Morgunblaðið - 23.05.2003, Blaðsíða 5
MORGUNBLAÐIÐ FÖSTUDAGUR 23. MAÍ 2003 B 5
N
OKKUÐ vítt er til
veggja og á milli rekka í
glænýrri Krónuverslun,
sem opnuð verður með
pomp og prakt á morgun
í húsnæði Húsgagnahallarinnar á
Bíldshöfða enda er verslunin sú
stærsta í Krónukeðjunni sem opnuð
hefur verið til þessa. Verslunin, sem
er á jarðhæð, er jafnframt níunda
Krónuverslunin sem til verður og er
stefnt að því að opna tvær til fjórar
Krónuverslanir til viðbótar á árinu.
Fyrstu fjórar Krónubúðirnar, þ.e.
verslanir við Skeifuna og Hring-
braut í Reykjavík, Hvaleyrarbraut í
Hafnarfirði og á Selfossi, voru opn-
aðar sama daginn í desember árið
2000, en síðan þá hafa bæst í hópinn
verslanir á Höfn í Hornafirði, í Vest-
mannaeyjum, í Mosfellsbæ, við
Dalshraun í Hafnarfirði og nú síðast
í Húsgagnahöllinni á Bíldshöfða.
Áhersla á sérvöru
Krónan er alfarið í eigu Kaupáss
hf. og hyggst nú á næstunni hefja
aukna sókn í samkeppni lágverðs-
verslana, að sögn þeirra Sigurðar
Teitssonar, framkvæmdastjóra
matvörusviðs Kaupáss, og Sigurjóns
Bjarnasonar, rekstrarstjóra Krónu-
búðanna. Búið er að móta nýtt útlit
fyrir verslanirnar, stofnað verður til
nýrra búða með glænýjum innrétt-
ingum, auk þess sem eldri búðir fá
andlitslyftingu, gangar verða gerðir
breiðari og stefnt er að því að allt
viðmót í Krónuverslunum verði nú-
tímalegra og þægilegra en menn
hafa vanist til þessa í lágverðsversl-
unum. Lögð verður sérstök áhersla
á aukið vöruúrval, en í nýju versl-
uninni er sérvara ýmis konar mjög
áberandi sem telst til nýjunga hjá
Krónunni. „Við ætlum að leggja sér-
staka rækt við sérvöru, svo sem leik-
föng, búsáhöld, nærfatnað, skófatn-
að, verkfæri, grill, tölvur og
prentara, svo fátt eitt sé nefnt og
munum verða með fjölda spennandi
opnunartilboða á sérvörunni um
helgina,“ segir Sigurjón. Nýja
Krónubúðin á Bíldshöfða er sú
stærsta til þessa, alls um 900 fer-
metrar að stærð og stefnan verður
að hafa breitt vöruúrval með áherslu
á sérvöru og nýjungar af ýmsum
toga. „Sérstaða okkar verður með
öðrum orðum fólgin í miklu mat-
vöruúrvali og auknu sérvöruúrvali
svo að okkar viðskiptavinir geti lokið
innkaupunum á einum stað og þurfi
ekki annað til að klára þau. Í dag er-
um við orðin mjög sátt við úrvalið í
matvörunni og munum einbeita okk-
ur á næstunni betur að sérvörunni
til að geta boðið lægra verð,“ segir
Sigurjón.
Eigum fullt erindi
Auk Krónunnar á og rekur
Kaupás hf. bæði Nóatúnsversl-
anirnar og 11-11 búðirnar þó segja
megi að hver þessara keðja starfi
eftir sinni viðskiptahugmynd. Krón-
an er lágverðsverslun með minnsta
þjónustustigið, Nóatún með mesta
þjónustu og mesta úrvalið, kjötborð,
salatbar, heitan mat og brauðbakst-
ur. Flestar eru hinsvegar 11-11
verslanirnar, þar sem opnunartím-
inn er hvað lengstur. Þegar Sig-
urður er spurður hvort ekki hafi ver-
ið að bera í bakkafullan lækinn að
koma með eina matvörukeðjuna í
viðbót á markaðinn með tilkomu
Krónunnar fyrir hálfu þriðja ári,
svarar hann því til að svo hafi alls
ekki verið. Krónan eigi fullt erindi á
markaðinn. Það að ráða yfir þremur
mismunandi keðjum gefi Kaupási
færi á að gera innbyrðis breytingar
með því t.d. að gera 11-11 búð eða
Nóatúnsbúð að Krónubúð og öfugt.
