða aðalkeppinautarnir á
þessu ári og mér skilst að þeir
ætli sér titilinn í ár. Ég veit að
Sigurður Bragi hefur aldrei komið
jafnvel undirbúinn og sömuleiðis
Ísak. Þeir koma sterkir til leiks.
Ég og Baldur munum keyra okk-
ur hægt og bítandi upp og sjá til
hvaða hraða ég næ. Ég næ auð-
vitað ekki mínum fyrri hraða
strax. Við förum því í þetta þétt
og örugglega og spurning hvað
það dugar. Auðvitað stefnum við
alltaf að sigri en höfum skyn-
semina að leiðarljósi.“
Rúnar er giftur og þriggja
barna faðir. „Ef eitthvað er þá
hefði ég frekar viljað draga í land
núna en konan mín ýtti mér
áfram. Hún er minn dyggasti
stuðningsmaður,“ segir Rúnar.
Tífaldur Ís-
landsmeistari
snýr aftur
Morgunblaðið/Árni Torfason
Rúnar Jónsson er tilbúinn í rallslaginn á ný.
NÁM í bíliðngreinum þ.m.t. bifvéla-
virkjun hefur farið fram í Borgar-
holtsskólanum (BHS) í Reykjavík
frá stofnun hans árið 1996. Árlega
hafa 20 til 30 unglingar úrskrifast af
námsbraut í bifvélavirkjun frá skól-
anum. Það er ekki þar með sagt að
þeir hefji störf í greininni því þeim
hefur fækkað sem taka sveinspróf í
bifvélavirkjun. Kerfið er nefnilega
þannig að nemendur sem læra bif-
vélavirkjun í BHS fá ekki starfsheiti
fyrr en þeir hafa tekið sérstakt próf,
sveinspróf, hjá sjálfseignarstofnun-
inni Fræðslumiðstöð bílgreina
(FMB) og lokið 12 mánaða starfs-
þjálfun á bifreiðaverkstæði hjá um-
boði eða sjálfstætt starfandi bifvéla-
virkjameistara. Skólinn ræður engu
um það hvort nemendur komast í
starfsþjálfun og sannast sagna þá
hefur nemendum gengið illa að verða
sér úti um starfsþjálfunarpláss á
bílaverkstæðum undanfarið. Nem-
endur sem hafa útskrifast úr bíla-
deild BHS þykja, sem betur fer,
gjaldgengir í ýmis störf og nám;
margir hafa farið í háskóla bæði hér
heima og erlendis.
Á hverri námsönn eru u.þ.b. 100
unglingar í námi í bíliðngreinum, bif-
reiðasmíði, bifvélavirkjun og bíla-
málun í BHS, og nánast allir útskrif-
ast að lokum í einhverri af
fyrrnefndum iðngreinum. Námið í
skólanum er yfirgripsmikið enda
spanna starfsgreinar bíliðnamanna
mjög breitt svið. Námið er samtvinn-
að verklegt og bóklegt og kennt er í
lotum. Þetta þýðir að nemendur eru
aðeins með eina námsgrein í einu og
ljúka henni áður en næsta er tekin
fyrir. Svo dæmi sé tekið af samsetn-
ingu námsins þá er námsefni um
bílarafmagn 700 kennslustundir af
1.568 kennslustunda fagnámi í bif-
vélavirkjun eða um 45% þess. Brott-
fall úr námi sem virðist landlægt er
nánast ekkert meðal nemenda í bíla-
deildinni.
Það er nokkuð árvisst að talsmenn
„atvinnulífsins“ gefi yfirlýsingar um
slappleika skólanna og getuleysi
þeirra til að standa undir þeim mark-
miðum sem þeim eru sett. Skóla-
mönnum er það vorkunn að þegja
undir gagnrýni sem oft er óverð-
skulduð í stað þess að svara fullum
hálsi. Geri þeir það er þeim nuddað
upp úr því að vera neikvæðir, ósam-
vinnuþýðir og á móti atvinnulífinu!
Hvað bíladeild BHS varðar eru þau
fyrirtæki teljandi á fingrum sér sem
sýnt hafa bifvélavirkjahluta deildar-
innar áhuga t.d. með því að gefa
kennurunum kost á að kynnast nýj-
ungum í bifreiðum eða leggja til
tæknilegar upplýsingar um þær.
Fyrirtæki og þjónustuaðilar í bíla-
málun hafa hins vegar stutt námið í
þeirri grein af miklum myndarskap
og eiga þau skilið að það sé nefnt og
þeim þakkað.
Nám í bíliðnum í
Borgarholtsskólanum
Ingibergur Elíasson, kennslu-
stjóri bíliðna í Borgarholts-
skóla, segir nokkuð árvisst að
talsmenn „atvinnulífsins“ gefi
yfirlýsingar um slappleika
skólanna og getuleysi þeirra
til að standa undir þeim mark-
miðum sem þeim eru sett.
Frá kennslu í rafmagnsfræðum í Borgarholtsskóla.
20 til 30 unglingar útskrifast af námsbraut í bifvélavirkjun frá Borgarholts-
skóla árlega.
Höfundur er bifvélavirkjameistari og
kennslustjóri bíliðna í Borgarholts-
skóla.