Morgunblaðið - 23.05.2003, Qupperneq 1
F Ö S T U D A G U R 2 3 . M A Í 2 0 0 3 B L A Ð C
F-BEKKURINN Í HÓFI/2 ATLAGA AÐ ÍMYNDUM/4
SNÚIÐ ÚT ÚR STAÐALÍMYNDUM/5 BORGARBARN EÐA
GEIMALDARGLYÐRA?/6 AUÐLESIÐ EFNI/8
STRANDFATNAÐUR er tekinn aðseljast í íslenskum verslunum,enda landinn þegar í maí farinn að
spóka sig á erlendum sólarströndum. Á
næsta leiti er svo íslenska sumarið í allri
sinni dýrð og sundlaugar í sveit og
byggð fyllast af fólki.
Í baðfatnaði gætir tískustrauma eins
og annars staðar á hönnunarsviði.
Stundum tekur litaúrval mið af því sem
gerist almennt í kvenfatnaði og svo er
einnig í ár. Hermannagræn bikiní eru ný
af nálinni og sundfatnaður í felulitum
einnig. Þá eru skær, einlit bikiní
áberandi, í sömu gulu, bleiku, rauðu,
grænu og túrkísbláu litunum og flík-
urnar sem nú sjást í gluggum tísku-
verslana. Enn fremur ratar röndótta
bylgjan inn í baðfatahillurnar.
Talsvert færist í vöxt að ungar konur
komi sér upp tveimur settum af sundfatn-
aði, annars vegar til þess að synda í og hins
vegar til þess að sleikja sólina. „Ef ætlunin
er að vera bara í heita pottinum með vin-
unum, þá virðast stúlkurnar kjósa efn-
isminni baðföt,“ segja stúlkurnar í Útilífi.
Þær benda á að bikiní-buxur, lágar í mittið,
njóti vinsælda hjá unglingsstúlkum og þá
annaðhvort mynstraðar eða einlitar. Þá séu
brjóstahöld með púðum einnig talsvert eftir-
sótt. „Bikiníin frá Seafolly eru svo þannig að
hægt er að raða saman mismunandi númerum
eða sniðum eftir þörfum,“ segir Guðlaug Þórð-
ardóttir, deildarstjóri í sportdeildinni, og á við
að toppar og buxur séu seld stök. Það kemur
sér vel fyrir margan viðskiptavininn, enda hver
með sitt sköpulag. Seafolly-strandfatnaðurinn
er einnig nýstárlegur að því leyti að hægt er að
fá töskur og hatta í stíl við sum bikiníin, að
ógleymdum fagurlega litum sandölum.
Sænsku sundfötin frá Firefly og Etriel, sem
fást í Intersport, gefa einnig möguleika á að
raðað sé saman mismunandi númerum. Þar á
bæ njóta sterku litirnir einnig vinsælda, en
sniðin eru mismunandi. „Það eru annars vegar
tíglarnir – þríhyrnd brjóstahöld með böndum –
og hins vegar fylltir púðar,“ segir Ollý Ólafs-
dóttir, deildarstjóri í dömudeild, spurð um það
helsta. „Svo eru buxurnar frekar hátt skornar.
Það eru reyndar alltaf einhverjar sem spyrja
um bikiní-buxur með skálmum, en eftirspurnin
eftir þeim hefur þó minnkað mjög.“
Þá er enn ónefnd ein heitasta nýjungin á
markaðnum, svonefnt tankini, sem er eins kon-
ar sambland af sundbol og bikiníi. Um er að
ræða hefðbundnar bikiní-buxur og topp sem
nær niður að nafla, þannig að hlutarnir ná
nærri því saman. Í sumum tilfellum er hægt
að fá slíkan topp og brjóstahald við sömu
buxurnar, og víxla svo eftir veðri eða skapi.
Tankini-settin koma í ýmsum litum og snið-
um, oft er toppurinn bundinn fyrir aftan háls
og í flestum tilvikum eru buxurnar hátt
skornar.
Í báðum verslunum eru Speedo-vörur ann-
ars vinsælastar til bókstaflegra sundferða og
æfinga, og þá sérstaklega nýja línan sem
merkt er Endurance, úr efni sem talið er
sérlega endingargott í klórbættum laugum.
Og þá er bara spurningin; er ferðinni heit-
ið í sund, eða einungis á sundlaugarbakkann
sjálfan?
Saltbragð af strandtísku
Morgunblaðið/Árni Torfason
Bikiní – Röndótta bylgjan ratar inn í baðfatahillur búðanna sem og einlit
bikiní með ýmsu sniði; skærlituð, hermannagræn eða í felulitum. T.v. eru
tvær gerðir af bikiníi frá Intersport en t.h. tvær frá Útilífi. S
U
M
A
R
IÐ
2
0
0
3
Samfestingar í ýmsum útfærslum. Franskt póstkort 1905.
B
A
Ð
FA
TN
A
Ð
U
R
Á sandi, í sundi, á landi
7