Sömuleiðis hafi matvörumarkaður-
inn smátt og smátt farið stækkandi
og hafi keppinauturinn þar með ver-
ið að gleypa sífellt stærri sneið af
kökunni. „Við ætlum að veita keppi-
nautum í lágverðsverslun harða
samkeppni og stefnum á að auka
hlutdeild Krónunnar til muna á
næstu árum með öllum þeim ráðum,
sem tiltæk eru. Við hyggjumst ná
aukinni markaðshlutdeild með meiri
markaðssetningu, fleiri staðsetning-
um og betri verðum eftir því sem við
náum meiri sölu og aukinni hag-
kvæmni. Stækkun Krónunnar er
viðleitni í þá veru að bjóða sam-
keppninni byrginn. Því styrkari sem
við verðum, þeim mun samkeppnis-
færari verðum við.“
Sigurður dregur enga dul á það að
helsti keppinautur Krónunnar á lág-
verðsmarkaði sé Bónus og þar sé við
ansi harða samkeppni að etja. „Full-
yrða má að Kaupás sé eina fyrir-
tækið, sem hafi haldið það út að vera
í samkeppni við Bónuskeðjuna, en í
verðkönnunum hefur Krónan yfir-
leitt náð að vera næstlægst. Sam-
keppnin er auðvitað hörðust í verð-
unum. Menn eru að slást alla daga
og eru að fylgjast með verðum hvor-
ir hjá öðrum á hverjum einasta degi.
Við erum til að mynda með heilan
starfsmann í því að keyra á milli
verslana til að kanna verð á hinum
og þessum vörum og fáum þannig
inn nýjustu verðin hjá samkeppnis-
aðilum. Þá svörum við með því að
koma með eitthvað nýtt og spenn-
andi inn á markaðinn sem gengur á
hverjum tíma. Svona gerast kaupin
á eyrinni.“
Nóg af bílastæðum
Ljóst er, að sögn Sigurðar, að
Krónan hefur hlotið góðar viðtökur
enda hafa lágverðsverslanir vaxið
mest innan matvörugeirans á allra
síðustu árum. Staðsetning nýju
Krónubúðarinnar uppi á Bíldshöfða
sé að sama skapi frábær. Búðin sé í
nálægð við fjölmörg íbúðahverfi auk
þess sem kjörið sé fyrir ferðafólk að
gera þarna innkaupin áður en haldið
er út úr borginni. Nóg sé af bíla-
stæðum fyrir utan búðina fyrir bíl-
ana, fellihýsin og tjaldvagnana. „Við
bjóðum alla hjartanlega velkomna í
heimsókn um helgina því mikið verð-
ur um dýrðir,“ segir Sigurður að lok-
um.
Sérstök áhersla verður lögð á fjölbreytt úrval sérvöru í Krónubúðinni á Bíldshöfða.
Sækjum fram á
lágverðsmarkaði
Morgunblaðið/Árni Torfason
Sigurður Teitsson, framkvæmdastjóri matvörusviðs Kaupáss, og Sigurjón
Bjarnason, rekstrarstjóri Krónubúðanna.
Ný Krónuverslun, sú
stærsta hingað til, verð-
ur opnuð í verslanahöll
Kaupáss við Bíldshöfða
á morgun. Þeir Sigurður
Teitsson framkvæmda-
stjóri matvörusviðs
Kaupáss og Sigurjón
Bjarnason rekstrarstjóri
Krónubúðanna segja að
þótt samkeppnin á lág-
verðsmarkaði sé grimm
sé Krónan staðráðin í að
ná til sín aukinni mark-
aðshlutdeild með þeim
ráðum sem tiltæk séu.
nýtt hlutverk. Þarna er t.d. komið inn
öflugt bakarí með konditori og síðan
eru tvær hæðir óinnréttaðar og er
meiningin að þróa þær frekar.“
Þetta hefur verið viðamikið verk-
efni?
„Já, mjög.“
Og mikið álag eins og alltaf þegar
ráðist er í svona framkvæmdir?
„Já, þetta er eiginlega það sem kall-
að er að hanna og byggja um leið,“
svarar Valdimar og hlær.
Hann segir að húsið hafi verið endur-
hannað frá grunni, inngöngum breytt
og öll lýsing, gólfefni, stigar og handrið
fært í nútímahorf.
Er húsið óþekkjanlegt?
„Nei, það ber alltaf sterkan svip í
borgarmyndinni og er áberandi sem
verslunarhús við mjög fjölfarin gatna-
mót.“
En að innan?
„Já, húsið hefur alveg skipt um kar-
akter að innan. Það hefur líka fengið
arhúsa í Evrópu
Morgunblaðið/Árni Torfason
Arkitektarnir Valdimar Harðarson og Júlía P. Andersen hjá Ask, Arkitektum Skóg-
arhlíð, sem báru hitann og þungann af endurhönnun Húsgagnahallarinnar.